India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 7, 2024
ED வழக்குகளில் 93% குற்றம் நிரூபணம்: பங்கஜ் சவுத்ரி
சட்டவிரோத பண பரிமாற்ற தடை சட்டத்தின்கீழ், ED பதிந்த 93% வழக்குகளில் குற்றச்சாட்டு நிரூபணமாகியுள்ளதாக மத்திய நிதித்துறை இணையமைச்சர் பங்கஜ் சவுத்ரி தெரிவித்துள்ளார். மாநிலங்களவையில் பேசிய அவர், “ஜூலை 31ஆம் தேதிவரை, அமலாக்கத்துறையால் மொத்தம் 7,083 வழக்கு தகவல் அறிக்கைகள் பதிவு செய்யப்பட்டுள்ளன. மொத்தம் ₹1.39 லட்சம் கோடி மதிப்புள்ள சொத்துகள் பறிமுதல் செய்யப்பட்டுள்ளன” எனக் கூறியுள்ளார்.
News August 7, 2024
கொட்டுக்காளி குறித்து மனந்திறந்த அன்னா பென்
‘கொட்டுக்காளி’ திரைப்படத்தில் மீனா என்ற முக்கிய கதாப்பாத்திரத்தில் நடித்துள்ள மலையாள நடிகை அன்னா பென் அவரது வேடம் குறித்து சமூக வலைத்தளத்தில் பகிர்ந்துள்ளார். இது குறித்து தனது இன்ஸ்டாவில் பதிவிட்டுள்ள அவர், “பல அற்புதமான விஷயங்களின் வெளிப்பாடுதான் கொட்டுக்காளி. மதுரையைச் சேர்ந்த மீனா எவ்வளவு அன்பானவளாக இருக்கிறாளோ, அதே போல் வலிமையும் கொண்டிருப்பாள்” என்று பதிவிட்டுள்ளார்.
News August 7, 2024
விவாகரத்து வழக்கு: காத்திருப்பு காலம் அவசியமில்லை!
விவாகரத்து வழக்குகளில், 6 மாதம் காத்திருப்பு காலம் பின்பற்றுவதை, வழக்கின் தன்மைக்கு ஏற்ப முடிவு செய்ய வேண்டும் என மும்பை உயர் நீதிமன்றம் உத்தரவிட்டுள்ளது. புனேயைச் சேர்ந்த தம்பதியின் மேல் முறையீட்டு வழக்கை விசாரித்த நீதிபதி கவுரி காட்சே, “தம்பதி இடையே கருத்து வேறுபாடு & பரஸ்பரம் புகார்கள் இருக்கலாம். நீதிமன்றங்கள் இதுபோன்ற வழக்குகளில், சூழ்நிலைக்கு ஏற்ப செயல்பட வேண்டும்” எனக் கூறியுள்ளது.
News August 7, 2024
மூலிகைகளின் ராணி தண்ணீர்விட்டான் கிழங்கு
விந்தணுக்களின் எண்ணிக்கையை அதிகரிக்கும் ஆற்றல் தண்ணீர்விட்டான் கிழக்கிற்கு உள்ளதென சித்தர் அகத்தியரின் பாடல் கூறுகிறது. அஸ்பராகமைன், ரெஸிமோசைட் போன்ற வேதிப்பொருட்கள் நிறைந்துள்ள இந்த கிழங்கை உலர வைத்துப் பொடி செய்து தினமும் பசும்பாலில் கலந்து பருகினால் ஊட்டச்சத்து பெருகும். உடலின் உள்ளுறுப்புகளில் ஏற்படும் ரணம் குணமாகும். அத்துடன், பெண்களின் கருப்பைச் சார்ந்த நோய்கள் தீருமாம்.
News August 7, 2024
Olympics: க்ளைம்பிங்கை கொண்டாடும் சிறப்பு டூடுல்
பாரிஸில் நடக்கும் 33ஆவது ஒலிம்பிக்ஸ் திருவிழாவைக் கொண்டாடும் வகையில் 13ஆவது நாளாக கூகுள் சிறப்பு டூடுலை வெளியிட்டுள்ளது. இதில், கழுகு தூணில் கயிற்றால் பிணைக்கப்பட்ட நீல நிறப் பறவையொன்று ஏறுவது போன்ற குறியீடு இடம்பெற்றுள்ளது. இருபாலருக்குமான க்ளைம்பிங் போட்டிகள் (Lead Climbing, Speed Climbing, Bouldering) இன்று நடைபெறவுள்ளது. அதனை பிரதிபலிக்கும் வகையில் இந்த டூடுல் வடிவமைக்கப்பட்டுள்ளது.
