India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News December 4, 2024
தீராத நோய்களை தீர்க்கும் சித்தேஸ்வரர்
கிழவனையும் குமரனாக்கும் மருத்துவத்தை கண்ட திருமூலரின் மரபில் வந்த காலங்கி சித்தர் தவம் இருந்த திருத்தலமே சேலத்தை அடுத்த கஞ்சமலையாகும். அங்குள்ள இறைவன் பெயராலேயே சித்தேஸ்வரர் கோயில் என இத்தலம் போற்றப்படுகிறது. ஏராளமான மூலிகைகள் உள்ள இம்மலையில் கிரிவலம் வந்து, இறைவனை வணங்கி உப்பு-மிளகு வாங்கி போட்டு நேர்த்திக்கடன் நிறைவேற்றினால் தீராத நோய்களும் தீரும் என்பது நம்பிக்கை.
News December 4, 2024
இன்று பள்ளி, கல்லூரிகளுக்கு விடுமுறை
பெருமழை பாதிப்பில் இருந்து இன்னும் மீளாத விழுப்புரம் மாவட்டத்தில் பள்ளி, கல்லூரிகளுக்கு இன்று விடுமுறை அளிக்கப்பட்டுள்ளது. மேலும், கடலூர் மாவட்டத்தில் பண்ருட்டி, அண்ணா கிராமம், கடலூர் ஊராட்சி ஒன்றியங்களில் உள்ள பள்ளி, கல்லூரிகளுக்கு விடுமுறை அறிவிக்கப்பட்டுள்ளது. கடலூரின் மற்றப் பகுதிகளில் கல்வி நிலையங்கள் வழக்கம் போல இயங்கும். புதுச்சேரியில் நிவாரண முகாம்களாக உள்ள 22 பள்ளிகளுக்கு இன்று விடுமுறை.
News December 4, 2024
அரையிறுதிக்கு முன்னேறுமா இந்தியா?
U19 ஜூனியர் ஆசிய கோப்பை கிரிக்கெட் தொடரின் கடைசி லீக் ஆட்டங்கள் இன்று நடைபெறுகிறது. இதில் பாக் – ஜப்பான், (2 புள்ளிகளுடன் சமநிலையில் இருக்கும்) இந்தியா – UAE அணிகள் மோதவுள்ளன. இந்த ஆட்டத்தில் இந்திய அணி வென்றால் அரையிறுதிக்கு தகுதி பெறும். தோல்வி கண்டால் தொடரில் இருந்து வெளியேறும். பாக்., அணி 2 ஆட்டங்களில் வெற்றி கண்டுள்ளதால், அந்த அணி ஏறக்குறைய அரையிறுதி வாய்ப்பை உறுதி செய்துவிட்டது.
News December 4, 2024
சார்லி சாப்ளினின் பொன்மொழிகள்
✍எளிமை என்பது எளிதான விஷயமல்ல. ✍நேரம் ஒரு சிறந்த எழுத்தாளன்; அது சரியான முடிவையே எழுதும். ✍உங்களை நீங்களே நம்ப வேண்டும்; அதுதான் வாழ்வின் ரகசியம். ✍ஒரு மனிதனின் உண்மையான குணம் அவன் மதுவை குடித்ததும் வெளியே வரும்.✍உங்கள் வலி ஒருவருக்கு சிரிப்பை ஏற்படுத்தலாம்; ஆனால், உங்கள் சிரிப்பு யாருக்கும் வலியை ஏற்படுத்தக்கூடாது. ✍நீங்கள் கீழேயே பார்த்துக்கொண்டிருந்தால், ஒருபோதும் வானவில்லைக் காணமாட்டீர்கள்.
News December 4, 2024
59,000 வாட்ஸ்-அப் கணக்குகள் முடக்கம்!
டிஜிட்டல் மோசடிக்கு பயன்படுத்தப்பட்ட 59,000 வாட்ஸ்-அப் கணக்குகளை இந்திய சைபர் கிரைம் ஒருங்கிணைப்பு மையம் முடக்கியுள்ளது. மக்களவையில் எழுப்பப்பட்ட கேள்விக்கு பதிலளித்த உள்துறை இணை அமைச்சர் பண்டி சஞ்சய் குமார், “இணைய மோசடிகளால் பாதிக்கப்பட்டவர்கள் அளித்த 9.94 லட்சத்துக்கும் அதிகமான புகார்களின் மூலம் 3,431 கோடி பாதுகாக்கப்பட்டுள்ளது. 1,700க்கும் மேற்பட்ட ஸ்கைப் ஐடிகள் முடக்கப்பட்டுள்ளன” என்றார்.
News December 4, 2024
இன்றைய நல்ல நேரம்!
