India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 16, 2024
உதயநிதிக்கு துணை முதல்வர் வாய்ப்பில்லையா?
முதலீடுகளை ஈர்க்க அமெரிக்காவில் இருந்தாலும், கட்சியையும், அரசையும் கவனித்துக் கொண்டிருப்பேன் என்று ஸ்டாலின் தெரிவித்துள்ளார். அவரின் பேச்சு மூலம், உதயநிதி துணை முதல்வராக வாய்ப்பில்லை என கூறப்படுகிறது. மேலும், 2026 சட்டமன்ற தேர்தலில் 200 தொகுதிகளில் வெற்றி பெறுவதே இலக்கு. ஒவ்வொரு வாக்கும் முக்கியம் என்பதை மாவட்டச் செயலாளர்கள் கவனத்தில் கொள்ள வேண்டும் என அறிவுறுத்தினார்.
News August 16, 2024
Breaking: மாவட்டச் செயலாளர்கள் மீது நடவடிக்கை
திமுகவை சேர்ந்த சில மாவட்டச் செயலாளர்கள் மீது புகார்கள் வந்திருக்கின்றன. மாவட்டச் செயலாளர்கள், நிர்வாகிகள் மீதான புகார்கள் குறித்து விசாரணை நடத்தி நடவடிக்கை எடுக்கப்படும் என்று முதல்வர் ஸ்டாலின் எச்சரித்துள்ளார். மக்களுக்கு நலத்திட்டங்களை அளித்திருக்கிறோம், அதை வாக்குகளாக மாற்ற களப்பணியாற்ற வேண்டும். சுணக்கமின்றி தொடர்ந்து செயல்பட்டால், அடுத்த முறையும் திமுக ஆட்சி தான் என்று சூளுரைத்தார்.
News August 16, 2024
‘அவதார்’ நாயகன் அவதரித்த தினம்
ஹாலிவுட் இயக்குநர் ஜேம்ஸ் கேமரூனுக்கு இன்று பிறந்தநாள். ‘பிரானா 2’ படம் மூலம் திரையுலகில் அறிமுகமான இவர், அடுத்து இயக்கிய ‘டெர்மினேட்டர்’, ‘ஏலியன்ஸ்’, ‘டைட்டானிக்’ ஆகிய படங்கள் உலகம் முழுவதும் பெரும் வரவேற்பை பெற்றன. இவர் அறிவியல் புனைவு படங்களை எடுப்பதில் வல்லவர். இருப்பினும் இயற்கை மீதான அவரது காதல் ‘அவதார்’ படங்களில் வெளிப்பட்டது. பாதிக்கப்பட்டவர்களின் பக்கமே அவரது ஹீரா கதாபாத்திரம் நின்றது.
News August 16, 2024
ஊழல் புகாரில் ரோஜாவிடம் விசாரணை?
ஊழல் புகாரில் ஆந்திரா முன்னாள் அமைச்சர் ரோஜா உள்ளிட்ட 4 பேரை விசாரிக்க விஜயவாடா காவல் ஆணையருக்கு சிஐடி போலீசார் பரிந்துரைத்துள்ளனர். எந்த நேரத்திலும் அவர் விசாரணைக்கு அழைக்கப்படலாம் என தகவல் வெளியாகியுள்ளது. கேலோ இந்தியா விளையாட்டு போட்டிகளை நடத்தியதில், ஒதுக்கீடு செய்யப்பட்ட ₹150 கோடியில், டெண்டர் வழங்கியதில் முறைகேடு செய்தாக சிஐடி போலீசாரிடம் பல்வேறு தரப்பில் புகார் அளிக்கப்பட்டிருந்தது.
News August 16, 2024
வெற்றிகரமாக நிலை நிறுத்தம்: சோம்நாத்
EOS 08 செயற்கைகோள் வெற்றிகரமாக விண்ணில் நிலைநிறுத்தப்பட்டுள்ளதாக இஸ்ரோ தலைவர் சோம்நாத் தெரிவித்துள்ளார். மேலும், இந்த செயற்கைகோள் சிறப்பாக செயல்படும் எனவும், குலசேகரப்பட்டினம் ஏவுதளப் பணிகள் 2 ஆண்டுகளில் முடிவடையும் என்றும் அவர் கூறியுள்ளார். புவி கண்காணிப்புப் பணிகளுக்காக துல்லியமான அதிநவீன கருவிகளுடன் தயாரிக்கப்பட்டுள்ள EOS 08 செயற்கைகோள், SSLV D3 ராக்கெட் மூலம் இன்று காலை விண்ணில் ஏவப்பட்டது.
