India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News July 29, 2024
Olympics: கிரிக்கெட்டில் பதக்கம் வென்ற பிரான்ஸ்
ஒலிம்பிக்கில் கிரிக்கெட்டை சேர்க்க வேண்டும் என்ற கோரிக்கை பல ஆண்டுகளாகவே இருந்து வருகிறது. பலருக்கும் தெரியாத விஷயம் என்னவென்றால், நூறு ஆண்டுகளுக்கு முன்பு (1900), பாரிஸ் ஒலிம்பிக்கில் இங்கிலாந்து மற்றும் பிரான்ஸ் இடையே ஒரே ஒரு கிரிக்கெட் போட்டி நடைபெற்றது. அதில் இங்கிலாந்து தங்கப் பதக்கமும், பிரான்ஸ் வெள்ளிப் பதக்கமும் வென்றன. அன்றைய காலத்தில் பிரான்ஸில் கிரிக்கெட்டுக்கு போதிய ஆதரவு இல்லை.
News July 29, 2024
ஒருவர் எவ்வளவு நேரம் தூங்க வேண்டும்?
உடல் ஆரோக்கியத்திற்கு தூக்கம் இன்றியமையாததாக உள்ளது. இந்நிலையில், ஒவ்வொரு வயதினர் எவ்வளவு நேரம் தூங்கலாம் என்பது குறித்த அமெரிக்க நோய் தடுப்பு மையத்தின் ஆய்வறிக்கை சமீபத்தில் வெளியானது. அதன்படி 13-17 வயதினர் 8 – 10 மணி நேரமும், 18-60 வயதினர் குறைந்தபட்சம் 7 மணி நேரமும், 61-64 வயதினர் 7 – 9 மணி நேரமும், 65 வயதிற்கு மேற்பட்டவர்கள் 7 – 8 மணி நேரமும் உறங்க பரிந்துரைக்கப்பட்டுள்ளது.
News July 29, 2024
12 ராசிகளுக்கான பலன்கள் (30.07.2024)
*மேஷம் – நன்மை தேடி வரும் *ரிஷபம் – ஆதாயம் அடைவீர்கள் *மிதுனம் – போட்டி ஏற்படும் *கடகம் – புகழ் உண்டாகும் *சிம்மம் – லாபம் அடைவீர்கள் *கன்னி – தாமதம் ஏற்படலாம் *துலாம் – முயற்சி திருவினையாக்கும் *விருச்சிகம் – வெற்றி பெறுவீர்கள் *தனுசு – ஆதரவு பெருகும் *மகரம் – பரிசு கிடைக்கும் *கும்பம் – நிம்மதியான நாளாக அமையும் *மீனம் – உயர்வு உண்டாகும்.
News July 29, 2024
அரசு தொடர்பான தகவல்களை மக்கள் இனி சரிபார்க்கலாம்!
அரசு தொடர்பான தகவல்களை சரிபார்க்கவும், போலி செய்திகளில் இருந்து மக்களை விழிப்புணர்வு பெற செய்யவும், PIB Fact Check என்ற பக்கத்தை சமூக வலைதளங்களில் மத்திய அரசு தொடங்கியுள்ளது. இதில், அரசு தொடர்பான தகவல்களை பொதுமக்கள் சரிபார்க்க முடியும். 8799711259 என்ற எண்ணிலும், factcheck@pib.gov.in என்ற இணைய தளத்திலும் அரசு தகவல்களை பொதுமக்கள் சரிபார்த்துக் கொள்ள முடியும்.
News July 29, 2024
ஸ்ரீரங்கத்தில் ஆசிரியருக்கு அரிவாள் வெட்டு
திருச்சி ஸ்ரீரங்கத்தில் மாணவர்களின் மோதலை தடுக்கச் சென்ற ஆசிரியருக்கு அரிவாள் வெட்டு விழுந்தது. அரசு ஆண்கள் மேல்நிலைப் பள்ளியில் படித்துவரும் 12ஆம் வகுப்பு மாணவர் ஒருவர் அடியாட்களை அழைத்து வந்து சக மாணவர்களை பள்ளியிலேயே தாக்கியுள்ளார். இதனை தடுக்கச் சென்ற ஆசிரியர் சிவகுமாருக்கு தலையில் அரிவாள் வெட்டு விழுந்தது. இதனையடுத்து, அவரும் காயமடைந்த மாணவர் ஒருவரும் மருத்துவமனையில் அனுமதிக்கப்பட்டுள்ளனர்.
