India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News September 28, 2024
மத்திய அரசின் கடன் ₹176 லட்சம் கோடியாக அதிகரிப்பு
2024 ஜூன் மாதத்துடன் முடிந்த காலாண்டில், மத்திய அரசின் மொத்த கடன்தொகை ₹176 லட்சம் கோடியாக அதிகரித்துள்ளது. மொத்த கடன் தொகையில் வெளிநாட்டு கடன் மதிப்பு ₹9.78 லட்சம் கோடியாக உள்ளது. அதேபோல் உள்நாட்டுக் கடன் தொகையில் அரசின் பத்திரங்கள் மூலம் ₹104.5 லட்சம் கோடியும், குறுகிய கால சேமிப்பு பாதுகாப்பு பத்திரங்கள் மூலம் ₹27 லட்சம் கோடி, கருவூல பத்திரம் மூலம் ₹10.5 லட்சம் கோடி நிதி திரட்டப்பட்டுள்ளது.
News September 28, 2024
சசிக்குமார் படத்தில் இணைந்த சிம்ரன்
சென்னையில் உள்ள நட்சத்திர ஹோட்டலில், சசிக்குமார், சிம்ரன் இணைந்து நடிக்கும் புதிய படத்தின் படப்பிடிப்பு பூஜையுடன் தொடங்கியது. சசிக்குமாரின் பிறந்தநாளை முன்னிட்டு, படத்தின் அதிகாரப்பூர்வ அறிவிப்பு வெளியாகியுள்ளது. அதன்படி, அபிஷான் ஜீவின்ந் என்ற அறிமுக இயக்கும் இப்படத்தில் மிதுன் ஜெய்சங்கர், கமலேஷ், யோகி பாபு, ரமேஷ் திலக், எம்.எஸ்.பாஸ்கர், பக்ஸ் என்ற பகவதி பெருமாள் உள்ளிட்ட பலர் நடிக்கிறார்கள்.
News September 28, 2024
டெல்லியில் தலைதூக்கும் துப்பாக்கிக் கலாச்சாரம்
டெல்லியில் கடந்த 24 மணி நேரத்தில் 3 வெவ்வேறு இடங்களில் துப்பாக்கிச்சூடு சம்பவங்கள் அரங்கேறியிருப்பது, பொதுமக்களை அச்சத்தில் ஆழ்த்தியுள்ளது. கார் ஷோரூம், ஹோட்டல், ஸ்வீட் ஸ்டால் என 3 இடங்களில் இந்த தாக்குதல்கள் நடந்துள்ளன. நல்வாய்ப்பாக யாருக்கும் காயம் ஏற்படவில்லை. பணம் பறிக்க, கொள்ளை கும்பல்கள் இந்த துணிகர சம்பவத்தில் ஈடுபட்டிருக்கலாம் என சந்தேகிக்கும் போலீசார், குற்றவாளிகளை வலை வீசி தேடுகின்றனர்.
News September 28, 2024
பெரும் சுமையாகும் மருத்துவ செலவீனங்கள்
இந்தியாவில் மருத்துவ செலவீனங்கள் அதிவேகத்தில் உயர்ந்துள்ளதாக, தனியார் காப்பீட்டு நிறுவனத் தரவுகள் தெரிவிக்கின்றன. 2024 ஆய்வின்படி, 23% பேர் கடன்பெற்றே, மருத்துவமனைகளில் பணம் கட்டுவதாகவும், 62% பேர் சொந்த பணத்தில் இருந்து செலவு செய்வதாகவும் தரவுகள் கூறுகின்றன. ஆண்டுக்கு 14% கட்டணம் அதிகரிப்பதாகவும், சிறுநீரக கோளாறுகள் பதிவாகும் நகரங்களில் டெல்லி முதலிடத்தில் இருப்பதாகவும் தரவுகள் தெரிவிக்கின்றன.
News September 28, 2024
நான் ஆட்சிக்கு வந்ததும் உனக்கு இருக்கு..!
தான் அதிபராகத் தேர்ந்தெடுக்கப்பட்டால் கூகுளுக்கு எதிராக சட்ட நடவடிக்கை எடுக்கப்படும் என டிரம்ப் எச்சரித்துள்ளார். ஜனநாயகக் கட்சி அதிபர் வேட்பாளர் கமலா ஹாரிஸ் குறித்து நேர்மறையாகவும், தன்னைப் பற்றி மோசமான கட்டுரைகளையும் கூகுள் காட்டுவதாக குற்றஞ்சாட்டியுள்ள அவர், பகிரங்க எச்சரிக்கை விடுத்துள்ளார். அமெரிக்க அதிபர் தேர்தலில் குடியரசுக் கட்சி சார்பில் டிரம்ப் மீண்டும் போட்டியிடுவது குறிப்பிடத்தக்கது.