News August 16, 2024
கிரிக்கெட்டில் அறிமுகமான டிராவிட் மகன்
முன்னாள் கிரிக்கெட் வீரர் ராகுல் டிராவிட்டின் மகன் சமிட் டிராவிட் உள்ளூர் கிரிக்கெட் போட்டியில் அறிமுகமாகியுள்ளார். மகாராஜா டிராபி தொடரில் மைசூர் வாரியர்ஸ் அணிக்காக விளையாடுகிறார். நேற்று நடைபெற்ற சிவமொக்கா அணிக்கு எதிரான ஆட்டத்தில் 7 ரன்களை மட்டுமே எடுத்தார். இருப்பினும் ராகுல் டிராவிட்டின் அடுத்த தலைமுறை கிரிக்கெட்டில் களமாடுவது குறித்து ரசிகர்கள் மகிழ்ச்சியையே வெளிப்படுத்தியுள்ளனர்.
News August 16, 2024
மத்திய அரசை கண்டித்து, நன்றி தெரிவித்து திமுக தீர்மானம்
சென்னையில் உள்ள திமுக தலைமையகத்தில் அக்கட்சியின் மாவட்ட செயலாளர்கள் கூட்டம் இன்று காலை நடைபெற்றது. இக்கூட்டத்தில் தமிழ்நாட்டின் ரயில்வே திட்டங்களுக்கு போதிய நிதி ஒதுக்கீடு செய்யாதது உள்ளிட்டவற்றுக்காக மத்திய அரசுக்கு கண்டனம் தெரிவித்து தீர்மானம் நிறைவேற்றப்பட்டது. அதேபோல், முன்னாள் முதல்வர் கருணாநிதி நினைவாக நாணயம் வெளியிடுவதற்கு நன்றி தெரிவித்து மற்றொரு தீர்மானம் நிறைவேற்றப்பட்டது.
News August 16, 2024
மத்திய, மாநில அரசுக்கு எதிராக அதிமுக செயற்குழு தீர்மானம்
அதிமுக அவசர செயற்குழுக் கூட்டத்தில் 9 தீர்மானங்கள் நிறைவேற்றப்பட்டுள்ளன. தமிழ்நாட்டுக்கு பட்ஜெட்டில் போதிய நிதி ஒதுக்காத மத்திய அரசுக்கு எதிராக ஒரு தீர்மானம் நிறைவேற்றப்பட்டுள்ளது. தமிழ்நாட்டில் சட்டம் ஒழுங்கு நிலை சீர்குலைந்துள்ளதாக குற்றம்சாட்டி தமிழக அரசுக்கு எதிராக ஒரு தீர்மானமும், தொழில் வளர்ச்சி குறைந்த காரணத்தை கண்டறிந்து தீர்வு காணக்கோரி ஒரு தீர்மானமும் நிறைவேற்றப்பட்டுள்ளன.
News August 16, 2024
அதை மட்டும் செய்யவே மாட்டேன்: ஜான்வி
ஆஸ்கர் விருதே கிடைக்கும் என்று சொன்னால் கூட தலையை மொட்டை அடித்து நடிக்க மாட்டேன் என நடிகை ஜான்வி கபூர் தெரிவித்துள்ளார். தன்னுடைய தலை முடிக்காக தனது அம்மா ஸ்ரீதேவி அதிக அக்கறை எடுத்து கொள்வார் எனவும், 4 நாள்களுக்கு ஒருமுறை தலையில் ஆயில் மசாஜ் செய்வார் என்றும் அவர் நினைவு கூர்ந்துள்ளார். மேலும், முதல் படத்தில் நடிப்பதற்காக சிறிதளவு முடி வெட்டியதற்கு அம்மா மிகவும் கோபப்பட்டதாகத் தெரிவித்துள்ளார்.
News August 16, 2024
உதயநிதி துணை முதல்வரா? இன்று முடிவு
சென்னை அண்ணா அறிவாலயத்தில் திமுக தலைவர் ஸ்டாலின் தலைமையில் மாவட்டச் செயலாளர்கள் கூட்டம் தொடங்கியுள்ளது. இக்கூட்டத்தில், உதயநிதிக்கு துணை முதல்வர் பதவி வழங்குவது குறித்தும், MLAக்களின் செயல்பாடுகள், மாவட்டச் செயலாளர்களின் எண்ணிக்கையை உயர்த்துவது, திமுக முப்பெரும் விழாவை சிறப்பாக கொண்டாடுவது குறித்தும் ஆலோசனை நடைபெறுகிறது. இன்று திமுகவில் பல அதிரடி மாற்றங்கள் இருக்கும் என எதிர்பார்க்கப்படுகிறது.
Featured News
Sorry, no posts matched your criteria.