India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 29, 2024
பிரதீப் ரங்கநாதனுக்கு ஜோடியாக மமிதா பைஜூ?
‘லவ் டுடே’ படத்தில் ஹீரோவாக நடித்து அசத்திய இயக்குநர் பிரதீப் ரங்கநாதனுக்கு அடுத்தடுத்து ஹீரோ வாய்ப்புகள் குவிந்து வருகிறது. அந்த வகையில் இயக்குநர் சுதா கொங்கராவின் உதவி இயக்குநர் எடுக்கும் படத்திலும் பிரதீப் ஹீரோவாக நடிக்க உள்ளார். இதில் அவருக்கு ஜோடியாக பிரபல மலையாள நடிகை மமிதா பைஜூ நடிக்க உள்ளதாக தகவல் வெளியாகியுள்ளது. இவர் ‘பிரேமலு’ படத்தில் நாயகியாக நடித்தவர் என்பது குறிப்பிடத்தக்கது.
News May 29, 2024
வடமாநிலங்களை புரட்டிப்போட்ட கனமழை
வங்கக்கடலில் உருவான ராமெல் புயல் நேற்றுமுன்தினம் வங்க தேசம் மற்றும் மேற்கு வங்கம் இடையே கரையைக் கடந்தது. புயல் கரையைக் கடந்த பின்னும் அசாம், மணிப்பூர், மிசோரம், நாகாலாந்து மேகாலயா உள்ளிட்ட மாநிலங்களில் கனமழை பெய்தது. மழை காரணமாக பல்வேறு இடங்களில் நிலச்சரிவும் ஏற்பட்டு போக்குவரத்து துண்டிக்கப்பட்டுள்ளது. மழை காரணமாக ஏராளமானோர் உயிரிழந்திருப்பதாகவும் அங்கிருந்து வரும் தகவல்கள் தெரிவிக்கின்றன.
News May 29, 2024
இந்த சாதனை விராட் கோலி வசமே உள்ளது
டி20 உலகக் கோப்பை வரலாற்றில் அதிக அரைசதம் அடித்த வீரர் என்ற சாதனை விராட் கோலி (14) வசமே உள்ளது. இவருக்கு அடுத்தபடியாக கிறிஸ் கெய்ல் (9), ரோஹித் ஷர்மா (9), ஜெயவர்த்தனே (7), தில்ஷன் (6), வார்னர் (6) ஆகியோர் உள்ளனர். இந்த ஆண்டு டி20 உலகக் கோப்பை தொடர் ஜூன் 2 ஆம் தேதி தொடங்க உள்ள நிலையில் சிறந்த ஃபார்மில் இருக்கும் விராட் கோலி மேலும் பல சாதனைகள் படைப்பார் என எதிர்பார்க்கப்படுகிறது.
News May 29, 2024
சிறப்பு பிரிவு மாணவர்களுக்கு நாளை வரை கலந்தாய்வு
தமிழகத்தில் உள்ள அரசு கலை, அறிவியல் கல்லூரிகளில் மொத்தம் உள்ள 1 லட்சத்திற்கும் மேற்பட்ட இடங்களுக்கு 2 லட்சத்து 10 ஆயிரம் மாணவர்கள் விண்ணப்பித்திருந்தனர். இதில் சிறப்பு பிரிவு மாணவர்களுக்கு நேற்று முதல் கலந்தாய்வு தொடங்கிய நிலையில், நாளை வரை (மே 30) நடைபெற உள்ளது. இதையடுத்து பொதுப்பிரிவு மாணவர்களுக்கான கலந்தாய்வு ஜூன் 10 – 15 மற்றும் ஜூன் 24 – 29 என இரண்டு கட்டங்களாக நடைபெற உள்ளது.
News May 29, 2024
இன்றைய நல்ல நேரம்
▶மே – 29 ▶வைகாசி – 16 ▶கிழமை: புதன் ▶நல்ல நேரம்: 9:30 AM – 10:30 AM வரை, 4:30 PM – 5:30 PM வரை ▶கெளரி நல்ல நேரம்: 10:30 AM – 11:30 AM வரை, 6:30 PM – 7:30 PM வரை ▶ராகு காலம்: 12:00 PM – 1:30 PM வரை ▶எமகண்டம்: 7:30 AM – 9:00 AM வரை ▶குளிகை: 10:30 AM – 12:00 PM வரை ▶சூலம்: வடக்கு ▶பரிகாரம்: பால் ▶ திதி: சப்தமி ▶ பிறை: தேய்பிறை
News May 29, 2024
மகாகாலேஸ்வரர் கோயிலில் ராசி கண்ணா சாமி தரிசனம்
தமிழ் சினிமாவில் வளர்ந்துவரும் நடிகையான ராசி கண்ணா பல திரைப்படங்களில் நாயகியாக நடித்துள்ளார். இந்நிலையில், சமீபத்தில் இவர் நடிகை வாணி கபூருடன் இணைந்து மத்திய பிரதேச மாநிலம் உஜ்ஜெயினில் உள்ள மகாகாலேஸ்வரர் கோயிலில் சாமி தரிசனம் செய்துள்ளார். தரிசனத்திற்குப் பின் அவர் கூறுகையில், தரிசனத்திற்குப் பின் மிக மகிழ்ச்சியாக உணர்ந்தோம். மகாகாலேஸ்வரர் எங்களை மீண்டும் அழைப்பார் என நம்புகிறோம் என்றார்.
