India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News October 19, 2024
காலை 4 மணிவரை இந்த மாவட்டங்களில் மழை கொட்டும்
இன்று (அக்.19) காலை 4 மணி வரை மழைக்கு வாய்ப்புள்ள மாவட்டங்களை காணலாம். 1)இடி-மின்னலுடன் மழை: சென்னை, செங்கல்பட்டு, திருவள்ளூர், நாமக்கல், திருப்பத்தூர், தி.மலை, கிருஷ்ணகிரி, தருமபுரி, திருச்சி, பெரம்பலூர், அரியலூர், புதுக்கோட்டை, தஞ்சை, திருவாரூர், நாகை 2) லேசான மழை: காஞ்சி, விழுப்புரம், திண்டுக்கல், கரூர், சிவகங்கை, மதுரை, விருதுநகர், தென்காசி.
News October 19, 2024
உள்நோக்கத்துடன் நடந்ததா… ஜெயக்குமார் சந்தேகம்
ஆளுநரின் நிகழ்ச்சியில் திராவிடம் என்ற சாெல் விடுபட்டது உள்நோக்கத்துடன் நடந்ததா என்று அதிமுக EX சபாநாயகர் ஜெயக்குமார் சந்தேகம் எழுப்பியுள்ளார். திராவிடம் என்பது சாதாரண சாெல் கிடையாது என்றும், அது நமது வாழ்வியல், கலாசாரம், பண்பாடு, அடித்தட்டு மக்களின் பேரொளி என்று அவர் தெரிவித்துள்ளார். ஆதலால் இதற்கு காரணமானவர்கள் யார் என்று கண்டறிந்து உரிய நடவடிக்கை எடுக்க வேண்டும் எனவும் வலியுறுத்தியுள்ளார்.
News October 19, 2024
HAPPY BIRTHDAY❤️: பிறந்தநாள் வாழ்த்து போட்டோ அனுப்புங்க
இன்று (அக். 19) பிறந்தநாள் காணும் அனைவருக்கும் வாழ்த்துகள்! பிறந்தநாளுக்கு வாழ்த்து சொல்ல விரும்புபவர்களின் போட்டோவை Email -way2tamilusers@way2news.com-க்கு அனுப்புங்க. Note: பிறந்தநாளுக்கு முந்தைய நாள் இரவு 10 மணிக்குள் வாழ்த்துகளை அனுப்பவும். முதலில் அனுப்பும் 20 நபர்களின் புகைப்படங்கள் மட்டும் இதில் இடம்பெறும். உங்கள் அன்புக்குரியவர்களை வாழ்த்துங்கள். பிறந்தநாள் வாழ்த்து போட்டோ அனுப்புங்க!
News October 19, 2024
₹5 கோடி கேட்டு சல்மான் கானுக்கு கொலை மிரட்டல்
சல்மான் கானிடம் ₹5 கோடி கேட்டு தாதா லாரன்ஸ் பிஸ்னோய் கும்பல் கொலை மிரட்டல் விடுத்துள்ளது. இதுதொடர்பாக மும்பை போலீசாரின் வாட்ஸ் அப் எண்ணுக்கு மெசேஜ் அனுப்பப்பட்டுள்ளது. அதில், சல்மான் கான் உயிருடன் இருக்க விரும்பினால் பிஸ்னோய் கும்பலுடனான மோதலை முடிவுக்கு கொண்டு வர வேண்டும். இல்லையெனில் பாபா சித்திக்கை விட மோசமான நிலையை சந்திக்க நேரிடும் எனக் கூறப்பட்டுள்ளது.
News October 19, 2024
வன்மத்தை கக்குகிறார் ஸ்டாலின்: எல்.முருகன்
திராவிடம் விடுபட்ட விவகாரத்தில் ஆளுநர் ரவி மீது ஸ்டாலின் வன்மம் கக்குவதாக மத்திய இணையமைச்சர் எல்.முருகன் சாடியுள்ளார். டிவி சேனலுக்கு தமிழ் பெயரில்லாதிருந்தபோது டிடி தமிழ் என்று பெயர் வைத்து மத்திய அரசு புகழ் சேர்த்ததாக அவர் தெரிவித்துள்ளார். யாரும் செய்யாததை தமிழுக்கு செய்தவர் பிரதமர் மோடி. அதேபோல் ஆளுநரும் தமிழை நாட்டின் பிற மாநிலங்களில் பரப்ப முயற்சி செய்கிறார் என்றும் கூறியுள்ளார்.
