India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News September 29, 2024
உதயநிதியை இவர்கள் கேள்வி கேட்கலாம்: மா.சு. பளீச்
உதயநிதி ஸ்டாலின் இன்று துணை முதல்வராக பதவியேற்கவுள்ள நிலையில், இதனை வாரிசு அரசியல் என அதிமுக, பாஜக உள்ளிட்ட எதிர்க்கட்சிகள் குற்றம்சாட்டுகின்றன. இதுகுறித்த கேள்விக்கு பதிலளித்த அமைச்சர் மா. சுப்பிரமணியன், “வாரிசு அரசியலில் இல்லாதவர்கள்தான் உதயநிதி நியமனம் குறித்து கேள்வி கேட்க வேண்டும். இதை விமர்சிப்பவர்கள், முதலில் தாங்கள் வாரிசு அரசியலில் இருக்கிறோமா என பார்க்க வேண்டும்” எனக் கூறினார்.
News September 29, 2024
புது வியூகம் வகுக்கும் கமல்ஹாசன்
ஷங்கர் இயக்கத்தில் வெளியான ‘இந்தியன் – 2’ படம் தோல்வி அடைந்த நிலையில், அடுத்து வெளிவரும் ‘தக்லைஃப்’ படத்தின் வெற்றியை கமல்ஹாசன் பெரிய அளவில் எதிர்பார்த்துள்ளார். இந்த படத்தை எப்படியாவது ஹிட்டாக்கிவிட வேண்டுமென நினைப்பதாகக் கூறப்படுகிறது. இதற்காக மணிரத்னத்துடன் இணைந்து, புதிய பாணியிலான புரமோஷன்களை செய்ய அவர் வியூகங்களை வகுத்து வருவதாக சினிமா வட்டாரங்கள் கூறுகின்றன.
News September 29, 2024
IPL: அன்கேப்ட் பிளேயராக களமிறங்கும் தோனி?
IPL 2025 தக்கவைப்பு விதிகளில் ‘Uncapped Player’ விதிமுறையில் மேற்கொள்ளப்பட்ட மாற்றம் குறித்த
முக்கிய அறிவிப்பு வெளியிடப்பட்டுள்ளது. அதாவது, சர்வதேச போட்டிகளில் இருந்து ஓய்வுபெற்று 5 ஆண்டுகள் ஆன வீரர்களை, அறிமுக வீரர்களாக கருதும் வகையில் விதிகள் மாற்றம் செய்யப்பட்டுள்ளது.
இந்த புதிய திருத்தம் மூலம் CSK அணியில் தோனியை (NZ எதிராக 2019) சேர்க்கப்படாத வீரராக வைத்திருக்க வழிவகை ஏற்பட்டுள்ளது.
News September 29, 2024
இதயத்தை பலப்படுத்தி வருகிறேன்: வானதி நறுக்
உதயநிதி இன்று துணை முதல்வராக பதவியேற்கவுள்ளார். இந்நிலையில், சர்வதேச இதய தினத்தையொட்டி இன்று கோவையில் உள்ள தனியார் மருத்துவமனையில் நடைபெற்ற நிகழ்ச்சியில் பாஜக எம்எல்ஏ வானதி சீனிவாசன் கலந்து கொண்டார். அவர் பேசுகையில், “வாரிசு அரசியலையும், ஊழல் அரசியலையும் தாங்க வேண்டும் என்றால், இதயத்தை பலப்படுத்திக் கொள்ள வேண்டும். உடற்பயிற்சிகளை செய்து நானும் இதயத்தை பலப்படுத்தி வருகிறேன்” எனக் கூறினார்.
News September 29, 2024
ரயில்வே தேர்வு: நாளை முதல் இலவச பயிற்சி வகுப்பு
ரயில்வே உள்ளிட்ட போட்டித் தேர்வுகளுக்கு, கல்வி டிவியில் நாளை முதல் இலவச பயிற்சி வகுப்பு நடைபெறவுள்ளது. இதில், டிஎன்பிஎஸ்சி, ஆசிரியர் தேர்வு வாரியம், பணியாளர் தேர்வு வாரியம், வங்கிப் பணியாளர் தேர்வு நிறுவனத்தால் நடத்தப்படும் தேர்வுகளுக்கு அக்.4 வரை காலை 7-9 மணி வரை பயிற்சி வகுப்பு நடைபெறவுள்ளது. மறுஒளிபரப்பு மாலை 7-இரவு 9 மணி வரை நடைபெறவுள்ளது. SHARE IT.
