India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News September 8, 2024
புனியாவுக்கு வந்த மிரட்டல் குறித்து விசாரணை: சைனி
காங்கிரஸில் அண்மையில் இணைந்த மல்யுத்த வீரர் பஜ்ரங் புனியாவுக்கு கொலை மிரட்டல் வந்தது குறித்து விசாரணை நடத்தப்படுவதாக ஹரியானா CM நயாப் சிங் சைனி தெரிவித்துள்ளார். வெளிநாட்டு எண்ணில் இருந்து தன்னிடம் பேசிய ஒருவர் கொலை மிரட்டல் விடுத்ததாக புனியா புகார் அளித்திருந்தார். இதுகுறித்த கேள்விக்கு சைனி, போலீஸ் விசாரணை நடத்துவதாகவும், குற்றவாளி மீது நடவடிக்கை எடுக்கப்படும் என்றும் பதிலளித்தார்.
News September 8, 2024
இணையத்தில் வைரலாகும் சாரா அலிகான் உடை
மும்பையில் தொழிலதிபரான முகேஷ் அம்பானியின் இல்லத்தில் நேற்று விநாயகர் சதுர்த்தி விழா கொண்டாடப்பட்டது. அங்கு பெரும் திரை நட்சத்திரங்கள் வந்திருந்த நிலையில் நடிகை சாரா அலிகான் அணிந்து இருந்த உடை அனைவரின் கவனத்தையும் ஈர்த்தது. அவர், 60 ஆண்டுகள் பழமையான மறுசுழற்சி செய்யப்பட்ட Brocade புடவைகளால் தயாரிக்கப்பட்ட லெஹங்கா உடையை அணிந்திருந்தார். இதுகுறித்தான புகைப்படம் இணையத்தில் வைரலாகி வருகிறது.
News September 8, 2024
முதல்வர் ஸ்டாலினுடன் இருப்பது அவர்தான்: Fact Check
முதல்வர் ஸ்டாலினுடன் இருப்பது டிரில்லியண்ட் நிறுவனத்தின் தலைவரல்ல என்பது பொய்யானது என்று TN Fact Check தெரிவித்துள்ளது. ஜிம் மடேஜ் சமீபத்தில் தான், டிரில்லியண்ட் நிறுவனத்தின் தலைவராகப் பொறுப்பேற்றார். ஆகையால், அவர் குறித்து விவரங்கள் அப்டேட் செய்யப்படவில்லை. அவரது அருகே உள்ள மைக் மோர்ட்டிமர் பற்றி விவரங்கள் அந்நிறுவனத்தின் இணையதளத்தில் இருப்பதைக் காணலாம் என தெரிவித்துள்ளது.
News September 8, 2024
குமரியில் கனிமவளக் கொள்ளை: ராமதாஸ்
குமரி மாவட்டத்தில் கனிமவளக் கொள்ளை கட்டுப்பாடின்றி நடப்பதாக டாக்டர் ராமதாஸ் குற்றம்சாட்டியுள்ளார். அவர் வெளியிட்ட அறிக்கையில், 4 வழிச் சாலை பணிகளுக்கு, கனிமவளங்கள் தேவை என்று கூறி மலைகளை தகர்க்கும் பணிகள் தொடங்கியுள்ளதாக கூறியுள்ளார். தகர்க்கப்படும் கனிமவளங்கள் கேரளத்திற்கு கடத்திச் செல்லப்படுவதாகவும், அதை அரசு தடுத்து, உரிமங்களை ரத்து செய்ய வேண்டும் எனக் கோரியுள்ளார்.
News September 8, 2024
காஷ்மீரில் பாஜக ஆட்சி அமைவது உறுதி: ராஜ்நாத்
காஷ்மீரில் பாஜக ஆட்சி அமைப்பது உறுதி என அமைச்சர் ராஜ்நாத் சிங் நம்பிக்கை தெரிவித்துள்ளார். 2019 ஆண்டுக்கு முன்பாக, காஷ்மீரில் பயங்கரவாத சூழல் நிலவியது. ஆனால், இன்று யாரும் கைத்துப்பாக்கியை எடுக்கவோ, துப்பாக்கி சூடு நடத்தவோ துணிவதில்லை எனக் குறிப்பிட்டார். பாஜக ஆட்சிக்கு வந்தால், காஷ்மீர் நாட்டின் நம்பர் ஒன் மாநிலமாக மாற்றுவோம் என்றார். இங்கு செப். 18, 25 மற்றும் அக்.1இல் தேர்தல் நடைபெறுகிறது.
