India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 29, 2024
பிற நடிகர்களின் படங்களில் நடிக்க ராமராஜன் முடிவு
நடித்தால் கதாநாயகனாக மட்டுமே நடிப்பேன் என ராமராஜன் உறுதியாக இருந்ததால், ஏராளமான பட வாய்ப்புகளை இழந்ததாகக் கூறப்படுவதுண்டு. அண்மையில் ராமராஜன் நடிப்பில் வெளியான சாமானியன் படத்திற்கு பெரிய அளவில் வரவேற்பு கிடைக்காததை பார்த்த ராமராஜன், இனி பெரிய நடிகர்களின் படங்களில் தனக்கு உரிய கதாபாத்திரம் கிடைக்கும்பட்சத்தில், அதை மறுக்காமல் ஏற்று நடிப்பதென முடிவு செய்து விட்டதாகக் கூறப்படுகிறது.
News May 29, 2024
ஜூன் 1ஆம் தேதி மெகா கருத்துக் கணிப்பு முடிவுகள்
7 கட்டங்களாக நடைபெறும் நாடாளுமன்றத் தேர்தல் இறுதிக்கட்டத்தை எட்டியுள்ளது. ஜூன் 1ஆம் தேதி காலை 7 மணி முதல் மாலை 6 மணி வரை 7ஆம் கட்ட வாக்குப்பதிவு நடைபெறும் நிலையில் 6.30 மணிக்கு மேல் தேர்தலுக்கு பிந்தைய கருத்துக் கணிப்புகள் வெளியாகவுள்ளன. அனைத்து முன்னணி நிறுவனங்களின் கருத்துக் கணிப்பையும் நொடிப்பொழுதில் அறிந்துகொள்ள Way2Newsஉடன் இணைந்திருங்கள்.
News May 29, 2024
டி20 உலகக் கோப்பையில் அதிக ரன் குவித்தவர்கள்
▶மேத்யூ ஹைடன் – 265 (2007) ▶தில்ஷன் – 317 (2009) ▶ஜெயவர்த்தனே – 302 (2010) ▶ஷேன் வாட்சன் – 249 (2012) ▶விராட் கோலி – 319 (2014) ▶தமீம் இக்பால் – 295 (2016) ▶பாபர் அசாம் – 303 (2021) ▶விராட் கோலி – 296 (2022). நடந்து முடிந்த 8 டி20 உலகக் கோப்பைத் தொடர்களில், இந்திய வீரர் விராட் கோலி மட்டுமே அதிகபட்சமாக 309 ரன்களும், 2 முறை அதிக ரன்களையும் குவித்துள்ளார்.
News May 29, 2024
ரஃபா தாக்குதல்: த்ரிஷா, ரஷ்மிகா இன்ஸ்டாவில் பதிவு
இஸ்ரேல் தாக்குதலில் ரஃபாவில் உள்ள பொதுமக்கள் முகாம் எரிந்து, குழந்தைகள் உள்பட 45 பேர் பலியான சம்பவம் பரபரப்பை ஏற்படுத்தியுள்ளது. இதற்கு இந்தியாவில் உள்ள பல பிரபலங்கள் இணையத்தில் கண்டனம் தெரிவித்து வருகின்றனர். அந்த வகையில் நடிகைகள் த்ரிஷா, ரஷ்மிகாவும் தங்களின் இன்ஸ்டாகிராமில் ‘All Eyes On RAFAH’ என பதிவிட்டுள்ளனர். இதன் மூலம் ரஃபா மீதான தாக்குதலை அனைவரும் கவனிக்கின்றனர் என்பது தெரிகிறது.
News May 29, 2024
இந்தியாவின் விளையாட்டு தலைநகரம் தமிழ்நாடு
முதல்வர் ஸ்டாலினின் ஆட்சியில், இந்தியாவின் விளையாட்டு தலைநகராக தமிழ்நாடு திகழ்வதாக தமிழக அரசு தெரிவித்துள்ளது. அரசு வெளியிட்டுள்ள செய்தி குறிப்பில், சர்வதேச செஸ் ஒலிம்பியாட், சர்வதேச மகளிர் டென்னிஸ் சாம்பியன்ஷிப் போட்டி, ஸ்குவாஷ் உலகக் கோப்பை, ஆசிய ஆடவர் ஹாக்கி சாம்பியன்ஷிப், கேலோ இந்தியா இளைஞர் விளையாட்டு ஆகிய போட்டிகள் கடந்த 2 ஆண்டுகளில் தமிழகத்தில் நடத்தப்பட்டதாகக் கூறப்பட்டுள்ளது.
News May 29, 2024
பாஜகவில் உள்ள குழப்பத்தை திசை திருப்பும் அண்ணாமலை?
