India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 12, 2024
சீமானுக்கு பயந்து மாநாடு நடத்துகிறோமா? சேகர்பாபு
திமுக சார்பில் திண்டுக்கல்லில் ஆகஸ்ட் மாதம் முருகன் மாநாடு நடைபெறவுள்ளது. இதனை விமர்சித்த சீமான், தனக்கு பயந்தே முருகன் மாநாட்டை திமுக நடத்துவதாக கூறினார். இதற்கு பதிலடி கொடுத்துள்ள அமைச்சர் சேகர்பாபு, “திருச்செந்தூர், திருத்தணி, பழனி முருகன் கோயில்களுக்கு பல நூறு கோடி செலவில் குடமுழுக்கு பணிகளை திமுக அரசு நடத்தி வருகிறது. யாருக்கும் பயந்து முருகன் மாநாட்டை நாங்கள் நடத்தவில்லை” எனக் கூறினார்.
News August 12, 2024
ஹிண்டன்பர்க் அறிக்கை காங்கிரஸின் சதி: பாஜக
ஹிண்டன்பர்க் அறிக்கை காங்கிரஸ் கட்சியின் சதி என பாஜக மூத்த தலைவர் ராஜீவ் சந்திரசேகர் தெரிவித்துள்ளார். இந்தியாவின் வளர்ச்சியை சீர்குலைக்கும் நோக்கில், காங்கிரஸுடன் சதி செய்து ஹிண்டன்பர்க் அறிக்கை வெளியிட்டுள்ளதாக குற்றம் சாட்டிய அவர், இந்தியாவின் வளர்ச்சியை சீர்குலைக்கவும், குழப்பத்தை ஏற்படுத்தவும் ஹிண்டன்பர்க் அறிக்கையை வைத்து காங்கிரஸ் அரசியல் செய்வதாக விமர்சித்துள்ளார்.
News August 12, 2024
TNPSC தேர்வு: இன்று முதல் இலவச பயிற்சி
அரசுப் பணி போட்டித் தேர்வுகளுக்கு தயாராக, கல்வி டிவியில் இன்று முதல் 16ம் தேதி வரை காலை 7-9 மணி வரை பயிற்சி வகுப்பு நடைபெறும் என்று அரசு அறிவித்துள்ளது. TNPSC, SSC, ரயில்வே, வங்கி மற்றும் ஆசிரியர் தேர்வு உள்ளிட்ட அனைத்து தேர்வுகளுக்கும் பயிற்சி வகுப்புகள் நடைபெறும். மேலும், Youtube தளத்தில் உள்ள Tn Career Employment என்ற சேனலிலும் பயிற்சி வகுப்பைக் காணலாம் எனக் கூறப்பட்டுள்ளது
News August 12, 2024
உலகில் இந்துக்கள் அதிகம் வாழும் நாடுகள் எவை?
உலகில் இந்துக்கள் அதிக எண்ணிக்கையில் வாழும் நாடுகளை இங்கு பார்க்கலாம். *நேபாளம்- மொத்த மக்கள் தொகையில் 80.6% பேர் * இந்தியா- 78.9% பேர் *மொரிசீயஸ் – மொத்த மக்கள் தொகையில் 48.5% பேர் *பிஜி – 27.9% பேர் *கயானா – 24% பேர் *பூடான் – 22.5% பேர் *திரினாட் அன்ட் டுபாகோ- 22.3% பேர் *சுரினாம் – 18.3% பேர். இவை தவிர்த்து, இலங்கை, மலேசியா, சிங்கப்பூர், வங்கதேசத்திலும் கணிசமாக உள்ளனர்.
News August 12, 2024
OLYMPICS: அமெரிக்கா முதலிடம்
OLYMPICS பதக்கப்பட்டியல் அமெரிக்கா முதலிடம் பிடித்து சாதனை படைத்துள்ளது. அமெரிக்கா 40 தங்கம், 44 வெள்ளி, 42 வெண்கலம் என மொத்தம் 126 பதக்கங்கள் வென்றுள்ளது. சீனா 40 தங்கம் உள்பட 91 பதக்கங்களுடன் 2வது இடமும், ஜப்பான் 20 தங்கம் உள்பட 45 பதக்கங்களுடன் 3வது இடமும் பிடித்து இருந்தன. ஆஸ்திரேலியா 18 தங்கம் உள்பட 53 பதக்கங்களுடன் 4வது இடம், பிரான்ஸ் 16 தங்கம் உள்பட 64 பதக்கங்களுடன், 5வது இடம் வகித்தன.
