India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 7, 2024
முடி உதிரும் பிரச்னையா… அப்போ இதை குடிங்க!
உடலின் நோய் எதிர்ப்பு சக்தியை அதிகரிக்கவும் முடி உதிர்வை தடுக்கவும் கேசவர்தினி ஜூஸை பருகலாம் என்று உணவியல் நிபுணர்கள் பரிந்துரைக்கின்றனர். நெல்லி, பீட்ரூட், கறிவேப்பிலை, இஞ்சி, மஞ்சள் ஆகியவற்றை நறுக்கி எடுத்து, நீர் ஊற்றி அரைத்து சிட்டிகை சீரகம் தூள் சேர்த்தால் கேசவர்தினி ஜூஸ் ரெடி. இதனை காலையில் வெறும் வயிற்றில் 45 நாள்கள் தொடர்ந்து பருகி வந்தால் ரத்தம் சுத்தமாகி, முடி நன்கு அடர்த்தியாக வளரும்.
News August 7, 2024
ஆர்யா படத்தின் படப்பிடிப்பு தொடங்கியது
‘காதர் பாஷா எந்திர முத்துராமலிங்கம்’ படத்தையடுத்து ஆர்யா நடிக்கும் புதிய படத்தின் படப்பிடிப்பு இன்று தொடங்கியுள்ளது. ஜியென் கிருஷ்ணகுமார் என்பவர் இயக்கத்தில் ஆர்யா, நிகிலா விமல் இணைந்து நடிக்கின்றனர். இப்படத்தினை ‘மார்க் ஆண்டனி’ படத்தை தயாரித்த மினி ஸ்டுடியோஸ் நிறுவனம் தயாரிக்கிறது. இப்படத்தில் நடிக்கும் பிற கலைஞர்கள் விரைவில் அறிவிக்கப்படுவார் என கூறப்படுகிறது.
News August 7, 2024
மழையால் ஆட்டம் பாதிப்பு
தென்னாப்பிரிக்காவுக்கு சுற்றுப்பயணம் மேற்கொண்டுள்ள வெஸ்ட் இண்டீஸ் அணி 2 போட்டிகள் கொண்ட டெஸ்ட் தொடரில் ஆடி வருகிறது. இதில் முதல் போட்டி இன்று தொடங்கிய நிலையில், டாஸ் வென்ற தெ.ஆ பேட்டிங் செய்துவருகிறது. தொடக்க ஆட்டக்காரர் மார்க்ரம் 9 ரன்னில் ஆட்டமிழந்த நிலையில், ஸ்டப்ஸ் 2, டோனி டி ஷோரி 32 ரன்களுடன் விளையாடி வருகின்றனர். 15 ஓவர்கள் வீசப்பட்ட நிலையில் மழை குறுக்கிட்டதால் ஆட்டம் பாதிக்கப்பட்டுள்ளது
News August 7, 2024
12 ராசிகளுக்கான பலன்கள் (08.08.2024)
*மேஷம் – நட்பான நாள்
*ரிஷபம் – உதவி கிடைக்கும்
*மிதுனம் – நன்மை உண்டாகும்
*கடகம் – சிரமம் ஏற்படும்
*சிம்மம் – நிம்மதியான நாள்
*கன்னி – லாபம் அதிகரிக்கும்
*துலாம் – சுகமான நாள்
*விருச்சிகம் – மேன்மையான நாள்
*தனுசு – வெற்றி உண்டாகும்
*மகரம் – நற்செயல் செய்யும் நாள் *கும்பம் – ஆக்கப்பூர்வமான நாள் *மீனம் – அன்பு தேடி வரும்
News August 7, 2024
வயநாடு செல்கிறார் பிரதமர் மோடி?
கடந்த மாதம் 29ஆம் தேதி கேரளாவின் வயநாட்டில், ஏற்பட்ட நிலச்சரிவில் சிக்கி 400க்கும் மேற்பட்டோர் உயிரிழந்தனர். நிலச்சரிவு பாதிப்புகளை பார்வையிட ராகுல் காந்தி உள்ளிட்ட பல அரசியல் கட்சி தலைவர்கள் நேரில் சென்ற நிலையில் பிரதமர் மோடி வயநாடு செல்லாதது விவாதத்தை ஏற்படுத்தியது. இந்நிலையில், வரும் ஆக.10 அல்லது 11 ஆம் தேதி பிரதமர் மோடி வயநாடு செல்ல உள்ளதாக தகவல் வெளியாகியுள்ளது.
