India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News May 31, 2024
முதல்வரின் டெல்லி பயணம் திடீர் ரத்து
மக்களவைத் தேர்தலுக்கான இறுதிக்கட்ட வாக்குப்பதிவு நாளை நடைபெற உள்ளது. ஜூன் 4இல் தேர்தல் முடிவுகள் வெளியாகும் நிலையில், INDIA கூட்டணி கட்சித் தலைவர்கள் கூட்டம் நாளை டெல்லியில் நடைபெறுகிறது. இதில் முதல்வர் ஸ்டாலின் பங்கேற்கவில்லை என்று தகவல் வெளியாகியுள்ளது. எனினும் திமுக சார்பில் டி.ஆர்.பாலு பங்கேற்பார் எனத் தெரிகிறது. ஏற்கெனவே, மம்தாவும் இக்கூட்டத்தில் கலந்துக்கொள்ளவில்லை என்று தெரிவித்துள்ளார்.
News May 31, 2024
மருத்துவக் காப்பீடு தொடர்பான அதிரடி உத்தரவு (3/3)
7. காப்பீடுத் தொகையை ரொக்கமாக இல்லாமல் வங்கி கணக்கில் ஆன்லைனில் செலுத்தும் கோரிக்கை எழுந்தால், 1 மணிநேரத்தில் தீர்வு காண வேண்டும். 8.சிகிச்சை பெறும் பயனாளி, ஒருவேளை இறக்க நேரிட்டால், நிறுவனம் விரைவாக உரிமைகோரல் தொகையை வழங்க வேண்டும். 9. உரிமைகோரல் மறு ஆய்வுக் குழுவின் ஒப்புதல் இல்லாமல், எந்த கோரிக்கையையும் நிராகரிக்க கூடாது. 10. இந்த மாற்றங்கள் அனைத்து ஜூலை 31-க்குள் நடைமுறைப்படுத்த வேண்டும்.
News May 31, 2024
மருத்துவக் காப்பீடு தொடர்பான அதிரடி உத்தரவு (2/3)
3.காப்பீடு தொகையை வங்கி கணக்கில் செலுத்தும் கோரிக்கை எழுந்தால், 1 மணி நேரத்தில் செட்டில் செய்ய வேண்டும். 4.பயனாளி டிஸ்சார்ஜ் ஆவதற்கு (3 மணி நேரம்) முன், க்ளைம் தொகைக்கு ஒப்புதல் வழங்க வேண்டும். 5.தாமதம் ஏற்பட்டால், கூடுதல் செலவை நிறுவனம், அதன் சொந்த நிதியில் இருந்து வழங்க வேண்டும். 6 காப்பீட்டை ஆண்டுதோறும் புதுப்பிக்க ஒரு மாதம் கூடுதல் அவகாசம் வழங்குவதோடு, பழைய பலனையும் அளிக்க வேண்டும்.
News May 31, 2024
மருத்துவக் காப்பீடு தொடர்பான அதிரடி உத்தரவு (1/3)
மருத்துவ காப்பீடு செய்த கோடிக்கணக்கான மக்களுக்கு பயனளிக்கும் வகையில், அவற்றின் சேவைகளை மேம்படுத்த தனியார் காப்பீட்டு நிறுவனங்களுக்கு ஐஆர்டிஏஐ அதிரடியாக உத்தரவிட்டுள்ளது. அதன் விவரம் இதோ:- 1. காப்பீட்டாளர்களின் 100% பணமில்லா கோரிக்கைகளுக்கு ஒரு மணி நேரத்தில் தீர்வு காண வேண்டும். 2. பயனாளிகளின் தேவை & பிரச்னைகளை உடனுக்குடன் தீர்க்க மருத்துவமனைகளில் தனிப்பட்ட உதவி மையங்களை ஏற்படுத்த வேண்டும்.
News May 31, 2024
ஜூன் 1 முதல் அமலுக்கு வரும் முக்கிய மாற்றங்கள்
நாளை ஜூன் மாதம் பிறக்க உள்ள நிலையில், அமலாக உள்ள முக்கிய மாற்றங்களைப் பார்க்கலாம்.
1. கேஸ் சிலிண்டர் விலையில் மாற்றம் ஏற்படலாம்
2. ஓட்டுநர் உரிமத்தை டிரைவிங் ஸ்கூல் மூலமே பெறலாம், RTO செல்லத் தேவையில்லை. எனினும், இம்முறை தமிழகத்தில் அமலாகிறதா? என்பது தெளிவுபடுத்தப்படவில்லை.
