India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News September 20, 2024
IELTS தேர்வு முடித்த பெண்களுக்கு Demand ஜாஸ்தி!
அமெரிக்கா, பிரிட்டன், கனடா உள்ளிட்ட நாடுகளில் குடியேற IELTS ஆங்கிலத் தேர்வில் வெற்றி பெற வேண்டியது அவசியம். இந்நிலையில், IELTS முடித்த பெண்கள் வரதட்சணை கொடுக்க வேண்டாம் என்றும், தாங்களே செலவு செய்து திருமணம் முடித்துக் கொள்வதாகவும் வரன் தேடும் விளம்பரங்களில் அதிகம் காண முடிகிறது. வெளிநாடுகளில் குடியேற விரும்பும் ஆண்கள் பலர், இத்தேர்வை முடித்த பெண்களுக்கு வலைவீசி வருகிறார்கள்.
News September 20, 2024
ஆல் அவுட் தான்… ஆனால் அதிரடி ஆட்டம்!
வங்கதேசத்திற்கு எதிரான முதலாவது டெஸ்ட் போட்டியின் முதல் இன்னிங்ஸில் இந்திய அணி 91.2 ஓவரில் 376 ரன்களுக்கு ஆல் அவுட்டானது. வங்கதேச அணியின் சார்பில் அபாரமாக பந்துவீசிய வேகப்பந்து வீச்சாளர் ஹசன் மஹ்மூத் மொத்தம் 5 விக்கெட்டுகளை வீழ்த்தி, இந்திய அணிக்கு கடும் நெருக்கடியை ஏற்படுத்தினார். இந்திய அணியின் சார்பில் அதிகபட்சமாக அஸ்வின் 113, ஜடேஜா 86, ஜெய்ஸ்வால் 56 ரன்கள் குவித்தனர்.
News September 20, 2024
யாரை சொல்றாரு வைரமுத்து..?
கவிஞர் வைரமுத்து இன்று வெளியிட்ட பதிவில், “வாழ்வியல் தோல்விகளால் மூளைப் பிறழ்வு அடையும் சிலர் ஒருதலையாய் நேசிக்கப்பட்டவர்கள் மீது வக்கிர வார்த்தைகளை உக்கிரமாய் பேசுவர். இந்த நோய்க்கு Messianic Delusion Disorder என்று பெயர். இதற்கு உரிய சிகிச்சையும், மருந்துகளும் உண்டு” எனக் கூறியுள்ளார். சில தினங்களுக்கு முன்பு வைரமுத்து பற்றி பிரபல பாடகி ஒருவர் சில குற்றசாட்டுகளை முன்வைத்தது குறிப்பிடத்தக்கது.
News September 20, 2024
இன்று ஓடிடி தளத்தில் வெளியான படங்கள்
இந்தியில் வெளியாகி நல்ல வரவேற்பை பெற்ற ‘பஞ்சாயத்’ வெப் தொடரின் தமிழ் ரீமேக் ‘தலைவெட்டியான் பாளையம்’. மொத்தம் 8 எபிசோடுகள் அடங்கிய இத்தொடர் அமேசான் பிரைம் OTT தளத்தில் இன்று வெளியாகியுள்ளது. நடிகை காயத்ரி சங்கரின் நடிப்பில் வெளியான திரில்லர் படமான ‘பேச்சி’, இனியா நடித்துள்ள படம் ‘காஃபி’, எஸ்.டி. மணிபால் இயக்கத்தில் ‘மெட்ராஸ்’ வினோத் நடித்துள்ள ‘சாலா’ ஆகியவை ஆஹா OTT தளத்தில் வெளியாகி உள்ளன.
News September 20, 2024
BREAKING: மாநாட்டு தேதியை அறிவித்தார் விஜய்
விக்கிரவாண்டியில் அக்.27ல் தவெக மாநாடு நடைபெற உள்ளதாக விஜய் அறிவித்துள்ளார். நம்மை வழிநடத்தப் போகும் கொள்கைகளையும், நாம் அடையப் போகும் இலக்குகளையும் முழங்கும் அரசியல் திருவிழாவாக இம்மாநாடு நடக்க உள்ளதாக தெரிவித்துள்ளார். மேலும், மாநாட்டில் இருந்து வலிமையான அரசியல் பாதையை அமைப்போம் என்று சூளுரைத்த அவர், முதல் மாநாட்டை வெற்றிகரமாக நடத்த மண்ணின் மகனான தனக்கு, மக்கள் ஆதரவு தருமாறும் கேட்டுக்கொண்டார்.
