India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News October 12, 2024
ரயில் விபத்து: லோகோ பைலட் கவனக்குறைவு?
திருவள்ளூர் ரயில் விபத்தில் பாக்மதி ரயில் லூப் லைனில் சென்றதே விபத்துக்கு காரணம் என்று தெற்கு ரயில்வே தெரிவித்துள்ளது. கவரைப்பேட்டை ரயில் நிலையம் செல்ல மெயின் லைனுக்கு சிக்னல் தந்த நிலையில், ரயில் லூப் லைனில் சென்றுள்ளது. 90 கி.மீ., வேகத்தில் சென்ற நிலையில், லோகோ பைலட் சுப்ரமணியன் ரயிலை நிறுத்த முயற்சி செய்தாரா? என்ற கோணத்தில் விசாரணை தீவிரமாகியுள்ளது.
News October 12, 2024
IND Vs BAN: போட்டிக்கு மழையால் அச்சுறுத்தல்?
IND – BAN அணிகள் இடையிலான 3ஆவது T20 போட்டி இன்று மாலை 7 மணியளவில் ஹைதராபாத்தில் நடைபெறவுள்ளது. அங்கு இன்று மழை பெய்ய வாய்ப்புள்ளதாக வானிலை ஆய்வு மையம் தெரிவித்துள்ளது. போட்டி நேரத்திற்கு முன்பு, மழை பொழிந்தாலும் மைதானத்தின் அவுட் ஃபீல்டு பகுதி பாதிப்படையாமல் இருக்க வேண்டும். இல்லையெனில் அம்பயர்கள் ஆடுகள சோதனைக்கு நீண்ட நேரம் எடுத்துக் கொள்வர். இதனால், போட்டி தடைபடவும் வாய்ப்புள்ளது.
News October 12, 2024
₹57 ஆயிரத்தை நெருங்கிய ஆபரணத் தங்கம்
ஆபரணத் தங்கத்தின் விலை ₹57 ஆயிரத்தை நெருங்கியதால், நகை பிரியர்கள் அதிர்ச்சியடைந்துள்ளனர். 22 கேரட் ஆபரணத் தங்கத்தின் விலை சவரனுக்கு ₹200 உயர்ந்து ₹56,960க்கும், கிராமுக்கு ₹25 உயர்ந்து ₹7,120, வெள்ளி விலை கிராமுக்கு ₹1 உயர்ந்து ₹103க்கும், கிலோவிற்கு ₹1,000 உயர்ந்து ₹1,03,000க்கும் விற்பனையாகிறது. கடந்த 2 நாட்களில் மட்டும் தங்கம் ₹760, கிலோ வெள்ளி ₹3,000 உயர்ந்துள்ளது.
News October 12, 2024
பொது அறிவு வினா – விடை
1) உலகின் மிகப்பெரிய நிலக்கரி சுரங்கம் எந்த நாட்டில் உள்ளது? 2) PTI என்பதன் விரிவாக்கம் என்ன? 3) தமிழ்ப் புதுக்கவிதையின் தந்தை என்று அழைக்கப்படுபவர் யார்? 4) மூக்கில் பல் உடைய விலங்கு எது? 5) பச்சைத்தங்கம் என அழைக்கப்படும் மரம் எது? 6) இஸ்ரேல் நாட்டு நாணயத்தின் பெயர் என்ன? 7) தொடர்ச்சியாக 3 ஆண்டுகள் தூங்கக்கூடிய உயிரினம் எது? விடைகளை கமெண்ட்டில் சொல்லுங்க. சரியான விடையை 2 மணிக்கு பாருங்க.
News October 12, 2024
ரஜினியுடன் இணையும் அமீர்கான்
லோகேஷ் இயக்கத்தில் ரஜினி நடிப்பில் உருவாகி வரும் திரைப்படம் “கூலி”. இப்படத்தில் அமீர்கான் நடிப்பது கிட்டத்தட்ட உறுதியாகியுள்ளதாக தகவல்கள் வெளியாகியுள்ளது. சத்யராஜ், நாகார்ஜூனா, ஸ்ருதிஹாசன், உபேந்திரா, சவுபின் சாகிர், மகேந்திரன் உள்ளிட்டோரின் காட்சிகள் ஏற்கெனவே படமாக்கப்பட்டு வரும் நிலையில், விரைவில் அமீர்கான் இணைவார் என எதிர்பார்க்கப்படுகிறது. அதிகாரப்பூர்வ அறிவிப்பு விரைவில் வெளியாகலாம்.
News October 12, 2024
ரேஷன் கடைகளில் தக்காளி, வெங்காயம்?
