India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News October 25, 2024
பட்டியலின மக்கள் மீது தாக்குதல்: 98 பேருக்கு ஆயுள்
கர்நாடகாவில் பட்டியல் இனத்தவர்களை தாக்கிய வழக்கில் 98 பேருக்கு ஆயுள் தண்டனையும், 3 பேருக்கு 5 ஆண்டு சிறை தண்டனையும் விதித்து அம்மாநில அமர்வு நீதிமன்றம் தீர்ப்பளித்துள்ளது. 2014ல் சினிமா டிக்கெட் தொடர்பான தகராறில் பட்டியல் இனத்தவர்களை தாக்கி, அவர்களின் வீடுகளும் எரிக்கப்பட்டதாக, 117 பேர் மீது குற்றம் சாட்டப்பட்டது. இதில், 11 பேர் உயிரிழந்த நிலையில், எஞ்சியவர்களுக்கு தண்டனை அறிவிக்கப்பட்டுள்ளது.
News October 25, 2024
மூலிகை: சுவாசப் பிரச்னையை தீர்க்கும் இம்பூறல்
“இன்புறா வேரை இதமாய் அருந்தினர்க்கு… சுவாசம்” எனும் அகத்தியர் பாடல் இம்பூறலின் ஆற்றலை விளக்குகிறது. குயினோன்ஸ், அலிசாரின், பால்மடைன் போன்ற வேதிப்பொருட்கள் நிறைந்த இதன் வேரோடு அதிமதுரம் சேர்த்துத் தயாரிக்கப்படும் இனிப்புச் சுவைமிக்க குடிநீரை 7 நாட்கள் பருகிவந்தால், பனிக்காலத்தில் ஏற்படும் சளி, இருமல், சுவாச இரைப்பு, ரத்தச்சோகை உள்ளிட்ட பிரச்னைகள் தீரும் என சித்த மருத்துவர்கள் கூறுகின்றனர்.
News October 25, 2024
மஸ்கிற்கு கொட்டு வைத்த கோர்ட்..!
USA அதிபர் தேர்தலில் டிரம்பை ஆதரிக்கும் நபர்களுக்கு தினமும் $1 மில்லியன் வழங்க எலான் மஸ்க்கிற்கு அந்நாட்டு நீதிமன்றம் தடை விதித்துள்ளது. சட்டத்தை மீறி வாக்காளர்களுக்கு பணம் வழங்குவதாகக் கடும் எச்சரிக்கையும் விடுத்துள்ளது. பேச்சுரிமை, ஆயுதம் வைத்து கொள்ளும் உரிமை என்ற தனது மனுவில் கையெழுத்திடும் நபர்களில் ஒருவரை தேர்ந்தெடுத்து, தேர்தல் நடைபெறும் வரை பரிசு வழங்குவதாக மஸ்க் அறிவித்து இருந்தார்.
News October 25, 2024
தடுமாறும் இந்திய அணி
NZ-க்கு எதிரான 2ஆவது டெஸ்ட் போட்டியில், 103 ரன்களுக்கு 7 விக்கெட்களை இழந்து இந்திய அணி தடுமாறி வருகிறது. ரோஹித் 0, கோலி 1, பண்ட் 18, சர்ஃபராஸ் 11, ஜெய்ஸ்வாலும், ஷுப்மன் கில்லும் 30 ரன்கள் என சொற்ப ரன்களில் முன்கள வீரர்கள் வெளியேறினர். ஜடேஜாவும், சுந்தரும் களத்தில் உள்ளனர். IND அணி 164 ரன்கள் பின் தங்கியுள்ளது. முதல் போட்டியில் IND மோசமாக தோற்ற நிலையில், 2ஆவது போட்டியிலும் சொதப்பி வருகிறது.
News October 25, 2024
வி.சாலைக்கு புதுப்புது அர்த்தம் சொன்ன விஜய்
தவெக மாநாடு தொடர்பாக விஜய் வெளியிட்டுள்ள அறிக்கைகளில் வி.சாலை கவனம் பெற்றுள்ளது. இது தொடர்பாக அக்.4 ஆம் தேதி அவர் வெளியிட்ட அறிக்கையில் வி.சாலை எனும் வெற்றிச்சாலை எனக் குறிப்பிட்டிருந்தார். அக். 20ஆம் தேதி வெளியான அறிக்கையில், வி.சாலை எனும் விவேக சாலை எனவும், இன்று வெளியான அறிக்கையில் வி.சாலை எனும் வியூகச் சாலை என்றும் அவர் தெரிவித்துள்ளார். தவெக முதல் மாநில மாநாடு நாளை மறுநாள் நடைபெறவுள்ளது.