News October 19, 2024
ஒரே நேரத்தில் 7 முனைப் போர்
2023 அக்டோபரில் ஹமாஸ் நடத்திய தாக்குதலுக்கு பதிலடியாக காசா மீது இஸ்ரேல் போரை தொடங்கியது. இதையடுத்து, ஹமாசுக்கு ஆதரவாக ராக்கெட்டுகளை வீசிய லெபனானின் ஹிஸ்புல்லா போராளிகள், ஈராக், சிரியா நாடுகளில் உள்ள போராளிக் குழுக்கள், ஏமனில் உள்ள ஹவுதி போராளி குழுவையும் இஸ்ரேல் தாக்கி வருகிறது. ஈரானின் நேரடி ஏவுகணைத் தாக்குதல், சைபர் தாக்குதலையும் சந்தித்து வருகிறது. இஸ்ரேலால் மட்டுமே இது சாத்தியம்.
News October 19, 2024
இன்றைய நல்ல நேரம்
▶அக். 19 (ஐப்பசி 2) ▶சனி ▶நல்ல நேரம்: 7:45 AM – 8:45 AM & 4:45 PM – 5:45 PM ▶கெளரி நேரம்: 10:45 AM – 11:45 AM & 9:30 PM – 10:30 PM▶ராகு காலம்: 9:00 AM – 10:30 AM ▶எமகண்டம்: 1:30 PM – 3:00 PM▶குளிகை: 6:00 AM – 7:30 AM ▶ திதி: த்ரிதியை ▶ பிறை: தேய்பிறை ▶சுப முகூர்த்தம்: இல்லை ▶ சூலம்: கிழக்கு▶ பரிகாரம்: தயிர் ▶ நட்சத்திரம்: பரணி ▶சந்திராஷ்டமம்: உத்திரம், ஹஸ்தம். SHARE பண்ணுங்க.
News October 19, 2024
லக்கி பாஸ்கர் டிரைலர் ரிலீஸ் தேதி அறிவிப்பு
லக்கி பாஸ்கர் படத்தின் டிரைலர் ரிலீஸ் தேதி அறிவிக்கப்பட்டுள்ளது. நடிகர் துல்கர் சல்மான் நடிக்கும் இப்படத்தை வெங்கி அட்லூரி இயக்கியுள்ளார். நடிகை மீனாட்சி சவுத்ரி நாயகியாக நடிக்கும் இப்படத்திற்கு ஜி.வி.பிரகாஷ் குமார் இசையமைத்துள்ளார். படத்தின் டிரைலர் வரும் அக். 21இல் வெளியாகவுள்ளதாக படக்குழு புதிய போஸ்டரை வெளியிட்டு அறிவித்துள்ளது. இப்படம் அக்.31இல் தீபாவளியன்று வெளியாகிறது.
News October 19, 2024
போரை நிறுத்த இஸ்ரேல் தயார்.. ஆனால் ஒரு நிபந்தனை
போரை நிறுத்த இஸ்ரேல் பிரதமர் நெதன்யாகு நிபந்தனை விதித்துள்ளார். ஹமாஸ் தலைவர் சின்வார் கொல்லப்பட்டது குறித்து பேட்டியளித்த நெதன்யாகு, சின்வார் கொல்லப்பட்டதுடன் போர் முடிந்து விடவில்லை என்றும், இதுவொரு தொடக்கத்தின் முடிவுதான் என்றும் கூறினார். போரை நாளையே நிறுத்த முடியும், ஆனால் அதற்கு ஹமாஸ் ஆயுதங்களை கீழே போட்டுவிட்டு பிணைக் கைதிகளை ஒப்படைக்க வேண்டும் என்றும் தெரிவித்தார்.
News October 19, 2024
அமைதியை சீர்குலைக்க வன்மம்: முத்தரசன்
தமிழ்த்தாய் வாழ்த்தில் திராவிடநல் திருநாடு வரி புறக்கணிக்கப்பட்டதற்கு, இந்திய கம்யூனிஸ்ட் மாநிலச் செயலாளர் முத்தரசன் கண்டனம் தெரிவித்துள்ளார். இந்த விவகாரத்தில் தமிழக மக்களிடம் ஆளுநர் பகிரங்க மன்னிப்பு கேட்க வேண்டும் என வலியுறுத்தியுள்ள அவர், ஆளுநரின் நடவடிக்கைகள் தமிழகத்தின் அமைதியை சீர்குலைக்கும் வன்மம் கொண்ட செயல் என்றும் காட்டமாக விமர்சித்துள்ளார்.
Featured News
Sorry, no posts matched your criteria.