India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 15, 2024
உங்களுக்கு இந்த அறிகுறிகள் இருக்கா?
நாம் சாப்பிடும் உணவுகள் செரிமானம் ஆகவில்லை என்றால் பல பிரச்னைகளை சந்திக்க நேரிடும். செரிமானப் பிரச்னைகள் இருந்தால் ஆரம்பத்திலேயே மருத்துவரை அணுகுவது சிறந்தது என வல்லுநர்கள் எச்சரிக்கின்றனர். தொடர்ச்சியான உடல் வீக்கம், நெஞ்செரிச்சல், நாள்பட்ட மலச்சிக்கல், தொடர் வயிற்று வலி, திடீரென உடல் எடை குறைதல், அடிக்கடி குமட்டல் அல்லது வாந்தியெடுத்தல் போன்றவை செரிமானப் பிரச்னைக்கான அறிகுறிகளாகும்.
News August 15, 2024
என்றோ சினிமாவை விட்டு போயிருப்பேன்: SK
வீடு வாங்கலாம் என சொல்லாமல், திரைப்படம் தயாரிக்கலாம் என தனது மனைவி கூறுவதாக நடிகர் சிவகார்த்திகேயன் தெரிவித்துள்ளார். தனியார் டிவியின் விருது நிகழ்ச்சியில் பங்கேற்று பேசிய அவர், ‘கொட்டுக்காளி’ போன்ற படங்களை தயாரிப்பது தனக்கு மன திருப்தி தருவதாகக் கூறினார். தான் என்றோ சினிமாவை விட்டு போயிருப்பேன் எனக் கூறிய SK, தான் சினிமாவில் நீடிக்க மனைவிதான் காரணம் என்றார்.
News August 15, 2024
குற்றவாளிகளுக்கு தூக்கு தண்டனை: மம்தா பானர்ஜி
மே.வங்க பெண் மருத்துவர் கொலை செய்யப்பட்ட சம்பவத்தில் குற்றவாளிகளை தூக்கிலிட வேண்டும் என மம்தா வலியுறுத்தியுள்ளார். நீதிக்காக போராடும் சக மாணவர்களை தான் குறை சொல்ல விரும்பவில்லை என்ற அவர், இந்த வழக்கில் தங்களுக்கு கிடைத்த தகவல்கள் அனைத்தையும் சிபிஐயிடம் கொடுத்துள்ளோம் என்றார். குற்றவாளிகளை தூக்கிலிட்டால் தான் மற்றவர்கள் அதிலிருந்து பாடம் கற்பார்கள் என்றும் ஆவேசமாக தெரிவித்தார்.
News August 15, 2024
வினேஷ் போகத்தின் முதல் Reaction..!
ஒலிம்பிக் மல்யுத்த இறுதிப்போட்டியில் தகுதி நீக்கம் செய்யப்பட்ட பின், வினேஷ் போகத் முதல்முறையாக பதிவிட்ட இன்ஸ்டா பதிவு கவனம் ஈர்த்துள்ளது. அவரது மேல்முறையீட்டு மனுவை விசாரித்த விளையாட்டுக்கான நீதிமன்றம், நீண்ட இழுபறிக்கு பின் தள்ளுபடி செய்தது. இந்நிலையில், களத்தில் படுத்தபடி கதறி அழுத புகைப்படத்தை பகிர்ந்து, தனது வேதனையை வெளிபடுத்தியுள்ளார். You are champion என பலரும் கமெண்ட் செய்து வருகின்றனர்.
News August 15, 2024
விஜய் கடைசி படம்: அதிகாரப்பூர்வ அறிவிப்பு
நடிகர் விஜய்யின் கடைசி படத்தை இயக்குநர் எச்.வினோத் இயக்குவதாக அவரே அதிகாரப்பூர்வமாக தெரிவித்துள்ளார். விஜய் அரசியலில் குதித்துள்ளதால், அடுத்த படம் தான் கடைசி படம் என அறிவித்திருந்தார். இதனால், அப்படத்தை இயக்கப்போவது யார் என்று பெரும் எதிர்பார்ப்பு எழுந்தது. இந்நிலையில், இந்த தகவலை எச்.வினோத் உறுதி செய்துள்ளார். மேலும், இது அரசியல் படமில்லை, கமர்ஷியல் படம் தான் எனவும் தெரிவித்துள்ளார்.
