India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News September 30, 2024
நேபாள நிலச்சரிவு: பலி 192ஆக அதிகரிப்பு
நேபாளத்தில் மழை வெள்ளம், நிலச்சரிவுக்கு பலியானோர் எண்ணிக்கை 192ஆக அதிகரித்துள்ளது. நேபாளத் தலைநகர் காத்மாண்டு உள்ளிட்ட பகுதிகளில் கடந்த சில நாள்களாக தொடர் கனமழை பெய்தது. இதனால் பல பகுதிகளில் வெள்ளமும், நிலச்சரிவும் நேரிட்டுள்ளது. இதில் சிக்கி நேற்று வரை 170 பேர் பலியான நிலையில் இன்று பலி எண்ணிக்கை மேலும் உயர்ந்துள்ளது. மேலும் பலரை காணாததால் அவர்களைத் தேடும் பணி தீவிரமாக நடக்கிறது.
News September 30, 2024
மராட்டியத்தை கொள்ளையடிக்க பாஜக திட்டம்: உத்தவ்
எதிர்க்கட்சிகளை பிளவுபடுத்த திரைமறைவில் பாஜக கூட்டம் நடத்துவதாக சிவசேனா கட்சி UBT தலைவர் உத்தவ் தாக்கரே குற்றஞ்சாட்டி உள்ளார். நாக்பூரில் பேசிய அவர், “சரத்பவாரையும், என்னையும் அரசியல் ரீதியாக தடுத்து நிறுத்த கூட்டம் நடத்தி, அமித்ஷா திட்டம் தீட்டுகின்றார். அப்போதுதான் பாஜகவினரால் மகாராஷ்டிராவை எளிதாக கொள்ளையடிக்க முடியும். இதற்கு RSS தலைவர் மோகன் பகவத் உடன்படுவது ஆச்சரியம் அளிக்கிறது” என்றார்.
News September 30, 2024
ரத்தாகிறது 1.82 லட்சம் பேரின் டிரைவிங் லைசென்ஸ்
போக்குவரத்து விதிகளை மீறியதாக 1,82,375 பேரின் டிரைவிங் லைசென்சை ரத்து செய்ய தமிழக காவல்துறை பரிந்துரை செய்துள்ளது. டிஜிபி அலுவலக செய்தி குறிப்பில், ஜூலை வரை விதிகளை மீறியதாக 76,15,713 வழக்குகள் பதிவு செய்யப்பட்டு இருப்பதாகவும், லைசென்ஸ்களை ரத்து செய்ய பரிந்துரை செய்துள்ளதாகவும் கூறப்பட்டுள்ளது. 39,924 லைசென்சுகள் ஏற்கெனவே ரத்து செய்யப்பட்டு உள்ளதாகவும் தெரிவிக்கப்பட்டுள்ளது.
News September 30, 2024
ஒரு உயிரிழப்பு கூட ஏற்படக்கூடாது: ஸ்டாலின்
தமிழகத்தில் வடகிழக்கு பருவமழை முன்னெச்சரிக்கை தொடர்பாக முதல்வர் ஸ்டாலின் ஆலோசனை நடத்தி வருகிறார். கூட்டத்தில் அவர் பேசுகையில், “மழையால் ஏற்படக்கூடிய எந்தவிதமான சவால்களையும் எதிர்கொள்ளும் வகையில் மாவட்ட நிர்வாகங்கள் தயார்நிலையில் இருக்க வேண்டும். மழை வெள்ளத்தால் ஒரு உயிரிழப்பு கூட ஏற்படக் கூடாது என்பதை நோக்கமாக கொண்டு அனைத்து அதிகாரிகளும் செயல்பட வேண்டும்” என உத்தரவிட்டார்.
News September 30, 2024
CISF படையில் 1,130 வேலை: இன்றே கடைசி
மத்திய தொழிலக பாதுகாப்புப் >படையில் (CISF) காலியாக உள்ள 1,130 காவலர் பணியிடங்களுக்கு விண்ணப்பிக்க இன்றே கடைசி நாளாகும். ஆண்கள் மட்டுமே இதற்கு விண்ணப்பிக்க முடியும். +2 தேர்ச்சி பெற்றவர்கள் இதற்கு விண்ணப்பிக்கலாம். வயது வரம்பு 18 முதல் 23 வரை. சம்பளம் ரூ.21,700 – ரூ.69,100 வரை. மேலும் விவரங்களுக்கு https://cisfrectt.cisf.gov.in/ என்ற லிங்கில் சென்று பார்க்கலாம்.