மறைந்த முன்னாள் முதல்வர் ஜெயலலிதாவை இந்துத் தலைவர் என அண்ணாமலை திடீரென கூற 2 காரணங்கள் இருக்கலாம் என அரசியல் விமர்சகர்கள் கூறுகின்றனர். ஒன்று, அதிமுகவில் உள்ள இந்துசார்பு தலைவர்கள், வாக்குகளை பாஜக பக்கம் கொண்டு வருவதற்காக இருக்கலாம் எனக் கூறப்படுகிறது. இரண்டாவதாக, தேர்தலைத் தொடர்ந்து தமிழக பாஜகவில் நிலவும் குழப்பங்களை திசை திருப்புவதற்காக இருக்கலாம் எனச் சொல்லப்படுகிறது.
News May 29, 2024
கெஜ்ரிவாலின் ஜாமின் நீட்டிப்பு மனு நிராகரிப்பு
டெல்லி முதல்வர் அரவிந்த் கெஜ்ரிவாலின் ஜாமின் நீட்டிப்பு கோரிய மனு நிராகரிக்கப்பட்டுள்ளது. மதுபான கொள்கை ஊழல் வழக்கில் கைது செய்யப்பட்ட அவர், தேர்தலைக் காரணம் காட்டி ஜூன் 2 வரை ஜாமின் பெற்றார். இந்நிலையில், மேலும் 7 நாள்களுக்கு ஜாமினை நீட்டிக்கக்கோரி அவர் உச்சநீதிமன்றத்தில் மனு தாக்கல் செய்தார். இதன் விசாரணையில், கீழமை நீதிமன்றத்தில் விண்ணப்பிக்கும் படி கூறி அவர் மனுவை உச்சநீதிமன்றம் நிராகரித்தது.
News May 29, 2024
சிகிச்சைக்கு வந்தவர் அடித்துக்கொலை
கோவையில் தனியார் மருத்துவமனைக்குள் புகுந்து திருட முயன்றதாக ஒருவர் அடித்துக்கொல்லப்பட்ட சம்பவம் அதிர்ச்சியை ஏற்படுத்தியுள்ளது. KMCH மருத்துவமனைக்குள் புகுந்து கம்பிகளைத் திருட முயன்றதாக ராஜா என்பவரை ஊழியர்கள் சரமாரியாக தாக்கினர். இதில் பலத்த காயமடைந்த அவர் உயிரிழந்தார். சிகிச்சைக்காக சென்ற தனது கணவரை திருட வந்ததாகக் கருதி அடித்துக் கொன்றுவிட்டதாக அவரது மனைவி கண்ணீர் மல்க புகார் அளித்துள்ளார்.
News May 29, 2024
பேடிஎம் பங்குகளை வாங்குகிறார் அதானி
பேடிஎம் நிறுவனத்தின் பங்குகளை வாங்குவதற்காக அதன் நிர்வாக இயக்குநர் விஜய் சேகர் சர்மாவிடம் தொழிலதிபர் கவுதம் அதானி பேச்சுவார்தை நடத்தி வருகிறார். இந்த ஒப்பந்தம் வெற்றிகரமாக நிறைவடைந்தால், கூகுள் பே, போன் பே-ஐ எதிர்த்து அதானி களம் காண்பார் எனத் தெரிகிறது. முன்னதாக, விதிகளை மீறியதற்காக பேமெண்ட்ஸ் வங்கி சேவையில் ஈடுபட பேடிஎம் நிறுவனத்திற்கு அண்மையில் ஆர்பிஐ தடை விதித்தது குறிப்பிடத்தக்கது.
News May 29, 2024
10 ஓவர்களிலேயே போட்டியை முடித்த ஆஸ்திரேலியா
நமீபியாவுக்கு எதிரான டி20 உலகக் கோப்பை பயிற்சி ஆட்டத்தில், 7 விக்கெட்டுகள் வித்தியாசத்தில் ஆஸ்திரேலிய அணி அபார வெற்றி பெற்றுள்ளது. முதலில் ஆடிய நமீபியா அணி, 20 ஓவர்கள் முடிவில் 119/9 ரன்கள் எடுத்தது. பின்னர் களமிறங்கிய ஆஸி., அணி, 10 ஓவர்களிலேயே (123/3) இலக்கை அடைந்து மகத்தான வெற்றியை பதிவு செய்தது. அதிகபட்சமாக டேவிட் வார்னர் 54*, டிம் டேவிட் 23 ரன்களும், ஆடம் சாம்பா 3 விக்கெட்டுகளும் எடுத்தனர்.
Featured News
Sorry, no posts matched your criteria.