News September 28, 2024
‘அமைச்சர் செந்தில் பாலாஜி’ நாளை அறிவிப்பு?
தமிழக அமைச்சரவை நாளை 3.30 PMக்கு மாற்றி அமைக்கப்பட உள்ளதாக தகவல் வெளியாகியுள்ளது. இது குறித்து சீனியர் ஜெர்னலிஸ்ட் லக்ஷ்மணன் தனது X பதிவில், “3 திமுக அமைச்சர்கள் நீக்கப்பட்டு புதிதாக 3 பேர் அமைச்சர்கள் ஆகின்றனர். செந்தில் பாலாஜி மீண்டும், மின்சாரம் மற்றும் மதுவிலக்குத் துறை அமைச்சராவதில் ஆச்சரியமில்லை” எனத் தெரிவித்துள்ளார். எனினும், அரசுத் தரப்பில் அதிகாரப்பூர்வ தகவல் எதுவும் வெளியாகவில்லை.
News September 28, 2024
வட மாநில கொள்ளையர்களுக்கு பயமில்லை
நாமக்கல்லில் சிக்கிய வட மாநில கொள்ளையர்கள் துப்பாக்கியை காட்டி மிரட்டினாலும் பயப்படவில்லை என போலீசார் தெரிவித்துள்ளனர். ATM மெஷினை 3 நிமிடங்களில் உடைத்து பணத்திற்கு சேதம் ஏற்படாமல் கொள்ளையடிக்கும் பயிற்சியை பெற்றிருப்பதாகவும், இதுவரை ₹10 கோடிக்கு மேல் கொள்ளை அடித்துள்ளதாகவும் கூறுகின்றனர். மேலும், பெட்ரா நிறுவனம் தயாரித்து கொடுத்த ATMஐ மட்டும் குறி வைத்து கொள்ளையடித்ததாகவும் கூறப்படுகிறது.
News September 28, 2024
ஜம்மு-காஷ்மீரில் தாமரை மலரும்: பிரதமர் மோடி
ஜம்மு-காஷ்மீரில் பாஜக பெரும்பான்மையுடன் ஆட்சியமைக்கும் என, பிரதமர் மோடி தெரிவித்துள்ளார். ஜம்மு MAM மைதானத்தில் நடந்த கூட்டத்தில் பேசிய அவர், ஊழல், பிரிவினைவாதம் இல்லாத ஜம்மு காஷ்மீரையே மக்கள் விரும்புவதாக கூறினார். 2 கட்ட தேர்தல்கள் முடிந்துள்ள நிலையில், இறுதிக்கட்ட வாக்குப்பதிவு 40 தொகுதிகளில் அக்.1ல் நடைபெறுகிறது. ஜம்முவில் 24 தொகுதிகள், காஷ்மீரில் 16 தொகுதிகளில் இந்த தேர்தல் நடைபெறுகிறது.
News September 28, 2024
‘தேவரா – 1’ ₹172 கோடி பாக்ஸ் ஆஃபிஸ் கலெக்ஷன்
‘தேவரா – 1’ திரைப்படம் உலகம் முழுவதும் ₹172 கோடி வசூல் செய்துள்ளதாக படக்குழு அறிவித்துள்ளது. கொரட்டலா சிவா இயக்கத்தில், ஜூனியர் என்டிஆர் நடிப்பில் உருவான இப்படம், தெலுங்கு, தமிழ், ஹிந்தி, மலையாளம், கன்னடம் ஆகிய மொழிகளில் வெளியானது. இப்படத்தில் ஜூனியர் என்டிஆருக்கு ஜோடியாக ஜான்வி கபூர் நடித்திருந்தார். எதிர்பார்ப்புகளுடன் வெளியான இப்படத்திற்கு பெரும் வரவேற்பு கிடைத்துள்ளது.
News September 28, 2024
ALERT: கனமழை கொட்டித்தீர்க்கும்
தமிழகத்தில் 3 நாள்களுக்கு கனமழை பெய்யக்கூடும் என வானிலை மையம் கணித்துள்ளது. கோவை, நீலகிரி, திருப்பூர் உள்ளிட்ட 18 மாவட்டங்களில் இன்றும், கோவை, நீலகிரி, தேனி, மதுரை உள்ளிட்ட 11 மாவட்டங்களில் நாளையும், நீலகிரி, விருதுநகர், நெல்லை, குமரி உள்ளிட்ட 9 மாவட்டங்களில் நாளை மறுநாளும் கனமழை பெய்யலாம் எனக் குறிப்பிட்டுள்ளது. சென்னையில் நகரின் ஒரு சில இடங்களில் மிதமான மழை பெய்யக்கூடும் என்றும் கூறியுள்ளது.
Featured News
Sorry, no posts matched your criteria.