India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 8, 2024
12 ராசிகளுக்கான பலன்கள் (09.08.2024)
மேஷம் – பொறாமை, ரிஷபம் – மேன்மை, மிதுனம் – ஆதரவு, கடகம் – போட்டி, சிம்மம் – மகிழ்ச்சி, கன்னி – ஆதாயம், துலாம் – நோய், விருச்சிகம் – இன்பம், தனுஷ் – நன்மை, மகரம் – சோர்வு, கும்பம் – விவேகம், மீனம் – பகை.
News August 8, 2024
சிங்கப்பூர் GDPஐ மிஞ்சும் இந்திய செல்வந்தர்கள்
நாட்டின் மூன்று முக்கிய கோடீஸ்வர குடும்பங்களான அம்பானி, பிர்லா, பஜாஜ் ஆகியோரின் சொத்து மதிப்பு தொடர்பான ஆய்வறிக்கையை பிசினஸ் ஸ்டாண்டர்ட் நாளேடு வெளியிட்டுள்ளது. அதன்படி, இந்த மூன்று குடும்பங்களும் சேர்ந்து சுமார் ₹38.6 லட்சம் கோடி சொத்து வைத்திருக்கின்றனர். இது, மொத்த சிங்கப்பூரின் GDP-ஐ விட அதிகமாகும். அடுத்தடுத்த இடங்களில் ஷிவ் நாடார், மஹிந்திரா குடும்பங்கள் இருக்கின்றன.
News August 8, 2024
இரவு மழை பெய்ய வாய்ப்பு
தமிழகத்தில் இன்றிரவு 1 மணி வரை 23 மாவட்டங்களில் மழை பெய்யக்கூடும் என்று சென்னை வானிலை ஆய்வு மையம் தெரிவித்துள்ளது. குறிப்பாக, கடலூர், அரியலூர் ஆகிய மாவட்டங்களில் இடி, மின்னலுடன் கூடிய மிதமான மழைக்கு வாய்ப்புண்டு. இதற்கான ஆரஞ்சு அலர்ட்டும் விடுக்கப்பட்டுள்ளது. சென்னை, காஞ்சிபுரம், திருவள்ளூர், செங்கல்பட்டு உள்ளிட்ட 21 மாவட்டங்களில் லேசான மழைக்கு வாய்ப்புள்ளது.
News August 8, 2024
பஞ்சாப் வீரர்களுக்கு ₹1 கோடி ரொக்கப்பரிசு
பாரிஸ் ஒலிம்பிக்ஸ் ஹாக்கி போட்டியில் வெண்கலப்பதக்கம் வென்ற பஞ்சாப் வீரர்களுக்கு தலா ₹1 கோடி ரொக்கப்பரிசு வழங்கப்படும் என அம்மாநில முதல்வர் பகவந்த் மான் அறிவித்துள்ளார். பஞ்சாப்பைச் சேர்ந்த ஹர்மன்ப்ரீத் சிங் தலைமையிலான இந்திய ஹாக்கி அணி வெண்கலப்பதக்கம் வென்றுள்ளது. கேப்டன் ஹர்மன்ப்ரீத் சிங், துணை கேப்டன் ஹர்திக் சிங் உள்பட மொத்தம் 10 பஞ்சாப் வீரர்கள் இந்திய அணியில் இடம்பெற்றிருந்தனர்.
News August 8, 2024
அமன் ஷெராவத் அரையிறுதியில் தோல்வி
பாரிஸ் ஒலிம்பிக் ஆடவர் மல்யுத்த போட்டியில் 57 கிலோ எடைப்பிரிவில் அமன் ஷெராவத் தோல்வி அடைந்தார். அரையிறுதி போட்டியில் ஜப்பானின் முதல் நிலை வீரரான ரெய் ஹிகுச்சியுடன் அவர் மோதினார். இதில், 0-10 என்ற புள்ளி கணக்கில் தோல்வியடைந்த அமன், இறுதிப்போட்டிக்கு முன்னேறும் வாய்ப்பை இழந்தார். வெண்கலப்பதக்கத்திற்கான போட்டி நாளை நடைபெறவுள்ளது.
