India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News August 15, 2024
வினேஷ் போகத்தின் முதல் Reaction..!
ஒலிம்பிக் மல்யுத்த இறுதிப்போட்டியில் தகுதி நீக்கம் செய்யப்பட்ட பின், வினேஷ் போகத் முதல்முறையாக பதிவிட்ட இன்ஸ்டா பதிவு கவனம் ஈர்த்துள்ளது. அவரது மேல்முறையீட்டு மனுவை விசாரித்த விளையாட்டுக்கான நீதிமன்றம், நீண்ட இழுபறிக்கு பின் தள்ளுபடி செய்தது. இந்நிலையில், களத்தில் படுத்தபடி கதறி அழுத புகைப்படத்தை பகிர்ந்து, தனது வேதனையை வெளிபடுத்தியுள்ளார். You are champion என பலரும் கமெண்ட் செய்து வருகின்றனர்.
News August 15, 2024
விஜய் கடைசி படம்: அதிகாரப்பூர்வ அறிவிப்பு
நடிகர் விஜய்யின் கடைசி படத்தை இயக்குநர் எச்.வினோத் இயக்குவதாக அவரே அதிகாரப்பூர்வமாக தெரிவித்துள்ளார். விஜய் அரசியலில் குதித்துள்ளதால், அடுத்த படம் தான் கடைசி படம் என அறிவித்திருந்தார். இதனால், அப்படத்தை இயக்கப்போவது யார் என்று பெரும் எதிர்பார்ப்பு எழுந்தது. இந்நிலையில், இந்த தகவலை எச்.வினோத் உறுதி செய்துள்ளார். மேலும், இது அரசியல் படமில்லை, கமர்ஷியல் படம் தான் எனவும் தெரிவித்துள்ளார்.
News August 15, 2024
இதை செய்தால், ₹1,125க்கு பதில் ₹206 மின் கட்டணம்
தற்போது 400 யூனிட்டுக்கு மின்வாரியத்துக்கு ₹1,125 கட்டணம் செலுத்த வேண்டும் என்றால் வீடுகளில் சூரிய <<13688916>>மின்தகடு <<>>பொருத்திய பின்னர் நீங்கள் ₹206 செலுத்தினால் போதும். இதன் மூலம் ₹919 பணத்தை நீங்கள் சேமிக்க முடியும். இந்த திட்டத்தில் சேர www.pmsuryaghar.gov.in, www.solorrooftop.gov.inஇல் விண்ணப்பிக்கலாம். மேலும் விவரங்களுக்கு 9445854568, 9445854477, 9445854481 ஆகிய எண்ணில் தொடர்பு கொள்ளலாம்
News August 15, 2024
தடுமாறி வரும் தென்னாப்பிரிக்கா அணி
வெஸ்ட் இண்டீசுக்கு எதிரான இரண்டாவது டெஸ்டில் டாஸ் வென்று பேட்டிங் செய்துவரும் தென்னாப்பிரிக்கா 4 விக்கெட்டுகளை இழந்து தடுமாறி வருகிறது. மார்க்ரம் 14, டோனி 1, ஸ்டப்ஸ் 26 ரன்கள் எடுத்து ஆட்டமிழந்த நிலையில் கேப்டன் தெம்பா பவுமா ரன் எதுவும் எடுக்காமல் ஆட்டமிழந்தார். சற்றுமுன்பு வரை தெ.ஆ., 26 ஓவர்கள் முடிவில் 64/4 ரன்கள் எடுத்து தடுமாறி வருகிறது. ஷமர் ஜோசப் 2 விக்கெட்டுகளை சாய்த்துள்ளார்.
News August 15, 2024
சூரிய ஒளி மின்தகடு அமைக்க ₹3000 மானியம்
மத்திய அரசின் புதிய மற்றும் புதுப்பிக்கத்தக்க எரிசக்தி அமைச்சகத்தின் சூரிய ஒளி மின்சக்தி திட்டத்தை தமிழக மின்வாரியம் நடைமுறைப்படுத்தி வருகிறது. இத்திட்டத்தின் கீழ் வீட்டு மேற்கூரைகளில் சூரிய ஒளி மின்தகடு அமைக்க ₹3000 மானியம் வழங்கப்படுகிறது. சராசரியாக 400 – 600 யூனிட் வரை பயன்படுத்தும் நுகர்வோர், சூரியஒளி மேற்கூரை மின் சக்தி 1 கிலோ வாட் மின்சார உபகரணத்தை நிறுவும்போது மின் கட்டணத்தை குறைக்கலாம்.
