India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News June 13, 2024
அக்னிபாத் திட்டத்தில் வருகிறது மாற்றம்?
அக்னிபாத் திட்டத்தில் மாற்றம் செய்வது குறித்து ஜூன் 17, 18இல் பிரதமர் அலுவலக அதிகாரிகளுடன் ஆலோசனை நடக்க உள்ளது. இந்த ஆலோசனைக்கு பிறகு இது குறித்த இறுதி முடிவு எடுக்கப்பட உள்ளது. வட மாநிலங்களில் இத்திட்டம் கடும் தோல்வி அடைந்ததால் அதனை மறு ஆய்வு செய்ய முடிவு செய்யப்பட்டுள்ளது. அதன்படி, இத்திட்டத்தில் சேரும் 70% வீரர்களை தக்க வைத்துக்கொள்ளும் வகையில் மாற்றம் கொண்டுவரப்பட உள்ளதாகக் கூறப்படுகிறது.
News June 13, 2024
ஜூலை 6 முதல் மருத்துவக் கலந்தாய்வு
2024-25 கல்வியாண்டிற்கான நீட் தேர்வு கடந்த மே 5ஆம் தேதி நடந்தது. நாடு முழுவதும் 24 லட்சம் மாணவர்கள் தேர்வு எழுதினர். இதற்கான முடிவுகள் ஜூன் 14ஆம் தேதி வெளியாகும் என அறிவிக்கப்பட்டிருந்த நிலையில், முன்கூட்டியே கடந்த 4ஆம் தேதி வெளியானது. தொடர்ந்து, கலந்தாய்வு எப்போது என்பது குறித்த கேள்வி எழுந்தது. இந்நிலையில், ஜூலை 6 முதல் மருத்துவக் கலந்தாய்வை தொடங்க முடிவு செய்துள்ளதாக மத்திய அரசு கூறியுள்ளது.
News June 13, 2024
1563 மாணவர்களுக்கு ஜூன் 23 நீட் மறுதேர்வு
நீட் தேர்வில் கருணை மதிப்பெண்கள் வழங்கப்பட்ட 1563 மாணவர்களுக்கு ஜூன் 23ஆம் தேதி மறுதேர்வு நடத்த உச்சநீதிமன்றம் உத்தரவிட்டுள்ளது. நீட் தேர்வு முடிவுகளில் குளறுபடி உள்ளதாக எழுந்த புகார்களை உச்சநீதிமன்றம் விசாரித்து வருகிறது. இதில், 1563 பேருக்கு மட்டும் மறுதேர்வு நடத்துவதாக தேசிய தேர்வு முகமை கூறியதை உச்சநீதிமன்றம் ஏற்றுக் கொண்டுள்ளது.
News June 13, 2024
தள்ளிப்போகும் ‘புஷ்பா -2’ ரிலீஸ்?
அல்லு அர்ஜூன் நடித்துள்ள ‘புஷ்பா – 2’, ஆக.15ஆம் தேதி வெளியாவதாக இருந்த நிலையில், தற்போது ரிலீஸ் தள்ளி வைக்கப்பட்டுள்ளதாகத் தகவல் வெளியாகியுள்ளது. போஸ்ட் புரொடக்ஷன் பணிகள் நிறைவடையாததாலும். சுதந்திர தினத்தன்று தமிழ் மற்றும் இந்தி மொழியின் பெரிய பட்ஜெட் படங்கள் ரிலீஸ் ஆக இருப்பதாலும், புஷ்பா -2 தள்ளிவைக்கப்பட்டுள்ளதாக, விநியோகஸ்தர்கள் மத்தியில் தகவல் தெரிவிக்கப்பட்டுவிட்டதாக, தகவல் வெளியாகியுள்ளன.
News June 13, 2024
பாலியல் வழக்கு: எடியூரப்பாவை கைது செய்ய தீவிரம்
கர்நாடகா முன்னாள் முதல்வர் எடியூரப்பாவை, போக்சோ வழக்கில் கைது செய்ய சிஐடி போலீசார் தீவிரம் காட்டி வருகின்றனர். நேற்று நேரில் ஆஜராகும் படி சம்மன் அனுப்பியும் ஆஜராகததால், கைது வாரண்ட் கோரி சிறப்பு நீதிமன்றத்தை சிஐடி போலீசார் நாடியுள்ளனர். அதே நேரம், இந்த குற்றச்சாட்டுகள் பொய்யானவை என்றும், வழக்கை ரத்து செய்ய வேண்டும் எனவும் கர்நாடகா உயர்நீதிமன்றத்தில் எடியூரப்பா மனுதாக்கல் செய்துள்ளார் எடியூரப்பா.
