India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News October 9, 2024
EB ஊழியர்களே மறந்தும் இதை செஞ்சிராதீங்க..!
வடகிழக்கு பருவமழைக்கான முன்னெச்சரிக்கை நடவடிக்கை தொடர்பாக மின்வாரிய உயரதிகாரிகளுடன் அமைச்சர் செந்தில் பாலாஜி அவசர ஆலோசனை மேற்கொண்டார். அப்போது, பருவமழை மிக தீவிரமாக இருக்கும் என்பதால் EB ஊழியர்கள் மும்முரமாக செயல்பட வேண்டும் என அறிவுறுத்திய அவர், எக்காரணம் கொண்டும் EB அதிகாரிகள் தங்கள் செல்போனை அணைக்கக் கூடாது என உத்தரவிட்டார். மீறுவோர் மீது கடும் நடவடிக்கை எடுக்கப்படும் எனவும் எச்சரித்தார்.
News October 9, 2024
வரி சட்ட திருத்தங்களை நீங்களும் பரிந்துரைக்கலாம்…
வருமான வரி சட்டங்களில் இடம்பெற வேண்டிய திருத்தங்கள் குறித்து, மக்கள் கருத்துக்களை தெரிவிக்கலாம் என மத்திய நேரடி வரிகள் வாரியம் அறிவித்துள்ளது. அதன் அறிக்கையில், வருமான வரி சட்டத்தில் இடம்பெற வேண்டிய திருத்தங்கள், மொழி எளிமைப்படுத்தல், காலாவதியான விதிகள் உள்ளிட்ட 4 பிரிவுகளுக்கான பரிந்துரைகளை IT இ-போர்ட்டலில், தங்கள் பெயர், தொடர்பு எண் ஆகியவற்றை குறிப்பிட்டு தெரிவிக்கலாம் எனக் கூறப்பட்டுள்ளது.
News October 9, 2024
விண்ணப்பிக்க இன்றே கடைசி நாள்!
இஸ்ரோவில் HSFC மையத்தில் நிரப்பப்படவுள்ள 103 பணியிடங்களுக்கு விண்ணப்பிப்பதற்கான காலக்கெடு இன்றுடன் நிறைவடைகிறது. மருத்துவ அதிகாரி, டெக்னீஷியன், வரைவாளர் உள்ளிட்ட பணிகளில் சேர ஆர்வமுள்ளவர்கள் இன்றே விண்ணப்பியுங்கள். கல்வித்தகுதி: ITI, MBBS, M.E, M.Tech, B.Sc. சம்பளம் வரம்பு: ₹21,700 – ₹2,08,700. வயது: 18-35. தேர்வு முறை: எழுத்துத் தேர்வு & நேர்காணல். கூடுதல் தகவலுக்கு <
News October 9, 2024
தங்கத்தின் விலை அதிரடி வீழ்ச்சி..!
கடந்த பல நாட்களாக தொடர்ந்து உயர்ந்து வந்த தங்கத்தின் விலை இன்று (அக்.9) அதிரடியாக வீழ்ச்சியடைந்துள்ளது. 22 கேரட் கொண்ட ஆபரணத் தங்கத்தின் விலை சவரனுக்கு ரூ.560 குறைந்து, ரூ.56,240ஆக விற்பனையாகிறது. ஒரு கிராம் தங்கம் ரூ.70 குறைந்து, ரூ.7,030-க்கு விற்கப்படுகிறது. அதேபோல, ஒரு கிலோ வெள்ளியின் விலை கிலோவுக்கு ரூ.2,000 சரிந்து ரூ.1,00,000-ஆக உள்ளது.
News October 9, 2024
பொன்னாங்கண்ணி கீரையை சாப்பிட்டால்…
பொன்னாங்கண்ணி கீரையை சாப்பிடுவதால் உடலுக்கு பல நன்மைகள் கிடைக்கின்றன. அதில் உள்ள மெக்னீசியம், பொட்டாசியம் போன்ற கனிமச் சத்துக்கள் சிறுநீரகம், மண்ணீரல், கணைய நோயாளிகளுக்கு சிறந்த உணவாக உள்ளது. இரும்பு சத்து முடி உதிர்வையும், கால்சியம் எலும்புருக்கி நோயையும் கட்டுப்படுத்துகிறது. நார்சத்து மலச்சிக்கல் போன்ற பிரச்சனைகளை தீர்க்கிறது. வைட்டமின்-சி ஊட்டம் தோல் ஆரோக்கியத்தை மேம்படுத்துகிறது.
News October 9, 2024
வீடு, வாகனக் கடன் கட்டுவோருக்கு ஏமாற்றம்!
