India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News November 1, 2024
தனக்கு தானே தண்டனை கொடுத்து கொண்ட பிரபலம்!
தமிழ்நாட்டில் தனக்கென தனி ரசிகர் பட்டாளத்தை வைத்திருப்பவர் டோலிவுட் ஸ்டார் விஜய் தேவரகொண்டா. பாலிவுட்டில் அறிமுகமான ‘LIGER’ படத்திற்குப் பின் அவர் தனது திரைப்படம் குறித்து பொதுவெளியில் பேசுவதில்லை. இது குறித்து எழுப்பப்பட்ட கேள்விக்கு பதிலளித்த அவர், “‘இனி என் படங்கள் வெளியாவதற்கு முன்பும், பின்பும் அதை பற்றிய எந்த விஷயத்தையும் பேசப்போவதில்லை. அது எனக்கு நானே கொடுத்துக்கொண்ட தண்டனை” என்றார்.
News November 1, 2024
எல்லைக்காத்த வீரர்களை நினைவில் ஏந்துவோம்!
<<14502071>>மொழிவாரி<<>> மாநிலங்கள் பிரிந்தபோது, சகோதர மாநிலங்களால் தமிழ்நாட்டின் நிலங்கள் (சென்னை, குமரி, பீர்மேடு) உரிமைக் கோரப்பட்டன. இனவெறியர்களால் அங்கிருந்த தமிழர்கள் மீது தாக்குதல்கள் தொடர்ந்தன. அப்போது புலி போல் புறப்பட்ட மபொசி, விநாயகம், குஞ்சன் நாடார், நேசமணி, ஷெரீப் போன்றோர் களத்தில் இறங்கினர். அவர்களது போராட்டமும், உழைப்பும் தமிழர் தாயகத்தை காத்தது, மீட்டது. இந்நாளில் அவர்களை நினைவில் ஏந்துவோம்!
News November 1, 2024
ஐப்பசி அமாவாசை: கட்டாயம் இதை செய்ய வேண்டும்
முன்னோர்களை வழிபடக்கூடிய உன்னதமான நாளாக ஐப்பசி மாத அமாவாசை உள்ளது. நாம் இவ்வுலகிற்கு வர காரணமாக இருந்த முன்னோர்களுக்கு நன்றிக்கடன் செலுத்தும் விதமாக இந்நாளில் வழிபாடு மேற்கொள்ளப்படுகிறது. முன்னோர்கள் முக்தி அடையவும், அவர்களது ஆசியை முழுமையாக பெறவும் இன்று அன்னதானம் செய்யலாம். எள் விதைகள், பழங்கள் தானம் செய்யலாம். இதனால், முன்னோர்கள் மகிழ்ச்சியடைந்து தங்கள் சந்ததியை ஆசீர்வதிப்பதாக நம்பப்படுகிறது.
News November 1, 2024
விளையாட்டு துளிகள்
➤சேலஞ்சர் டென்னிஸ் அரையிறுதிக்கு இந்தியாவின் ராம்குமார் ராமநாதன் – மைனேனி ஜோடி முன்னேறியது. ➤புரோ கபடி தொடர்: 28வது லீக் போட்டியில் தபாங் டெல்லி அணியை பாட்னா பைரேட்ஸ் வென்றது. ➤U19 உலக குத்துச்சண்டை சாம்பியன்ஷிப் மகளிர் 51 Kg பிரிவு அரையிறுதியில் நிஷா (IND), லைலாவை (USA) வீழ்த்தி ஃபைனலுக்குள் நுழைந்தார். ➤AFC சேலஞ்ச் கால்பந்து தொடரில் ஈஸ்ட் பசுந்தரா அணியை (BAN) பெங்கால் அணி (IND) வீழ்த்தியது.
News November 1, 2024
தீராத நோய்களை தீர்க்கும் திருவதிகையீஸ்வரர்
சிவபெருமானின் அஷ்ட வீர தலங்களில், திரிபுரத்தை எரித்து வீரச்செயல் புரிந்த தலம் கடலூரை அடுத்துள்ள திருவதிகை வீரட்டேஸ்வரர் கோயிலாகும். திலகவதியாருக்கு சிவபதவி அளித்து, அப்பரின் சூலை நோய் நீக்கிய தலம் இது என சிவமகா அதிகாபுரி புராணம் கூறுகிறது. இக்கோயிலுக்குச் சென்று, வீரதீஸ்வரர் – பெரியநாயகிக்கு அபிஷேகம் செய்து, நெய் தீபமேற்றி, சரங்கொன்றை மலர் சாற்றி வணங்கினால் தீராத நோய்கள் தீரும் என்பது ஐதீகம்.
