India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News November 2, 2024
இந்தியா ஆல் அவுட்.. 28 ரன்கள் முன்னிலை
NZ அணிக்கு எதிரான கடைசி டெஸ்டில் IND முன்னிலை பெற்றது. முதல் இன்னிங்சில் NZ 235 ரன்கள் எடுத்த நிலையில், IND அணி 263 ரன்களுக்கு ஆட்டமிழந்தது. இதன் மூலம் இந்தியா 28 ரன்கள் முன்னிலை பெற்றது. கில் 90 ரன்களும், பண்ட் 60 ரன்களும் எடுத்தனர். இறுதியில் வாஷிங்டன் சுந்தர் 38 ரன்கள் எடுத்தார். NZ சுழற்பந்து வீச்சாளர் அஜாஸ் படேல் 5 விக்கெட்டுகளை வீழ்த்தி தனது அணிக்காக அபாரமாக விளையாடினார்.
News November 2, 2024
முடி கொட்டுகிறதா? அப்போ இதை பயன்படுத்துங்க…
மயிர்க்கால்களுக்கு ஊட்டமளிக்கின்ற ஆற்றல் தேயிலை மர எண்ணெய்க்கு உள்ளதாக Drug Design Development & Therapeutics இதழில் வெளியான கட்டுரையில் தெரிவிக்கப்பட்டுள்ளது. பூஞ்சை எதிர்ப்பு பண்புகளைக் கொண்ட அதில் உள்ள ரிசினோலிக், ஆன்டி ஆக்ஸிடன்ட், வைட்டமின் E உங்களின் முடி உதிர்வுக்கு முற்றுப்புள்ளி வைக்கும். இந்த எண்ணெய்யை வாரத்திற்கு 2 நாட்கள் தடவி வந்தால் நாளடைவில் முடி நன்கு வளருமென ஆய்வுகள் கூறுகின்றன.
News November 2, 2024
முன்னிலை பெற்றது இந்தியா
நியூசி.,க்கு எதிரான 3-வது டெஸ்டின் முதல் இன்னிங்ஸில், இந்திய அணி 12 ரன்கள் முன்னிலை பெற்றது. ஆரம்பத்தில் தடுமாறினாலும், பின்னர் நிலைத்து ஆடிய கில், பண்ட் இருவரால் மீண்டது. தற்போது 8 விக்கெட்கள் இழப்புக்கு 247 ரன்கள் எடுத்துள்ள இந்திய அணி ஆடிவருகிறது. அஷ்வின் -6 ரன்களுக்கு அவுட் ஆனார். வா.சுந்தர் -22, ஆகாஷ் தீப் களத்தில் உள்ளனர். குறைந்தது 100 ரன்களாவது கூடுதலாக எடுத்தால், வெற்றிபெற வாய்ப்புள்ளது.
News November 2, 2024
ஆங்கிலம் அறிவோம்: Gotcha என்றால் என்ன?
ஆங்கில காமிக்ஸ், மீம்ஸ்களில் Gotcha என்ற சொல் இடம்பெறுவதை நீங்கள் கவனித்து இருப்பீர்கள். அமெரிக்க வழக்கில் பயன்படுத்தப்படும் இதற்கு என்னதான் பொருள்? எனக் கேட்பவர்களுக்கான விளக்கம் இதோ: I have got you அல்லது I have caught you என்ற வாக்கியத்திற்கு பதிலாக இந்த சொல்லை நாம் கூறலாம். முக்கியமாக ஒருவர் தவறு இழைக்கும்போது, அதை மற்றவர் கையும் களவுமாக கண்டுபிடித்து பயமுறுத்தும்போது Gotcha என சொல்லலாம்.
News November 2, 2024
நான் செத்துப் பொழச்சவண்டா… ஷாக் கொடுத்த இளைஞர்
உ.பி., மாநிலம் மீரட்டில் விபத்தில் சிக்கி படுகாயம் அடைந்த இளைஞர் ஒருவர், மீரட் மருத்துவக் கல்லூரி மருத்துவமனைக்கு கொண்டு செல்லப்பட்டார். அவரை சோதித்த டாக்டர்கள், அவர் இறந்துவிட்டதாக கைவிரித்தனர். பின், போஸ் மார்ட்டம் செய்ய மார்ச்சுவரிக்கு அவரது உடலை எடுத்துச் சென்றபோது லேசாக அசைவு தெரிந்தது. விழித்துக்கொண்ட இளைஞர், நான் இன்னும் சாகவில்லை எனக் கூற, இப்போது ஐசியுவில் சிகிச்சை பெற்று வருகிறார்.
News November 2, 2024
சிஎஸ்கே அணியில் மீண்டும் அஷ்வின்?
