India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News October 4, 2024
குட்டி திராவிட மாடல் உருவாகிறதா? தமிழிசை சாடல்
திமுகவை பின்பற்றியே விஜய் கட்சியின் செயல்பாடுகள் உள்ளதாக தமிழிசை செளந்தரராஜன் விமர்சித்துள்ளார். திராவிட மாடல் போல குட்டி திராவிட மாடல் உருவாகிறதா என்று கேள்வி எழுப்பிய அவர், மற்ற கட்சிகளையும், தொண்டர்களையும் விஜய் மதிக்க வேண்டும் என்றும் அறிவுறுத்தினார். கட்சி அறிவிப்பே இப்போதுதான் வந்துள்ளதாகவும், அதற்குள் ஆண்ட, ஆளும் கட்சிகளோடு தன் கட்சியை எப்படி அவர் ஒப்பிட முடியும் என்றும் சாடியுள்ளார்.
News October 4, 2024
BREAKING: மின்கட்டணம் செலுத்த புதிய நிபந்தனை
இந்த (OCT) மாதம் முதல் ₹4,000க்கு அதிகமான மின் கட்டணத்தை நேரடி பணமாக செலுத்த முடியாது என மின்வாரியம் அறிவித்துள்ளது. ₹4,000க்கு அதிகமாக மின் கட்டணம் வந்தால், ஆன்லைனில் மட்டுமே செலுத்த முடியும் எனவும், அடுத்தடுத்த மாதங்களில் நேரடியாக செலுத்தும் தொகை படிப்படியாக குறைக்கப்படும் என்றும் கூறியுள்ளது. மேலும், ₹1,000 (அ) அதற்கு மேலான மின் கட்டணங்களை ஆன்லைனில் மட்டுமே செலுத்துமாறும் கேட்டுக்கொண்டுள்ளது.
News October 4, 2024
வருமான வரித் துறையில் வேலை வேண்டுமா?
தமிழ்நாடு & புதுச்சேரி வருமான வரித் துறையில் நிரப்பப்படவுள்ள பணியிடங்களுக்கு விண்ணப்பிப்பதற்கான காலக்கெடு நாளையுடன் நிறைவடைகிறது. IT Inspector, Assistants, Multi-Tasking Staff பணிகளில் சேர தகுதியும் ஆர்வமும் உள்ளவர்கள் இன்றே ஆன்லைன் மூலம் விண்ணப்பியுங்கள். கல்வித் தகுதி: 10ஆம் வகுப்பு, Any UG Degree. வயது வரம்பு: 18-30. சம்பளம்: ₹5,200-₹34,800. கூடுதல் விவரங்களுக்கு <
News October 4, 2024
PPF திட்டத்தில் உள்ளவர்களுக்கு ஷாக் நியூஸ்..!
போஸ்ட் ஆபிஸில் அதிக வட்டி தரக்கூடிய PPF திட்டத்தில் அதிரடி மாற்றம் செய்யப்பட்டுள்ளது. அதாவது, இத்திட்டத்தில் சேர்ந்திருக்கும் குழந்தைகளுக்கு 18 வயது பூர்த்தியான பிறகே, இதில் கூறப்பட்ட 7.1% வட்டி இனி கணக்கிடப்பட உள்ளது. அதுவரை சாதாரண Fixed Deposit-க்கான வட்டியே கணக்கிடப்படும். அதேபோல, ஒன்றுக்கு மேற்பட்ட PPF கணக்கு வைத்திருப்போருக்கு, முதலில் ஓபன் செய்த Account மட்டுமே செல்லுபடியாகுமாம்.
News October 4, 2024
வேட்டையன்: யார் யாருக்கு எவ்வளவு சம்பளம்?
‘வேட்டையன்’ படத்திற்காக நட்சத்திரங்கள் வாங்கிய சம்பளம் குறித்த தகவல் வெளியாகியுள்ளது. அதன்படி, ரஜினி ₹125 கோடி சம்பளம் வாங்கியதாகக் கூறப்படுகிறது. மேலும், அமிதாப் பச்சன் ₹7 கோடி, ராணா ₹5 கோடி, பகத் பாசில் ₹4 கோடி, மஞ்சு வாரியர் ₹3 கோடி, ரித்திகா சிங் ₹25 லட்சமும் சம்பளமாகப் பெற்றதாக திரை வட்டாரங்கள் கூறுகின்றன. இப்படம் பெரும் எதிர்பார்ப்புடன் வரும் 10ஆம் தேதி திரைக்கு வருகிறது.
