India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News October 8, 2024
₹50 கோடி மதிப்புள்ள நிலத்தை போராடி மீட்ட கவுண்டமணி
சென்னை ஆற்காடு சாலையில் உள்ள ₹50 கோடி மதிப்பிலான தனது சொந்த நிலத்தை நடிகர் கவுண்டமணி 20 ஆண்டுகளாக சட்டப் போராட்டம் நடத்தி மீட்டுள்ளார். கடந்த 1996ல் கவுண்டமணி இந்த நிலத்தை வாங்கிய நிலையில், வணிக வளாகம் கட்ட தனியார் நிறுவனம் அந்த நிலத்தை கையகப்படுத்த முயன்றது. உச்சநீதிமன்றம் வரை சென்று கவுண்டமணி நிலத்தை மீட்டதையடுத்து, ஆக்கிரமிப்பாளர்கள் அங்கிருந்து தற்போது வெளியேற்றப்பட்டுள்ளனர்.
News October 8, 2024
BREAKING:காங்., கூட்டணி வெற்றி
ஜம்மு காஷ்மீரில் காங்கிரஸ் மற்றும் தேசிய மாநாட்டுக் கட்சி கூட்டணி ஆட்சி அமைக்கிறது. மொத்தமுள்ள 90 சட்டமன்றத் தொகுதிகளில் பெரும்பான்மைக்கு தேவையான 46 இடங்களைக் கைப்பற்றியது. தேர்தல் ஆணைய அறிவிப்பின்படி தற்போது தேசிய மாநாட்டு கட்சி 40 இடங்களிலும், காங்., 6 இடங்களிலும் வெற்றி பெற்றுள்ளன. மேலும் 2 இடங்களில் NC முன்னிலை வகிக்கிறது. பாஜகவுக்கு 27 இடங்களும், பிடிபிக்கு 3 இடங்களும் கிடைத்துள்ளன.
News October 8, 2024
அப்போ கிங் மேக்கர்.. இப்போ ஜீரோ!
2019 ஹரியானா சட்டமன்றத் தேர்தலில் கிங் மேக்கராக ஜொலித்த ஜேஜேபி கட்சியால் இந்த தேர்தலில் எந்த தாக்கத்தையும் ஏற்படுத்த முடியவில்லை. துஷ்யந்த் சவுதாலா தலைமையிலான மாநில கட்சியான JJP, கடந்த தேர்தலில் 14.80% வாக்குகளுடன் 10 இடங்களில் வென்று பாஜக ஆட்சி அமைப்பதற்கு உதவியது. இதையடுத்து துஷ்யந்த் Dy CM ஆக பதவி பெற்றார். ஆனால் இந்த தேர்தலில் JJP ஒரு தொகுதியில் கூட வெற்றி பெறவில்லை.
News October 8, 2024
ஹரியானாவில் காங்கிரஸ் பின்னடைவுக்கு 5 காரணங்கள்
ஹரியானாவில் காங்., பின்னடைவுக்கு முதல்வர் நாற்காலிக்காக பூபிந்தர் ஹூடாவுக்கும், குமாரி சைலஜாவுக்கும் இடையே நடந்த பனிப்போரே முக்கிய காரணமாக சொல்லப்படுகிறது. ஜாட்களின் வாக்குகளில் கவனம் செலுத்தியதன் மூலம், ஜாட் அல்லாதவர்களை இழந்தது. பாஜகவை விட அதிக ஓட்டுகள் பெற்றாலும், அதிக இடங்களில் வெல்ல முடியவில்லை. பாஜகவின் திரைமறைவு யுக்திகள். நகர்ப்புற வாக்காளர்களை கவர முடியாமல் போனது காங்கிரஸை பாதித்தது.
News October 8, 2024
1000 இடங்களில் சிறப்பு மருத்துவ முகாம்
அக்டோபர் 15ஆம் தேதி 1000 இடங்களில் சிறப்பு மருத்துவ முகாம் நடைபெறும் என அமைச்சர் மா.சுப்பிரமணியன் தெரிவித்துள்ளார். வடகிழக்கு பருவமழையை எதிர்கொள்ள தமிழக அரசு தயார் எனக் குறிப்பிட்ட அவர், முன்னெச்சரிக்கையாக சென்னையில் 100, பிற மாவட்டங்களில் 900 இடங்களில் முகாம் நடத்தப்படும் என்றார். மேலும், டெங்கு காய்ச்சலை கட்டுப்படுத்த பொதுமக்களும் ஒத்துழைப்பு அளிக்க வேண்டும் எனவும் அவர் கேட்டுக்கொண்டார்.
