India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News July 30, 2024
பாடம் எடுத்த மருத்துவர்: பதிவை நீக்கிய நயன்
செம்பருத்தி டீ குடித்தால் சர்க்கரை நோய் உள்ளிட்ட பல பிரச்னைகளுக்கு நல்லது என நடிகை நயன்தாரா தனது இன்ஸ்டா பக்கத்தில் பதிவிட்டார். இதற்கு பதிலளித்த மருத்துவர் பிலிப்ஸ், செம்பருத்தி பூவில் ஆரோக்கிய நன்மைகள் இருப்பதாக அறிவியல் பூர்வமாக நிரூபிக்கப்படவில்லை எனவும், இதை தினமும் குடித்தால் பெண்கள் பூப்பெய்துவது தள்ளிப்போகும் எனவும் கூறியிருந்தார். இதையடுத்து நயன்தாரா தனது பதிவை டெலிட் செய்துவிட்டார்.
News July 30, 2024
ஜூலை 30: வரலாற்றில் இன்று!
*1626 – இத்தாலியில் நேப்பிள்ஸ் நகரில் ஏற்பட்ட நிலநடுக்கத்தில் 10,000 பேர் உயிரிழந்தனர். *1886 – சமூகநீதி போராளி டாக்டர் முத்துலட்சுமி ரெட்டி அம்மையார் பிறந்தநாள் இன்று. *2012 – ஆந்திரப் பிரதேசம், நெல்லூரில் தமிழ்நாடு விரைவு ரயில் தீப்பிடித்ததில் 32 பயணிகள் உயிரிழந்தனர், 27 பேர் காயமடைந்தனர். *1995 – இலங்கை, வாழைச்சேனையில் நடந்த கண்ணிவெடித் தாக்குதலில் ராணுவத் தளபதி நளின் அங்கம்மன கொல்லப்பட்டார்.
News July 30, 2024
மேகதாது திட்டத்தால் யாருக்கு பயன்?: சித்தராமையா
மேகதாது திட்டத்தால் தமிழகத்திற்குதான் அதிக பயன் கிடைக்கும் என கர்நாடகா முதல்வர் சித்தராமையா தெரிவித்துள்ளார். கர்நாடகாவில் அணைகள் நிரம்பும்போது தமிழகத்திற்கு திறக்கப்படும் நீர், மேட்டூர் அணை நிரம்பியதும் கடலுக்கு திறந்துவிடப்படுவதாகவும், இப்படி வீணாக்கப்படும் நீரை சேமிக்கவே மேகதாது திட்டம் என்றும் அவர் கூறியுள்ளார். மேலும், தேவையில்லாமல் தமிழகம் பிரச்னை செய்வதாக குற்றஞ்சாட்டியுள்ளார்.
News July 30, 2024
சுப்மன் கில்லை வளர்த்தெடுக்க விரும்பும் கம்பீர்?
இந்திய அணியின் கேப்டனாக சுப்மன் கில்லை வளர்த்தெடுக்க கம்பீர் விரும்புவதாக நியூசி., முன்னாள் வீரர் ஸ்காட் ஸ்டைரிஸ் கணித்துள்ளார். 10 ஆண்டுகள் கேப்டனாக நீடிக்க கில்லால் முடியும் எனவும், ஆனால் அவர் தற்போது அதற்கு தயாராக இல்லாததால் துணை கேப்டனாக நியமிக்கப்பட்டதாகவும் அவர் கூறியுள்ளார். அனுபவமிக்க கேப்டன்களிடம் களத்தில் பயிற்சி பெற கம்பீர் இப்படியொரு அருமையான முடிவு எடுத்துள்ளதாக தெரிவித்துள்ளார்.
News July 30, 2024
தினம் ஒரு திருக்குறள்!
▶குறள் பால்: அறத்துப்பால் ▶இயல்: பாயிரவியல் ▶அதிகாரம்: கடவுள் வாழ்த்து ▶குறள் எண்: 7 ▶குறள்: தனக்குவமை இல்லாதான் தாள்சேர்ந்தார்க் கல்லால்
மனக்கவலை மாற்றல் அரிது. ▶பொருள்: ஒப்பாரும் மிக்காருமில்லாதவனுடைய அடியொற்றி நடப்பவர்களைத் தவிர, மற்றவர்களின் மனக்கவலை தீர வழியேதுமில்லை.