3. சிறார் வாகனம் ஓட்டினால் ₹25,000 அபராதம், RC உடனடியாக ரத்து 4. ஜூன் 14 வரை கட்டணமில்லாமல் ஆதாரை புதுப்பிக்கலாம்.
News May 31, 2024
கல்வித்துறையில் தமிழகம் முன்னிலை
தமிழகத்தின் கல்வித்துறை நாலுகால் பாய்ச்சலில் வளர்ச்சி கண்டுள்ளதாக முதல்வர் ஸ்டாலின் பெருமிதம் தெரிவித்துள்ளார். உயர் கல்வியில் இந்திய அளவில் தமிழகம் முதலிடத்தில் உள்ளதாகவும், பெண்களின் உயர் கல்விச் சேர்க்கை 34% அதிகரித்திருப்பதாகவும் கூறினார். நான் முதல்வன் திட்டம் மூலம் 27 மாணவர்கள் பயனடைந்துள்ளதாகவும், அரசுப் பள்ளிகளில் 22,931 ஸ்மார்ட் வகுப்பறைகள் ஏற்படுத்தப்பட்டுள்ளதாகவும் அவர் தெரிவித்தார்.
News May 31, 2024
பிரஜ்வாலுக்கு ஆண்மை பரிசோதனை?
ஆபாச வீடியோ வழக்கில் சிக்கிய கர்நாடக எம்.பி., பிரஜ்வால் ரேவண்ணாவிடம் ஆண்மை பரிசோதனை நடத்த சிறப்பு புலனாய்வு குழு திட்டமிட்டுள்ளதாகத் தகவல் வெளியாகியுள்ளது. பெங்களூரு விமான நிலையத்தில் கைது செய்யப்பட்ட அவர், இன்று நீதிமன்றத்தில் ஆஜர்படுத்தப்படுவார் என்று எதிர்பார்க்கப்படுகிறது. இதற்கிடையில் அவர் தரப்பில் சிறப்பு நீதிமன்றத்தில் தாக்கல் செய்யப்பட்ட முன் ஜாமின் மனு அவசர வழக்காக விசாரணைக்கு வருகிறது.
News May 31, 2024
அதிக வருமான ஈட்ட ஐ.சி.சி இப்படி செய்துள்ளதா?
அதிக வருமான ஈட்டுவதற்காக இந்தியா – பாக்., இடையே இருமுறை நடக்கும் வகையில் ஐசிசி அட்டவணையை உருவாக்கியுள்ளதாக பாசித் அலி விமர்சித்துள்ளார். அட்டவணை குறித்து பேசிய அவர், “இவ்விரு அணிகளும் நாக் அவுட் சுற்றிலும் மோதும் வகையில் அட்டவணையை உருவாக்கியுள்ளனர். பாகிஸ்தான் தற்போது கொஞ்சம் குறைவான பார்மில் உள்ளனர். மறுபுறம் ஐ.பி.எல். தொடரில் விளையாடிய இந்திய அணி சிறப்பாக இருக்கிறது” என்றார்.
News May 31, 2024
குடிநீருக்காக பாஜகவிடம் மன்றாடும் கெஜ்ரிவால்
டெல்லியில் ஏற்பட்டிருக்கும் குடிநீர் பஞ்சத்தைப் போக்க ஹரியானா, உ.பி., மாநில அரசுகளிடமே (பாஜக) கெஜ்ரிவால் மன்றாடும் நிலை ஏற்பட்டுள்ளது. பாஜகவை அரசியல் ரீதியாக எதிர்த்து வரும் கெஜ்ரிவால், தண்ணீர் விவகாரத்தில் அரசியல் செய்ய வேண்டாம் என்று அம்மாநில அரசுகளுக்கு கோரிக்கை வைத்துள்ளார். கெஜ்ரிவால் உடனான அரசியல் கருத்து வேறுபாடுகளை மறந்து தண்ணீர் கொடுத்து உதவுமா பாஜக?
News May 31, 2024
ஏசி இல்லாத விமானத்தில் பயணிகள் மயக்கம்
டெல்லியில் இருந்து சான் ஃபிரான்சிஸ்கோ செல்லவிருந்த ஏர் இந்தியா விமானம், பல மணி நேரம் தாமதமானதால் பயணிகள் சிலர் மயங்கி விழுந்தனர். கடுமையான வெயிலில் விமானத்திற்குள் அமர வைக்கப்பட்ட பயணிகள், ஏசியும் வேலை செய்யாததால் கடுமையான நீர்ச்சத்து குறைபாட்டுக்கு ஆளானார்கள். இதனையடுத்து, அவர்கள் விமானத்தில் இருந்து வெளியேற அனுமதி அளிக்கப்பட்டது.
Featured News
Sorry, no posts matched your criteria.