India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News October 4, 2024
சிவகார்த்திகேயனுக்கு தம்பியாகும் அதர்வா?
‘புறநானூறு’ படத்தில் சிவகார்த்திகேயனுக்கு தம்பியாக அதர்வா நடிப்பதாகத் தகவல் வெளியாகியுள்ளது. சுதா கொங்கரா இயக்கத்தில் உருவாகும் இப்படத்தில் சூர்யா நடிப்பதாக அறிவிப்பு வெளியானது. ஆனால், கால்ஷீட் பிரச்னையால் அவர் இப்படத்தில் இருந்து விலகினார். இதைத் தொடர்ந்து, சூர்யாவுக்கு பதிலாக சிவகார்த்திகேயன் இணைந்துள்ளதாகக் கூறப்படுகிறது. இதில் கதாநாயகியாக ஸ்ரீலீலா, வில்லனாக ரோஷன் மேத்யூ நடிக்கிறார்களாம்.
News October 4, 2024
விளையாட்டு துளிகள்
➤IRE-க்கு எதிரான 3 போட்டிகள் கொண்ட ODI தொடரின் முதல் போட்டியில் 139 ரன்கள் வித்தியாசத்தில் SA வென்றது. ➤ சீனா ஓபன் டென்னிஸ் போட்டியில் மகளிர் ஒற்றையா் பிரிவின் அரையிறுதிக்கு ஸ்பெயினின் படோசா முன்னேறினார். ➤உலகக் கோப்பை கால்பந்து தகுதிச் சுற்றில் பங்கேற்க மெஸ்சி அர்ஜென்டினா அணிக்கு திரும்பினார். ➤ மகளிர் T20 உலகக் கோப்பை: SL அணியை வீழ்த்தி 31 ரன்கள் வித்தியாசத்தில் PAK அணி வெற்றி பெற்றது.
News October 4, 2024
வீடு திரும்பினார் நடிகர் ரஜினி
சென்னை அப்போலோ ஹாஸ்பிடலில் சிகிச்சை பெற்று வந்த நடிகர் ரஜினி வீடு திரும்பினார். நேற்றிரவு 11 மணியளவில் ஹாஸ்பிடலில் இருந்து டிஸ்சார்ஜ் செய்யப்பட்டுள்ளார். உடல்நலக்குறைவு காரணமாக கடந்த 30ஆம் தேதி அவர் மருத்துவமனையில் அனுமதிக்கப்பட்டார். அவருக்கு ரத்தநாளத்தில் ஏற்பட்ட வீக்கத்துக்கு சிகிச்சை அளிக்கப்பட்டு ஸ்டென்ட் பொருத்தப்பட்டது.
News October 4, 2024
குன்றா செல்வத்தை அருளும் நீலமேகப் பெருமாள்
காவிரி பாயும் பெருமை வாய்ந்த தஞ்சையின் வெண்ணாற்றங்கரையில் அமைந்துள்ளது தஞ்சை மாமணிக் கோயில். 108 திவ்ய தேசங்களில் மங்களாசாசனத் தலமென்ற பெருமை பெற்ற இந்த திருத்தலத்தில் பராசரருக்கு திருமால் காட்சி தந்து, மோட்ஷம் அளித்ததாக புராணம் கூறுகிறது. இங்கு சென்று செங்கமலவல்லி சமேத நீலமேகப் பெருமாளுக்கு ஏலக்காய் மாலை சாற்றி, 16 நெய் விளக்கேற்றி வழிபட்டால், குன்றா செல்வப் பேறுகளும் கிட்டும் என்பது ஐதீகம்.
News October 4, 2024
பாஜக கொள்கைகளை பள்ளியில் பரப்புவதா?
மாணவர்கள் உள்ளத்தில் பாஜக, ஆர்எஸ்எஸ் கொள்கைகளை பரப்பும் முயற்சிகளை அனுமதிக்க முடியாது என கே.பாலகிருஷ்ணன் தெரிவித்துள்ளார். பள்ளிகளில் ஒரு நாடு ஒரு தேர்தல், விக்ஷ்த் பாரத் போன்ற திட்டங்கள் பற்றி மாணவர்களிடையே போட்டி நடத்த மத்திய அரசு சுற்றறிக்கை அனுப்பியுள்ளது. இந்நிலையில், பிஎம்ஸ்ரீ திட்டத்தில் தேர்வு செய்யப்பட்ட பள்ளிகளில் பாஜக திட்டங்கள் குறித்த போட்டி நடத்துவதை அவர் கண்டித்துள்ளார்.
