India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News November 21, 2024
500 ஊழியர்களை வீட்டுக்கு அனுப்பும் ஓலா..!
ஓலா நிறுவனம் மீண்டும் பணி நீக்க நடவடிக்கைகளில் இறங்கியுள்ளது. இதனால் 500 ஊழியர்கள் பாதிக்கப்படலாம் என தகவல்கள் வெளியாகியுள்ளது. இதற்கு முன் 3 முறை ஓலா நிறுவனம் பணிநீக்க நடவடிக்கைகளில் ஈடுபட்டுள்ளது. அடிக்கடி பழுது, முறையான சர்வீஸ் வசதிகளை செய்யாதது என EV வாங்கிய 10,000 பேர் புகார் அளித்ததால், மத்திய நுகர்வோர் பாதுகாப்பு ஆணையத்தின் விசாரணை வளையத்தில் ஓலா இருப்பது குறிப்பிடத்தக்கது.
News November 21, 2024
ஆண்களுக்கும் பாதுகாப்பு இல்லையா? அதிர்ச்சி தகவல்
ஆண்களில் இருபாலின சேர்க்கை (Bi-sexual) மற்றும் ஓரினச் சேர்க்கையில் நாட்டமுள்ளோர் மீது அதிகமான பாலியல் கொடுமை இழைக்கப்படுவதாக அண்மை ஆய்வில் தெரிய வந்துள்ளது. இவ்வகை உறவுகளில் ஈடுபடுவோரில் பெண் தன்மைகளை வெளிப்படுத்துபவர்களுக்கு (உறவில் உட்படுபவராக இருப்பவர்கள்), வீடு, அலுவலகம் மற்றும் பொது இடங்களில் வன்கொடுமைகளால் பாதிக்கப்படுவது 61% அதிகமாக உள்ளதாம். ஆக, ஆண்களுக்கும் இப்போது பாதுகாப்பு இல்லை.
News November 21, 2024
₹20 லட்சம் கொடுத்து பணிக்கு சேர விரும்பும் 10,000 பேர்
Zomato-வில் ₹20 லட்சம் கொடுத்து பணிக்கு சேர 10,000 பேர் விண்ணப்பித்துள்ளதாக அந்நிறுவனத்தின் CEO தீபிந்தர் தெரிவித்துள்ளார். Chief of Staff பதவிக்கு, முதல் 1 வருடம் சம்பளம் வழங்கப்படமாட்டாது. ஓராண்டு கழித்து தேர்வானால், ₹50 லட்சம் சம்பளம் கொடுப்பதாக அவர் தெரிவித்திருந்தார். அவரது இந்த கண்டிஷன் சமூக வலைத்தளங்களில் கடும் விமர்சனத்திற்குள்ளானது. இருப்பினும், பலரும் ஆர்வத்துடன் விண்ணப்பித்துள்ளனர்.
News November 21, 2024
ஷில்பா ஷெட்டிக்கு ரூட் க்ளியர்
நடிகை ஷில்பா ஷெட்டி மீது பதிவான SC/ST வன்கொடுமை தடுப்புச் சட்ட வழக்கை ராஜஸ்தான் ஐகோர்ட் ரத்து செய்தது. கடந்த 2013-ல் டிவி நிகழ்ச்சியின் போது, பட்டியல் சமூகத்தினரை இழிவுபடுத்தும் வார்த்தையை பயன்படுத்தியதாக அவர் மீது வழக்குப்பதிவு செய்யப்பட்டது. அதையடுத்து அவர் பொதுவெளியில் மன்னிப்புக் கோரினார். இந்நிலையில், உள்நோக்கத்துடன் அவர் அந்த வார்த்தையை குறிப்பிடவில்லை என நீதிமன்றம் கருத்து தெரிவித்துள்ளது.
News November 21, 2024
அதிமுகவிற்கு திருமா கொடுத்த வார்னிங்..!
தமிழ்நாட்டில் உள்ள திமுக-அதிமுக என்ற இருதுருவ அரசியலை உடைக்க பாஜக பெரும் முயற்சிகளை மேற்கொண்டு வருவதாக திருமாவளவன் கூறியுள்ளார். அதிமுகவை பின்னுக்கு தள்ளி 2ஆவது இடத்தில் அமர பாஜக முயற்சித்து வருகிறது. அதனால்தான் அதிமுக எச்சரிக்கையாக இருக்க வேண்டும் என அட்வைஸ் செய்து வருகிறோம். ஒரு கட்சிக்கு கரிசனமாக சொல்வதை கூட்டணிக்கான சிக்னல் என புரிந்து கொள்வதாகவும் அவர் கூறியுள்ளார்.