News August 7, 2024
நீட் PG வினாத்தாள் கசியவில்லை: மத்திய அரசு
நீட் PG தேர்வுக்கான வினாத்தாள் கசியவில்லை என மத்திய அரசு விளக்கமளித்துள்ளது. இது தொடர்பாக போலியான தகவல்கள் பரப்பப்படுவதாக குறிப்பிட்டுள்ள மத்திய அரசு, சமூக வலைதளங்களில் வெளியாகும் தகவலில் உண்மை இல்லை என விளக்கமளித்துள்ளது. நீட் PG தேர்வு, ஆகஸ்ட் 11ஆம் தேதி நடைபெற உள்ள நிலையில், தேர்வுக்கான வினாத்தாள் ₹70,000க்கு விற்கப்பட்டதாக NEET- PG leaked Material என்ற பெயரில் தகவல் பரவியது.
News August 7, 2024
போகத்துக்கு வெள்ளிப்பதக்கம் கொடுங்க: ஜோர்டன்
ஒலிம்பிக்ஸ் தொடரில் இருந்து வினேஷ் போகத் தகுதிநீக்கம் செய்யப்பட்ட விவகாரத்தில் அமெரிக்க மல்யுத்த வீரரும், ஒலிம்பிக்கில் தங்கப்பதக்கம் வென்றவருமான ஜோர்டன் பர்ரோக்ஸ் கருத்து தெரிவித்துள்ளார். அரையிறுதியில் வெற்றி பெற்ற வினேஷ் போகத்துக்கு வெள்ளிப்பதக்கம் வழங்க வேண்டும் என்று அவர் கூறியிருப்பது பேசுபொருளாகியிருக்கிறது. இதுகுறித்து உங்களது கருத்து என்ன?
News August 7, 2024
அக்டோபரில் வருகிறது PM கிஷான் ஊக்கத்தொகை
PM கிஷான் திட்டத்தின் 18வது தவணை, அக்டோபரில் வழங்கப்படும் என தகவல் வெளியாகியுள்ளது. விவசாயிகளுக்கு ஆண்டுதோறும் 3 தவணைகளாக, மத்திய அரசு ₹6000 வழங்குகிறது. இதுவரை 17 தவணைகள் வழங்கப்பட்டுள்ள நிலையில், 18ஆவது தவணை வழங்குவதற்காக ,e-KYC அப்டேட் செய்வது போன்ற பணிகள் ஜூலை 31 உடன் முடிந்தது. இதையடுத்து விவரங்கள் சரிபார்க்கப்பட்டப்பின் அக்டோபர் மாதத்தில் ₹2000 வரவு வைக்கப்படும் என அதிகாரிகள் கூறியுள்ளனர்.
News August 7, 2024
முட்டை சாப்பிடுபவர்கள் கவனத்திற்கு
முட்டை சாப்பிடுவதால் பல நன்மைகள் கிடைக்கும் என்கின்றனர் மருத்துவர்கள். இருப்பினும் முட்டை நன்றாக உள்ளதா, இல்லையா என்பதை தெரிந்து சாப்பிட வேண்டும். முட்டை 10 -12 நாள்களுக்கு ஃப்ரெஷ்ஷாக இருக்கும் என்றும், ஃபிரிட்ஜில் வைத்தல் கூடுதலாக 4 நாள்கள் இருக்கும் என்றும், FSSAI தெரிவித்துள்ளது. புதிய முட்டைகளை தண்ணீருக்குள் போட்டவுடன் மூழ்கிவிடும். ஆனால் கெட்டுப்போன முட்டைகள் தண்ணீரில் மிதக்கும் என்கின்றனர்.
News August 7, 2024
வரிமுறையில் மாற்றம் செய்தார் நிர்மலா சீதாராமன்
ஜூலை 23, 2024க்கு முன் வாங்கிய ரியல் எஸ்டேட், பங்குகள் ஆகியவற்றிற்கு LTCG வரியை பழைய முறை, புதிய முறை இரண்டிலும் கணக்கிடலாம் என்று நிதியமைச்சர் நிர்மலா சீதாராமன் தெரிவித்துள்ளார். பட்ஜெட்டில், நீண்டநாள் மூலதன லாபம் (LTCG) மீதான வரியை இன்டெக்சேஷன் முறையை நீக்கிவிட்டு 12.5%ஆக குறைத்தார் நிதியமைச்சர். ஆனால், இது அதிகம் என்று பலர் சொன்னதால், பழைய முறையில் கணக்கிட்டுக் கொள்ள அனுமதியளித்திருக்கிறார்.
Featured News
Sorry, no posts matched your criteria.