India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News September 9, 2024
Viral Photo: கட்டுக்கட்டாக பணம் பறிமுதல்
லஞ்சம் வாங்கிய டெல்லி மாசுக் கட்டுப்பாட்டுக் குழுவின் சுற்றுச்சூழல் பொறியாளரை கையும் களவுமாக சிபிஐ கைது செய்துள்ளது. இடைத்தரகரிடம் ₹91,500 லஞ்சம் வாங்கியபோது அவர் கைது செய்யப்பட்டார். இதன்பின் அவரின் வீட்டில் சிபிஐ அதிகாரிகள் நடத்திய சோதனையில், 100, 200, 500 ரூபாய் நோட்டு கட்டுகள் (₹2.39 கோடி) பறிமுதல் செய்யப்பட்டது. மெத்தை முழுவதும் கட்டுக்கட்டாக பணம் இருக்கும் போட்டோ வைரலாகி வருகிறது.
News September 9, 2024
அரசியல் ஆதாயத்தை விட மாணவர்கள் முக்கியம்: பிரதான்
தமிழகத்தில் புதிய கல்வி கொள்கையை அமல்படுத்த வேண்டும் என மத்திய அமைச்சர் தர்மேந்திர பிரதான் வலியுறுத்தியுள்ளார். அரசியல் ஆதாயத்தை விட, தமிழக மாணவர்களின் நலன்களில் தமிழக அரசு அக்கறை காட்ட வேண்டும் என்றும் கேட்டுக் கொண்டுள்ளார். NEP தொடர்பாக முதல்வர் ஸ்டாலின் இன்று காலை கடுமையான எதிர்ப்பு தெரிவித்திருந்த நிலையில், அவரின் பதிவை மேற்கோள் காட்டி தர்மேந்திர பிரதான் இந்த கருத்தை முன்வைத்துள்ளார்.
News September 9, 2024
கல்லூரி விளையாட்டில் பிட்டு கேமை கட்டாயமாக்கிய ம.பி.,
கல்லூரி விளையாட்டுகளில், ‘பிட்டு’ கேமையும் (7 ஸ்டோன்) சேர்க்க ம.பி., அரசு உத்தரவிட்டுள்ளது. சிறுவர்களின் பிரதான விளையாட்டுகளில் 7 ஸ்டோனும் (பிட்டு) ஒன்று. அடுக்கி வைக்கப்பட்டிருக்கும் 7 கற்கள் மீது ஒரு அணியினர் கல்லெறிந்து கலைப்பர். அதனை மீண்டும் அடுக்குவதற்குள் அவர்களை எதிரணியினர் அவுட்டாக்க வேண்டும். அதற்குள் 7 கற்களையும் ஒன்றன் மீது ஒன்று அடுக்கிவிட்டால் அந்த அணி வெற்றிபெற்றதாக கருதப்படும்.
News September 9, 2024
டிஜிட்டல் பரிவர்த்தனைக்கு 18% GST வரி ஒத்திவைப்பு
₹2000 வரையிலான டிஜிட்டல் பரிவர்த்தனைக்கு 18% GST வரி விதிக்கும் முடிவு ஒத்திவைக்கப்பட்டுள்ளது. டெல்லியில் நடந்த 54ஆவது GST கூட்டத்தில் இது தொடர்பாக மாநில அரசுகளிடம், மத்திய அரசு கருத்து கேட்டது. மாநில அரசுகள் இதற்கு எதிர்ப்பு தெரிவித்ததால், இது தொடர்பாக எந்த முடிவும் எடுக்கப்படவில்லை. மேலும், இந்த வரி விதிப்பு பற்றி ஆய்வு செய்து அறிக்கை சமர்பிக்க பகுப்பாய்வு குழுவுக்கு அறிவுறுத்தப்பட்டுள்ளது.
News September 9, 2024
ஜப்பானை வீழ்த்திய இந்திய ஹாக்கி அணி
Asian ஹாக்கி சாம்பியன்ஸ் டிராபியில், ஜப்பானை வீழ்த்தி இந்திய அணி வெற்றி பெற்றுள்ளது. சீனாவின் Hulunbuir நடைபெற்று வரும் AHCT 8வது தொடரில், இன்று IND-JPN மோதின. தொடக்கம் முதலே அதிரடியாக விளையாடிய IND, 5 கோல்கள் அடித்தது. JPN அணி ஒரு கோல் மட்டுமே அடித்தது. இதன்மூலம் 5-1 என்ற கோல்கணக்கில் IND அணி JPNஐ வீழ்த்தியது. நேற்றைய ஆட்டத்தில் சீனாவை 3-0 என்ற கோல் கணக்கில் IND வீழ்த்தியிருந்தது.