News May 29, 2024
பிரதமர் வருகையை முன்னிட்டு பலத்த பாதுகாப்பு
கன்னியாகுமரியில் உள்ள விவேகானந்தர் மண்டபத்தில் தியானம் செய்வதற்காக பிரதமர் மோடி நாளை குமரிக்கு வருகிறார். அவரது வருகையை முன்னிட்டு அங்கு பலத்த பாதுகாப்பு போடப்பட்டுள்ளது. சோதனைச் சாவடிகளில் போலீசாரும், கடல் பகுதிகளில் கடலோர காவல் படையினரும் பாதுகாப்பு பணியில் ஈடுபட்டுள்ளனர். பிரதமரின் வருகையை முன்னிட்டு மே 30,31 மற்றும் ஜூன் 1 ஆகிய நாள்களில் சுற்றுலாப் பயணிகளுக்கு அனுமதி மறுக்கப்பட்டுள்ளது.
News May 29, 2024
அதை நிரூபித்தால் அரசியலை விட்டு விலகுவேன்
கடந்த சில தினங்களாக பாஜகவைச் சேர்ந்த பலரும் மறைந்த முன்னாள் முதல்வர் ஜெயலலிதாவை இந்துத்துவா தலைவர் எனக் கூறி வருகின்றனர். மேலும், ஜெயலலிதா கரசேவைக்கு ஆள்களை அனுப்பினார் என்றும் தமிழிசை சௌந்தரராஜன் கூறியிருந்தார். இதற்கு எதிர்ப்பு தெரிவித்துள்ள அதிமுக முன்னாள் அமைச்சர் ஜெயக்குமார், தமிழிசை கூறுவது பொய்யான கருத்து. அவர் கூறியதை நிரூபித்தால் அரசியலில் இருந்து விலக தயார் எனக் கூறியுள்ளார்.
News May 29, 2024
புத்தரின் பொன்மொழிகள்
☛ பிரார்த்தனைகளை விட மிகவும் உயர்ந்தது பொறுமை தான்.
☛ வாழ்க்கையில் எதுவுமே நிலையானது இல்லை என்பதை உணர ஆரம்பித்துவிட்டால், நமக்குள் இருக்கும் ஆணவம் காணாமல் போய் விடும்.
☛ மனநிம்மதிக்கு இரு வழிகள் தான் இருக்கின்றன; ஒன்று விட்டு கொடுப்பது இல்லையெனில் விட்டு விலகுவது.
☛ அதிகமாக பேசுவதால் மட்டும் ஒருவன் அறிஞனாகிவிட மாட்டான்.
☛ உங்கள் மகிழ்ச்சிக்கும் துன்பத்திற்கும் நீங்களே காரணம்.
News May 29, 2024
இந்தியா மோதப்போகும் அணிகள் இவைதான்
டி20 உலகக் கோப்பை போட்டிகள் ஜூன் 2இல் தொடங்கி ஜூன் 29 வரை நடைபெறுகிறது. அதில் இந்தியா, அயர்லாந்து (ஜூன் 5), பாகிஸ்தான் (ஜூன் 9), அமெரிக்கா (ஜூன் 12), கனடா (ஜூன் 15) ஆகிய அணிகளை எதிர்கொள்கிறது. இதில் வெற்றிபெற்று சூப்பர் 8க்கு முன்னேறும் பட்சத்தில் நியூசிலாந்து (ஜூன் 20), இலங்கை (ஜூன் 22), ஆஸ்திரேலியா (ஜூன் 24) ஆகிய அணிகளை எதிர்கொள்ளும் என கணிக்கப்பட்டுள்ளது. இந்த முறை எந்த அணி கோப்பையை வெல்லும்?
Featured News
Sorry, no posts matched your criteria.