News November 1, 2024
HAPPY BIRTHDAY❤️: பிறந்தநாள் வாழ்த்து போட்டோ அனுப்புங்க
இன்று (நவ.1) பிறந்தநாள் காணும் அனைவருக்கும் வாழ்த்துகள்! பிறந்தநாளுக்கு வாழ்த்து சொல்ல விரும்புபவர்களின் போட்டோவை Email -way2tamilusers@way2news.com-க்கு அனுப்புங்க. Note: பிறந்தநாளுக்கு முந்தைய நாள் இரவு 10 மணிக்குள் வாழ்த்துகளை அனுப்பவும். முதலில் அனுப்பும் 20 நபர்களின் புகைப்படங்கள் மட்டும் இதில் இடம்பெறும். உங்கள் அன்புக்குரியவர்களை வாழ்த்துங்கள். பிறந்தநாள் வாழ்த்து போட்டோ அனுப்புங்க!
News November 1, 2024
மொழிவாரியாக மாநிலங்கள் பிரிந்த தினம் இன்று!
மொழிவாரி மாநிலங்கள் அமைக்க வேண்டும் என்று 58 நாட்கள் பொட்டி ஸ்ரீராமுலு உண்ணாவிரதம் இருந்து உயிர் துறந்தார். இதனைத் தொடர்ந்து எழுந்த கிளர்ச்சி தென்னகம் முழுவதும் பரவியது. இதையடுத்து 1956 நவ.1 ஆம் தேதி மொழிவாரி மாநிலங்கள் பிரிக்கப்பட்டன. அவ்வாறு பிரிக்கப்பட்டு இன்றுடன் 68 ஆண்டுகள் கடந்துள்ளன. மெட்ராஸ் மாகாணத்தில் இருந்து பிரிந்த தினத்தை ஆந்திரா, கேரளா, கர்நாடகா மாநிலங்கள் இன்று கொண்டாடுகின்றன.
News November 1, 2024
175 ஆண்டுகளை நிறைவு செய்த பதிவு அஞ்சல் சேவை!
இந்தியாவில் பதிவு அஞ்சல் சேவை தொடங்கி இன்றுடன் 175 ஆண்டுகள் நிறைவடைந்துள்ளன. 1849ஆம் ஆண்டு நவ.1இல் லண்டனில் தொடங்கப்பட்ட அதே நாளில்தான் கொல்கத்தாவிலும் பதிவுத் தபால் முறை அறிமுகப்படுத்தப்பட்டது. வெள்ளையர் ஆட்சியில் சாதாரண தபால்களில் முக்கிய ஆவணங்களை அனுப்பி வைக்க தொடங்கப்பட்ட இந்த சேவை இன்று சுதந்திர இந்தியாவிலும் ட்ராக்கிங் வசதி கொண்ட நம்பிக்கைக்குரிய சேவையாக தொடர்கிறது என்றால் மிகையில்லை.
News November 1, 2024
சீனாவை பின்னுக்கு தள்ளியது இந்தியா!
தங்கம் வாங்குவதில் சீனாவை இந்தியா விஞ்சியதாக உலக தங்கக் கவுன்சில் புள்ளி விவரங்கள் தெரிவிக்கின்றன. தங்கம் விலை உயர்ந்து கொண்டே போனாலும், மக்கள் வாங்குவது மட்டும் குறைந்தபாடில்லை. ஜூலை முதல் செப்டம்பர் வரையில், சீனாவுடன் ஒப்பிடும்போது இந்திய நுகர்வோர் 51%க்கும் அதிகமாக தங்கத்தை வாங்கியுள்ளனர். இக்காலகட்டத்தில், சீனர்கள் 165 டன் தங்கத்தை வாங்கிய நிலையில் இந்தியர்கள் 248.3 டன் தங்கம் வாங்கியுள்ளனர்.
News November 1, 2024
3 மணி நேரத்திற்கு இங்கெல்லாம் மழைக்கு வாய்ப்பு
தமிழகத்தில் 17 மாவட்டங்களில் காலை 10 மணி வரை மழை பெய்யக்கூடும் என வானிலை மையம் கணித்துள்ளது. அதன்படி, தஞ்சாவூர், திருவாரூர், நாகை, மயிலாடுதுறை, கடலூர், அரியலூர், விழுப்புரம், நீலகிரி, கோவை, ஈரோடு, திருப்பூர், கரூர், சென்னை, காஞ்சிபுரம், திருவள்ளூர், செங்கல்பட்டு, கள்ளக்குறிச்சி ஆகிய மாவட்டங்களில் இடி, மின்னலுடன் அடுத்த 3 மணி நேரத்தில் மழை பெய்ய வாய்ப்புள்ளது.
Featured News
Sorry, no posts matched your criteria.