India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 8, 2024
BREAKING: வினேஷ் போகத்தின் அதிர்ச்சி முடிவு
இந்திய மல்யுத்த வீராங்கனை வினேஷ் போகத் அதிர்ச்சி முடிவை எடுத்துள்ளார். இதுதொடர்பாக அவரது எக்ஸ் பக்கத்தில், மல்யுத்தத்தில் இருந்து ஓய்வு பெறுவதாக அறிவித்துள்ளார். மல்யுத்தம் தன்னை வென்றதாகவும், தான் தோற்றுவிட்டதாகவும் குறிப்பிட்டுள்ளார். மேலும், தனது தைரியத்தை இழந்துவிட்டதாகவும், தனக்கு வலிமை இல்லை என்றும் ‘குட் பை மல்யுத்தம் 2001-2024’ எனவும் உணர்ச்சிப்பூர்வமாக பதிவிட்டுள்ளார்.
News August 8, 2024
இன்றும் நாளையும் இடி மின்னலுடன் கூடிய மழை
தமிழகத்தில் இன்றும் நாளையும் இடி மின்னலுடன் கூடிய மழை பெய்யக்கூடும் என்று வானிலை மையம் தெரிவித்துள்ளது. தமிழக பகுதிகளின் மேல் வளி மண்டல கீழடுக்கு சுழற்சி நிலவுவதாகவும், மேற்கு திசை காற்றின் வேகமும் மாறுபடுவதாக கூறியுள்ளது. இதனால் இன்றும், நாளையும் லேசான மழை பெய்யக்கூடும் என்றும், 10ம் தேதி முதல் 13ம் தேதி வரை மிதமான மழை பெய்ய வாய்ப்புள்ளது என்றும் வானிலை மையம் குறிப்பிட்டுள்ளது.
News August 8, 2024
கச்சத்தீவு விவகாரத்தில் மத்திய அரசு இரட்டை வேடம்: அதிமுக
தமிழக மீனவர்கள் பிரச்னையை காது கொடுத்து கேட்பதில்லை என்று அதிமுக முன்னாள் அமைச்சர் ஆர்.பி. உதயகுமார் விமர்சித்துள்ளார். குஜராத் மீனவர்கள் பாதிக்கப்பட்டால் மத்திய அரசு உடனடியாக நடவடிக்கை எடுப்பதாகக் குறிப்பிட்ட அவர், தமிழக மீனவர்களை மாற்றாந்தாய் மனப்பான்மையுடன் நடத்துகிறது எனக் குற்றஞ்சாட்டியுள்ளார். அத்துடன், கச்சத்தீவு பிரச்னையில் மத்திய அரசு, இன்று வரை இரட்டை வேடம் போடுகிறது என சாடியுள்ளார்.
News August 8, 2024
இன்றைய தலைப்புச் செய்திகள்!
*பேரிடர் நிவாரண நிதி வழங்குவதில் மத்திய அரசு மாற்றாந்தாய் மனப்பான்மையுடன் நடக்கக்கூடாது – ஆர்.பி.உதயகுமார் *புகையிலை நிறுவனங்கள் தங்களது இயந்திரங்களை பதிவு செய்ய தவறினால் அக்.,1ஆம் தேதி முதல் 1லட்சம் அபராதம் – CBIC*இந்தியாவுக்குள் ஊடுருவ முயன்ற 100 வங்கதேசத்தினர் எல்லையில் தடுத்து நிறுத்தம் *ஒலிம்பிக்ஸ் ஹாக்கி: வெண்கலப் பதக்கத்துக்கான போட்டியில் இந்தியா- ஸ்பெயின் அணிகள் மோதவுள்ளன.
News August 8, 2024
எமிலி டிக்கின்சனின் பொன்மொழிகள்
✍உலகில் அன்பு என்ற ஒரு வார்த்தைக்கு நிகரான சக்திமிக்க எதையும் எனக்குத் தெரியாது. ✍அதிர்ஷ்டம் தைரியமானவர்களுடன் நட்புக் கொள்கிறது. ✍ பட்டறைக்கல்லாக இருப்பதை விட ஒரு சுத்தியலாக இருப்பது சிறந்தது. ✍கற்றுக் கொண்டே இருக்கும் வரை உங்களால் இளமையாக இருக்க முடியும். ✍ முதுமை திடீரென்று வருகிறது, நாம் நினைப்பது போல் படிப்படியாக அல்ல. ✍பிரிந்து செல்லும் நேரம் வரை காதல் அதன் ஆழத்தை அறியாது.