News August 8, 2024
ஐமேக்ஸ் தொழில்நுட்பத்தில் வெளியாகும் ‘G.O.A.T’
‘G.O.A.T’ படத்தின் புதிய போஸ்டர் இணையத்தில் வைரலாகி வருகிறது. வெங்கட் பிரபு இயக்கத்தில், விஜய் நடிப்பில் உருவாகி வரும் இப்படம், செப்டம்பர் 5ஆம் தேதி உலகம் முழுவதும் வெளியாகவுள்ளது. பிரசாந்த், பிரபுதேவா, ஜெயராம், சினேகா, லைலா, அஜ்மல், மீனாட்சி சௌத்ரி, வைபவ், யோகி பாபு, பிரேம்ஜி அமரன் உள்ளிட்ட பலர் நடித்துள்ள இப்படம் ஐமேக்ஸ் தொழில்நுட்பத்துடன் வெளியாகவுள்ளதாக படக்குழு அறிவித்துள்ளது.
News August 8, 2024
திமுகவுக்கு எதிராக மெகா கூட்டணி: கிருஷ்ணசாமி
2026 சட்டமன்ற தேர்தலில் திமுகவுக்கு எதிராக மெகா கூட்டணி அமைய வாய்ப்புள்ளதாக புதிய தமிழகம் கட்சி தலைவர் கிருஷ்ணசாமி தெரிவித்துள்ளார். திமுகவின் அருந்ததியர் உள் ஒதுக்கீடு இந்த நூற்றாண்டின் மிகப் பெரிய சமூக அநீதி என்று விமர்சித்த அவர், இதன் காரணமாக தேவேந்திரகுல வேளாளர் மற்றும் ஆதிதிராவிடர் சமுதாயத்தைச் சேர்ந்த 1.5 கோடி பேர் பாதிக்கப்பட்டுள்ளதாகவும் அவர் தெரிவித்துள்ளார்.
News August 8, 2024
இந்திய ஹாக்கி அணிக்கு குவியும் பாராட்டு
இந்திய ஹாக்கி அணியின் திறமை, ஒற்றுமை இளைஞர்களை ஊக்குவிக்கும் வகையில் உள்ளதாக குடியரசுத் தலைவர் திரெளபதி முர்மு பாராட்டியுள்ளார். இந்திய அணி அற்புதமான ஆட்டத்தை வெளிப்படுத்தியதாக ராகுல் காந்தி தெரிவித்துள்ளார். ஸ்ரீஜேஷின் அர்ப்பணிப்பு அனைவரையும் ஊக்கப்படுத்தியதாகவும் அவர் கூறியுள்ளார். மத்திய அமைச்சர் அமித்ஷா, அதிமுக பொதுச்செயலாளர் இபிஎஸ் உள்ளிட்டோரும் இந்திய அணிக்கு வாழ்த்து தெரிவித்துள்ளனர்.
News August 8, 2024
தமிழ்நாட்டில்தான் எனது பயணம் தொடங்கியது: ஸ்ரீஜேஷ்
தமிழ்நாட்டில் இருந்துதான் தனது விளையாட்டு பயணம் தொடங்கியதாக இந்திய ஹாக்கி அணியின் கோல் கீப்பர் ஸ்ரீஜேஷ் நெகிழ்ச்சியுடன் கூறியுள்ளார். ஒலிம்பிக்ஸில் வெண்கலப்பதக்கம் வென்றது குறித்து பேசிய, “வெற்றி மகிழ்ச்சியை அளிக்கிறது. இந்திய அணி ஆடுகளத்தில் நின்ற ஒவ்வொரு முறையும், ஒலித்த மக்களின் கர்ஜனை என்றென்றும் நினைவில் இருக்கும். இது முடிவல்ல, அடுத்தக்கட்ட நகர்வின் நல்ல தொடக்கம்” எனத் தெரிவித்துள்ளார்.
News August 8, 2024
வங்கதேசத்தில் இடைக்கால அரசு பதவியேற்பு
வங்கதேசத்தில் முகமது யூனுஸ் தலைமையிலான இடைக்கால அரசு பதவியேற்றது. டாக்காவில் நடந்த நிகழ்வில் இடைக்கால அரசின் ஆலோசனை குழுவில் முகமது யூனுஸ் உடன் 17 பேர் பதவிப் பிரமாணம் எடுத்துக் கொண்டனர். வங்கதேச வங்கியின் முன்னாள் ஆளுநர், முன்னாள் வெளியுறவுத் துறை செயலாளர் உள்ளிட்டோரும் பதவியேற்றுக் கொண்டனர்.
Featured News
Sorry, no posts matched your criteria.