News October 4, 2024
பொது அறிவு: கேள்விகளுக்கான பதில்கள்
இன்று 10 மணிக்கு <<14267951>>GK<<>> வினா-விடை பகுதியில் கேட்கப்பட்ட கேள்விகளுக்கான பதில்கள் இவையே. 1) ரோமின் புனித ஜான் சந்து 2) Initial Public Offer 3) திரிபிடகம் 4) பரிபாடல் 5) 25 ஆண்டுகள் 6) ஆம்ஸ்டர்டாம் 7) C 8) 32,80,483 km² இதுபோன்ற அறிவார்ந்த தகவல்களை பெற Way2News-ஐ தொடர்ந்து படியுங்கள். பிறருக்கும் பகிருங்கள். இன்றைய கேள்விகளுக்கு நீங்கள் எத்தனை சரியான பதிலளித்தீர்கள் என இங்கே கமெண்ட்டில் சொல்லுங்கள்.
News October 4, 2024
நினைத்தாலே நெஞ்சம் பதறுது: ராமதாஸ்
இன்னும் எத்தனை குடும்பங்கள் வீதிக்கு வருவதை தமிழக அரசு வேடிக்கை பார்க்க போகிறதோ என ராமதாஸ் கேள்வி எழுப்பியுள்ளார். இது தொடர்பாக அவர் வெளியிட்டுள்ள அறிக்கையில், சூதாட்ட நிறுவனங்களுக்கான தடை நீக்கப்பட்டதில் இருந்து ஆன்லைன் சூதாட்டம் அதிகரித்துள்ளதாக தெரிவித்துள்ளார். மேலும், 100 நாள்களுக்கு ₹100 கோடி பரிசு போன்ற விளம்பரங்களின் விளைவை நினைக்கும்போது நெஞ்சம் பதறுவதாகவும் கூறியுள்ளார்.
News October 4, 2024
ALERT: இடி, மின்னலுடன் மழை வெளுக்கப்போகுது
தமிழகத்தில் 20 மாவட்டங்களில் இன்று கனமழை பெய்யக்கூடும் என வானிலை மையம் எச்சரித்துள்ளது. புதுக்கோட்டை, தஞ்சை, திருவாரூர், நாகை, மயிலாடுதுறை, கடலூர், விழுப்புரம், செங்கல்பட்டு, காஞ்சிபுரம், ராணிப்பேட்டை, அரியலூர், பெரம்பலூர், கள்ளக்குறிச்சி, வேலூர், தி.மலை, திருப்பத்தூர், திருச்சி, கிருஷ்ணகிரி, தருமபுரி, சேலம் ஆகிய மாவட்டங்களில் ஒருசில இடங்களில் இடி, மின்னலுடன் கனமழை பெய்யலாம் எனக் கணித்துள்ளது.
News October 4, 2024
10இல் ஒரு ஊழியரை வேலையை விட்டு தூக்கும் சாம்சங்?
ஆசியாவில் உள்ள தங்கள் நிறுவன ஊழியர்களை பணி நீக்கம் செய்ய சாம்சங் திட்டமிட்டுள்ளதாகத் தகவல் வெளியாகியுள்ளது. இதனால் அந்நிறுவனத்தில் 10இல் ஒருவர் வேலை இழக்கக் கூடிய சூழல் உருவாகியுள்ளது. நிறுவனத்தின் செயல்திறனை மேம்படுத்தவும், ஊழியர்கள் படிநிலையை சீர் செய்யவும் இந்த முடிவு எடுக்கப்பட்டுள்ளதாகக் கூறப்படுகிறது. ஊழியர்கள் பணி நீக்கத்தில் டார்கெட் இல்லையென அந்நிறுவனம் விளக்கம் அளித்துள்ளது.
News October 4, 2024
மூலிகை: நரை, திரை, மூப்பைத் தள்ளிப்போடும் சதாவேரி
உடலின் உள்ளுறுப்புகளில் ஏற்படும் ரணத்தைச் சரிசெய்யும் ஆற்றல் சதாவேரி மூலிகைக்கு இருப்பதாக Complementary & Alternative Medicine ஆய்விதழில் வெளியான கட்டுரையில் கூறப்பட்டுள்ளது. அஸ்பாரகின், அர்ஜினைன், டைரோசின் போன்ற தாவர வேதிப்பொருட்கள் நிறைந்த இதன் வேரின் சாற்றோடு தேன் அரைக்கரண்டி அளவு உண்டு வந்தால் மறதி, மனச்சோர்வு, நரை, திரை & மூப்பைத் தள்ளிப்போடலாம் என சித்த மருத்துவர்கள் பரிந்துரைக்கின்றனர்.
Featured News
Sorry, no posts matched your criteria.