India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News September 23, 2024
₹30,000 கோடிக்கு ஒப்பந்தம் போட்ட வோடஃபோன் ஐடியா!
ஐடியா நோக்கியா, சாம்சங் சோனி எரிக்சன் நிறுவனங்களுடன் வோடஃபோன் ஐடியா (Vi) நிறுவனம் ₹30,000 கோடி மதிப்பிலான நீண்ட கால ஒப்பந்தங்களில் கையெழுத்திட்டுள்ளது. தொழில் வளர்ச்சியில் தீவிர கவனம் செலுத்திவரும் Vi, அந்நிறுவனங்களிடம் இருந்து அதி நவீன உபகரணங்களை கொள்முதல் செய்யவுள்ளது. இதன் மூலம் 4G – 5G நெட்வொர்க் & செயல்திறனை மேம்படுத்தி, இயக்க செலவுகளை குறைக்க முடியுமென Vi நிறுவனம் கருதுகிறது.
News September 23, 2024
ஆதாரமில்லாமல் அவதூறு செய்யாதீர்கள்: காவல்துறை
போதைப் பொருள் விற்பவர்களுடன், போலீசாருக்கு தொடர்பு இல்லை என DGP அலுவலகம் சார்பில் விளக்கமளிக்கப்பட்டுள்ளது. போதை கும்பலுடன், 850 போலீசாருக்கு தொடர்பு என நாளிதழ் ஒன்றில் எவ்வித ஆதாரமும் இன்றி செய்தி வெளியாகியுள்ளதாகவும், ஆதாரமின்றி செய்தி வெளியிட வேண்டாம் என்றும், தமிழகத்தில் இந்த ஆண்டு 7370 கிலோ கஞ்சா பறிமுதல் செய்யப்பட்டு, 7287 FIR பதிவாகியுள்ளதாகவும் கூறப்பட்டுள்ளது.
News September 23, 2024
பாலியல் முயற்சி: சிறுமியை காப்பாற்றிய குரங்குகள்
உத்தரப் பிரதேசத்தில் 6 வயது சிறுமியை பாலியல் வன்காெடுமை முயற்சியில் இருந்து குரங்குகள் காப்பாற்றிய சம்பவம் நெகிழ்ச்சியை ஏற்படுத்தியுள்ளது. பாக்பத்தை சேர்ந்த அந்த சிறுமி விளையாடிக் காெண்டிருந்தபோது, சாக்லேட் தருவதாக கூறி ஒருவர் அழைத்து சென்றுள்ளார். சிறுமியின் அலறலை கேட்டு ஓடி வந்த குரங்குகள், அவரை தாக்கியுள்ளன. இதையடுத்து, சிறுமி தப்பியோடியுள்ளார். புகாரின்பேரில் அந்த நபரை போலீஸ் தேடுகிறது.
News September 23, 2024
14 ஆயிரம் பேருக்கு டெங்கு பாதிப்பு: சுகாதாரத்துறை
தமிழகத்தில் நடப்பாண்டில் இதுவரை 14 ஆயிரம் பேருக்கு டெங்கு பாதிப்பு உறுதி செய்யப்பட்டுள்ளதாக தமிழக பொது சுகாதாரத்துறை கூறியுள்ளது. இதில் 7 பேர் சிகிச்சை பலனின்றி உயிரிழந்துள்ளதாகவும், 1000க்கும் அதிகமானவர்கள் மருத்துவமனையில் சிகிச்சையில் இருப்பதாகவும் அதிகாரிகள் தெரிவித்தனர். மாநிலம் முழுவதும் 25 ஆயிரம் ஊழியர்கள் கொசு ஒழிப்பு பணிகளில் ஈடுபட்டுள்ளதாகவும் குறிப்பிட்டுள்ளனர்.
News September 23, 2024
முதல்வரை பார்த்தபின் பதுங்கிய விசிக
மது ஒழிப்பு மாநாட்டிற்கு அதிமுகவிற்கு அழைப்பு, ஆட்சி அதிகாரத்தில் பங்கு என அடுத்தடுத்து அரசியலில் திருமா புயலை கிளப்பினார். அமெரிக்காவில் CM ஸ்டாலின் இருந்தபோதுதான் இவை அனைத்தும் நடந்தன. ஆனால் அமெரிக்காவில் இருந்து CM திரும்பியபிறகு நேரில் சென்று அவரை திருமா சந்தித்தார். அதன்பிறகு சைலண்ட் ஆகிவிட்டார். இதைவைத்து விசிக பதுங்கி இருக்கிறதா என அரசியல் ஆர்வலர்கள் கேள்விகேட்கின்றனர்.