தக்காளி, வெங்காயத்தின் விளைச்சல் குறைந்துள்ளதால் அவற்றின் விலை உயர்ந்துள்ளது. தக்காளி Kg ₹120க்கும், வெங்காயம் ₹80க்கும் விற்பனையாகிறது. இதனால், ஏழை, எளிய மற்றும் நடுத்தர மக்கள் கடும் சிரமத்திற்கு ஆளாகியுள்ளனர். தீபாவளியையொட்டி இவற்றின் தேவை அதிகரிக்க வாய்ப்புள்ளதால், தக்காளி, வெங்காயத்தை அரசு மொத்தமாக கொள்முதல் செய்து, ரேஷன் கடை மூலம் குறைந்த விலையில் விற்க வேண்டும் என்று கோரிக்கை எழுந்துள்ளது.
News October 12, 2024
நோபல் பரிசு: நாம் பரிந்துரைக்க முடியுமா?
புகழ்பெற்ற நோபல் பரிசுக்கான பரிந்துரையை மக்கள் ஒருபோதும் அளிக்க முடியாது. கல்வியாளர்கள், பல்கலை. பேராசிரியர்கள் & ஏற்கெனவே நோபல் பரிசு பெற்றவர்கள் மட்டுமே பெயர்களை பரிந்துரைக்க முடியும். (எ.கா: காந்தியை கோல்ப்ஜோர்ன்சென் பரிந்துரைத்தார்). நோபல் அறக்கட்டளை பட்டியலில் உள்ள குறிப்பிட்ட பிரிவில் விருது பெற யாருமே தகுதி பெறவில்லை என்று கருதினால், அப்பிரிவில் அந்த ஆண்டுக்கான விருது யாருக்குமே வழங்காது.
News October 12, 2024
விளையாட்டு துளிகள்
➤குளோபல் செஸ் லீக்: காங்கஸ் அணியின் வீராங்கனை வைஷாலி, மும்பை அணியின் கோனேரு ஹம்பியை 65ஆவது நகர்த்தலில் வென்றார். ➤ஏசியான் டேபிள் டென்னிஸ்: மகளிர் இரட்டையர் பிரிவின் காலிறுதிக்கு இந்தியாவின் ஆயிஹா – சுதிர்த்தா ஜோடி முன்னேறியது. ➤முத்தரப்பு கால்பந்து தொடர்: நட்பு கால்பந்தில் இன்று இந்தியா, வியட்நாம் அணிகள் மோதுகின்றன. ➤தேசிய பளுதூக்குதலில் 223 கிலோ தூக்கி ஹர்ஜிந்தர் புதிய சாதனை படைத்தார்.
News October 12, 2024
‘வேட்டையன்’ படத்தின் OTT உரிமம் யாருக்கு?
சூப்பர் ஸ்டார் ரஜினிகாந்த் நடிப்பில் ‘ஜெய் பீம்’ ஞானவேல் இயக்கிய ‘வேட்டையன்’ படம் மக்களிடையே நல்ல வரவேற்பைப் பெற்று வருகிறது. இந்நிலையில், போலி என்கவுண்டர் குறித்து பேசும் இப்படத்தின் OTT உரிமையை பிரபல நிறுவனமான அமேசான் பிரைம் வாங்கியுள்ளது. படத்தின் OTT உரிமையை ₹90 கோடி கொடுத்து வாங்கியுள்ளதாக தகவல் வெளியாகியுள்ளது. இதற்கு முன் வெளிவந்த ஜெயிலர் படத்தையும் பிரைம்தான் வாங்கியது குறிப்பிடத்தக்கது.
News October 12, 2024
30 நொடிகளில் உலகைச் சுற்றி…
➤ஹெலீன் புயலால் கடுமையாக பாதிக்கப்பட்டுள்ள ஃபுளோரிடாவில் மில்டன் சூறாவளி பாதிப்புக்கு பலியானோர் எண்ணிக்கை 16ஆக உயர்ந்துள்ளது. ➤ தென் லெபனானிலுள்ள UNIFIL அமைதிப் படை வீரர்கள் மீது தாக்குதல் நடத்திய இஸ்ரேலுக்கு ஐநா கடும் கண்டனம் தெரிவித்துள்ளது. ➤ஜபாலியா அகதிகள் முகாம் மீது இஸ்ரேல் நடத்திய தாக்குதலில் 22 பேர் உயிரிழந்துள்ளனர். ➤மார்பர்க் வைரஸ் தடுப்பூசி சோதனையை ருவாண்டா அரசு தொடங்கியுள்ளது.
Featured News
Sorry, no posts matched your criteria.