India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 7, 2024
தமன்னாவின் நடிப்பைப் பாராட்டிய விஜய் வர்மா
சுந்தர்.சி இயக்கி, நடித்துள்ள ‘அரண்மனை-4’ படம் வெளியாகி நல்ல வரவேற்பைப் பெற்றுவருகிறது. இப்படத்தில் நாயகிகளாக தமன்னா, ராஷி கண்ணா ஆகியோர் நடித்துள்ளனர். படம் கலவையான விமர்சனங்களைப் பெற்றாலும், தமன்னாவின் நடிப்பில் பலராலும் பாராட்டப்படுகிறது. இந்நிலையில், தமன்னாவின் காதலர் விஜய் வர்மா அவரைப் பாராட்டி, அரண்மனை 4-ல் உங்களுக்கு கிடைத்த வரவேற்புக்கு வாழ்த்துகள் என சமூக வலைத்தளத்தில் பதிவிட்டுள்ளார்.
News May 7, 2024
நாளைய நாட்டுக்கு நாயகர்கள் ஆக வாருங்கள்
+2 தேர்வில் தேர்ச்சி பெற்ற மாணவர்களுக்கு மநீம தலைவர் கமல்ஹாசன் வாழ்த்து தெரிவித்துள்ளார். வெற்றிபெற்ற மாணவர்களுக்கு, உங்கள் முன் மேற்படிப்புக்காக வாய்ப்புகள் கொட்டிக்கிடக்கின்றன. அதிலும் வெற்றிபெற்று நாளைய நாட்டுக்கு நாயகர்கள் ஆகலாம் வாருங்கள் என வாழ்த்தியுள்ளார். மேலும், தேர்வில் தோல்வியடைந்த மாணவர்களுக்கு, உங்களுக்கான வெற்றிகள் அடுத்தடுத்துக் காத்திருக்கின்றன என தைரியம் அளித்துள்ளார்.
News May 7, 2024
முடிவுக்கு வரும் ஹமாஸ் – இஸ்ரேல் போர்?
பல மாதங்களாக நீடித்து வந்த இஸ்ரேல் – ஹமாஸ் போர் நிறுத்தத்திற்கு ஹமாஸ் ஒப்புதல் அளித்துள்ளது. கத்தார் பிரதமர், எகிப்து உள்துறை அமைச்சரிடம் தொலைபேசி வாயிலாக ஒப்புதல் அளித்ததாக ஹமாஸ் தெரிவித்துள்ளது. இதற்காக ஹமாஸ் தரப்பில் வைக்கப்பட்ட கோரிக்கைகள் என்ன என்பது குறித்த தகவல்கள் வெளியாகவில்லை. ஹமாஸ் படையால் ஏற்றுக்கொள்ளப்பட்ட போர் நிறுத்தப் பரிந்துரையை இஸ்ரேல் ஆய்வு செய்து வருவதாக தகவல் வெளியாகியுள்ளது.
News May 7, 2024
ராஜஸ்தானை சமாளிக்குமா டெல்லி கேபிடல்ஸ்?
டெல்லியில் அருண் ஜெட்லி மைதானத்தில் இன்று நடைபெறும் 56ஆவது ஐபிஎல் போட்டியில் டெல்லி மற்றும் ராஜஸ்தான் அணிகள் மோதுகின்றன. இதுவரை 10 போட்டிகளில் விளையாடியுள்ள ராஜஸ்தான் அணி 8 போட்டிகளில் வெற்றிபெற்று பட்டியலில் இரண்டாவது இடத்தில் உள்ளது. அதேநேரம், 11 போட்டிகளில் விளையாடி 5 வெற்றிபெற்றுள்ள டெல்லி அணி 6ஆவது இடத்தில் உள்ளது. இன்று எந்த அணி வெற்றிபெறும்? என கமெண்ட் பண்ணுங்க.