News September 30, 2024
தவெக கொடியில் யானை சின்னம்: ECI அனுமதி
விஜய்யின் தவெக கட்சிக் கொடியில் யானை சின்னத்தை பயன்படுத்த தேர்தல் ஆணையம் அனுமதியளித்துள்ளது. யானை சின்னத்தை பயன்படுத்த தடைகோரி பகுஜன் சமாஜ் கட்சி சார்பில் தேர்தல் ஆணையத்திடம் மனு அளிக்கப்பட்டிருந்தது. இதை விசாரித்த தேர்தல் ஆணையம், கட்சிக் கொடி விவகாரத்தில் தங்களால் தலையிட முடியாது எனக் கூறியுள்ளது.
News September 30, 2024
விண்ணப்பிக்க இன்றே கடைசி நாள்!
மத்திய அரசின் என்.சி.எஸ்.எம். ஆணையத்தில் நிரப்பப்படவுள்ள Technician-A, Office Assistant Gr.III பணிகளுக்கு விண்ணப்பிப்பதற்கான காலக்கெடு இன்றுடன் நிறைவடைகிறது. பணியில் சேர தகுதி உள்ளவர்கள் இன்றே ஆன்லைன் மூலம் விண்ணப்பியுங்கள். கல்வித் தகுதி: 10,+2, ITI, Diploma. வயது வரம்பு: 18-35. சம்பளம்: ₹19,300 – ₹63,200. விண்ணப்பக் கட்டணம்: ₹885. கூடுதல் விவரங்களுக்கு இந்த <
News September 30, 2024
BREAKING: மிதுனுக்கு தாதா சாகேப் பால்கே விருது
ஹிந்தி நடிகர் மிதுன் சக்ரவர்த்திக்கு மத்திய அரசு தாதா சாகேப் பால்கே விருது அறிவித்துள்ளது. இந்திய திரைப்படத்துறைக்கு அவர் அளித்த பங்களிப்பை கவுரவிக்கும் வகையில் விருதை மத்திய அரசு அறிவித்துள்ளது. வரும் 8ம் தேதி தேசிய திரைப்பட விழாவில் அவருக்கு இந்த விருது வழங்கப்படும் எனவும் மத்திய அரசு அறிவித்துள்ளது. தமிழில் ‘யாகவராயினும் நா காக்க’ திரைப்படத்தில் மிதுன் சக்கரவர்த்தி நடித்துள்ளார்.
News September 30, 2024
சிறுநீரக நச்சு நீக்கும் சாம்பல் பூசணி ஜூஸ்
உடல் சூட்டை தணிப்பதோடு ராஜ உறுப்பான சிறுநீரகங்களை DETOX செய்யும் ஆற்றல் சாம்பல் பூசணிக்கு இருப்பதாக நவீன ஆய்வுகள் கூறுகின்றன. அதில் உள்ள ஃபிளாவனாய்டுஸ் & கரோட்டினாய்டுஸ் கூறுகள் சிறுநீர் பாதை நோய்த்தொற்றை போக்கி சீர்படுத்துகிறது. எனவே, காலையில் எழுந்ததும், வெறும் வயிற்றில் தோல் & விதை நீக்கிய சாம்பல் பூசணி, இஞ்சி, சீரகம் சேர்த்து அரைத்து, வடிகட்டி ஜூஸாக (சர்க்கரை சேர்க்காமல்) குடிக்கலாம்.
News September 30, 2024
பொது அறிவு வினா – விடை
1) ஏரிகளின் நாடு என அழைக்கப்படும் நாடு எது? 2) PIN No. என்பதன் விரிவாக்கம் என்ன? 3) “ஒன்றே குலம் ஒருவனே தேவன்” என்ற தத்துவத்தை பாடிய சித்தர் யார்? 4) உலக பறவையியலின் தந்தை என அழைக்கப்படுபவர் யார்? 5) தங்கத்தின் வேதியியல் குறியீடு என்ன? 6) சீனாவின் பாரம்பரிய மரம் & பூ எவை? 7) வயிறும் ஜீரண உறுப்பும் இல்லாத பூச்சியினம் எது? விடைகளை கமெண்ட்டில் சொல்லுங்க. சரியான விடையை 2 மணிக்கு பாருங்க.
Featured News
Sorry, no posts matched your criteria.