India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 15, 2024
தப்பி தவறி இத மட்டும் பேசிடாதீங்க..!
விமான நிலையத்தில் உச்சரிக்க கூடாத வார்த்தைகள் சில உள்ளன. அதை மீறி உச்சரித்தால் சட்ட நடவடிக்கைகள் பாயும். பயங்கரவாதி, வெடிகுண்டு, ஏவுகணை, துப்பாக்கி அல்லது ஆயுதங்கள், தீ, கடத்தல் உள்ளிட்ட வார்த்தைகளை பேசக்கூடாது. பாதுகாப்பு சோதனையின் போது, கோபத்தில் பையில் வெடிகுண்டா இருக்கிறது என பேசியதற்காக டெல்லி மற்றும் கொச்சி விமான நிலையத்தில் இரண்டு பயணிகள் கைது செய்யப்பட்டது குறிப்பிடத்தக்கது.
News August 15, 2024
‘தங்கலான்’ திரை விமர்சனம்
கோலார் தங்க வயலில் தங்கம் எப்படி கண்டுபிடிக்கப்பட்டது என்பதை பா.ரஞ்சித் தனது ஸ்டைலில் கூறியுள்ளார். வலுவான முதல் பாதி ரசிகர்களை கட்டிபோடுகின்றது. விக்ரமின் அபார நடிப்பும், G.V.பிரகாஷின் வெறித்தனமான இசையும் படத்தின் முழு பலமாக உள்ளது. மாளவிகா மோகனனும் அசுரத்தனமான நடிப்பை வெளிப்படுத்தியிருந்தாலும் அவர் வரும் காட்சிகள் கனெக்ட் ஆகவில்லை. 2ஆம் பாதி சற்று தொய்வு கொடுக்கிறது. Way2News ரேட்டிங் 3/5.
News August 15, 2024
75,000 பணியிடங்கள் நிரப்பப்படும்: அரசு உறுதி
திமுக ஆட்சி பொறுப்பேற்ற பிறகு 65,483 இளைஞர்களுக்கு அரசு பணி கிடைத்துள்ளதாக CM ஸ்டாலின் பெருமிதம் தெரிவித்துள்ளார். மேலும், 2026 ஜனவரி மாதத்திற்குள் (அடுத்த 16 மாதங்களில்) காலியாக உள்ள 75,000க்கும் மேற்பட்ட அரசு பணியிடங்கள் நிரப்பப்படும் என்றும் அவர் உறுதி தெரிவித்துள்ளார். இது, பல்வேறு துறைகளில் வேலை வாய்ப்புகளுக்காக காத்திருக்கும் இளைஞர்களுக்கு மிகப்பெரிய வாய்ப்பாக அமையும் என நம்பப்படுகிறது
News August 15, 2024
கிளாம்பாக்கம் மெட்ரோ ரூட் கிளியர்.. அப்பாடா
விமான நிலையம் முதல் கிளாம்பாக்கம் வரை மெட்ரோ ரயில் பாதை அமைக்க தமிழக அரசு திட்டமிட்டது. ஆனால் அந்த ரூட்டில் மேம்பாலங்கள் அதிகம் இருப்பதால் இத்திட்டத்தில் சிக்கல் ஏற்பட்டது. இந்நிலையில், தற்போது குறைந்த உயரத்திலான ரயில் பாலம் மூலமாக இத்திட்டத்தை செயல்படுத்த மெட்ரோ நிர்வாகம் முடிவு செய்துள்ளது. இதன் திட்ட அறிக்கை ஒரு வாரத்தில் தயாரிக்கப்படும் எனக் கூறப்படுகிறது.
News August 15, 2024
‘பயத்தை விதைக்கும் நேரம் வந்துவிட்டது’
சுதந்திர தின உரையில் கொல்கத்தா பெண் பயிற்சி மருத்துவர் கொலையை சுட்டிக்காட்டி பிரதமர் மோடி பேசினார். அப்போது அவர், நாடே கோபத்தில் கொந்தளித்து கொண்டிருப்பதை அறிவேன். உங்களின் கோபத்தை என்னால் உணர முடிகிறது. பெண்களுக்கு எதிரான குற்றங்களில் ஈடுபடுவோருக்கு பயத்தை விதைக்கும் நேரம் இது. பெண்களை சீண்டினால் தூக்கில் தொங்க வேண்டும் என கயவர்களுக்கு தெரிய வேண்டும் என காட்டமாக கூறினார்.