நீண்டகாலத்துக்கு பின் CSK அணியில் ஒரு தமிழக வீரர் இடம்பெற வாய்ப்பு ஏற்பட்டுள்ளது. ஆம், ஐபிஎல் மெகா ஏலத்தில் அனுபவமிக்க ஆல்ரவுண்டரான ஆர்.அஷ்வினை வாங்க CSK திட்டமிட்டுள்ளதாக தெரிகிறது. இவர் 2009-15 காலகட்டத்தில் CSK-வில் விளையாடினார். கடந்த ஆண்டுவரை RR அணியில் விளையாடி வந்த அஷ்வினை, RR விடுவித்துள்ள நிலையில், அவரை CSK குறிவைத்துள்ளது. அதேபோல, டேவன் கான்வேயை RTM-ல் வாங்கவும் திட்டமிட்டுள்ளதாம்.
News November 2, 2024
கர்ப்பப்பை புற்றுநோயைத் தடுக்கும் சீமை சாமந்தி
கர்ப்பப்பை வாயில் உண்டாகும் புற்றுநோய் செல்களின் வளர்ச்சியைத் தடுக்கும் ஆற்றல் சீமை சாமந்திக்கு இருப்பதாக நவீன ஆய்வு முடிவுகள் தெரிவிக்கின்றன. மெட்ரிசின், பிசோப்ரோலால் போன்ற வேதிப்பொருட்கள் நிறைந்த இதன் பூவின் பொடியை நீரிலிட்டுக் கொதிக்க வைத்துக் குடித்துவந்தால், ப்ரீமென்ஸுரல் சின்ரோம் பாதிப்பின் அறிகுறிகளான சோர்வு, எரிச்சல் & மனச்சோர்வு ஆகியவை நீங்கும் என்று சித்த மருத்துவம் பரிந்துரைக்கிறது.
News November 2, 2024
சனி பகவான் அள்ளிக் கொடுக்க போகும் 3 ராசிகள்!
கும்பத்தில் பயணிக்கும் சனி பகவான், 2025 மார்ச்சில் தனது இடத்தை மாற்றுகிறார். இதை முன்னிட்டு, இந்த ஆண்டு முடியும் வரை 3 ராசிகளுக்கு பலனை அள்ளிக் கொடுக்க போகிறார். 1) ரிஷபம்: வீடு, வாகனம் வாங்குவீர்கள். சொத்து சிக்கல்கள் தீரும். 2) துலாம்: திருமணம் ஆகாதவர்களுக்கு வரன் கிடைக்கும். இல்லற வாழ்க்கையில் மகிழ்ச்சி. 3) கும்பம்: பணம் சம்பாதிக்கும் வாய்ப்புகள் வரும். வேலை இல்லாதவர்களுக்கு வேலை கிடைக்கும்.
News November 2, 2024
அன்பு தம்பி டூ கூமுட்டை வரை: சீமானின் திடீர் ‘சேஞ்ச்’
விஜய்யை அன்புத் தம்பி என கொஞ்சி வந்த சீமான், நேற்று தனது டோனை மாற்றியது பலரை ஷாக்கில் ஆழ்த்தியுள்ளது. தவெக மாநாட்டில் வீசிய திராவிட நெடியும், தமிழ்த்தேசியம் பற்றி விஜய் ஒரு வார்த்தை கூட பேசாததுமே இந்த மாற்றத்துக்கு காரணமாம். இத்தனைக்கு பிறகும் விஜய்யை ஆதரித்தால், நாதக தம்பிகளே தவெக பக்கம் சென்றுவிட அதிக வாய்ப்பு இருக்கிறது. எனவேதான், விஜய்யை வலுவாக எதிர்க்க முடிவு செய்துள்ளார் சீமான்.
News November 2, 2024
Recipe: கேரளா பருப்பு பாயசம் செய்யலாம் வாங்க!
வாணலியில் நெய் ஊற்றி முந்திரி, ஏலக்காய், பச்சைக் கற்பூரம் சேர்த்து பொன்னிறமாக மாறும்வரை கிளறி, தனியே எடுத்து வைக்கவும். மற்றொரு வாணலியில் கடலைப்பருப்பை போட்டு சிவக்க வறுக்கவும். பிறகு கடலைப்பருப்பு மூழ்குமளவுக்கு தேங்காய் பால் ஊற்றி நன்கு வேகவிடவும். வெந்ததும் அதனுடன் வெல்லப்பாகு, சுக்கு பொடி சேர்த்து கிளறவும். இத்துடன் வறுத்து வைத்த கலவையை சேர்த்து, இறக்கினால் கேரளா பருப்பு பாயாசம் ரெடி.
Featured News
Sorry, no posts matched your criteria.