India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 6, 2024
Olympics Day 12: ஆல் தி பெஸ்ட் டீம் இந்தியா!
பாரிஸ் ஒலிம்பிக்ஸில் இன்று நடைபெறும் டேபிள் டென்னிஸ், மல்யுத்தம், பேட்மிண்டன், ஈட்டி எறிதல், 400 மீட்டர் ஓட்டம், ஹாக்கி ஆகிய 5 போட்டிகளில் இந்திய வீரர்கள் பங்கேற்கின்றனர். பிற்பகல் 2.30 மணியளவில் நடைபெறும் மல்யுத்தத்தில் (காலிறுதிக்கு முந்தைய சுற்று) வினேஷ் போகத் ஜப்பானின் சுசாகி யூயுடன் மோதவுள்ளார். மாலை 3.20 மணிக்கு நடைபெற உள்ள ஈட்டி எறிதல் தகுதி சுற்றில் நீரஜ் சோப்ரா களமிறங்கவுள்ளார்.
News August 6, 2024
தங்கலான் பல விவாதங்களை ஏற்படுத்தும்: பா.ரஞ்சித்
கலையை நேசிக்கின்ற நடிகர் விக்ரம் போன்ற ஒரு கலைஞனுடன் சேர்ந்து பணிபுரிவது சுலபமான காரியமல்ல என்று இயக்குநர் பா.ரஞ்சித் கூறியுள்ளார். ‘தங்கலான்’ இசை வெளியீட்டு விழாவில் பேசிய அவர், “பாபாசாஹேப் அம்பேத்கர் வழியில், பாதிக்கப்பட்ட பூர்வக்குடி மக்களின் வரலாற்றை பேசவே கலைத்துறையைத் தேர்ந்தெடுத்தேன். தங்கலான் படம் உங்களுடைய உணர்வுகளை தொடும். பல விவாதங்களை ஏற்படுத்தும்” என உறுதிபட கூறியுள்ளார்.
News August 6, 2024
சந்தை வீழ்ச்சி: ₹15 லட்சம் கோடி இழப்புக்கு காரணம் என்ன?
இந்திய பங்குச் சந்தையின் குறியீடுகளான சென்செக்ஸ் & நிஃப்டி நேற்றைய ஒரேநாளில் தலா 3% சரிந்தது. ஒட்டுமொத்த சந்தை மூலதன மதிப்பீடு சரிவால் முதலீட்டாளர்கள் வர்த்தகத்தில் ₹15 லட்சம் கோடி இழந்தனர். இப்பெரும் இழப்புக்கு அமெரிக்க மந்தநிலை, மத்திய கிழக்கில் அதிகரிக்கும் பதற்றம், உயர் மதிப்பீடுகள், ஏற்ற-இறக்கமான நிலையில் உள்ள காலாண்டு முடிவுகள், தொழில்நுட்பக் காரணிகள் உள்ளிட்டவையே காரணமெனக் கூறப்படுகிறது.
News August 6, 2024
ஸ்பெயின் பேட்ஜை கையில் ஏந்திய சீன வீராங்கனை
பாரிஸ் ஒலிம்பிக்ஸ் பேட்மிண்டன் மகளிர் ஒற்றையர் பிரிவில் சீனாவின் ஹி பிங் ஜியாவ் வெள்ளிப் பதக்கம் வென்றார். பதக்கம் பெறும் மேடையில், ஸ்பெயின் அணியினரின் பேட்ஜை அவர் கையில் வைத்திருந்தது கவனத்தை ஈர்த்தது. இது தொடர்பாக பேசிய அவர், அரையிறுதியில் ஜியாவுடன் மோதிய ஸ்பெயின் வீராங்கனை கரோலினா மரின் காயம் காரணமாக பாதியிலேயே விலகினார். மரினை கௌரவிக்கும் வகையில், இதனை தாம் செய்ததாக தெரிவித்துள்ளார்.
News August 6, 2024
வாத நோய்களை நீக்கும் சிற்றாமுட்டி: சித்த மருத்துவம்
மூட்டு, குருத்தெலும்பு, தசைநார்களை பாதிக்கும் வாத நோய்களை நீக்கும் ஆற்றல் ‘சிற்றாமுட்டி’ மூலிகைக்கு உள்ளதென குணபாடம் மருத்துவ நூல் கூறுகிறது. சிற்றாமுட்டி வேர் கொண்டு செய்யப்படும் கஷாயத்தோடு சுக்கு & பனைவெல்லம் சேர்த்துப் பருக, மழைக்காலங்களில் மூட்டுகளில் ஏற்படும் வலி குறையும். அத்துடன், சிற்றாமுட்டி வேரை வாங்கி, நல்லெண்ணெய்யில் இட்டுக் காய்ச்சி வலியுள்ள இடங்களில் தடவ நிவாரணம் கிடைக்குமாம்.
