India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News June 24, 2024
அமெரிக்க அணி மேலும் வலுப்பெறும்: ஆரோன்
நடப்பு தொடரில் கற்ற பாடங்களில் இருந்து மேலும் வலுப்பெறுவோம் என அமெரிக்க அணி கேப்டன் ஆரோன் ஜோன்ஸ் நம்பிக்கை தெரிவித்துள்ளார். சூப்பர் 8 சுற்றில் விளையாடிய 3 போட்டிகளிலும் தோல்வியடைந்த USA, உலகக் கோப்பை தொடரிலிருந்து வெளியேறியது. இதுகுறித்து பேசிய அவர், “இது எங்களது முதல் உலகக் கோப்பை தொடர். நாங்கள் சூப்பர் 8க்கு தகுதிபெறுவோம் என பலரும் நம்பவில்லை” எனக் கூறியுள்ளார்.
News June 24, 2024
அரையிறுதிக்கு முன்னேறியது தென்னாப்பிரிக்கா
T20 WC தொடரின் சூப்பர் 8 சுற்றில், மேற்கிந்திய தீவுகள் அணியை வீழ்த்தி அரையிறுதிப் போட்டிக்கு முன்னேறியது தென்னாப்பிரிக்கா. முதலில் பேட்டிங் செய்த WI அணி, 135/8 ரன்கள் எடுத்தது. இதையடுத்து 136 ரன்கள் இலக்கை SA அணி துரத்தியபோது மழை குறுக்கிட்டது. இதனால், DLS விதிப்படி 17 ஓவர்களில் 123 ரன்கள் இலக்கு நிர்ணயிக்கப்பட்டது. இந்த இலக்கை எட்டிய SA அணி 3 விக்கெட் வித்தியாசத்தில் வெற்றி பெற்றது.
News June 24, 2024
விதவை சடங்குகளை ஒழிக்க சட்டம்: 84% பெண்கள் விருப்பம்
நாகையை சேர்ந்த என்ஜிஓ அமைப்பு, தமிழகம் முழுவதும் விதவைப் பெண்களின் நிலை குறித்து ஆய்வு நடத்தி அறிக்கை வெளியிட்டுள்ளது. அதில் 84.2% பெண்கள், கணவர் இறப்புக்குப்பின், தங்களை காலையில் கோயில் குளத்துக்கு அழைத்து சென்று குளிக்கச்செய்து, பொட்டு, பூக்கள் அகற்ற செய்யும் சடங்குகளைத் தடை செய்யும் சட்டங்கள் கொண்டு வரப்பட வேண்டுமென, அவர்கள் விருப்பம் தெரிவித்திருப்பதாக கூறப்பட்டுள்ளது.
News June 24, 2024
ராகுல்காந்தியின் முதல் அரசியல் பதவி
காங்கிரஸ் கட்சி எம்பிக்கள் கூட்டத்தில் அக்கட்சியின் மக்களவை எம்பிக்கள் குழுத் தலைவராகவும், எதிர்க்கட்சித் தலைவர் பதவிக்கும் ராகுல்காந்தி தேர்வு செய்யப்பட்டார். இதனால், மக்களவை எதிர்க்கட்சித் தலைவராக ராகுல்காந்தி பதவியேற்பது ஏறத்தாழ உறுதியாகி விட்டது. ராகுல் பதவியேற்கும்பட்சத்தில், அவர் வகிக்கும் முதல் அரசியல் ரீதியிலான பதவியாக இது இருக்கும் என்பது குறிப்பிடத்தக்கது.
News June 24, 2024
தங்கம் விலை உயர்வு
தங்கத்தின் விலை நேற்று முன்தினம் குறைந்த நிலையில், இன்று சற்று அதிகரித்துள்ளது. சென்னையில் 22 கேரட் ஆபரணத்தங்கத்தின் விலை சவரனுக்கு ₹40 உயர்ந்து ₹53,600க்கு விற்பனையாகிறது. கிராமுக்கு ₹5 உயர்ந்து ₹6,700க்கு விற்பனை செய்யப்படுகிறது. ஒரு கிராம் வெள்ளி விலை 30 காசுகள் குறைந்து கிராம் ₹96.20க்கும், கிலோ ₹96,200க்கும் விற்கப்படுகிறது.
News June 24, 2024
TNPSC குரூப் 2 தேர்வு அறிவிப்பில் மாற்றம் வருமா?