News September 8, 2024
`காந்தா’ படப்பிடிப்பு தொடங்கியது
துல்கர் சல்மான் மற்றும் ராணா டகுபதி இருவரும் இணைந்து ’காந்தா’என்ற படத்தில் நடிக்கவுள்ளனர். இப்படத்தை செல்வமணி செல்வராஜ் இயக்கவுள்ளார். இந்நிலையில் இப்படத்தின் பூஜை விழா இன்று ஹைதராபாத்தில் நடைபெற்றது. பாக்யஸ்ரீ என்பவர் துல்கருக்கு ஜோடியாக நடிக்கவுள்ளார். இப்படம் தமிழ், தெலுங்கு, மலையாளம் மற்றும் கன்னடம் மொழிகளில் வெளியாகவுள்ளது.
News September 8, 2024
விஜய் கட்சியில் இணையும் அதிமுக தலைவர் இவரா?
விஜய்யின் தவெகவில் திமுக, அதிமுக உள்ளிட்ட கட்சிகளை சேர்ந்த முக்கிய தலைவர்கள் இணையவுள்ளதாக தகவல் வெளியானது. இந்நிலையில், அதிமுகவின் அமைப்புச் செயலாளராக இருக்கும் செஞ்சி ராமச்சந்திரனை விஜய் கட்சியின் முக்கியஸ்தர்கள் பேச்சுவார்த்தை நடத்தியுள்ளனர். அவர் தவெகவில் இணையும் பட்சத்தில், கட்சியின் அவைத் தலைவர் பதவி கொடுக்க விஜய் முடிவு செய்திருப்பதாக சொல்கிறார்கள்.
News September 8, 2024
விஜய் கட்சியால் பாஜகவுக்கு பாதிப்பில்லை: ஹெச்.ராஜா
விஜய் கட்சியால் பாஜகவுக்கு எந்த பாதிப்பும் வராது என அக்கட்சியின் மூத்த தலைவர் ஹெச்.ராஜா தெரிவித்துள்ளார். திராவிட கொள்கைகளை பேசும் தமிழக வெற்றிக் கழகத்தால் மற்ற திராவிட கட்சிகளுக்கு தான் பாதிப்பு வரும் என்றும் அவர் குறிப்பிட்டுள்ளார். நீட், கல்வியை மாநிலப் பட்டியலுக்கு கொண்டு வருவது என திராவிட கட்சிகள் பேசும் அதே அரசியலை விஜய்யும் முன்னெடுப்பதாகவும் அவர் குற்றஞ்சாட்டியுள்ளார்.
News September 8, 2024
முதல் வெற்றியை பதிவு செய்த இந்திய அணி
ஆசிய சாம்பியன்ஸ் டிராபி ஹாக்கி தொடரில் இந்திய அணி தனது முதல் வெற்றியை பதிவு செய்து உள்ளது. இன்று நடைபெற்ற சீனாவிற்கு எதிரான போட்டியில், ஆட்டம் தொடங்கியதில் இருந்தே ஆதிக்கம் செலுத்திய மன்பிரீத் சிங் தலைமையிலான இந்திய அணி 3-0 என்ற கோல் கணக்கில் அபார வெற்றி பெற்றுள்ளது. சுக்ஜீத், உத்தம் மற்றும் அபிஷேக் தலா ஒரு கோல் அடித்தனர். இந்திய அணி தனது அடுத்த ஆட்டத்தில் ஜப்பான் அணியை நாளை எதிர்கொள்ள உள்ளது.
News September 8, 2024
பாஜகவில் இருந்து EX துணை பிரதமரின் பேரன் விலகல்
BJP-யில் இருந்து முன்னாள் துணை பிரதமர் தேவி லாலின் பேரன், ஆதித்யா தேவி லால் விலகியுள்ளார். 90 தொகுதிகளைக் கொண்ட ஹரியானாவில் அக்டோபர் 5இல் தேர்தல் நடக்கிறது. முதல்கட்டமாக 67 தொகுதிகளுக்கு பாஜக வேட்பாளர்களை அறிவித்துள்ளது. வேட்பாளர் தேர்வில் அதிருப்தி அடைந்த ஆதித்யா, அக்கட்சியில் இருந்து விலகினார். இதைத் தொடர்ந்து இந்திய நேஷனல் லோக் தளம் கட்சியில் இணைந்த அவர், தப்வாலி தொகுதியில் போட்டியிடுகிறார்.
Featured News
Sorry, no posts matched your criteria.