News September 23, 2024
விளையாட்டு துளிகள்
➤Swiss Road Para-Cycling: C5 தனிநபர் பிரிவில் சாரா ஸ்டோரி சாம்பியன் பட்டம் வென்றார். ➤Sydney Rugby Championship: AUS அணியை 31-28 என்ற கணக்கில் வீழ்த்தி NZ அணி பிளெடிஸ்லோ கோப்பையை வென்றது. ➤Poland Open Badminton: இந்திய வீரர் அன்மோல் கார்ப் சாம்பியன் பட்டம் வென்றார். ➤Snooker English Open: சீனாவின் வு யிஸை வீழ்த்தி ஆஸி வீரர் நீல் ராபர்ட்சன் 7-1 என்ற கணக்கில் 2ஆவது முறையாக பட்டத்தை வென்றார்.
News September 23, 2024
60 புதிய மருத்துவ கல்லூரிகளுக்கு ஒப்புதல்
நாடு முழுவதும் புதிதாக 60 மருத்துவ கல்லூரிகள் அமைக்க மத்திய அரசு தனது ஒப்புதலை அளித்துள்ளது. ஏற்கெனவே நாடு முழுவதும் 706 மருத்துவ கல்லூரிகள் உள்ளன. புதிதாக அமைக்கப்படும் மருத்துவ கல்லூரிகளையும் சேர்த்து அந்த எண்ணிக்கை 766ஆக அதிகரித்துள்ளது. கடந்த 2013-14ம் ஆண்டில் நாடு முழுவதும் மொத்தம் 387 மருத்துவ கல்லூரிகளே இருந்தன. இது கடந்த 10 ஆண்டுகளில் மட்டும் 98% அளவுக்கு அதிகரிக்கப்பட்டுள்ளது.
News September 23, 2024
பூமியை நாளை நெருங்கும் 2 எறிகற்கள்
பூமியை நாளை 2 எறிகற்கள் நெருங்குவதாக நாசா எச்சரித்துள்ளது. அவற்றுக்கு 2020 GE , 2024 RO11என்று நாசா பெயரிட்டு உள்ளது. இதில் 2020 GE எறிகல், பேருந்து சைஸ் உடையது. இது பூமியை 4.10 லட்சம் மைல் தொலைவில் கடக்கும். 2024 RO11 எறிகல், விமானம் அளவுக்கு பெரியது. அது 45.80 லட்சம் மைல் தொலைவில் கடக்கும். இந்த 2 எறிகற்களால் பூமிக்கு பாதிப்பு இருக்காது என்று நாசா தெரிவித்துள்ளது.
News September 23, 2024
தமிழக மீனவர்கள் 5 பேர் கைது
தமிழக மீனவர்கள் 5 பேரை இலங்கை கடற்படையினர் கைது செய்துள்ளனர். கன்னியாகுமரியை சேர்ந்த இவர்கள், நெடுந்தீவு அருகே மீன் பிடித்துக்கொண்டிருந்த நிலையில், எல்லை தாண்டி மீன்பிடித்ததாக கூறி கைது செய்யப்பட்டுள்ளனர். நேற்று 37 மீனவர்களை இலங்கை கடற்படையினர் கைது செய்திருந்த நிலையில், இன்று மீண்டும் கைது நடவடிக்கைகளில் ஈடுபட்டுள்ளனர். இலங்கையின் கைது நடவடிக்கைக்கு அரசியல் கட்சிகள் கண்டனம் தெரிவித்துள்ளனர்.
News September 23, 2024
மோடி ஆட்சியை காமராஜர் ஆட்சி என்பதா? காங்கிரஸ்
மோடி ஆட்சியை, காமராஜர் ஆட்சியுடன் ஒப்பிட்டு பேசிய தமிழிசைக்கு காங்கிரஸ் தலைவர் செல்வப்பெருந்தகை கண்டனம் தெரிவித்துள்ளார். மக்களை மதரீதியாக பிளவுபடுத்துகிற வெறுப்பு அரசியலையும், அதிகாரங்களை குவித்து வைத்துக்கொண்டு சர்வாதிகார பாசிச முறையில் செயல்பட்டு வரும் மோடியின் ஆட்சியை காமராஜர் ஆட்சியோடு ஒப்பிடுவது தமிழிசையின் அறியாமையை காட்டுவதாக அவர் விமர்சித்துள்ளார்.
Featured News
Sorry, no posts matched your criteria.