வங்கிகளுக்கு ரிசர்வ் வங்கி கொடுக்கும் குறுகிய கால கடனுக்கான வட்டி விகிதம் (ரெப்போ), 2 மாதங்களுக்கு ஒரு முறை மாற்றியமைக்கப்டும். ஆனால், கடந்த 10 முறை இதில் எந்த மாற்றமும் செய்யப்படவில்லை. எனவே, இப்போதாவது வட்டி குறைக்கப்படும் என மக்கள் எதிர்பார்த்தனர். ஆனால், இம்முறையும் ரெப்போ வட்டி 6.5 சதவீதமாகவே தொடரும் என ரிசர்வ் வங்கி அறிவித்துள்ளதால் வீடு, வாகன கடன் கட்டுவோர் ஏமாற்றம் அடைந்துள்ளனர்.
News October 9, 2024
வினேஷ் போகத்துக்கு இனி அழிவுதான்: கொக்கரித்த பாஜக
ஹரியானா தேர்தலில் காங்., சார்பில் போட்டியிட்ட மல்யுத்த வீராங்கனை வினேஷ் போகத் வெற்றி பெற்றார். எனினும், அங்கு காங்., தோல்வி அடைந்தது. இதுகுறித்து பாஜக தலைவர் பிரிஜ் பூஷன் சிங் கூறுகையில், “என் பெயரை பயன்படுத்தி வினேஷ் வென்றுள்ளார். அப்படியென்றால் நான்தானே பெரிய மனிதன். இனி வினேஷுக்கு அழிவு ஆரம்பம்” என்றார். வீராங்கனைகளுக்கு பிரிஜ் பூஷன் பாலியல் தொல்லை அளிப்பதாக கூறி போராட்டம் நடத்தியவர் வினேஷ்.
News October 9, 2024
மரணம் சூழ்ந்தபோதும் அஞ்சாத புரட்சியாளர்!
“ஒடுக்கப்பட்டவர்களின் இதயத் துடிப்புகள் கேட்கும் இடங்களில் எல்லாம் என் கால்கள் பயணிக்கும்” என்று முழங்கியவர் சே குவேரா. அந்த புரட்சிகர சிந்தனைதான் அவரை கியூபா, காங்கோ, தான்சானியா, பொலிவியா போன்ற நாடுகளின் விடுதலைக்கு போராட வைத்தது. உலகின் வல்லாதிக்கத்தை தனி ஆளாக எதிர்த்து தத்துவார்த்த அடையாளமாகிப் போன அவர் மறைந்து 57 ஆண்டுகளான போதிலும், இன்னமும் பல இளைஞர்களின் இதயங்களில் வாழ்ந்து வருகிறார்.
News October 9, 2024
பொது அறிவு வினா – விடை
1) பின்லாந்தில் எத்தனை ஏரிகள் உள்ளன? 2) பின்புறமாக மரம் ஏறும் உயிரினம் எது? 3) ISO என்பதன் விரிவாக்கம் என்ன? 4) காஞ்சன் ஜங்கா பனிச் சிகரத்தில் வளரும் செடியின் பெயர் என்ன? 5) கிரிக்கெட்டைப் போன்று வேறெந்த விளையாட்டில் செஞ்சுரி என்ற சொல் பயன்படுத்தப்படுகிறது? 6) எளிதில் ஆவியாகாதத் திரவம் எது? 7) நாயின் கண்களுக்குத் தெரியாத நிறம் எது? விடைகளை கமெண்ட்டில் சொல்லுங்க. சரியான விடையை 2 மணிக்கு பாருங்க.
News October 9, 2024
லெபனான் மக்களுக்கு இஸ்ரேல் கடைசி எச்சரிக்கை!
இஸ்ரேல் – ஈரான் போர் ஒருபுறம் தீவிரம் அடைந்து கொண்டிருக்க, மறுபுறம், லெபனான் மீதான தாக்குதலை இஸ்ரேல் தீவிரப்படுத்தி உள்ளது. இந்நிலையில், தற்போது வெளியாகியுள்ள வீடியோவில் இஸ்ரேல் பிரதமர் நெதன்யாகு பேசுகையில், “லெபனான் மக்களே, ஹிஸ்புல்லாவை அகற்றி போரை முடிவுக்கு கொண்டு வாருங்கள். இல்லையெனில், காசா பேரழிவு உங்களுக்கும் வரும். உங்கள் முடிவை நீங்களே தீர்மானியுங்கள்” எனக் கூறியுள்ளார்.
Featured News
Sorry, no posts matched your criteria.