News August 15, 2024
இதை செய்தால், ₹1,125க்கு பதில் ₹206 மின் கட்டணம்
தற்போது 400 யூனிட்டுக்கு மின்வாரியத்துக்கு ₹1,125 கட்டணம் செலுத்த வேண்டும் என்றால் வீடுகளில் சூரிய <<13688916>>மின்தகடு <<>>பொருத்திய பின்னர் நீங்கள் ₹206 செலுத்தினால் போதும். இதன் மூலம் ₹919 பணத்தை நீங்கள் சேமிக்க முடியும். இந்த திட்டத்தில் சேர www.pmsuryaghar.gov.in, www.solorrooftop.gov.inஇல் விண்ணப்பிக்கலாம். மேலும் விவரங்களுக்கு 9445854568, 9445854477, 9445854481 ஆகிய எண்ணில் தொடர்பு கொள்ளலாம்
News August 15, 2024
தடுமாறி வரும் தென்னாப்பிரிக்கா அணி
வெஸ்ட் இண்டீசுக்கு எதிரான இரண்டாவது டெஸ்டில் டாஸ் வென்று பேட்டிங் செய்துவரும் தென்னாப்பிரிக்கா 4 விக்கெட்டுகளை இழந்து தடுமாறி வருகிறது. மார்க்ரம் 14, டோனி 1, ஸ்டப்ஸ் 26 ரன்கள் எடுத்து ஆட்டமிழந்த நிலையில் கேப்டன் தெம்பா பவுமா ரன் எதுவும் எடுக்காமல் ஆட்டமிழந்தார். சற்றுமுன்பு வரை தெ.ஆ., 26 ஓவர்கள் முடிவில் 64/4 ரன்கள் எடுத்து தடுமாறி வருகிறது. ஷமர் ஜோசப் 2 விக்கெட்டுகளை சாய்த்துள்ளார்.
News August 15, 2024
சூரிய ஒளி மின்தகடு அமைக்க ₹3000 மானியம்
மத்திய அரசின் புதிய மற்றும் புதுப்பிக்கத்தக்க எரிசக்தி அமைச்சகத்தின் சூரிய ஒளி மின்சக்தி திட்டத்தை தமிழக மின்வாரியம் நடைமுறைப்படுத்தி வருகிறது. இத்திட்டத்தின் கீழ் வீட்டு மேற்கூரைகளில் சூரிய ஒளி மின்தகடு அமைக்க ₹3000 மானியம் வழங்கப்படுகிறது. சராசரியாக 400 – 600 யூனிட் வரை பயன்படுத்தும் நுகர்வோர், சூரியஒளி மேற்கூரை மின் சக்தி 1 கிலோ வாட் மின்சார உபகரணத்தை நிறுவும்போது மின் கட்டணத்தை குறைக்கலாம்.
News August 15, 2024
ராகுல் மக்களின் தலைவராகவே இருப்பார்: காங்கிரஸ்
டெல்லியில் இன்று நடைபெற்ற சுதந்திரதின விழாவில் ராகுல் காந்திக்கு 5வது வரிசையில் இடம் ஒதுக்கப்பட்டது சர்ச்சையை ஏற்படுத்தியது. இந்த சம்பவத்திற்கு கண்டனம் தெரிவித்துள்ள காங்., செய்தி தொடர்பாளர் சுப்ரியா ஸ்ரீனேட், சிறிய மனப்பான்மை கொண்டவர்களிடம் இருந்து பெருந்தன்மையை எதிர்பார்ப்பது அர்த்தமற்றது என விமர்சித்தார். மேலும், ராகுல் 50வது வரிசையில் அமர்ந்தாலும் மக்களின் தலைவராகவே இருப்பார் என்றார்.
News August 15, 2024
இந்த வாரம் ஓடிடியில் வெளியாகும் வெப் தொடர்கள்
இந்த வாரம் 3 வெப் தொடர்கள் மற்றும் ஒரு திரைப்படம் ஓடிடி தளத்தில் வெளியாகின்றன. சத்யராஜ் நடிக்கும் ‘மை பெர்பெக்ட் ஹஸ்பண்ட்’ வெப் தொடர் நாளை டிஸ்னி ப்ளஸ் ஹாட்ஸ்டார் தளத்திலும், ‘வேற மாறி ஆபீஸ்’ 2 வெப் தொடர் ஆஹா தளத்திலும், மம்முட்டி, மோகன்லால் நடித்துள்ள மனோரதங்கள் ஆந்தாலஜி ஜீ5 தளத்திலும், கீர்த்தி பாண்டியன் நடித்த ‘கொஞ்சி பேசினால் என்ன’ திரைப்படம் நாளை (ஆக.16) ஆஹா ஓடிடி தளத்திலும் வெளியாகிறது.
Featured News
Sorry, no posts matched your criteria.