News June 13, 2024
SHOCKING: ஐஸ் க்ரீமில் மனித விரல்
மும்பையில் ஆன்லைன் மூலம் ஐஸ்க்ரீம் கோன் ஆர்டர் செய்து சாப்பிட்ட பெண், அதில் மனித விரல் இருந்ததால் அதிர்ச்சியடைந்தார். தகவலறிந்து விரைந்து வந்த போலீசார், விரலை தடயவியல் ஆய்வுக்கு அனுப்பி வைத்தனர். ஐஸ்க்ரீமை தயாரித்த Yummo நிறுவனத்துக்கு எதிராக வழக்குப்பதிவு செய்யப்பட்டுள்ளது. ஐஸ்க்ரீமுக்குள் மனித விரல் எப்படி வந்திருக்க முடியும் என்று போலீசார் விசாரணை நடத்தி வருகின்றனர்.
News June 13, 2024
நீட் வழக்கு: உச்சநீதிமன்றத்தில் இன்று விசாரணை
நடப்பாண்டில் 24 லட்சம் மாணவர்கள் நீட் தேர்வு எழுதிய நிலையில், வினாத்தாள் கசிவு, விடைத்தாள்களை திருத்துவதில் குளறுபடி என பல்வேறு முறைகேடுகள் நடந்திருப்பதாகக் குற்றச்சாட்டு எழுந்தது. இந்த நிலையில், இந்த ஆண்டு நீட் தேர்விற்கு எதிராக 2 ஆயிரம் மாணவர்களிடம் கையெழுத்து பெற்று, அலக் பாண்டே என்பவர் உச்சநீதிமன்றத்தில் வழக்கு தொடர்ந்தார். அந்த வழக்கு உச்சநீதிமன்றத்தில் இன்று விசாரணைக்கு வருகிறது.
News June 13, 2024
நீட்: 1563 மாணவர்களுக்கு மறுதேர்வு
நீட் தேர்வில் கருணை மதிப்பெண் வழங்கப்பட்ட 1563 பேருக்கு மறுதேர்வு நடத்தப்படும் என்று தேசிய தேர்வு முகமை அறிவித்துள்ளது. நீட் தேர்வு முடிவுகளில் பல குளறுபடிகள் நடைபெற்றதால் உச்சநீதிமன்றத்தில் வழக்குப் பதிவு செய்து விசாரணை நடைபெற்று வருகிறது. இந்நிலையில், நேர விரயம், கேள்வித் தாள் மாற்றம் ஆகிய காரணங்களுக்காக 5 கருணை மதிப்பெண்கள் வழங்கப்பட்ட மாணவர்களுக்கு மறுதேர்வு நடத்தப்படவுள்ளது.
News June 13, 2024
தீ விபத்து குறித்து முதல்வர் ஆலோசனை
குவைத் அடுக்குமாடி குடியிருப்பில் ஏற்பட்ட தீ விபத்து குறித்து அமைச்சர் மஸ்தானுடன் முதல்வர் ஸ்டாலின் ஆலோசனையில் ஈடுபட்டுள்ளார். அவ்விபத்தில் 5 தமிழர்கள் உயிரிழந்திருக்கக் கூடும் என்று மஸ்தான் கூறியுள்ளார். அதே நேரம், கேரளாவில் இவ்விபத்து குறித்து ஆலோசிக்க சிறப்பு சட்டமன்றம் கூடியுள்ளது. 25க்கும் அதிகமான மலையாளிகள் இதில் உயிரிழந்திருக்கலாம் என்று அஞ்சப்படுகிறது.
News June 13, 2024
‘தக் லைப்’ படப்பிடிப்பின் போது ஜோஜூ ஜார்ஜ் காயம்
மலையாள நடிகர் ஜோஜூ ஜார்ஜ் ‘தக் லைப்’ படப்பிடிப்பின் போது காயமடைந்துள்ளார். மணிரத்னம் இயக்கத்தில் கமல் நடிப்பில் உருவாகி வரும் இப்படத்தின் படப்பிடிப்பு புதுச்சேரியில் நடந்து வருகிறது. ஹெலிகாப்டரில் இருந்து ஜார்ஜ் குதிப்பது போன்ற காட்சி படமாக்கப்பட்டபோது, அவர் தவறி கீழே விழுந்துள்ளார். இதில், அவரது இடது காலில் எலும்பு முறிவு ஏற்பட்டுள்ளது தெரியவந்துள்ளது. விபத்தின் போது, கமலும் உடன் இருந்துள்ளார்.
Featured News
Sorry, no posts matched your criteria.