News August 12, 2024
விடிய விடிய கொட்டித்தீர்த்த கனமழை
தமிழகத்தில் பல்வேறு மாவட்டங்களில் இடி, மின்னலுடன் விடிய விடிய கனமழை கொட்டித்தீர்த்தது. காஞ்சிபுரம், திருவள்ளூர், செங்கல்பட்டு, வேலூர், ராணிப்பேட்டை, தருமபுரி, விழுப்புரம், கடலூர், கள்ளக்குறிச்சி உள்ளிட்ட பகுதிகளில் தொடர்ந்து அதிகாலையிலும் மழை பெய்து வருகிறது. இதனால், சாலைகளில் தண்ணீர் தேங்கி காணப்படுகிறது. சென்னையில் ஒரு சில பகுதிகளில் மழை பெய்து வருகிறது. உங்கள் பகுதியில் மழை பெய்கிறதா?
News August 12, 2024
எந்தெந்த கிழமைகளில் எந்த கோயிலுக்கு செல்லலாம்?
எந்தெந்த கிழமைகளில் எந்த கோயிலுக்கு சென்று வழிபாடு நடத்துவது நல்ல பலனைத் தரும் என ஆன்மிகத்தில் கூறப்பட்டுள்ளது. அதை தெரிந்து கொள்ளலாம். *திங்கள்- திருப்பதி (அ) திங்களூர் கோயில் *செவ்வாய்- வைத்தீஸ்வரன் கோயில் *;புதன்- மதுரை மீனாட்சியம்மன் கோயில் *வியாழன் – திருச்செந்தூர் கோயில் ;*வெள்ளி- ஸ்ரீரங்கம் கோயில் *சனி- திருநள்ளாறு கோயில் ;*ஞாயிறு – கும்பகோணம் அருகே உள்ள சூரியனார் கோயில்
News August 12, 2024
ஆசியாவிலேயே அதிக சம்பளம் வாங்கும் நடிகர் யார் தெரியுமா?
ஆசியாவில் அதிக சம்பளம் வாங்கும் நடிகர் என்ற பெருமையை ரஜினிகாந்த் பெற்றுள்ளார். கூலி படத்திற்காக அவர் ரூ.280 கோடி சம்பளமாக பெற்றுள்ளதாக கூறப்படுகிறது. இது ஜெயிலருக்காக அவர் வாங்கிய ரூ.250 கோடி சம்பளத்தையும், 2016இல் தங்கல் படத்திற்காக அமீர்கான் வாங்கிய ரூ.275 கோடி சம்பளத்தையும் முறியடித்திருக்கிறது. ஷாருக்கான் பதான் மற்றும் ஜவான் படங்களுக்காக ரூ.200 கோடி சம்பளம் வாங்கியுள்ளதாக கூறப்படுகிறது.
News August 12, 2024
இன்றைய தலைப்புச் செய்திகள்
▶ நட்வர் சிங் மறைவுக்கு மோடி இரங்கல்
▶ உதயநிதி துணை முதல்வர் ஆகலாம் : செல்வப்பெருந்தகை
▶ விஜய்யிடம் தேவையில்லாமல் பிரச்னை செய்கிறார்கள்: சீமான்
▶ ஆணவ கொலைகளுக்கு ஆதரவான பேச்சுக்கு திருமா கண்டனம்
▶ எதிர்காலத்தில் அரசியலுக்கு வரலாம்: கீர்த்தி சுரேஷ்
▶ ‘கங்குவா’ டிரெய்லர் இன்று வெளியீடு
News August 12, 2024
வயநாட்டில் உடல்கள் தொடர்ந்து மீட்பு
வயநாட்டில் ஏற்பட்ட நிலச்சரிவில் பலியானவர்கள் எண்ணிக்கை 430 ஆக உயர்ந்துள்ளது. 13ஆவது நாளாக நடந்த தேடுதல் வேட்டையில் 3 பேரின் உடல் பாகங்கள் கிடைத்தன. இந்த நிலச்சரிவில் சிக்கி பலியானவர்கள் எண்ணிக்கை நாளுக்கு நாள் உயர்ந்து வருகிறது. நிலச்சரிவில் சிக்கிய இன்னும் 126 பேரை காணவில்லை என்று கூறப்படுகிறது. காணாமல் போனவர்களை தேடும் பணி மேலும் சில நாட்கள் நீடிக்கும் என கேரள அரசு அறிவித்துள்ளது.
Featured News
Sorry, no posts matched your criteria.