News October 4, 2024
இஸ்ரேல் படைகள் மீது லெபனான் தாக்குதல்
இஸ்ரேல் படைகள் மீது முதல் முறையாக லெபனான் ராணுவம் துப்பாக்கி சூடு நடத்தியுள்ளது. ஹமாஸ் அமைப்புக்கு எதிராக இஸ்ரேல் போரில் ஈடுபட்டு வருவதை போல், பாலஸ்தீனர்களுக்கு ஆதரவாக ஹிஸ்புல்லா அமைப்பு லெபனானில் இருந்து செயல்பட்டு வருகிறது. அவர்களை குறிவைத்து சில நாள்களாக இஸ்ரேல் தாக்குதல் நடத்தி வந்த நிலையில், அதற்கு பதிலடியாக இந்த தாக்குதல் நடைபெற்றுள்ளது.
News October 4, 2024
ஹரியானாவில் நாளை வாக்குப்பதிவு
ஹரியானா சட்டப்பேரவை தேர்தல் பரப்புரை நேற்று நிறைவடைந்த நிலையில், நாளை வாக்குப்பதிவு நடைபெறுகிறது. 90 தொகுதிகளை கொண்ட அங்கு ஒரே கட்டமாக தேர்தல் நடைபெறுகிறது. இதற்காக கடந்த 1 மாதமாக அரசியல் கட்சிகள் தீவிர பிரசாரத்தில் ஈடுபட்டு வந்தனர். காங்கிரஸ், பாஜக இடையே பலத்த போட்டி நிலவும், அம்மாநிலத்தில் யார் ஆட்சியை பிடிப்பார்கள் என்ற எதிர்பார்ப்பு எழுந்துள்ளது. அக்.8இல் வாக்கு எண்ணிக்கை நடைபெறவுள்ளது.
News October 4, 2024
‘மெய்யழகன்’ படத்தில் நீக்கப்பட்ட காட்சி வெளியீடு
‘மெய்யழகன்’ படத்தில் இருந்து நீக்கப்பட்ட காட்சிகளை படக்குழு வெளியிட்டுள்ளது. பிரேம் குமார் இயக்கிய இப்படத்தில் கார்த்தி நாயகனாகவும், அரவிந்த் சாமி முக்கிய வேடத்திலும் நடித்துள்ளனர். கடந்த 27ஆம் தேதி வெளியாகி மக்கள் மத்தியில் நல்ல வரவேற்பை பெற்றாலும், படத்தின் நீளம் தொடர்பாக விமர்சனம் எழுந்தது. இதனால் படக்காட்சிகள் குறைக்கப்பட்ட நிலையில், நீக்கப்பட்ட காட்சிகள் தற்போது Xஇல் வெளியாகியுள்ளது.
News October 4, 2024
WT20 WC: SL எதிரான போட்டியில் PAK வெற்றி
மகளிர் T20 உலகக் கோப்பை கிரிக்கெட் போட்டியில், இன்று நடைபெற்ற போட்டியில் பாகிஸ்தான், இலங்கை அணியை 31 ரன்கள் வித்தியாசத்தில் வீழ்த்தியது. முதலில் பேட்டிங் செய்த PAK அணி 116 ரன்கள் எடுத்தது. தொடர்ந்து விளையாடி இலங்கை அணியால் 85 ரன்கள் மட்டுமே எடுக்க முடிந்தது. 30 ரன் மற்றும் 2 விக்கெட் வீழ்த்திய பாகிஸ்தான் கேப்டன் ஃபாத்திமா சானா ஆட்டநாயகன் விருதை வென்றார்.
News October 4, 2024
இஸ்ரேலுக்கு ஜோ பைடன் எச்சரிக்கை
ஈரானின் அணு ஆயுத தளங்கள் மீது இஸ்ரேல் தாக்குதல் நடத்துவதை அமெரிக்கா ஆதரிக்காது என்று ஜோ பைடன் கூறியுள்ளார். இஸ்ரேலுக்கு அமெரிக்காவின் முழு ஆதரவு உள்ளது என்றும், ஆனால் அது வரையறுக்கப்பட்ட தாக்குதலாக இருக்க வேண்டும் எனவும் அவர் குறிப்பிட்டுள்ளார். ஈரான் மீதான பதில் தாக்குதலில் பங்கேற்கப் போவதில்லை என பிரான்ஸ் மற்றும் இங்கிலாந்து ஆகிய இருநாடுகளும் அறிவித்துள்ளன.
Featured News
Sorry, no posts matched your criteria.