News May 7, 2024
இன்றைய நல்ல நேரம்
▶மே – 7, சித்திரை – 24 ▶கிழமை – செவ்வாய் ▶நல்ல நேரம்: 7:00 AM – 8:30 AM, 4:00 PM – 5:30 PM ▶கெளரி நல்ல நேரம்: 1:30 AM – 2:30 AM, 7:30 PM – 8:30 PM ▶ராகு காலம்: 3:00 PM – 4:30 PM ▶எமகண்டம்: 9:00 AM – 10:30 AM ▶குளிகை நேரம்: 12:00 PM – 1:30 PM ▶பிறை: தேய்பிறை ▶சூலம்: வடக்கு ▶பரிகாரம்: பால் ▶திதி: அமாவாசை
News May 7, 2024
‘மஞ்சுமெல் பாய்ஸ்’ படத்தை புகழ்ந்த ராஷி கண்ணா
கடந்த பிப்ரவரியில் வெளியான ‘மஞ்சுமெல் பாய்ஸ்’ படம் உலகம் முழுவதும் ₹200 கோடிக்கும் மேல் வசூலித்து சாதனை படைத்தது. இதையடுத்து கடந்த 5ஆம் தேதி ஓடிடி-யில் வெளியாகி அதிலும் பல சாதனைகள் படைத்து வருகிறது. இந்நிலையில், இப்படத்தை புகழ்ந்து நடிகை ராஷி கண்ணா தனது இன்ஸ்ட்டா பக்கத்தில் பகிர்ந்துள்ளார். அதில், “இப்படம் ஒரு ரத்தினம். இப்படம் பெறும் பாராட்டுக்களுக்கு உண்மையாகவே தகுதியானது” எனப் புகழ்ந்துள்ளார்.
News May 7, 2024
இந்தியாவை சூப்பர் பவர் கொண்ட நாடாக மாற்றுவோம்
2027க்குள் இந்திய உலகின் 3ஆவது பெரிய பொருளாதார நாடாக உருவெடுக்கும் என உலகளாவிய நிறுவனங்கள் பேசிவருவதாக ராஜ்நாத் சிங் கூறியுள்ளார். உத்தர பிரதேசத்தில் நடந்த நிகழ்ச்சி ஒன்றில் பேசிய அவர், 2014 வரை காங்., ஆட்சி செய்தபோது பொருளாதாரத்தில் 11ஆவது இடத்தில் இருந்த இந்தியா தற்போது 5ஆவது இடத்தில் இருப்பதாகக் பெருமிதம் தெரிவித்தார். மேலும், இந்தியாவை சூப்பர் பவர் கொண்ட நாடாக மாற்ற விரும்புவதாகக் கூறினார்.
News May 7, 2024
தாமதமாக வழங்கியதாக ₹1 லட்சம் அபராதம்
பயணியின் உடைமைகளைத் தாமதமாக வழங்கியதாக ஸ்பைஸ்ஜெட் நிறுவனத்துக்கு ₹1 லட்சம் அபராதம் விதிக்கப்பட்டுள்ளது. கடந்த ஆண்டு மதுரையைச் சேர்ந்த நபர் ஒருவர் ஸ்பைஸ்ஜெட் விமானத்தில் துபாய்க்கு சென்றுள்ளார். தனது உடைமைகள் தாமதமாக வழங்கப்பட்டதால் வேலையை சரியான நேரத்தில் முடிக்க இயலவில்லை எனக்கூறி நுகர்வோர் நீதிமன்றத்தில் வழக்கு தொடர்ந்தார். இந்த வழக்கில் தற்போது ₹1 லட்சம் அபராதம் விதிக்கப்பட்டுள்ளது.
News May 7, 2024
அம்பேத்கர் பொன்மொழிகள்
* ஒரு லட்சியத்தை எடுத்துக்கொள்ளுங்கள் அதை அடைவதற்காக விடா முயற்சியுடன் உழைத்து முன்னேறுங்கள்.
* கடவுளுக்கு செலுத்தும் காணிக்கையை உன் பிள்ளையின் கல்விக்கு செலுத்து அது உனக்கு பயன் தரும்.
* பெண்கள் அடைந்துள்ள முன்னேற்றத்தின் அளவைக் கொண்டு, ஒரு சமூகத்தின் முன்னேற்றத்தை அளவிடலாம்.
* சமூகத்தால் நிகழ்த்தப்படும் சர்வாதிகாரம், அரசியலால் செய்யப்படும் சர்வாதிகாரத்தை காட்டிலும் கொடியது.
News May 7, 2024
இந்திய மகளிர் கிரிக்கெட் அணி அபார வெற்றி
வங்க தேசம் மகளிர் அணிக்கு எதிரான நான்காவது டி20 போட்டியில் இந்திய மகளிர் அணி 56 ரன்கள் வித்தியாசத்தில் அபார வெற்றிபெற்றுள்ளது. போட்டி தொடங்கும் முன்பே மழை குறுக்கிட்டதால் போட்டி 14 ஓவராகக் குறைக்கப்பட்டது. இதையடுத்து முதலில் ஆடிய இந்தியா 6 விக்கெட்டுகளை இழந்து 122 ரன்கள் குவித்தது. பின்னர் ஆடிய வங்க தேசம் அணி 14 ஓவரில் 7 விக்கெட்டுகளை இழந்து 68 ரன்கள் மட்டுமே எடுத்து தோல்வியடைந்தது.
Featured News
Sorry, no posts matched your criteria.