India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News September 29, 2024
Flu தடுப்பூசி அவசியம்!
தமிழகத்தில் சமீபமாக பரவி வரும் Flu வைரஸின் (H1n1, H2n2) வீரியம் அதிகமாக உள்ளது. இதனால், பலர் பாதிக்கப்படுகின்றனர். குறிப்பாக 65 வயதிற்கு மேற்பட்ட முதியவர்கள், இதய கோளாறு, சர்க்கரை நோய் உள்ளவர்களை, இந்த தொற்றின் தீவிரம் நிமோனியா பாதிப்பு வரை கொண்டு செல்கிறது. இதற்கு தீர்வாக அனைவரும் Flu தடுப்பூசி போட்டுக்கொள்ள மருத்துவர்கள் அறிவுறுத்துகின்றனர். அண்மையில் Flu வந்தவர்களுக்கு தடுப்பூசி தேவையில்லை.
News September 29, 2024
தோனியும், நானும் வேற மாதிரி: SRK
சினிமாவில் இருந்து எப்போது ஓய்வு பெறுவீர்கள் என்ற கேள்விக்கு ஷாருக்கான் அளித்த பதில் வைரலாகி வருகிறது. சச்சின், ரோஜர் ஃபெடரர் போன்ற லெஜண்ட்களுக்கு எப்போது ஓய்வு அறிவிக்க வேண்டும் என்பது தெரியும் என்று கூறிய SRK, தாம் தோனி போல ஒரு மாறுபட்ட லெஜண்ட் எனத் தெரிவித்தார். தோனி ஓய்வை அறிவித்துவிட்டு 10 IPL சீசன்கள் விளையாடியதையும் அவர் குறிப்பிட்டார்.
News September 29, 2024
டாப் 10 நிறுவனங்களின் மதிப்பு ₹1.21 லட்சம் கோடி உயர்வு
இந்திய பங்குச்சந்தையில் கடந்த வாரம் டாப் 10 நிறுவனங்களில் 8 நிறுவனங்களின் மதிப்பு ₹1.21 லட்சம் கோடி அதிகரித்துள்ளது. இதன் மூலம் அவற்றின் மதிப்பு ₹1,21,270 கோடியாக உயர்ந்துள்ளது. அதிகபட்சமாக ரிலையன்ஸ் மதிப்பு ₹53,652 கோடி உயர்ந்து, ₹20,65,197 கோடியாகவும், SBI மதிப்பு ₹18,518 கோடி அதிகரித்து, ₹7,16,333 கோடியாகவும் உயர்ந்துள்ளது. அதேபோல, ஐடிசி, டிசிஎஸ் உள்ளிட்ட நிறுவனங்களின் மதிப்பும் உயர்ந்தது.
News September 29, 2024
துணை முதல்வர்கள் ஓர் பார்வை
இந்திய அரசியல் வரலாற்றில் துணை முதல்வர் பதவி என்பது பொதுவான ஒன்றாகவே உள்ளது. நீலம் சஞ்சீவ ரெட்டி, ஜோதிபாசு, புத்ததேவ் பட்டாச்சார்யா, எஸ்.எம்.கிருஷ்ணா, சித்தராமையா, எடியூரப்பா, ஸ்டாலின், ஓ.பி.எஸ் உள்ளிட்ட பலரும் துணை முதல்வர்களாக இருந்துள்ளனர். தற்போது இந்தியாவில் 14 மாநிலங்களில் துணை முதல்வர்கள் உள்ளனர். உ.பி, மகாராஷ்டிரா, பிஹார் உள்ளிட்ட சில மாநிலங்களில் 2 துணை முதல்வர்கள் உள்ளனர்.
News September 29, 2024
7வது இடத்திற்கு தள்ளப்பட்ட நியூசிலாந்து
உலக டெஸ்ட் சாம்பியன்ஷிப் புள்ளிப்பட்டியலில் நியூசிலாந்து அணி 7வது இடத்திற்கு தள்ளப்பட்டுள்ளது. இலங்கைக்கு சுற்றுப்பயணம் சென்ற NZ, 2-0 என்ற கணக்கில் டெஸ்ட் தொடரை இழந்தது. இதனால் 4வது இடத்தில் இருந்த NZ தற்போது 7வது இடத்திற்கு சென்றது. உலக டெஸ்ட் சாம்பியன்ஷிப் புள்ளிப்பட்டியலில் 71.67 புள்ளிகளுடன் இந்தியா முதலிடத்தில் உள்ளது. AUS, SL, ENG, BAN, SA, NZ, PAK, WI அணிகள் அடுத்தடுத்த இடங்களில் உள்ளன.