News July 29, 2024
ஓய்வை அறிவித்தார் ரோகன் போபண்ணா
சர்வதேச டென்னிஸ் போட்டிகளில் இருந்து இந்திய வீரர் ரோகன் போபண்ணா ஓய்வு பெறுவதாக அறிவித்துள்ளார். பாரிஸ் ஒலிம்பிக் விறுவிறுப்பாக நடைபெற்றுவரும் நிலையில், ஆண்கள் இரட்டையர் பிரிவில் நடந்த போட்டியில் போபண்ணா தோல்வியடைந்தார். இதையடுத்து அவர் தனது ஓய்வு முடிவை அறிவித்துள்ளார். இரட்டையர் பிரிவில் உலகில் அதிக வயதான (43) நபரான போபண்ணா, அர்ஜுனா, பத்மஸ்ரீ போன்ற விருதுகளையும் பெற்றுள்ளார்.
News July 29, 2024
சிவகங்கையில் போலீசார் துப்பாக்கிச்சூடு
சிவகங்கையில் பாஜக பிரமுகர் கொலை வழக்கில் தேடப்பட்டு வந்தவர் மீது போலீசார் துப்பாக்கிச்சூடு நடத்தியுள்ளனர். பாஜக பிரமுகர் செல்வகுமார் கொலை வழக்கில் 5 பேரை பிடித்து காவல்துறையினர் விசாரித்து வந்தனர். அப்போது, காவலரை தாக்கிவிட்டு தப்ப முயன்ற வசந்த் என்பவர் மீது துப்பாக்கிச்சூடு நடத்தப்பட்டது. தாக்குதலில் காயம் அடைந்த சார்பு ஆய்வாளர் பிரதாப், வசந்த் ஆகியோர் மருத்துவமனையில் அனுமதிக்கப்பட்டுள்ளனர்.
News July 29, 2024
இரவில் மழை பெய்யவிருக்கும் மாவட்டங்கள்
தமிழகத்தில் இரவு 1 மணி வரை மழை பெய்யக்கூடிய மாவட்டங்களின் பட்டியலை சென்னை வானிலை ஆய்வு மையம் வெளியிட்டுள்ளது. அதன்படி, நீலகிரி மற்றும் கோவை மாவட்டங்களில் இடி, மின்னலுடன் கூடிய மிதமான மழைக்கு வாய்ப்புள்ளது. திருப்பூர், தேனி, திண்டுக்கல், தென்காசி, திருநெல்வேலி, கன்னியாகுமரி ஆகிய மாவட்டங்களில் லேசான மழை பெய்யக்கூடும்.
News July 29, 2024
ஆகஸ்ட் 14 முதல் மருத்துவப் படிப்பு கலந்தாய்வு
இளநிலை மருத்துவப் படிப்புக்கான கலந்தாய்வு ஆகஸ்ட் 14ஆம் தேதி தொடங்கும் என மருத்துவ கலந்தாய்வுக் குழு அறிவித்துள்ளது. அகில இந்திய ஒதுக்கீட்டு இடங்களுக்கான கலந்தாய்வு ஆகஸ்ட் 14ஆம் தேதி முதல் 3 கட்டங்களாகவும், மாநில ஒதுக்கீட்டு இடங்களுக்கான கலந்தாய்வு ஆகஸ்ட் 21ஆம் தேதி முதல் 3 கட்டங்களாகவும் நடைபெறும் என அறிவிக்கப்பட்டுள்ளது. அக்டோபர் 1ஆம் தேதி முதல் இளநிலை மருத்துவப் படிப்பு வகுப்புகள் தொடங்கவுள்ளன.
News July 29, 2024
CA முடிவுகள் வெளியானது
இந்திய பட்டயக் கணக்காளர்கள் நிறுவனம் (ICAI) பட்டய கணக்கியல் (CA) 2024 முடிவுகளை சற்றுமுன் வெளியிட்டுள்ளது. இந்த தேர்வுகள் ஜூன் 20, 22, 24 மற்றும் 26 ஆகிய தேதிகளில் நடத்தப்பட்டன. https://icai.org/ அல்லது https://icai.nic.in/caresult/ என்ற இணையதளத்தில் பதிவெண் மற்றும் மொபைல் நம்பரை உள்ளிட்டு தேர்வு முடிவுகளைக் காணலாம். சிஏ இன்டர் மற்றும் இறுதி முடிவுகள் ஜூலை 11இல் வெளியானது குறிப்பிடத்தக்கது.
Featured News
Sorry, no posts matched your criteria.