India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 2, 2024
AC ரூமில் அதிக நேரம் தூங்குகிறீர்களா..?
AC ரூமில் அதிக நேரம் தூங்குவதால் பல்வேறு உடல்நல பாதிப்புகளை எதிர்கொள்ள நேரிடலாம் என மருத்துவர்கள் கூறுகின்றனர். குறிப்பாக, ஆஸ்துமா, சிஓபிடி, மூச்சுக்குழாய் அழற்சி போன்ற சுவாசப் பிரச்னைகளை அதிகரிக்கும் எனவும், கீல்வாத பிரச்னை உள்ளவர்களுக்கு தசை விறைப்பு மற்றும் மூட்டு வலி தொல்லை ஏற்படலாம் என எச்சரிக்கின்றனர். மேலும், ஏசியை 22 – 26 டிகிரி செல்சியஸ் வெப்பநிலையில் பராமரிக்க அறிவுறுத்துகின்றனர்.
News August 2, 2024
சர்வதேச விண்வெளி தளத்திற்கு செல்லும் இந்தியர்கள்
ISS என்று அழைக்கப்படும் சர்வதேச விண்வெளி நிலையத்திற்கு செல்ல 2 இந்தியர்களை நாசா தேர்வு செய்துள்ளது. இஸ்ரோ, நாசா மற்றும் ஆக்ஸியம் ஸ்பேஸ் ஆகியோர் இணைந்து செயல்படுத்தும் இத்திட்டத்திற்கு சுபான்ஷு சுக்லா (படத்தில் வலதுபுறம் இருப்பவர்) முதன்மை பைலட்டாகவும், பிரசாந்த் பாலகிருஷ்ணன் நாயர் Backup பைலட்டாகவும் தேர்வு செய்யப்பட்டுள்ளனர். இவர்கள் இருவரும் இந்திய விமானப்படையில் பணியாற்றியவர்கள்.
News August 2, 2024
செப்டம்பர் 1 முதல் புதிய விலையில் நெல் கொள்முதல்
செப்டம்பர் 1ஆம் தேதி முதல், விவசாயிகளிடம் புதிய விலையில் நெல் கொள்முதல் செய்யப்படும் என அமைச்சர் சக்கரபாணி தெரிவித்துள்ளார். அதன்படி, சன்னரக நெல் குவிண்டாலுக்கு ₹2,320 மற்றும் தமிழக அரசின் ஊக்கத்தொகை ₹130, பொதுரக நெல் குவிண்டாலுக்கு ₹2,300 உடன் தமிழக அரசின் ஊக்கத்தொகை ₹105 சேர்த்து வழங்கப்படும் என அவர் கூறியுள்ளார். மத்திய அரசு அறிவித்த ஆதார விலையுடன் சேர்த்து தமிழக அரசு ஊக்கத்தொகை வழங்குகிறது.
News August 2, 2024
ODI: தடுமாறும் இந்திய அணி
இலங்கைக்கு எதிரான முதல் ODI போட்டியில், இந்திய அணி தடுமாறி வருகிறது. முதலில் விளையாடிய SL, 230 ரன்கள் எடுத்தது. 231 ரன்கள் இலக்குடன் களமிறங்கிய IND வீரர்கள், முதலில் அதிரடி காட்டினாலும், மிடில் ஓவர்களில் அடுத்தடுத்து ஆட்டமிழந்தனர். குறிப்பாக ரோஹித் 58, கில் 16, கோலி 24, வாஷிங்டன் சுந்தர் 5, ஸ்ரேயாஸ் ஐயர் 23 ரன்கள் எடுத்து அவுட்டாகினர். IND அணி தற்போதுவரை 27 ஓவர்களில் 134/5 ரன்கள் எடுத்துள்ளது.
News August 2, 2024
FD வட்டியை உயர்த்தியது பஞ்சாப் நேஷனல் வங்கி
வைப்புத்தொகைக்கான (FD) வட்டியை, பஞ்சாப் நேஷனல் வங்கி உயர்த்தியுள்ளது. அதன்படி, அதிகபட்சமாக 400 நாள்களுக்கான வைப்புத் தொகைக்கு 7.25% வட்டி வழங்கப்படும் என அறிவிக்கப்பட்டுள்ளது. 7-45 நாள்களுக்கு 3.5%, 46-179 நாள்களுக்கு 4.5%, 180-270 நாள்களுக்கு 6.25%, 271-299 நாள்களுக்கு 6.50%, 300 நாள்களுக்கு 7.05% வட்டி வழங்கப்படுகிறது. இந்த திட்டங்களில், மூத்த குடிமக்களுக்கு 0.50% கூடுதல் வட்டி வழங்கப்படும்.