News September 29, 2024
துணை முதல்வர் உதயநிதிக்கு குவியும் வாழ்த்து
தமிழகத்தின் துணை முதல்வராகியுள்ள உதயநிதி ஸ்டாலினுக்கு வாழ்த்துகள் குவிந்து வருகிறது. குறிப்பாக, முன்னாள் மத்திய அமைச்சர் ப.சிதம்பரம், பாமக தலைவர் அன்புமணி, நடிகர் சிவகார்த்திகேயன், இயக்குநர் மாரி செல்வராஜ் வாழ்த்து தெரிவித்துள்ளனர். அதில், அவரது பணி சிறக்கவும், மேன்மேலும் அவர் முன்னேறவும், சட்டத்தின் ஆட்சியை சிறப்பாக வழங்க வேண்டும் எனவும் வாழ்த்து தெரிவிக்கப்பட்டுள்ளது.
News September 29, 2024
‘தளபதி 69’-ல் இணையும் மஞ்சு வாரியர்?
‘தளபதி 69’-ல் மஞ்சு வாரியர் நடிக்க உள்ளதாக பரபரப்பாக பேசப்படுகிறது. இயக்குநர் H.வினோத்துடன் மீண்டும் இணைய உள்ளதாக மஞ்சு வாரியர் சமீபத்திய பேட்டியில் மறைமுகமாகத் தெரிவித்ததுதான் இந்த பரபரப்புக்கு காரணம். ‘துணிவு’ படப்பிடிப்பின் போது, தனது அடுத்த படத்தில் முழு நடிப்புத் திறனையும் வெளிப்படுத்தும் வகையிலான கதாபாத்திரத்தை வழங்குவதாக வினோத் கூறியிருந்ததை அவர் பேட்டியில் பகிர்ந்திருந்தார்.
News September 29, 2024
புதிய அமைச்சர்களுக்கு இலாக்காக்கள் ஒதுக்கீடு
இன்று புதிதாக பதவியேற்றுக்கொண்ட அமைச்சர்களுக்கு இலாகாக்கள் ஒதுக்கீடு செய்யப்பட்டுள்ளன. அதன்படி, செந்தில் பாலாஜி – மின்சாரம் மற்றும் மதுவிலக்கு ஆயத்தீர்வைத்துறை, கோவி.செழியன் – உயர்கல்வித்துறை, ஆர்.ராஜேந்திரன் – சுற்றுலாத்துறை, ஆவடி நாசர் – சிறுபான்மையினர் நலத்துறை ஒதுக்கீடு செய்யப்பட்டுள்ளது.
News September 29, 2024
கோப்பை யாருக்கு கிடைக்கும்?
இங்கிலாந்துக்கு எதிரான கடைசி ODI போட்டியில், ஆஸ்திரேலிய அணி பந்துவீச்சை தேர்வு செய்துள்ளது. ENGக்கு சுற்றுப்பயணம் சென்றுள்ள AUS, 3 டெஸ்ட், 5 ODIஇல் விளையாடுகிறது. டெஸ்ட் தொடர் 1-1 என சமனான நிலையில், இதுவரை நடைபெற்ற 4 ODIகளில், 2இல் AUSயும், 2இல் ENG அணியும் வென்றுள்ளன. இதனால், இன்றைய இறுதிப் போட்டி 2 அணிகளுக்கும் மிகவும் சவாலாக இருக்கும் என எதிர்பார்க்கப்படுகிறது. யாருக்கு கோப்பை? Cmt Here.
News September 29, 2024
வசூலை வாரி குவிக்கும் ‘தேவரா – 1’
‘தேவரா – 1’ திரைப்படம் உலகம் முழுவதும் 2 நாளில் ₹243 கோடி வசூலித்துள்ளதாக படக்குழு அறிவித்துள்ளது. கொரட்டலா சிவா இயக்கத்தில், ஜூனியர் என்டிஆர் நடிப்பில் உருவான இப்படம், தெலுங்கு, தமிழ், இந்தி, மலையாளம், கன்னடம் ஆகிய மொழிகளில் வெளியானது. இப்படத்தின் மூலம் ஸ்ரீதேவியின் மகள் ஜான்வி கபூர் தென்னிந்திய திரையுலகில் அறிமுகமானார். இப்படத்திற்கு ரசிகர்கள் மத்தியில் பெரும் வரவேற்பு கிடைத்துள்ளது.
Featured News
Sorry, no posts matched your criteria.