News August 15, 2024
ராகுல் மக்களின் தலைவராகவே இருப்பார்: காங்கிரஸ்
டெல்லியில் இன்று நடைபெற்ற சுதந்திரதின விழாவில் ராகுல் காந்திக்கு 5வது வரிசையில் இடம் ஒதுக்கப்பட்டது சர்ச்சையை ஏற்படுத்தியது. இந்த சம்பவத்திற்கு கண்டனம் தெரிவித்துள்ள காங்., செய்தி தொடர்பாளர் சுப்ரியா ஸ்ரீனேட், சிறிய மனப்பான்மை கொண்டவர்களிடம் இருந்து பெருந்தன்மையை எதிர்பார்ப்பது அர்த்தமற்றது என விமர்சித்தார். மேலும், ராகுல் 50வது வரிசையில் அமர்ந்தாலும் மக்களின் தலைவராகவே இருப்பார் என்றார்.
News August 15, 2024
இந்த வாரம் ஓடிடியில் வெளியாகும் வெப் தொடர்கள்
இந்த வாரம் 3 வெப் தொடர்கள் மற்றும் ஒரு திரைப்படம் ஓடிடி தளத்தில் வெளியாகின்றன. சத்யராஜ் நடிக்கும் ‘மை பெர்பெக்ட் ஹஸ்பண்ட்’ வெப் தொடர் நாளை டிஸ்னி ப்ளஸ் ஹாட்ஸ்டார் தளத்திலும், ‘வேற மாறி ஆபீஸ்’ 2 வெப் தொடர் ஆஹா தளத்திலும், மம்முட்டி, மோகன்லால் நடித்துள்ள மனோரதங்கள் ஆந்தாலஜி ஜீ5 தளத்திலும், கீர்த்தி பாண்டியன் நடித்த ‘கொஞ்சி பேசினால் என்ன’ திரைப்படம் நாளை (ஆக.16) ஆஹா ஓடிடி தளத்திலும் வெளியாகிறது.
News August 15, 2024
7 மாவட்டங்களில் மழை
இரவு 10 மணி வரை 7 மாவட்டங்களில் மழை பெய்ய வாய்ப்புள்ளதாக சென்னை வானிலை மையம் தெரிவித்துள்ளது. திண்டுக்கல் உள்ளிட்ட மாவட்டங்களில் கனமழை வெளுத்து வாங்கியது. இந்நிலையில், கள்ளக்குறிச்சி, விழுப்புரம் விருதுநகர், தி.மலை, சிவகங்கை, மதுரை, ராமநாதபுரம் ஆகிய மாவட்டங்களில் மழை பெய்யக்கூடும். எனவே, இந்த மாவட்டங்களில் இரவில் வெளியே செல்வோர் பாதுகாப்பாக செல்லவும்.
News August 15, 2024
சச்சினின் சாதனையை இவர் முறியடிப்பார்: பாண்டிங்
டெஸ்ட் போட்டிகளில் அதிக ரன்கள் குவித்த சச்சினின் சாதனையை இங்கி., வீரர் ஜோ ரூட் முறியடிப்பார் என ஆஸி., முன்னாள் கேப்டன் ரிக்கி பாண்டிங் தெரிவித்துள்ளார். சச்சின் 15,921 ரன்களுடன் டெஸ்ட் தரவரிசையில் முதல் இடத்தில் உள்ள நிலையில், ரூட் 12,027 ரன்களுடன் 7வது இடத்தில் உள்ளார். பாண்டிங் (13,378), காலிஸ் (13,289), டிராவிட் (13,288), குக் (12,472), சங்ககரா (12,400) ஆகியோர் அடுத்தடுத்த இடங்களில் உள்ளனர்.
News August 15, 2024
நாளை பள்ளிகளுக்கு விடுமுறையா? இல்லையா?
சுதந்திர தினத்தை முன்னிட்டு இன்று அனைத்து அரசு, தனியார் பள்ளிகளுக்கு விடுமுறை விடப்பட்டதால், பலரும் சொந்த ஊர்களுக்கு சென்றுள்ளனர். இதன்காரணமாக, பல தனியார் பள்ளிகளுக்கு நாளை விடுமுறை அளிக்கப்பட்டுள்ளது. மாணவர்கள் தங்கள் பள்ளிகளுக்கு போன் செய்து, விடுமுறையை உறுதி செய்துக் கொள்ளவும். ஆனால், அரசு பள்ளிகள் வழக்கம்போல் செயல்படும். இதில் எந்த மாற்றமும் இருக்காது என தெரிகிறது.
Featured News
Sorry, no posts matched your criteria.