News October 8, 2024
இயற்பியலுக்கான நோபல் பரிசு அறிவிப்பு
2024ஆம் ஆண்டுக்கான இயற்பியலுக்கான நோபல் பரிசு அமெரிக்காவின் ஜான் ஜெ.ஹாப்ஃபீல்ட், கனடாவின் ஜாஃப்ரே இ.ஹிண்டனுக்கு பகிர்ந்தளிக்கப்படுகிறது. செயற்கை நரம்பியல் நெட்வொர்க்குகள் மூலம் இயந்திர கற்றலை செயல்படுத்தும் கண்டுபிடிப்புக்காக விருது அறிவிக்கப்பட்டுள்ளது. ஜான் அமெரிக்காவின் பிரின்ஸ்டன் பல்கலை.,யின் ஆராய்ச்சியாளராகவும், ஜாஃப்ரே கனடாவில் உள்ள டொரான்டோ பல்கலை.,யின் ஆராய்ச்சியாளராகவும் உள்ளனர்.
News October 8, 2024
BREAKING:பாஜகவில் இணையும் அதிமுக முக்கியத் தலைவர்?
RSS பேரணியை தொடங்கி வைத்ததால், அதிமுக MLA தளவாய் சுந்தரத்தின் கட்சிப் பதவிகளை EPS பறித்தார். இந்நிலையில், என் மீது எந்த நடவடிக்கை எடுத்தாலும் கவலையில்லை. நீக்கப்பட்டுவிட்டால் ஓகே ரைட் என சொல்ல வேண்டியது தான் என அவர் கூறியுள்ளார். ஏற்கெனவே, பாஜகவில் ஐக்கியமாக உள்ளதாக செய்திகள் வெளியானது. தற்போது கட்சித் தலைமை நடவடிக்கை எடுத்துள்ளதால், அவர் விரைவில் பாஜகவில் இணைவார் என எதிர்பார்க்கப்படுகிறது.
News October 8, 2024
பிரமாண்டமாக தயாராகவுள்ள விஜய்யின் ‘One Last Song’
விஜய்யின் கடைசிப் படமான ‘தளபதி69’இல், பெரிய mass காட்டும் வகையில் ஒரு பாடலை மிகப் பிரமாண்டமாக உருவாக்க படக்குழு திட்டமிட்டுள்ளது என்ற தகவலை ‘SIIMA’ பகிர்ந்துள்ளது. ‘One Last Song’ என்ற அந்த பாடலை அசல் கோலார் எழுத, 500க்கு மேற்பட்ட நடனக் கலைஞர்களுடன் படமாக்க திட்டமிடப்பட்டுள்ளது. இந்த பாடலையும் நடனத்தையும் ரசிகர்கள் மறக்க முடியாத அளவுக்கு இருக்கும் என்கின்றனர். ஸ்டெப்ஸ் போட நீங்கள் தயாரா?
News October 8, 2024
லஞ்சம் ஒழிப்புத்துறைக்கே லஞ்சம்
லஞ்ச ஒழிப்புத்துறை அதிகாரிக்கே லஞ்சம் கொடுக்க முயன்ற ஷாக் சம்பவம் சேலத்தில் நிகழ்ந்துள்ளது. கந்தம்பட்டியில் உள்ள மேற்கு வட்டார போக்குவரத்து அலுவலகத்தில் சதாசிவம் என்பவர் அதிகாரியாக பணியாற்றி வந்தார். தன்னுடைய அலுவலகத்திற்கு ரெய்டு வரும் முன் அலர்ட் செய்தால் மாதம் ₹50,000, முன்பணமாக ₹1 லட்சம் தருவதாக அவர் பேரம் பேசியுள்ளார். லஞ்சம் கொடுக்க வர சொல்லி அவரை அதிகாரிகள் கையும் களவுமாக பிடித்தனர்.
News October 8, 2024
தேர்தல் ஆணையத்தில் காங்கிரஸ் புகார்
ஹரியானா தேர்தல் முடிவுகள் தாமதமாக இணையத்தில் பதிவேற்றம் செய்வதாக தேர்தல் ஆணையத்தில் காங். மூத்த தலைவர் ஜெய்ராம் ரமேஷ் புகார் அளித்துள்ளார். காலை 9 – 11 மணி வரை எவ்வித விளக்கமும் இன்றி தாமதமாக முடிவுகளை பதிவேற்றம் செய்ததாகவும், உண்மையான முடிவுகளை உடனுக்குடன் பதிவேற்றவும் அவர் வலியுறுத்தியுள்ளார். தொடக்கத்தில் காங். முன்னிலை வகித்த நிலையில், தற்போது பின்னடைவை சந்தித்துள்ளது குறிப்பிடத்தக்கது.
Featured News
Sorry, no posts matched your criteria.