News September 9, 2024
அஸ்வினி நட்சத்திரத்தில் பிறந்தவரா?
அஸ்வினி நட்சத்திரத்தில் பிறந்த நீங்கள் பாரம்பரியத்தை விரும்புபவராக இருப்பினும் நவீன விஷயங்களிலும் ஆர்வம் காட்டுவீர்கள் என ஜோதிட சாஸ்திரம் கூறுகிறது. பார்ப்பதற்கு அமைதியானவராக தெரிந்தாலும், எளிதில் கோபமடைவீர்கள். அபாரமான மன உறுதியும் புத்திக்கூர்மையும் இருப்பதால், எதிரிகளை சமாளிப்பது உங்களுக்கு கைவந்த கலை என்கிறார்கள். இவை உங்கள் குணங்களோடு ஒத்துப்போகிறதா என கமெண்டில் சொல்லுங்கள்.
News September 9, 2024
முதல்வரின் USA பயணத்துக்கு விஜய் சேதுபதி வாழ்த்து
முதல்வரின் USA பயணம் தொடர்பாக நடிகர் விஜய் சேதுபதி Xஇல் கருத்து தெரிவித்துள்ளார். முதல்வருக்கு அமெரிக்கவாழ் தமிழர்கள் உற்சாக வரவேற்பு அளித்த செய்தியைக் கேட்டு மகிழ்ச்சி அடைந்ததாகவும் அவர் குறிப்பிட்டுள்ளார். அமெரிக்கா சென்றுள்ள தமிழக முதல்வருக்கு, அங்குள்ள தமிழர்கள் மிக சிறப்பான வரவேற்பை வழங்கி வருகிறார்கள். முதல்வரும் தான் தமிழகத்தில் இருப்பது போன்று உணர்வதாக பல இடங்களில் தெரிவித்திருந்தார்.
News September 9, 2024
13 துறைகளில் தமிழ்நாடு NO 1: உதயநிதி
தமிழகம் மற்ற மாநிலங்களுக்கு முன்னுதாரணமாக செயல்படுவதாக அமைச்சர் உதயநிதி ஸ்டாலின் கூறியுள்ளார். மதுரையில் நடைபெற்ற அரசு நலத்திட்ட விழாவில் பேசிய அவர், வறுமை ஒழிப்பு, மகளிர் முன்னேற்றம், தரமான கல்வி, சுகாதாரம் உள்ளிட்ட 13 துறைகளில் தமிழகம் முதலிடத்தில் உள்ளதாக குறிப்பிட்டார். மகளிரை தொழில் முனைவோராக மாற்ற வேண்டும் என்பதே தமிழக அரசின் முக்கிய நோக்கம் எனவும் தெரிவித்துள்ளார்.
News September 9, 2024
இந்த மாவட்டங்களில் மழை பெய்யும்
தமிழ்நாட்டில் இரவு 7 மணி வரை 14 மாவட்டங்களில் இடியுடன் கூடிய மழை பெய்யும் என்று சென்னை வானிலை மையம் தெரிவித்துள்ளது. நீலகிரி, கோவை, திருப்பூர், தேனி, திண்டுக்கல், தென்காசி, நெல்லை, குமரி, புதுக்கோட்டை, தஞ்சை, திருவாரூர், நாகை, மயிலாடுதுறை, கடலூர் ஆகிய மாவட்டங்களில் மழை பெய்யும். இடி, மின்னலுடன் மழை பெய்யும்போது, பாதுகாப்பான இடத்தில் நிற்க வேண்டும் என அறிவுறுத்தப்பட்டுள்ளது.
News September 9, 2024
குரங்கம்மை: அனைத்து மாநிலங்களுக்கும் உத்தரவு
குரங்கம்மை தொடர்பான முன்னெச்சரிக்கை நடவடிக்கைகளை மேற்கொள்ள அனைத்து மாநிலங்களுக்கும் மத்திய அரசு உத்தரவிட்டுள்ளது. மாவட்ட மருத்துவமனைகளில் தனிமைப்படுத்தும் வசதிகள், தேவையான மருத்துவ உபகரணங்கள், போதுமான மருந்துகள் உள்ளதா என்பதை சுகாதாரத்துறை அதிகாரிகள் ஆய்வு செய்ய வேண்டும். தொற்று இருப்பதாக சந்தேகப்படும் நபர்கள் மீது தனி கவனம் செலுத்த வேண்டும் என அறிவுறுத்தியுள்ளது.
Featured News
Sorry, no posts matched your criteria.