News August 2, 2024
இந்திய அணி அதிர்ச்சி தோல்வி
பாரிஸ் ஒலிம்பிக்ஸ் வில்வித்தை கலப்பு இரட்டையர் பிரிவு அரையிறுதி போட்டியில், இந்திய அணி தோல்வியடைந்ததை அடுத்து, வெண்கலப்பதக்கத்திற்கான போட்டியில் அமெரிக்க அணியுடன் மோதியது. இந்திய அணியின் தீரஜ் – அங்கிதா இணை, அமெரிக்காவின் கேசி – பிராடி இணையை எதிர்கொண்டது. இதில், 6-2 என்ற கணக்கில் இந்திய அணி தோல்வியை தழுவி பதக்கம் வெல்லும் வாய்ப்பை இழந்தது.
News August 2, 2024
பெயருக்கு ஏற்ப மாற முயற்சிக்கும் மக்கள்
மக்கள் தங்கள் பெயர்களுக்கு ஏற்ப குணாதிசயங்களை மாற்ற முனைவதாக நேஷனல் அகாடமி ஆஃப் சயின்ஸ் இதழ் நடத்திய ஆய்வில் தெரியவந்துள்ளது. 9-10 வயதுடைய சிறுவர்கள் மற்றும் பெரியவர்கள் இந்த ஆய்வில் பங்கேற்றனர். இதில், முகத்தோற்றத்தை அடிப்படையாகக் கொண்டு ஒருவரின் பெயரை பெரும்பாலனவர்கள் சரியாக யூகித்து பொருத்தினர். இருப்பினும், குழந்தைகளின் முகங்களை அவர்களது பெயர்களுடன் பொருத்துவதில் சிரமத்தை சந்தித்தனர்.
News August 2, 2024
அமெரிக்க பங்குச்சந்தையில் கடும் சரிவு
வெள்ளிக்கிழமை வர்த்தக நேர தொடக்கத்தில் இருந்தே, அமெரிக்க பங்குச்சந்தைகள் கடும் சரிவினை சந்தித்துள்ளன. நாஸ்டாக் இன்று 540 புள்ளிகளை இழந்து 16,644 புள்ளிகளில் வர்த்தகம் ஆகி வருகிறது. அமேசான், இண்டெல், சூப்பர் மைக்ரோ கம்ப்யூட்டர் உள்ளிட்ட முக்கிய நிறுவனங்களின் சரிவு அமெரிக்க பங்குச்சந்தையை ஆட்டம் காண செய்துள்ளன. இதற்கு வேலை இழப்பு காரணமாக இருக்கலாம் என்று சொல்லப்படுகிறது.
News August 2, 2024
சென்னை எழிலகத்தில் முதல்வர் ஸ்டாலின் ஆய்வு
சென்னை எழிலகத்தில் உள்ள மாநில பேரிடர் கட்டுப்பாட்டு மையத்தில் முதல்வர் ஸ்டாலின் நேரில் ஆய்வு மேற்கொண்டார். 24 மணி நேர கட்டுப்பாட்டு அறைக்கு சென்ற அவர், நீலகிரி, கோவை மாவட்டங்களில் பெய்து வரும் மழை நிலவரங்களை கேட்டறிந்தார். அதேபோல, மேட்டூர் அணையிலிருந்து அதிக நீர் திறக்கப்படுவதால், காவிரி கரையோர மாவட்டங்களில் செய்துள்ள முன்னேற்பாடுகள் குறித்தும் அதிகாரிகளுடன் அவர் ஆலோசனை நடத்தினார்.
News August 2, 2024
‘சர்தார் 2’ படத்தில் இணைந்த மாளவிகா மோகனன்
மித்ரன் இயக்கத்தில், கார்த்தி நடிப்பில் 2022ஆம் ஆண்டு வெளியான திரைப்படம் ‘சர்தார்’. ரசிகர்கள் மத்தியில் இப்படம் பெரும் வரவேற்பை பெற்ற நிலையில், 2ஆம் பாகத்திற்கான படப்பிடிப்பு கடந்த மாதம் பூஜையுடன் தொடங்கியது. இந்நிலையில், இப்படத்தில் மாளவிகா மோகனன் கதாநாயகியாக நடிக்கவுள்ளதாக படக்குழு அதிகாரப்பூர்வமாக அறிவித்துள்ளது. முதல் பாகத்தில் ராஷி கண்ணா கதாநாயகியாக நடித்திருந்தார்.
Featured News
Sorry, no posts matched your criteria.