News August 7, 2024
அமேசானுக்கு குட்பை சொல்லும் மணீஷ் திவாரி?
இந்தியாவில் ஈ-காமர்ஸ் நிறுவனமான அமேசானின் சந்தை விரிவாக்கம் & வளர்ச்சிக்கு முக்கியப் பங்காற்றியவர் மணீஷ் திவாரி. அவர் அந்நிறுவனத்தின் இந்திய தலைவர் பதவியில் இருந்து விலகப் போவதாக ராய்ட்டர்ஸ் தகவல் தெரிவித்துள்ளது. யூனிலீவரில் இருந்து விலகிய பிறகு 2016 ஆம் ஆண்டு அமேசான் இந்தியாவில் இணைந்தார். நிர்வாகம் & மேலாண்மைத் துறையில் அவரது 20 ஆண்டுகால அனுபவம் ‘அமேசான்’ வெற்றிக்கு பெரும் பங்களித்தது.
News August 7, 2024
இடி மின்னலுடன் வெளுத்து வாங்கும் கனமழை
சென்னை & அதன் புறநகர் பகுதிகளில் கடந்த 3 மணிநேரமாக இடி மின்னலுடன் கூடிய மிதமான மழை பெய்துவருகிறது. மேற்கு திசை காற்றின் வேகமாறுபாடு காரணமாக திருச்சி, சேலம், குமரி, நெல்லை உள்பட 13 மாவட்டங்களில் பலத்த காற்றுடன் கூடிய (30 – 40 கி.மீ., வேகத்தில்) மிதமான மழையும், புதுவை வேலூர், கடலூர், காரைக்கால், அரியலூர், பெரம்பலூர், திருவண்ணாமலை உள்பட 16 மாவட்டங்களில் லேசான மழையும் பொழிந்து வருகிறது.
News August 7, 2024
ஆகஸ்ட் 7 வரலாற்றில் இன்று!
➤1642 – முதுமொழி அறிஞர் உமறுப் புலவர் பிறந்த நாள். ➤1714 – கங்கூட் சமரில் ரஷ்யக் கடற்படை வென்றது. ➤1906 – கொல்கத்தாவில் வங்கப் பிரிவினை எதிர்ப்புப் போராட்டம் தொடங்கியது. ➤1955 – சோனி நிறுவனம் டிரான்சிஸ்டரை அறிமுகப்படுத்தியது. ➤1976 – வைக்கிங் 2 விண்கலம் செவ்வாயை சென்ற
அடைந்தது. ➤2017 – உ.பி., கோரக்பூர் அரசு மருத்துவமனையில் 60 குழந்தைகள் உயிரிழந்தனர். ➤2018 – முத்தமிழறிஞர் கருணாநிதி மறைந்த நாள்.
News August 7, 2024
விராட் கோலியின் வளர்ச்சிக்கு இவர்தான் காரணமா?
விராட் கோலி, ரோஹித் ஷர்மா போன்ற பல இந்திய வீரர்கள் வளர்வதற்கு தோனி முக்கிய காரணமாக இருந்ததாக இந்திய அணியின் வீரர் ஷர்துல் தாகூர் தெரிவித்துள்ளார். இளம் வீரர்களை தங்களது சொந்த திட்டத்துடன் விளையாட தோனி அனுமதிப்பார் எனக் கூறிய அவர், தோனியின் ஆதரவு மட்டும் இல்லையென்றால் விராட், ரோகித் போன்றவர்கள் கூட அவர்களது ஆரம்ப காலத்தில் அணியிலிருந்து நீக்கப்பட்டிருப்பார்கள் எனக் கூறியுள்ளார்.
News August 7, 2024
காசாவில் 20 லட்சம் மக்கள் பசியால் செத்தாலும்…
காசாவில் இருக்கும் 20 லட்சம் மக்கள் பசியால் இறக்க நேரிட்டாலும், அந்த பகுதிக்கு மனிதாபிமான உதவிகளை தடுப்பது தார்மீக ரீதியாக நியாயமானதுதான் என்று இஸ்ரேல் அரசு தெரிவித்துள்ளது. இது குறித்து பேசிய இஸ்ரேல் நிதி அமைச்சர் ஸ்மோட்ரிச், “தற்போதைய உலகளாவிய யதார்த்தத்தை வைத்துக்கொண்டு நம்மால் ஒரு போரை நிர்வகிக்க முடியாது. காசாவுக்கான மனிதாபிமான உதவிகள் இஸ்ரேலுக்கு ஆபத்தை விளைவிக்கும்” எனக் கூறியுள்ளார்.
Featured News
Sorry, no posts matched your criteria.