India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News December 10, 2024
சதுரங்க வேட்டை பாணியில் ₹5 கோடி அபேஸ்…
சென்னை தொழிலதிபர் நரசிம்ம ரெட்டியிடம் கவர்னர் பதவி வாங்கித் தருவதாக கூறி மராட்டிய நபர் ஏமாற்றியதாக புகார் எழுந்துள்ளது. அரசியல் பிரபலங்களை தெரியும் எனக் கூறி ரெட்டியிடம் பழகிய குல்கர்னி, ₹15 கோடி கொடுத்தால் கவர்னர் பதவி உறுதி எனக் கூறியுள்ளார். குல்கர்னி வலையில் சிக்கிய ரெட்டி, ₹5.07 கோடி கொடுத்துள்ளார். பின்னர், சதுரங்கவேட்டை பட பாணியில் ஏமாந்ததை உணர்ந்த ரெட்டி போலீசில் புகார் அளித்துள்ளார்.
News December 10, 2024
உலகின் உண்மையான Lucky பாஸ்கர் இவர் தான்
பஸ்சில் ஜன்னல் சீட் கிடைத்தாலே Luck என்போம். ஆனால், 7 முறை சாவையே வென்றுவிட்டார் குரோஷியாவைச் சேர்ந்த பிரானோ செலக். வாழ்க்கையில் ஒரே முறை இவர் போன விமானம் விபத்தில் சிக்க, அதிலிருந்து தப்பித்தார். மழையால் ரயில் தடம் புரண்டும் பிழைத்தார். குன்றின் உச்சியில் இருந்தும் விழுந்தும் தப்பினார். இதுவே இவரை லக்கி பாஸ்கர் என நீங்கள் கூறினால், 2003ல் இவர் வாங்கிய லாட்டரியில் ₹8 கோடி பரிசும் விழுந்துள்ளது.
News December 10, 2024
பல்லடத்தில் மீண்டும் ஓர் திடுக் சம்பவம்
திருப்பூர் பல்லடம் அருகே கணவன், மனைவி வீட்டிற்குள் சடலமாக கண்டெடுக்கப்பட்ட சம்பவம் அதிர்ச்சியை ஏற்படுத்தியுள்ளது. இருவரின் உடலையும் கைப்பற்றிய போலீசார் கொலையா, தற்கொலையா என விசாரிக்கின்றனர். அண்மையில், அங்கு ஒரே குடும்பத்தை சேர்ந்த 3 பேர் படுகொலை செய்யப்பட்ட சம்பவம் தமிழகத்தையே உலுக்கியது. கொலைக்கு காரணமானவர்களை கண்டறியாத நிலையில், இச்சம்பவம் நிகழ்ந்துள்ளது அப்பகுதியினரை பீதியில் ஆழ்த்தியுள்ளது.
News December 10, 2024
மாணவர்களுக்கு மாதம் ₹1000: பள்ளிக்கல்வித்துறை உத்தரவு
அரசுப் பள்ளி 10ம் வகுப்பு மாணவர்களுக்கு மாதந்தோறும் ₹1,000 கல்வி உதவித் தொகை வழங்க வகைசெய்யும் CM-ன் திறனாய்வுத் தேர்வுக்கு இன்று (டிச.10) முதல் டிச.18ம் தேதி வரை விண்ணப்பிக்கலாம். தேர்வானவர்களுக்கு மாதம் ₹1000 வீதம் கல்வி ஆண்டில் ₹10,000 கல்வி உதவித் தொகை வழங்கப்படும். விண்ணப்பிக்க விரும்புவோர் விவரங்களை தலைமை ஆசிரியர்கள் www.dge.tn.gov.in தளத்தில் பதிவேற்ற பள்ளிக்கல்வித்துறை அறிவுறுத்தியுள்ளது.
News December 10, 2024
விஜய்யுடன் கூட்டணியா? திருமாவளவன் பதில்
வருங்காலத்தில் விஜய்யுடன் கூட்டணி வைக்க வாய்ப்புள்ளதா என்ற கேள்விக்கு “எனக்குத் தெரியாது” என்று பதிலளித்து சென்றிருக்கிறார் விசிக தலைவர் திருமாவளவன். திமுக – விசிக- தவெக என்று அரசியல் சர்ச்சை நிலவி வரும் சூழலில் விஜய்யின் அரசியல் வருகையை வரவேற்பதாக திருமா பேசினார். இதனையடுத்து கூட்டணி குறித்து செய்தியாளர்கள் கேள்வி எழுப்பவே, “எனக்குத் தெரியாது” என்று பதிலளித்து சென்றார்.
