India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News September 25, 2024
டாஸ்மாக்கில் QR-CODE மூலம் இனி மது விற்பனை?
டாஸ்மாக்கில் QR-CODE மூலம் மதுவிற்கும் திட்டம் ராணிப்பேட்டை, ராமநாதபுரம் மாவட்டங்களில் 14 கடைகளில் சோதிக்கப்பட்டு வருகிறது. தற்போது டாஸ்மாக்கில் குவார்ட்டருக்கு கூடுதலாக ₹10 முதல், முழு பாட்டிலுக்கு ₹50 வரை பணம் வசூலிக்கப்படுவதாகக் குற்றச்சாட்டு கூறப்படுகிறது. இதற்கு தீர்வு காண QR-CODEஇல் ஸ்கேன் செய்து, மின்னணு பரிவர்த்தனையில் பணம் செலுத்தி பில் வழங்க டாஸ்மாக் நடவடிக்கை எடுக்கிறது.
News September 25, 2024
இவற்றில் ஒன்று இருந்தாலும் பணம் கிடைக்காது!
EPF தொகை கிளைம் எதற்காக நிராகரிக்கப்பட்டது என்ற காரணம் தெரியாமலும் பலர் இருக்கின்றனர். அவர்களுக்கானத் தகவல் தான் இது. ➤EPFO பதிவு & ஆதாருடன் UAN-ஐ இணைக்காதது ➤பெயர் & பிறந்த தேதி குளறுபடி ➤பணியில் சேர்ந்த & வெளியேறிய தேதி இல்லாமை ➤பிழையான உரிமைகோரல் விண்ணப்பம் ➤தவறான வங்கி கணக்கு விவரங்கள் ➤தகுதியற்ற EPS கணக்கு. இந்தக் காரணங்களில் ஏதேனும் ஒன்றிருந்தால்கூட உங்களது EPF கோரிக்கை நிராகரிக்கப்படலாம்.
News September 25, 2024
‘கைதி 2’ அப்டேட் கொடுத்த கார்த்தி
கார்த்தி நடித்துள்ள ‘மெய்யழகன்’ படத்தின் புரமோஷன் பணிகள் பல்வேறு நகரங்களில் நடைபெற்று வருகிறது. சமீபத்தில் ஹைதராபாத்தில் நடைபெற்ற புரமோஷனில் ‘கைதி 2’ படத்தின் அப்டேட் கொடுத்துள்ளார் கார்த்தி. அடுத்த ஆண்டு (2025) இதன் படப்பிடிப்பு தொடங்க உள்ளதாகத் தெரிவித்துள்ளார். தற்போது ரஜினியை வைத்து ‘கூலி’ படத்தை இயக்கி வரும் லோகேஷ் கனகராஜ், அப்படத்தை முடித்துவிட்டு ‘கைதி 2’ படத்தை தொடங்குவார் எனத் தெரிகிறது.
News September 25, 2024
BREAKING: 5 நாள்களுக்கு இடி-மின்னலுடன் மழை
தமிழகத்தின் ஓரிரு இடங்களில் அடுத்த 5 நாள்களுக்கு இடி மின்னலுடன் மழைக்கு வாய்ப்பு இருப்பதாக RMC தெரிவித்துள்ளது. மேற்கு திசை காற்றின் வேகமாறுபாடு காரணமாக, வடதமிழகம், தென்தமிழகத்தில் ஓரிரு இடங்களில் இன்று இடி மற்றும் மின்னலுடன் மிதமான மழை பெய்யக்கூடும் எனக் கூறியுள்ளது. அதேபோல், நாளை முதல் 29ம் தேதி வரை தமிழகத்தில் ஒருசில இடங்களில் இடி, மின்னலுடன் மழை பெய்யக் கூடும் எனத் தெரிவித்துள்ளது.
News September 25, 2024
கோட்சே போல பேசுகிறார் ஆளுநர்: அப்பாவு
ஆளுநர் ஆர்.என். ரவி கோட்சே போல பேசுவதாக சபாநாயகர் அப்பாவு விமர்சித்துள்ளார். மதசார்பின்மை ஐரோப்பாவில் தோன்றியது என்றும், ஆனால் பாரதம், இந்து மதம் ஆகிய இரண்டையும் பிரிக்க முடியாதென்றும் ஆளுநர் பேசியது குறித்து அப்பாவுவிடம் கேட்கப்பட்டது. அதற்கு அவர், அரசியலமைப்பு சட்டத்திற்கு எதிராக பேசுவதை அவர் நிறுத்த வேண்டும். அரசியலமைப்பு சட்ட 15,17 பிரிவை படித்து பார்த்தபிறகு பேச வேண்டும் என்றார்.
