India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News October 31, 2024
பயத்தில் காய்ச்சலே வந்துவிட்டது: துஷாரா விஜயன்
எவ்வளவு உச்சத்தை தொட்டாலும், நமது கால்கள் எப்போதும் தரையில் இருக்க வேண்டும் என்ற தன்னடக்கத்தை ரஜினியிடமிருந்து கற்றுக்கொண்டதாக நடிகை துஷாரா விஜயன் தெரிவித்துள்ளார். ரஜினி, அமிதாப் போன்ற ஜாம்பவான்களுடன் நடிப்பதை நினைத்து ஏற்பட்ட பயத்தில் படப்பிடிப்பின் முதல் நாளே தனக்கு காய்ச்சலே வந்துவிட்டதெனக் கூறிய துஷாரா, அவர்களுடன் நடித்ததை பெரும் பாக்கியமாக உணர்வதாகவும் நெகிழ்ச்சியுடன் தெரிவித்தார்.
News October 31, 2024
உலக மல்யுத்த சாம்பியன்ஷிப்: இந்தியாவுக்கு முதல் பதக்கம்
அல்பேனியாவில் நடைபெறும் ‘சீனியர் உலக மல்யுத்த சாம்பியன்ஷிப் 2024’ போட்டியில் இந்தியா முதல் பதக்கத்தை வென்றுள்ளது. பெண்களுக்கான 59 கிலோ Free-style பிரிவில் இந்தியாவின் மான்சி அஹ்லாவத் 5-0 என கனடாவின் பியூர்கார்டை வீழ்த்தி வெண்கலம் வென்றார். மான்சி அனைத்து வயது பிரிவு உலக சாம்பியன்ஷிப் போட்டிகளிலும் சீனியர் (BRZ 2024), U23 (BRZ 2022), U20 (BRZ 2018), U17 (SILVER 2016) பதக்கம் வென்றுள்ளார்.
News October 31, 2024
‘அமரன்’ திரை விமர்சனம்
சிவகார்த்திகேயன் நடிப்பில் இன்று வெளியாகியுள்ள ‘அமரன்’ படம், ரசிகர்களின் எதிர்பார்ப்பை பூர்த்தி செய்யும் விதமாக அமைந்துள்ளது. SK, சாய் பல்லவி இருவரும் தங்களது கதாபாத்திரங்களில் கச்சிதமாக நடித்துள்ளனர். அவர்களது காதல் காட்சிகள் மற்றும் GV பிரகாஷின் இசை படத்திற்கு பெரும் பலமாக உள்ளது. இன்டர்வெல் காட்சி மாஸாகவும், திரைக்கதை விறுவிறுப்பாகவும் நகர்கிறது. வே2 ரேட்டிங்: 3/5
News October 31, 2024
₹1.6 லட்சத்தில் சம்பளம்… துறைமுகத்தில் வேலை!
இந்திய துறைமுகங்களில் உள்ள காலிப் பணியிடங்களை நிரப்புவதற்கான அறிவிப்பை இந்திய துறைமுக சங்கம் வெளியிட்டுள்ளது. உதவி & ஜூனியர் செயற்பொறியாளர் பணிகளில் சேர விரும்புவோர் விண்ணப்பிக்கலாம். கல்வித்தகுதி: B.E., B.Tech. வயது வரம்பு: 21-30. சம்பளம்: ₹30,000 – ₹1,60,000. தேர்வு முறை : ஆன்லைன் & நேர்காணல் தேர்வு. விண்ணப்பிக்க கடைசி நாள்: நவ.20. கூடுதல் விவரங்களுக்கு இந்த <
News October 31, 2024
முதுகலை ஆசிரியர் பணிக்கு பதவி உயர்வு பட்டியல்
அரசு மேல்நிலைப் பள்ளி முதுகலை பட்டதாரி ஆசிரியர் பணிக்கான பதவி உயர்வு பட்டியலை தயாரிக்குமாறு மாவட்ட முதன்மை கல்வி அதிகாரிகளுக்கு பள்ளிக்கல்வி இயக்குநரகம் உத்தரவிட்டுள்ளது. அரசு, நகராட்சி மேல்நிலைப்பள்ளிகளில் நியமனத்துக்கு தகுதி வாய்ந்தோர் பட்டியல் தயார் செய்ய வேண்டும். இதற்கு இளங்கலை, முதுகலையில் அந்தந்த பாடத்தில் முதன்மை பாடமும், பிஎட் படிப்பும் படித்திருக்க வேண்டும் என்றும் கூறப்பட்டுள்ளது.