News November 21, 2024
ALERT: உருவாகிறது ‘பெங்கல்’ புயல்? வருகிறது ஆபத்து
வங்கக்கடலில் உருவாகியுள்ள வளிமண்டல மேலடுக்கு சுழற்சி தமிழகம், இலங்கை கடற்பகுதியை நோக்கி நகரும் என இந்திய வானிலை மையம் கணித்துள்ளது. தற்போதைய சுழற்சி வலுப்பெற்று புயலாக தீவிரமடைந்தால், தமிழகத்தின் கிழக்கு கடலோர பகுதிகளில் பெரும் தாக்கத்தை ஏற்படுத்தலாம். இந்த புயலுக்கு ‘பெங்கல்’ என்று பெயரிடப்பட்டுள்ளது. இப்புயலால் சென்னைக்கு அதிகளவு பாதிப்பு ஏற்பட வாய்ப்புள்ளதாக சில வானிலை பதிவர்கள் கூறியுள்ளனர்.
News November 21, 2024
‘இந்தியாவை washout செய்வோம் ’
இந்தியா- ஆஸ்திரேலியா மோதும் 5 போட்டிகள் கொண்ட பார்டர்- கவாஸ்கர் டெஸ்ட் தொடர் நாளை தொடங்க உள்ளது. WTC பைனலுக்கு இந்தியா செல்ல வேண்டும் எனில் நிச்சயம் தொடரை வெல்ல வேண்டிய கட்டாயத்தில் உள்ளது. இந்நிலையில் BGT தொடரை ஆஸ்திரேலியா 5-0 என்ற கணக்கில் கைப்பற்றி, இந்தியாவை washout செய்யும் என ஆஸி. பவுலர் நேதன் லயன் கணித்துள்ளார். லயன் கணிப்பு குறித்து உங்க கருத்து என்ன? கமெண்ட்ல சொல்லுங்க.
News November 21, 2024
தமிழகத்தில் சட்டம் – ஒழுங்கு சிறப்பாக உள்ளது: KN நேரு
எதிர்க்கட்சிகள் சொல்வதுபோல் தமிழகத்தில் சட்டம் ஒழுங்கு சீர்கெட்டு போய்விடவில்லை என அமைச்சர் KN நேரு கூறியுள்ளார். தேர்தல் வர உள்ளதால் அரசியல் செய்வதற்காக அவர்கள் இதுபோன்று பேசுவதாக கூறிய அவர், அதில் எந்த உண்மையும் இல்லை என்றார். முன்னதாக, நேற்று ஒரே நாளில் பள்ளியில் ஆசிரியர் கொலை செய்யப்பட்டதற்கும், நீதிமன்ற வளாகத்தில் வழக்கறிஞர் வெட்டப்பட்டதற்கும் எதிர்க்கட்சிகள் கடும் கண்டனம் தெரிவித்திருந்தன.
News November 21, 2024
அரசுப் பள்ளிகளில் நவ.25ல் திறன் மதிப்பீட்டுத் தேர்வு
கற்றல் திறன்வழி மதிப்பீட்டுத் தேர்வுக்கான தேதி மாற்றப்பட்டுள்ளதாக அனைத்து அரசுப் பள்ளிகளுக்கும் பள்ளிக்கல்வித்துறை சுற்றறிக்கை அனுப்பியுள்ளது. முதல் இரு கட்ட தேர்வுகள் நடத்தி முடிக்கப்பட்ட நிலையில், 3ம்கட்ட தேர்வானது நவ.25 முதல் 29ம் தேதி வரை நடக்க உள்ளது. அரசுப் பள்ளிகளில் 3 மற்றும் 6 முதல் 9ம் வகுப்பு வரை பயிலும் மாணவர்களின் கற்றல் திறன் மேம்படுத்தும் வகையில் இத்தேர்வு நடத்தப்படுகிறது.
News November 21, 2024
‘விடுதலை-2’ டிரெய்லர் ரிலீஸ் தேதி
‘விடுதலை-2’ படத்தின் டிரெய்லர் மற்றும் ஆடியோ லான்ச் நவம்பர் 26ஆம் தேதி நடைபெற உள்ளதாக தெரிவிக்கப்பட்டுள்ளது. வெற்றிமாறன் இயக்கத்தில் சூரி, விஜய் சேதுபதி, மஞ்சிமா மோகன் ஆகியோர் இப்படத்தில் நடித்துள்ளனர். இப்படம் டிசம்பர் 20ஆம் தேதி வெளியாக உள்ளது. முதல் பாகத்தின் வெற்றியையடுத்து இரண்டாம் பாகத்தின் மீதான எதிர்பார்ப்பும் அதிகரித்துள்ளது. யாரெல்லாம் இப்படத்திற்கு வெயிட்டிங்?
Featured News
Sorry, no posts matched your criteria.