News September 25, 2024
முதல் ‘சர்வதேச’ கிரிக்கெட் போட்டி எங்கு நடந்தது?
உலகின் முதல் சர்வதேச கிரிக்கெட் போட்டியானது, நியூயார்க்கில் 24 செப் 1844 அன்று, அமெரிக்காவின் முன்னெடுப்பில் நடத்தப்பட்டது. இருநாள் போட்டியாக நடந்த இப்போட்டியில், USA & கனடா அணிகள் மோதின. USA அணி வெறும் 58 ரன்களுக்கு ஆட்டமிழக்க, கனடா அணி 23 ரன்கள் வித்தியாசத்தில் வென்றது. அத்துடன், பரிசுத் தொகையான $1,000-ஐ கனடா கைப்பற்றியது. இருப்பினும் இது முதல் டெஸ்ட் போட்டியாக அங்கீகரிக்கப்படவில்லை.
News September 25, 2024
குற்றவியல் சட்டங்கள்: மத்திய அரசுக்கு ஐகோர்ட் நோட்டீஸ்
3 குற்றவியல் சட்டங்களை எதிர்த்து தொடுக்கப்பட்ட வழக்கில் மத்திய அரசுக்கு சென்னை ஐகோர்ட் நோட்டீஸ் அனுப்பியுள்ளது. அந்த 3 சட்டங்களுக்கும், ஹிந்தியில் பெயர் வைத்திருப்பதை சுட்டிக்காட்டி, தமிழ்நாடு-புதுச்சேரி வழக்கறிஞர்கள் கூட்டமைப்பு மனு தொடுத்திருந்தது. இதை விசாரணைக்கு ஏற்றுக் கொண்ட ஐகோர்ட், மனு குறித்து பதிலளிக்க உத்தரவிட்டுள்ளது.
News September 25, 2024
விஜய் கன்னத்தில் சந்திரசேகர் பளார்.. பிரபல இயக்குநர் பேட்டி
விஜய் கன்னத்தில் அவரது தந்தை சந்திரசேகர் பளார் என அறைந்ததாக இயக்குநர் களஞ்சியம் தெரிவித்துள்ளார். கோயம்புத்தூர் மாப்பிள்ளை படத்தில் நடித்தபோது, தனியாக தங்க அறை ஒதுக்காததால் கோபமடைந்து விஜய் சென்று விட்டார். இதையடுத்து அங்கு வந்த சந்திரசேகர், அனைவர் முன்பும் விஜய் கன்னத்தில் பளார் என அறைந்து அறிவுரை வழங்கியதாக களஞ்சியம் கூறியுள்ளார்.
News September 25, 2024
BIG BREAKING: பள்ளிகளுக்கு காலாண்டு விடுமுறை நீட்டிப்பு
தமிழகத்தில் பள்ளிகளுக்கான காலாண்டு விடுமுறை அக்.6 வரை நீட்டிக்கப்பட்டுள்ளது. பள்ளிகளுக்கு அக்.2 வரை காலாண்டு விடுமுறை விடப்படுவதாக முன்பு அறிவிக்கப்பட்டிருந்தது. ஆனால், விடுமுறை குறுகிய நாளே இருப்பதால் விடைத்தாளை திருத்த கூடுதல் நாள் தேவை என ஆசிரியர்கள் காேரிக்கை வைத்தனர். இதை பரிசீலித்து விடுமுறையை நீட்டித்து, அக். 7இல் பள்ளிகள் திறக்கப்படும் என்று பள்ளிக்கல்வித்துறை அறிவித்துள்ளது.
News September 25, 2024
மாநாட்டுக்கு அனுமதி மறுப்பா? தவெக விளக்கம்!
தமிழக வெற்றிக் கழகம் கட்சியின் முதல் மாநாடு அக்டோபர் 27 ஆம் தேதி நடைபெற உள்ள நிலையில், மாநாட்டுக்கு காவல்துறை அனுமதி மறுத்ததாகத் தகவல் வெளியானது. இத்தகவலை மறுத்துள்ள அக்கட்சியின் பொது செயலாளர் புஸ்ஸி ஆனந்த், நிபந்தனைகளுடன் கூடிய அனுமதியை காவல்துறை வழங்கியதாகத் தெரிவித்துள்ளார். மேலும், காவல்துறை சார்பில் வழங்கப்பட்ட 33 நிபந்தனைகளுக்கு கட்சி சார்பில் விளக்கம் அளித்துள்ளதாகவும் கூறியுள்ளார்.
Featured News
Sorry, no posts matched your criteria.