News September 29, 2024
‘அமரன்’ படத்தில் நடித்தது குறித்து பகிர்ந்த சாய் பல்லவி
மலேசியாவில் நடந்த புரோமோஷன் விழாவில் ‘அமரன்’ படத்தில் நடித்த அனுபவம் குறித்து நடிகை சாய் பல்லவி பகிர்ந்துள்ளார். விழாவில் பேசிய அவர், “இதுவரை ஒருவரின் பயோ-பிக்கில் நான் நடித்ததில்லை. ‘அமரன்’ படத்தில் எனது கதாபாத்திரம் குறித்து மேஜர் முகுந்தின் மனைவி ரெபெக்கா வர்கீஸை சந்தித்து முழுவதுமாக அறிந்துகொண்டேன்” என்றார். சமீபத்தில் வெளியான அவரது ஃபர்ஸ்ட் லுக் ரசிகர்களிடையே பெரும் வரவேற்பைப் பெற்றது.
News September 29, 2024
முன்பு FRAUD, இப்போது தியாகியா? அதிமுக கிண்டல்
முன்பு FRAUD என்று திமுகவால் விமர்சிக்கப்பட்ட செந்தில் பாலாஜி இப்போது எப்படி தியாகியானார் என்று அதிமுக கிண்டலடித்துள்ளது. சென்னையில் நடைபெற்ற நலத்திட்ட உதவிகள் வழங்கும் நிகழ்ச்சியில் பேசிய அக்கட்சியின் அமைப்பு செயலாளர் ஜெயக்குமார், அதிமுகவில் செந்தில் பாலாஜி இருந்தபோது, அவரை ஆள் கடத்தல் செய்பவர், சீட்டிங் என்று திமுக குற்றம்சாட்டியது. ஆனால் அவரை தற்போது தியாகி என்கிறது என்று கிண்டலடித்தார்.
News September 29, 2024
பொது அறிவு வினா – விடை
1) விமானத்தின் வேகத்தைக் கணக்கிட பயன்படும் கருவி எது? 2) கி.மு 7000 ஆண்டளவில் நடந்ததெனக் கருதப்படும் முதற்சங்கத்தின் அமைவிடம் எது? 3) HTML என்பதன் விரிவாக்கம் என்ன? 4) உலகின் கூரை என்று அழைக்கப்படும் நாடு எது? 5) ஆசிய யானையின் விலங்கியல் பெயர் என்ன? 6) எறும்புக்கு எத்தனை கால்கள் உள்ளன? 7) செம்பின் (Copper) வேதியியல் குறியீடு என்ன? விடைகளை கமெண்ட்டில் சொல்லுங்க. சரியான விடையை 2 மணிக்கு பாருங்க.
News September 29, 2024
உதயநிதியின் சினிமாவும் அரசியலும்
1977இல் நவ.27ஆம் தேதி பிறந்த உதயநிதி இளங்கலை வணிகவியல் முடித்தவர். 2008இல் குருவி படம் மூலம் தயாரிப்பாளராக சினிமாவில் நுழைந்த அவர், 2011இல் ஓகே ஒகே திரைப்படம் மூலம் நடிகராக அறிமுகமானார். திடீரென்று அரசியலில் நுழைந்த அவருக்கு 2019இல் திமுக இளைஞரணி செயலாளர் பதவி வழங்கப்பட்டது. பின், 2021இல் திருவல்லிக்கேணி MLA-ஆக தேர்வான அவருக்கு 2022இல் அமைச்சர், 2024இல் துணை முதல்வர் பதவி வழங்கப்பட்டுள்ளது.
News September 29, 2024
டெஸ்ட்: 3வது நாள் பாேட்டி தொடங்குவது தாமதம்
இந்தியா, வங்கதேசம் இடையேயான 2ஆவது டெஸ்ட் கிரிக்கெட் போட்டியின் 3ஆவது நாள் ஆட்டம் தொடங்குவது தாமதமாகியுள்ளது. இப்போட்டி நடைபெறும் கான்பூரில் பெய்த மழையால் முதல் நாள் ஆட்டமும், 2ஆவது நாள் ஆட்டமும் பாதிக்கப்பட்டது. இன்று மழை பெய்யாத போதிலும் காலை 9.30 மணிக்கு ஆட்டம் தொடங்கவில்லை. 10 மணிக்கு மையானத்தில் கள ஆய்வு நடக்கவுள்ளது. அதன்பிறகே போட்டி தொடங்கும் நேரம் தீர்மானிக்கப்பட உள்ளது.
Featured News
Sorry, no posts matched your criteria.