News October 31, 2024
தீபாவளிக்கு மட்டுமே திறக்கும் கோயில் தெரியுமா?
கர்நாடகாவின் ஹாசன் நகரில் ஹாசனம்பா துர்கா தேவி கோயில் தீபாவளியன்று மட்டுமே திறக்கப்படுகிறது. தீபாவளி தொடங்கி தொடர்ந்து 10 நாட்களுக்கு சிறப்புப் பூஜைகள் நடக்கின்றன. பொதுமக்கள் 7 நாட்கள் துர்க்கையைத் தரிசிக்க அனுமதிக்கப்படுகிறார்கள். கோயில் முழுவதும் அலங்கரிக்கப்பட்டு, விளக்குகள் ஏற்றப்பட்டு வழிபாடு நடக்கிறது. இந்த நேரத்தில் தேவியின் ஆசீர்வாதத்தைப் பெறுவது நன்மையைத் தரும் என்பது நம்பிக்கை.
News October 31, 2024
பொது அறிவு வினா – விடை
1) உலகின் மிகச்சிறிய தீவு எது? 2) CA என்பதன் விரிவாக்கம் என்ன? 3) இந்தியாவின் வடகிழக்கில் அமைந்துள்ள மலைத்தொடரின் பெயர்? 4) ஜான் டால்டன் உருவாக்கிய கொள்கை என்ன? 5) கரடிக்கு எத்தனை பற்கள் உள்ளன? 6) Entomology என்றால் என்ன? 7) உலகில் உள்ள ஒரே விஷப் பறவை எது? 8) புறநானூறு நூலை ஆங்கிலத்தில் மொழி பெயர்த்தவர் யார்? விடைகளை கமெண்ட்டில் சொல்லுங்க. சரியான விடையை 2 மணிக்கு பாருங்க.
News October 31, 2024
தீபாவளி: எந்த நேரத்தில் வழிபடலாம்?
தமிழகம் முழுவதும் தீபாவளி பண்டிகை கோலாகலமாகக் கொண்டாடப்பட்டு வருகிறது. தீபாவளியன்று மாலை நேரத்தில் பூஜை செய்வதன் மூலம், லக்ஷ்மி தேவி வீட்டிற்கும் குடும்பத்திற்கும் தனது ஆசீர்வாதத்தை வழங்குவார் என்று நம்பப்படுகிறது. இன்று மாலை 6.27 மணி முதல் இரவு 8.32 மணி வரை லட்சுமி பூஜை செய்ய உகந்த நேரமாகும். ஒருவேளை இன்று அசைவம் சாப்பிடுவதால் பூஜை செய்ய இயலாதவர்கள், நாளை மாலை இந்த பூஜையை செய்யலாம்.
News October 31, 2024
தமிழகத்தில் 6 இடங்களில் கனமழை
தமிழகத்தில் கடந்த 24 மணி நேரத்தில் 6 இடங்களில் கனமழை பதிவானதாக வானிலை ஆய்வு மையம் தெரிவித்துள்ளது. அதன்படி அதிகபட்சமாக சென்னை அண்ணா நகரில் 11 செ.மீ, வில்லிவாக்கம் 10 செ.மீ, அயனாவரம் 9 செ.மீ, காரைக்கால், திருவிக நகர், கொளத்தூரில் 7 செ.மீ, மணலி, தேனாம்பேட்டை, கிருஷ்ணகிரி அருகே பாரூர், நெடுங்கல் ஆகிய இடங்களில் 6 செ.மீ அளவிற்கு மழை பெய்துள்ளதாக தெரிவித்துள்ளது.
News October 31, 2024
FLASH: தங்கம் விலை மேலும் உயர்ந்தது
தங்கத்தின் விலை நாளுக்கு நாள் உயர்ந்து புதிய உச்சம் தொட்டு வருகிறது. நேற்றைய தினம், சவரனுக்கு ₹520 உயர்ந்த நிலையில், இன்று மேலும் ₹120 அதிகரித்துள்ளது. அதன்படி, சென்னையில், 22 கேரட் ஆபரணத் தங்கத்தின் விலை ஒரு சவரன் ₹59,640க்கும், கிராமுக்கு ₹15 உயர்ந்து ஒரு கிராம் ₹7,455க்கும் விற்பனை செய்யப்படுகிறது. வரலாறு காணாத வகையில் தங்கம் விலை உயர்ந்து வருவது நடுத்தர மக்களை கவலையில் ஆழ்த்தியுள்ளது.
Featured News
Sorry, no posts matched your criteria.