News August 6, 2024
₹4,717 கோடி லாபம் ஈட்டிய ஏர்டெல்
2024-25ஆம் நிதியாண்டின் முதல் காலாண்டில் பார்தி ஏர்டெல் நிறுவனத்தின் நிகர லாபம் 128% அதிகரித்து ₹4,717 கோடியாக உயர்ந்துள்ளது. அதன் புள்ளிவிவரப்படி, முந்தைய காலாண்டில் ₹37,599 கோடியாக அதன் வருமானம் 2.4% அதிகரித்து ₹38,506 கோடியாக உயர்ந்துள்ளது. வட்டி, வரிகள், தேய்மானம் & கடனைத் திருப்பிச் செலுத்துவதற்கு முந்தைய வருவாய் (Ebitda) ₹19,365 கோடியில் இருந்து ₹19,708 கோடியாக 1.8% அதிகரித்துள்ளது.
News August 6, 2024
அவருக்கு கொஞ்சம்கூட விவரம் தெரியவில்லை: துரைமுருகன்
மேகேதாட்டு அணை விவகாரத்தில் அமைச்சர் துரைமுருகன் லஞ்சம் வாங்கிவிட்டார் என தமிழக பாஜக தலைவர் அண்ணாமலை கூறியிருந்தார். இது குறித்து பத்திரிகையாளர் எழுப்பிய கேள்விக்கு பதிலளித்த துரைமுருகன், அண்ணாமலையை கொஞ்சம் விவரம் தெரிந்தவர் என நினைத்திருந்தேன். ஆனால், அந்தளவுக்கு கூட அவரிடம் அரசியல் அறிவில்லை என இப்போதுதான் தெரிகிறது. விவரம் தெரியாதவர்களிடம் என்ன பேசுவது எனக் கூறியுள்ளார்.
News August 6, 2024
மீனவர் விவகாரத்தை அரசியல் பிரச்னையாக பார்க்கக் கூடாது!
தமிழக மீனவர்கள் இலங்கை கடற்படையால் கைது செய்யப்படும் விவகாரத்தில் மத்திய அரசு தலையிடும் என்று மத்திய அமைச்சர் ஜெய்சங்கர் உறுதி அளித்துள்ளார். டெல்லியில் பேசிய அவர், “தமிழக மீனவர்கள் சங்கத்தினர் பிரச்னைகளை விளக்கி கூறினார். தமிழக மீனவர்கள் மீதான இலங்கை கடற்படையின் தாக்குதல் & கைது நடவடிக்கை அரசியல் பிரச்னையாக பார்க்கக் கூடாது. அது வாழ்வாதாரம் & தொழில் சார்ந்தது” எனத் தெரிவித்துள்ளார்.
News August 6, 2024
வடகிழக்கு பருவமழை தொடங்கும்முன் இதை செய்க!
வடகிழக்கு பருவமழைக்கு முன்பாக முன்னெச்சரிக்கை நடவடிக்கைகளை திமுக அரசு உறுதி செய்ய வேண்டும் என்று TTV தினகரன் வலியுறுத்தியுள்ளார். சென்னை மாநகராட்சி சார்பில் பல்லாயிரம் கோடி ரூபாய் மதிப்பில் நடைபெறும் மழைநீர் வடிகால் அமைக்கும் பணிகள் முறையாக நடைபெறவில்லை எனக் குற்றஞ்சாட்டிய அவர், அப்பணிகளை நிறைவுசெய்து விபத்துக்களும், உயிரிழப்புகளும் ஏற்படா வண்ணம் பார்த்துக் கொள்ள வேண்டுமெனக் கூறியுள்ளார்.
News August 6, 2024
ஆகஸ்ட் 6 வரலாற்றில் இன்று!
➤1914 – முதலாம் உலகப் போர்: ஜெர்மனி மீது செர்பியா போரை அறிவித்தது. ➤ 1960 – அமெரிக்க மூலதனங்களை கியூபா நாட்டுடைமை ஆக்கியது. ➤1991 – WWW தொடர்பான ஆவணங்களை டிம் பேர்னேர்ஸ்-லீ வெளியிட்டார். ➤ 2001 – தமிழ்நாடு ஏர்வாடியில் சங்கிலியால் கட்டப்பட்டிருந்த 28 மனப் பிணியுற்றோர் தீ விபத்தில் உயிரிழந்தனர். ➤ 2012 – நாசாவின் கியூரியோசிட்டி செவ்வாய்க்கோளில் தரையிறங்கியது ➤2019 – சுஷ்மா சுவராஜ் மறைந்த நாள்.
Featured News
Sorry, no posts matched your criteria.