News December 10, 2024
திருப்பதியில் முடி காணிக்கை செலுத்திய சிவராஜ்குமார்
நடிகர் சிவராஜ் குமார் திருப்பதி சென்று முடி காணிக்கை செலுத்தியுள்ளார். அங்கு அவரும், அவரது மனைவி கீதா சிவராஜ்குமாரும் முடி காணிக்கை செலுத்தினர். சிவராஜ்குமாருக்கு புற்றுநோய் பாதிப்பு ஏற்பட்டுள்ளதாகவும், விரைவில் அமெரிக்கா சென்று சிகிச்சை பெற உள்ளதாகவும் இணையத்தில் தகவல் வெளியானது. ஆனால், இதனை சிவராஜ்குமார் இதுவரை உறுதிப்படுத்தவில்லை.
News December 10, 2024
வெள்ளி விலை 4% அதிகரிப்பு
சென்னையில் வெள்ளியின் விலை ஒரே நாளில் 4% உயர்ந்து அதிர்ச்சி கொடுத்திருக்கிறது. நேற்று, கிராம் ₹100 என்று விற்கப்பட்ட வெள்ளி, இன்று ₹104ஆக உயர்ந்துள்ளது. கடந்த சில நாள்களாக வெள்ளி விலை ₹100 என்று விற்கப்பட்டுவந்த நிலையில், இன்று ஒரே நாளில் அதன் விலை கடும் உயர்வைக் கண்டிருக்கிறது. தங்கம் விலை ஒரு நாளுக்கு 1% உயர்ந்தாலே மக்கள் அதிர்ச்சியடையும் நிலையில் வெள்ளி விலை சாதாரணமாக 4% உயர்ந்திருக்கிறது.
News December 10, 2024
இதை நடந்தால் இந்தியா IN; இல்லனா OUT
IND அணி WTC இறுதிப்போட்டிக்கு செல்ல
தற்போது நடைபெற்று வரும் ஆஸி., அணிக்கு எதிரான BGT தொடரை 4-1, அல்லது 3-1 என வெல்ல வேண்டும். 3-2 என தொடரை வென்றால், ஆஸி. அணிக்கு எதிரான 2 போட்டி கொண்ட டெஸ்டில் ஒரு போட்டியை இலங்கை வெல்ல வேண்டும். 2-2 என டிரா ஆனால் AUS-SL தொடரை SL 2-0 என வெல்ல வேண்டும். 2-3 என தோற்றால் PAK-SA தொடரை PAK 2-0 என வெல்ல வேண்டும் & AUS-SL தொடரில் ஒரு போட்டியில் SL தோற்க வேண்டும்.
News December 10, 2024
தமிழ்நாட்டில் புதிதாக 1000 தடுப்பணைகள்!
தமிழ்நாட்டில் அடுத்த நிதியாண்டில் புதிதாக 1000 தடுப்பணைகள் கட்ட நடவடிக்கை எடுக்கப்படும் என அமைச்சர் துரைமுருகன் தெரிவித்துள்ளார். ஃபெஞ்சல் புயல், மழையால் பெரும் சேதமடைந்துள்ள கடலூர், காஞ்சிபுரம், வேலூர் மாவட்ட எல்.எல்.ஏக்கள் தங்கள் தொகுதியில் தடுப்பணைகள் கோரினர். பின்னர், பேசிய துரைமுருகன், எம்.எல்.ஏக்களின் கோரிக்கைகள் பரிசீலனையில் உள்ளது. முதல்வரிடம் கூறி நிச்சயம் நிறைவேற்றப்படும் என்றார்.
News December 10, 2024
SM கிருஷ்ணா மறைவுக்கு முதல்வர் இரங்கல்
கர்நாடக முன்னாள் முதல்வர் SM. கிருஷ்ணாவின் மறைவுக்கு முதல்வர் ஸ்டாலின் இரங்கல் தெரிவித்துள்ளார். 1960 முதல் கருணாநிதியுடன் SM கிருஷ்ணா நெருக்கமாக இருந்ததாகவும் மாநில நல்லிணக்கத்துக்காக இருவரும் உழைத்ததாகவும் முதல்வர் தனது அறிக்கையில் குறிப்பிட்டுள்ளார். கர்நாடகத்தை முன்னேற்றப் பாதைக்கு அழைத்துச் சென்றதில் SM.கிருஷ்ணாவின் பங்கு அதிகம் என்று அவர் குறிப்பிட்டுள்ளார்.
Featured News
Sorry, no posts matched your criteria.