News July 30, 2024
நாய்களுக்கு அதிக உணவளித்த பெண்ணுக்கு சிறை
நியூசிலாந்தில் வளர்ப்பு நாய்களுக்கு அதீதமாக உணவளித்த பெண்ணுக்கு 2 மாதம் சிறை தண்டனை விதிக்கப்பட்டுள்ளது. மேலும் இந்திய மதிப்பில் சுமார் ₹60,154 இழப்பீடு வழங்கவும், நாய்கள் வளர்க்க ஒரு ஆண்டு தடையும் விதிக்கப்பட்டுள்ளது. கடந்த 2021ல் அப்பெண்ணின் வீட்டில் இருந்து மீட்கப்பட்ட Nuggi என்ற நாய் அதீத பருமனால் நடக்கவும், மூச்சு விடவும் முடியாமல் சிரமப்பட்ட நிலையில் உயிரிழந்தது.
News July 30, 2024
மற்ற நாடுகளின் உதவி தேவை இல்லை: ஜெய்சங்கர்
இந்தியா – சீனா இடையிலான எல்லை பிரச்னையை தீர்க்க மற்ற நாடுகளின் உதவி தேவை இல்லை என வெளியுறவுத்துறை அமைச்சர் ஜெய்சங்கர் தெரிவித்துள்ளார். இருநாடுகளுக்கு இடையேயான உறவு சீராக இல்லை என்பது உண்மைதான் எனவும், இரு நாடுகளும் கலந்து பேசி தீர்வு காண வேண்டும் என்றும் அவர் கூறியுள்ளார். மேலும் இரண்டும் பெரிய நாடுகள் என்பதால், மற்ற நாடுகள் இப்பிரச்னைகளில் ஆர்வம் காட்டுவதாகவும் தெரிவித்துள்ளார்.
News July 30, 2024
இந்திய அணிக்கு பவுலிங் பயிற்சியாளர் நியமனம்?
இந்திய கிரிக்கெட் அணியின் பவுலிங் பயிற்சியாளராக தென்னாப்பிரிக்க அணியின் முன்னாள் வீரர் மோர்னே மோர்கல் நியமிக்கப்பட உள்ளதாக தகவல் வெளியாகியுள்ளது. வங்க தேசத்திற்கு எதிரான தொடரில் இருந்து அவர் பவுலிங் பயிற்சியாளராக செயல்படுவார் என கூறப்படுகிறது. கம்பீரின் கோரிக்கையை ஏற்று பிசிசிஐ இந்த முடிவெடுத்துள்ளதாக தெரிகிறது. வங்க தேசத்திற்கு எதிரான 2 டெஸ்ட் மற்றும் 3 டி20 போட்டிகள் செப்.19 முதல் தொடங்குகிறது.
News July 30, 2024
மாணவர்கள் உயிரிழப்பு குறித்து விசாரிக்க குழு அமைப்பு
டெல்லி ஐஏஎஸ் பயிற்சி மையத்தின் அடித்தளத்தில் வெள்ளத்தில் சிக்கி 3 மாணவர்கள் உயிரிழந்த விவகாரம் குறித்து விசாரிக்க மத்திய உள்துறை அமைச்சகம் குழு அமைத்துள்ளது. வருங்காலங்களில் இது போன்று நிகழாமல் இருக்க தேவையான நடவடிக்கைகள் குறித்து பரிசீலிக்க 30 நாள்களில் அறிக்கை தாக்கல் செய்யவும் குழுவிற்கு உத்தரவிடப்பட்டுள்ளது. மாணவர்கள் உயிரிழந்த விவகாரத்தில் 5 பேர் கைது செய்யப்பட்டுள்ளனர்.
News July 30, 2024
பிறந்தநாள் வாழ்த்து போட்டோ அனுப்புங்க
இன்று (ஜூலை 30) பிறந்தநாள் காணும் அனைவருக்கும் வாழ்த்துகள்! பிறந்தநாளுக்கு வாழ்த்து சொல்ல விரும்புபவர்களின் போட்டோவை Email -way2tamilusers@way2news.com-க்கு அனுப்புங்க. Note: பிறந்தநாளுக்கு முந்தைய நாள் இரவு 10 மணிக்குள் வாழ்த்துகளை அனுப்பவும். பிறந்தநாள் கொண்டாடுபவர்களின் தெளிவான புகைப்படங்களை அனுப்பி, உங்கள் அன்புக்குரியவர்களை வாழ்த்துங்கள்.
Featured News
Sorry, no posts matched your criteria.