News September 20, 2024
பொது அறிவு வினா – விடை
1) சிங்கப்பூரின் முந்தைய பெயர் என்ன? 2) நீண்ட தொலைவு பறக்கும் ஆற்றல் கொண்ட பறவை எது? 3)
நவீன வகைப்பாட்டியலின் தந்தை என அழைக்கப்படுபவர் யார்? 4) பைசா கோபுரத்தில் மொத்தம் எத்தனை படிகள் உள்ளன? 5) உலகின் மிகப்பெரிய பூ எது? 6) DNA என்பதன் விரிவாக்கம் என்ன? 7) நாக்கினால் வாசனையை நுகரும் திறன் கொண்ட (ஊர்வன) உயிரினம் எது? விடைகளை கமெண்ட்டில் சொல்லுங்க. சரியான விடையை 2 மணிக்கு பாருங்க.
News September 20, 2024
மீண்டும் உச்சம் தொட்ட தங்கம் விலை
கடந்த 3 நாள்களாக குறைந்து வந்த தங்கம் விலை, இன்று மீண்டும் உயர்ந்து சவரன் ₹55,000-ஐ கடந்தது. அதன்படி, சென்னையில் இன்று 22 கேரட் ஆபரணத்தங்கத்தின் விலை சவரனுக்கு ₹480 உயர்ந்து ஒரு சவரன் ₹55,080க்கும், கிராமுக்கு ₹60 உயர்ந்து ஒரு கிராம் ₹6,885க்கும் விற்பனையாகிறது. அதே நேரம், சில்லறை விற்பனையில் வெள்ளி விலை கிராமுக்கு ₹1.50 உயர்ந்து ஒரு கிராம் ₹97.50க்கும், கிலோ ₹97,500க்கும் விற்கப்படுகிறது.
News September 20, 2024
வருமான வரித்துறையில் வேலை: தேதி முடியப்போகுது
மத்திய அரசின் வருமான வரித்துறையில் 25 Canteen Attendant பணிக்கு விண்ணப்பிப்பதற்கான அவகாசம் செப். 22-ம் தேதியுடன் முடிவடைகிறது. பணி இடம்: தமிழகம் மற்றும் புதுவை. கல்வித் தகுதி: 8-ம் வகுப்பு. வயது வரம்பு: 18 முதல் 25. தேர்வு முறை: எழுத்து தேர்வு & நேர்முகத்தேர்வு. தேர்வு நடைபெறும் நாள்: 06.10.2024. தேர்வு அறிவிப்பினை தெரிந்து கொள்ள: https://www.tnincometax.gov.in/ என்ற இணைய முகவரிக்கு செல்லவும்.
News September 20, 2024
Motor News: சந்தைக்கு வந்த ராயல் என்ஃபீல்ட் கிளாசிக் 350
உலகளாவிய மோட்டார் சைக்கிள் பிராண்டான ராயல் என்ஃபீல்ட் நிறுவனம் Classic 350 என்ற பைக்கை அறிமுகம் செய்துள்ளது. இதில் 5 கியர், 20.2 Bhp பவர், 27 NM டார்க் இழுவிசை, 349cc திறன் சிங்கிள் சிலிண்டர் என்ஜின், ABS டிஸ்க் பிரேக், இடம் பெற்றுள்ளது. 4.20 வினாடிகளில் 60 Km வேகத்தை எட்டும். லிட்டருக்கு 41.55 Km மைலேஜ் தரும்.195 Kg எடையில், 11 புது வண்ணங்களில் கிடைக்கும் இதன் ஷோரூம் விலை ₹1.99 லட்சமாகும்.
News September 20, 2024
2 சிறுவர்கள் கொலை.. நரபலி முயற்சி?
வேலூர் குடியாத்தம் அருகே இரு சிறுவர்கள் கொலை செய்யப்பட்டுள்ளனர். நண்பனின் குழந்தைகளை யோகித் (5), தர்ஷன் (4) கடைக்கு அழைத்துச் செல்வதாக கூறி வசந்தகுமார், அடித்துக்கொலை செய்துள்ளார். கோயில் அருகாமையில் இருந்து சிறுவர்களின் சடலங்கள் மீட்கப்பட்டதால் நரபலி முயற்சி நடந்திருக்கலாம் என உறவினர்கள் சந்தேகித்துள்ளனர். மனைவியை பிரிந்து வாழும் அவர், கடந்த சில நாள்களாக மனஅழுத்தத்தில் இருந்ததாகக் கூறப்படுகிறது.
Featured News
Sorry, no posts matched your criteria.