TNPSC குரூப் 2, 2 ஏ தேர்வுகளுக்கான அறிவிப்பு சமீபத்தில் வெளியிடப்பட்டது. 2327 பணி இடங்களுக்கான இந்த அறிவிப்பில், சிலவற்றுக்கு மட்டும் வயது வரம்பு நிர்ணயிக்கப்பட்டிருந்தது. இதற்கு தேர்வர்கள் மத்தியில் கடும் எதிர்ப்பு எழுந்துள்ளது. மேலும், ராமதாஸ் உள்ளிட்ட அரசியல் தலைவர்களும் வயது வரம்பை நீக்க வலியுறுத்தியுள்ளனர். இதனால், திருத்தப்பட்ட மறு அறிவிப்பு வெளியாகுமா? என தேர்வர்கள் எதிர்பார்த்துள்ளனர்.
News June 24, 2024
காலைநேர சூரிய வழிபாடால் இத்தனை நன்மைகளா?
நவக்கிரகங்களில் ஒருவரான சூரிய பகவானை வழிபட்டால் எண்ணற்ற பலன் கிடைக்கும் என ஆன்மிகத்தில் தெரிவிக்கப்பட்டுள்ளது. “கண்கண்ட தெய்வம்’ என்று போற்றப்படும் சூரிய பகவானை தினமும் காலை சூரிய உதயத்தின் போதும், மாலை சூரிய அஸ்தமனத்தின்போதும் சூரியனுக்குரிய மந்திரத்தை உச்சரித்து வழிபட்டால் சகல செல்வமும், சுகமான வாழ்க்கையும் கிட்டுமென்று ஆன்மிகத்தில் தெரிவிக்கப்பட்டுள்ளது.
News June 24, 2024
மக்களவை சபாநாயகர் பதவிக்கு போட்டி?
மக்களவை சபாநாயகர் பதவிக்கு பொதுவாக மத்தியில் ஆளும் கட்சி அல்லது கூட்டணியைச் சேர்ந்த ஒருவர் ஒருமித்த கருத்தின் அடிப்படையில் தேர்வு செய்யப்படுவர். ஆனால், இம்முறை துணை சபாநாயகர் பதவி அளிக்காவிடில் வேட்பாளரை நிறுத்துவோம் என எதிர்க்கட்சிகள் அறிவித்துள்ளன. இதனால் துணை சபாநாயகர் பதவி தொடர்பாக பாஜக கூட்டணி எடுக்கும் முடிவை பொருத்தே, சபாநாயகர் பதவிக்கு தேர்தல் நடக்குமா, இல்லையா எனத் தெரிய வரும்.
News June 24, 2024
அதிமுக எம்எல்ஏக்கள் பங்கேற்கவில்லை
தமிழக சட்டப்பேரவையின் 4ஆவது நாள் கூட்டம் இன்று காலை தொடங்கியது. இதில், பள்ளிக்கல்வி, உயர்கல்வி மற்றும் வருவாய், பேரிடர் மேலாண்மைத்துறை மானியக் கோரிக்கைகள் மீது விவாதம் நடைபெற உள்ளது. இதனிடையே, இன்றைய சட்டப்பேரவைக் கூட்டத்தில் அதிமுக எம்எல்ஏக்கள் பங்கேற்கவில்லை. மாநில அரசை கண்டித்து அதிமுக சார்பில் இன்று தமிழகம் முழுவதும் போராட்டம் நடைபெறுவதால் அதிமுகவினர் பங்கேற்கவில்லை எனக் கூறப்படுகிறது.
News June 24, 2024
ஆட்டம் 17 ஓவர்களாக குறைப்பு
தென்னாப்பிரிக்கா-மேற்கிந்திய தீவுகள் அணிகள் இடையிலான போட்டி 17 ஓவர்களாக குறைக்கப்பட்டது. T20 WC தொடரின் சூப்பர் 8இல் முதலில் விளையாடிய WI, 135/8 ரன்கள் எடுத்தது. பிறகு SA களமிறங்கி விளையாடியபோது மழை குறுக்கிட்டதால் ஆட்டம் பாதிக்கப்பட்டது. இதையடுத்து, DLS விதிப்படி 17 ஓவர்களில் 123 ரன்கள் என்ற இலக்கு நிர்ணயிக்கப்பட்டுள்ளது. SA அணி தற்போதுவரை 6 ஓவர்களில் 50/3 ரன்கள் எடுத்துள்ளது.
Featured News
Sorry, no posts matched your criteria.