▶டிச. – 04 ▶கார்த்திகை – 19 ▶கிழமை: புதன் ▶நல்ல நேரம்: 9:15 AM – 10:15 AM & 4:45 PM – 5:45 PM ▶கெளரி நல்ல நேரம்: 10:45 AM – 11:45 AM & 6:30 PM – 7:30 PM ▶ராகு காலம்: 12:00 PM – 1:30 PM ▶எமகண்டம்: 7:30 AM – 9:00 AM ▶குளிகை: 10:30 AM – 12:00 PM ▶திதி: சதுர்த்தி ▶சூலம்: வடக்கு ▶பரிகாரம்: பால் ▶பிறை: வளர்பிறை ▶முகூர்த்தம்: இல்லை ▶சந்திராஷ்டமம்: ரோகிணி & மிருகசீருஷம்▶நட்சத்திரம்: பூராடம்.
News December 4, 2024
சூரிய வெளியை ஆய்வு செய்ய விண்ணில் பாயும் PSLV C-59!
சூரியனின் புறவெளியை ஆய்வு செய்ய உருவாக்கப்பட்ட செயற்கைக்கோள்களுடன் (Proba-3) PSLV C-59 ராக்கெட் இன்று விண்ணில் ஏவப்பட உள்ளது. ஸ்ரீஹரிகோட்டா ஏவுதளத்திலிருந்து செலுத்தப்பட இருக்கும் இந்த Proba-3ஐ ஐரோப்பிய விண்வெளி ஆய்வு நிறுவனம் வடிவமைத்துள்ளது. இதன் 25 மணி நேர கவுன்ட் டவுன் நேற்று மாலை 3.08 மணிக்கு தொடங்கியது. தற்போது எரிபொருள் நிரப்புதல் உள்பட இறுதிப் பணிகள் தீவிரமாக மேற்கொள்ளப்பட்டு வருகின்றன.
News December 4, 2024
இந்தியாவில் நடக்கும் போட்டி… பாக்., பங்கேற்குமா?
பார்வையற்றோருக்கான முதலாவது மகளிர் T20 உலகக் கோப்பை கிரிக்கெட் போட்டி 2025இல் இந்தியாவில் நடைபெறுகிறது. முல்தானில் நடந்த உலக பார்வையற்றோர் கிரிக்கெட் கவுன்சில் கூட்டத்தில் இம்முடிவு எடுக்கப்பட்டுள்ளதாக தகவல் வெளியாகி உள்ளது. இந்தியாவில் நடைபெறும் இப்போட்டியில் பாக்., அணி கலந்து கொள்வதில் சிக்கல் நிலவுகிறது. இதனால் அந்நாடு பங்கேற்கும் போட்டிகளை நேபாளம் (அ) இலங்கையில் நடத்தக்கூடும் எனத் தெரிகிறது.
News December 4, 2024
இன்சுலின் சுரப்பை அதிகரிக்க செய்யும் வெந்தயம் தேநீர்
நீரிழிவு நோய்க்கு காரணமான ரத்த சர்க்கரை அளவைக் கட்டுப்படுத்துவதோடு இன்சுலின் சுரப்பையும் அதிகரிக்க செய்யும் ஆற்றலைக் கொண்டது வெந்தயம் தேநீர். வெந்தயத்தை இடித்து, சிட்டிகை மஞ்சள், சுக்கு, ஏலக்காய் தூள் ஆகியவற்றை நீரில் கலந்து, 10 நிமிடங்கள் கொதிக்க வைத்து வடிகட்டி, தேன் சேர்த்தால் மணமிக்க சுவையான வெந்தயம் டீ ரெடி. இந்த டீயை வாரத்திற்கு 3 நாட்கள் குடிக்கலாமென ஆயுஷ் டாக்டர்கள் பரிந்துரைக்கின்றனர்.
News December 4, 2024
செபி அதிரடி உத்தரவு… நெருக்கடியில் அனில் அம்பானி!
ரிலையன்ஸ் குழுமத்தின் தலைவர் அனில் அம்பானி மீண்டும் சிக்கலில் சிக்கியுள்ளார். RBEP நிறுவனத்தின் சட்ட விரோதமான நிதிப் பரிமாற்ற விவகாரத்தில் நிலுவைத் தொகையை செலுத்த செபி நோட்டீஸ் அனுப்பியுள்ளது. அதில், டிமேட் கணக்கு, பங்குகள் & MFகளை இணைத்து ₹26 கோடி நிலுவைத் தொகையை செலுத்த வேண்டும். எந்தப் பற்றும் அனுமதிக்கக் கூடாது. தவறும் பட்சத்தில் இணைப்பு நடவடிக்கை மேற்கொள்ளப்படும் எனத் தெரிவிக்கப்பட்டுள்ளது.
Featured News
Sorry, no posts matched your criteria.