News August 15, 2024
வங்கிக் கணக்கில் பணம் வந்தது! செக் பண்ணுங்க
கலைஞர் மகளிர் உரிமைத் தொகை ₹1000 திட்டத்தின் இம்மாதத்திற்கான தவணை பயனர்களின் வங்கிக் கணக்கில் வரவு வைக்கப்பட்டுள்ளது. ஒவ்வொரு மாதமும் 15ஆம் தேதி வங்கிக் கணக்கில் ₹1000 வரவு வைக்கப்படுகிறது. 1 கோடிக்கும் அதிகமான பெண்கள் இத்திட்டத்தால் பயனடைகின்றனர். மேல் முறையீடு செய்தவர்களில் விடுபட்டவர்கள் ஒரு சிலருக்கும் இம்மாதம் பணம் செலுத்தப்பட்டதாகக் கூறப்படுகிறது. உங்கள் கணக்கில் பணம் வந்துவிட்டதா?
News August 15, 2024
பாண்டியாவை பார்த்து உத்வேகம் அடைந்த வீரர்
ஹர்திக் பாண்டியாவின் செயல்பாடுகளை பார்த்து உத்வேகம் அடைந்ததாக இந்திய ஹாக்கி அணியின் துணை கேப்டன் ஹர்திக் சிங் தெரிவித்துள்ளார். முக்கியமான போட்டிகளில் பாண்டியாவின் சிறப்பான செயல்பாடு தனக்கு ஊக்கம் அளிப்பதாகவும், கடந்த 4-5 ஆண்டுகளாக சிறப்பாக விளையாடி வருவதாகவும் அவர் கூறியுள்ளார். பாரிஸ் ஒலிம்பிக்ஸில் இந்தியா வெண்கலம் வெல்ல ஹர்திக் சிங்கின் பங்களிப்பு முக்கியமானது என்பது குறிப்பிடத்தக்கது.
News August 15, 2024
பொங்கல் முதல் ‘முதல்வர் மருந்தகம்’
வரும் பொங்கல் முதல் ‘முதல்வர் மருந்தகம்’ என்ற புதிய திட்டத்தை செயல்படுத்த உள்ளதாக CM ஸ்டாலின் அறிவித்தார். பொதுப்பெயர் வகை மருந்துகளும், பிற மருந்துகளும் குறைந்த விலையில் கிடைக்கும் என்றும், முதற்கட்டமாக 1,000 மருந்தகங்கள் அமைக்கப்படும் எனவும் தெரிவித்தார். இதை சிறப்பாக செயல்படுத்த மருந்தாளுநர்கள், கூட்டுறவு அமைப்புகளுக்கு கடன் உதவியோடு, ₹3 லட்சம் மானியம் வழங்கப்படும் என்றும் கூறினார்.
News August 15, 2024
கூடுதல் நிதி வேண்டும்: ராமதாஸ்
தமிழக ரயில்வே திட்டங்களுக்கு கூடுதல் நிதி வேண்டும் என பாமக நிறுவனர் ராமதாஸ் கோரிக்கை விடுத்துள்ளார். தமிழ்நாட்டில் நிலுவையில் உள்ள ரயில்வே திட்டங்களை அடுத்த 5 ஆண்டுகளில் செயல்படுத்தி முடிக்கவும், அதற்கான நிதி ஒதுக்கவும் மத்திய அரசு நடவடிக்கை எடுக்கவும் வலியுறுத்தியுள்ளார். மேலும், தமிழக ரயில்வே திட்டங்களுக்கான நிதி ரூ.875 கோடியில் இருந்து ரூ. 246 கோடியாக குறைக்கப்பட்டுள்ளதையும் கண்டித்துள்ளார்.
News August 15, 2024
இந்தியாவில் 2036ல் ஒலிம்பிக்ஸ்: பிரதமர்
இந்தியாவில் 2036ஆம் ஆண்டு ஒலிம்பிக் போட்டிகளை நடத்துவதற்கான நடவடிக்கைகளைத் தொடங்கிவிட்டதாக பிரதமர் மோடி சுதந்திர தின உரையில் தெரிவித்துள்ளார். ஜி20 மாநாட்டை நடத்தியதன் மூலம் பெரிய நிகழ்வுகளை இந்தியாவால் நடத்த முடியும் என்று நிரூபித்துள்ளதாகவும், இந்தியாவின் அடுத்த கனவு 2036 ஒலிம்பிக்ஸ்தான் என்றும் அவர் கூறியுள்ளார். மேலும், பாரா ஒலிம்பிக்ஸில் பங்கேற்கும் வீரர்களுக்கு வாழ்த்து தெரிவித்தார்.
Featured News
Sorry, no posts matched your criteria.