News August 8, 2024
கர்நாடகாவுக்கு ₹939 கோடி தமிழ்நாட்டுக்கு ₹276 கோடி
கடந்த 2 ஆண்டுகளில் புயல், வெள்ள நிவாரண பணிகளுக்காக தமிழ்நாட்டுக்கு ₹276 கோடி வழங்கியுள்ளதாக மத்திய அரசு தெரிவித்துள்ளது. இயற்கை பேரிடர் நிவாரணம் & மறுவாழ்வு பணிகளுக்காக தேசிய பேரிடர் நிவாரண நிதியில் இருந்து அரசு வழங்கிய நிதியின் விவரம் இதோ:- அதிகபட்சமாக கர்நாடகாவுக்கு ₹939 கோடி, இமாச்சலுக்கு ₹873 கோடி, அசாமுக்கு ₹160 கோடி, சிக்கிமுக்கு ₹267 கோடி, நாகலாந்துக்கு ₹68 கோடி நிதி வழங்கப்பட்டுள்ளன.
News August 8, 2024
Olympics: ஹாக்கியில் இந்தியா வெண்கலம் வெல்லுமா?
பாரிஸ் ஒலிம்பிக்ஸில் ஆண்கள் ஹாக்கி போட்டியில் அரையிறுதியில் தோல்வியடைந்த இந்தியாவும், ஸ்பெயினும் வெண்கலப் பதக்கத்துக்கான ஆட்டத்தில் இன்று மோதுகின்றன. ஒலிம்பிக்ஸ் அரங்கில், ஸ்பெயினுக்கு எதிராக விளையாடிய 10 போட்டிகளில், இந்தியா 7இல் வென்றுள்ளது. இது தொடரும் பட்சத்தில், கடந்த முறை வெண்கலம் வென்ற ஹர்மன்பிரீத் சிங் தலைமையிலான இந்திய அணி மீண்டும் பதக்கம் வெண்கலம் வென்று நாடு திரும்பலாம்.
News August 8, 2024
காப்பீடுகள் மீதான ஜிஎஸ்டி வரி நிதியமைச்சர் விளக்கம்
மருத்துவம், ஆயுள் காப்பீடு தொகை மீது வசூலிக்கப்படும் 18% ஜிஎஸ்டி வரியை ரத்து செய்ய வேண்டும் என எதிர்க்கட்சிகள் கோரிக்கை விடுத்து வருகின்றன. இது குறித்து மக்களவையில் பேசிய மத்திய நிதியமைச்சர் நிர்மலா சீதாராமன், “GST வரி வசூலில் 75% மாநில அரசுகளுக்குத்தான் செல்கிறது. GST வரி அமலுக்கு வரும் முன்பே, மருத்துவக் காப்பீட்டுத் தொகை மீது மாநில அரசுகள் வரி வசூலித்துதான் வந்தன” என்று பதிலளித்துள்ளார்.
News August 8, 2024
இன்றைய நல்ல நேரம்!
▶ஆகஸ்ட் – 8 ▶ ஆடி – 23 ▶கிழமை: வியாழன் ▶நல்ல நேரம்: 10:45 AM – 11:45 AM ▶கெளரி நேரம்: 12:15 AM – 1:15 AM & 6:30 PM – 7:30 PM ▶ராகு காலம்: 1:30 PM – 3:00 PM ▶எமகண்டம்: 6:00 AM – 7:30 AM ▶குளிகை: 10:30 AM – 12:00 PM ▶திதி: சதுர்த்தி ▶சந்திராஷ்டமம்: அவிட்டம் ▶முகூர்த்தம்: இல்லை ▶யோகம்: மரண-சித்த யோகம் ▶பிறை: வளர்பிறை ▶நட்சத்திரம்: உத்திரம் ▶சூலம்: தெற்கு ▶பரிகாரம்: தைலம்
News August 8, 2024
EPS தரப்பில் திருத்த மனு தாக்கல்
அதிமுக பொதுக்குழுவை எதிர்த்து உயர் நீதிமன்றத்தில் OPS தொடர்ந்த வழக்கில் EPS தரப்பு திருத்த மனுவை தாக்கல் செய்துள்ளது. அதிமுக பொதுச்செயலாளராக EPS-ஐ தேர்வு செய்ததை செல்லாது என அறிவிக்க கோரிய மனு மீண்டும் விசாரணைக்கு வந்தது. அப்போது, அதிமுக பொதுச்செயலாளர் என்பதை மாற்றி EPS தரப்பில் புதிதாக மனு தாக்கல் செய்யப்பட்டதை கேட்டறிந்த நீதிபதி ஆர்.எம்.டி.டீக்காராமன், வழக்கை 3 வாரங்களுக்கு தள்ளிவைத்தார்.
Featured News
Sorry, no posts matched your criteria.