News October 25, 2024
வாழ்த்துவதற்கு நெல்மணியை பயன்படுத்திய பழந்தமிழர்கள்
திருமணம், பெயர் சூட்டுதல், காதணி விழா உள்ளிட்ட மங்கள நிகழ்வுகளின்போது, மஞ்சள் அரிசியை அட்சதையாக தூவும் வழக்கம் இன்றும் தமிழ்நாட்டில் உள்ளது. இது சங்ககாலம் தொட்டு தொடரும் பண்பாட்டு எச்சமாகும். அறிவியல்படி பார்த்தால், மண்ணில் தூவினால் முளைக்கும் நெல்மணிக்கு உயிருண்டு. அரிசிக்கு உயிரில்லை. இதன் காரணமாகவே, தமிழ் மூத்தோர் வாழ்த்துவதற்கு நெல்லை பயன்படுத்தினர். அது பின்னாளில் அரிசியாக மருவியது.
News October 25, 2024
வெள்ளி விலை சற்று குறைந்தது
தங்கத்திற்கு போட்டியாக உயர்ந்து வந்த வெள்ளி விலை நேற்று ₹2 குறைந்த நிலையில், இன்றும் சற்று குறைந்துள்ளது. அதன்படி, சென்னையில் சில்லறை விற்பனையில் வெள்ளி கிராமுக்கு ₹3 குறைந்து ஒரு கிராம் ₹107க்கும், கிலோவுக்கு ₹3,000 குறைந்து ஒரு கிலோ ₹1,07,000க்கும் விற்பனை செய்யப்படுகிறது. கடந்த மாதம் வெள்ளி விலை 1 கிராம் ₹98ஆக இருந்த நிலையில், தற்போது 107க்கு விற்பனையாகிறது.
News October 25, 2024
‘பிளடி பெக்கர்’ படத்திற்கு யு/ஏ சான்று
‘பிளடி பெக்கர்’ படத்திற்கு U/A சான்றிதழ் கிடைத்துள்ளதாகப் படக்குழு அறிவித்துள்ளது. அறிமுக இயக்குநர் சிவபாலன் இயக்கத்தில், கவின் நடிப்பில் உருவாகியுள்ள இப்படம், தீபாவளியை முன்னிட்டு அக். 31ஆம் தேதி திரைக்கு வரவுள்ளது. இப்படத்தை பிரபல இயக்குநர் நெல்சன் தயாரித்துள்ளார். அமரன், லக்கி பாஸ்கர், பிரதர், பிளடி பெக்கர் ஆகிய படங்கள் ஒரே நாளில் வெளியாகிறது. இதில் நீங்கள் பார்க்க விரும்பும் படம் எது?
News October 25, 2024
இதய வாசலைத் திறந்து காத்திருப்பேன்: விஜய்
TVK மாநாட்டில் பங்கேற்கவுள்ள தோழர்களுக்காக இதய வாசலைத் திறந்து வைத்துக் காத்திருப்பேன் என விஜய் தெரிவித்துள்ளார். உச்சபட்ச அரசியல் ஒழுங்கோடு உலகமே உற்று நோக்கிப் போற்றும் விதமாக மாநாட்டை கொண்டாடுவோம் என்றும் TVK கொடியை கைகளில் ஏந்திவருமாறும் கேட்டுக்கொண்டுள்ளார். தங்கள் வருகைக்காக தன் இரு கரங்களையும் விரித்தபடி காத்திருப்பதாகவும், வி.சாலை என்னும் வியூகச் சாலையில் சந்திப்போம் என்றும் கூறியுள்ளார்.
News October 25, 2024
வார்னருக்கான வாழ்நாள் தடை நீக்கம்
வார்னருக்கு விதிக்கப்பட்டிருந்த வாழ்நாள் தடையை AUS கிரிக்கெட் வாரியம் நீக்கியுள்ளது. 2018ல் பந்தை சேதப்படுத்தியதாக, ஓராண்டு விளையாடத் தடையும், அனைத்து விதப் போட்டிகளிலும் கேப்டனாக பொறுப்பேற்க வாழ்நாள் தடையும் விதிக்கப்பட்டிருந்தது. இந்நிலையில், வார்னர் வருத்தம் தெரிவித்ததை அடுத்து தடை நீக்கப்பட்டுள்ளது. சர்வதேச போட்டிகளில் அவர் ஓய்வு பெற்றாலும், BBL தொடரில் கேப்டனாக வாய்ப்புள்ளது.
Featured News
Sorry, no posts matched your criteria.