India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News November 1, 2024
கூடுதல் விலைக்கு மது விற்றால் சஸ்பெண்ட்
டாஸ்மாக்கில் மதுவை கூடுதல் விலைக்கு விற்றால் மேற்பார்வையாளர் உள்பட கடையில் பணிபுரியும் அனைவரும் பணியிடை நீக்கம் செய்யப்படுவர் என டாஸ்மாக் நிர்வாகம் எச்சரித்துள்ளது. நிர்ணயிக்கப்பட்ட விலையைவிட பாட்டில் ஒன்றுக்கு ₹10 கூடுதலாக வசூலிக்கப்படுவதாக புகார்கள் வருவதால், இந்த உத்தரவு பிறப்பிக்கப்பட்டுள்ளது. வழக்கமாக கூடுதல் விலை விற்பனை புகாருக்கு, சேல்ஸ்மேன் மீது மட்டும் தான் நடவடிக்கை எடுக்கப்படும்.
News November 1, 2024
ஐபிஎல்: பண மழையில் இளம் வீரர்கள்
ஐபிஎல் 2025 ரிட்டென்ஷனில், இளம் வீரர்களை அணிகள் அதிக விலைக்கு தக்கவைத்துள்ளன. 2024-ல் வெறும் ரூ.20 லட்சத்துக்கு வாங்கப்பட்ட RR விக்கெட் கீப்பர் துருவ் ஜுரல், இப்போது ₹14 கோடிக்கு தக்கவைக்கப்பட்டார். இது 6900% அதிகம். இதேபோல் பத்திரனா (₹13 cr), ரஜத் பட்டிடார் (₹11 cr), மயங்க் யாதவ் (₹11 cr), சாய் சுதர்சன் (₹8.5 cr), ஷஷாங்க் சிங் (₹5.5 cr), ரிங்கு சிங் (₹13 cr) தொகைக்கு ரீட்டெயின் செய்யப்பட்டனர்.
News November 1, 2024
போனஸ் தொகைக்கு வரி கட்ட வேண்டுமா?
பொதுத்துறை & தனியார் நிறுவனங்கள் தமது ஊழியர்களுக்கு அளிக்கும் தீபாவளி பரிசுகள் & போனஸ் தொகைக்கும் வருமான வரி விதிக்கப்படும். வருமான வரிப் பிரிவு 17இன் கீழ், போனஸ் தொகை ஊழியரது சம்பளத்தோடு இணைக்கப்பட்டு, மொத்த தொகைக்கும் வருமான வரி அடுக்குக்கு ஏற்ப, உரிய வருமான வரி பிடித்தம் செய்யப்படும். தீபாவளி பரிசின் மதிப்பு ₹4,999-க்குள் இருந்தால், பரிசின் மதிப்பில் ஆவணங்களைக் காட்டி அதற்கு விலக்கு கோரலாம்.
News November 1, 2024
பொருளாதார நிபுணர் பிபேக் டெப்ராய் காலமானார்
PM மோடியின் பொருளாதார ஆலோசனைக் குழுவின் தலைவரும், பொருளாதார நிபுணருமான பிபேக் டெப்ராய் (69) காலமானார். உடல்நலக்குறைவால் டெல்லி எய்ம்ஸ் மருத்துவமனையில் அனுமதிக்கப்பட்டிருந்த நிலையில், சிகிச்சை பலனின்றி இன்று அவரது உயிர் பிரிந்தது. பத்ம ஸ்ரீ உள்ளிட்ட பல விருதுகளை பெற்றுள்ள அவர், 2019 வரை NITI ஆயோக் குழு உறுப்பினராகவும் இருந்துள்ளார். அவரது சாதனைகளை நினைவுகூர்ந்து PM மோடி இரங்கல் தெரிவித்துள்ளார்.
News November 1, 2024
ஐபிஎல் ரிட்டென்ஷன்: பேட்டர்ஸ் தான் முக்கியமா?
ஐபிஎல் 2025 தொடருக்கு வீரர்களை தக்கவைக்க நேற்று தான் கடைசி நாளாகும். நேற்றிரவு வெளியான அறிவிப்பில், பெரும்பாலான அணிகள் பேட்டர்களையே தக்க வைத்துள்ளன. மொத்தத்தில் 28 பேட்ஸ்மென்களும் 11 பவுலர்களும் அந்தந்த அணிகளால் ரீட்டெயின் செய்யப்பட்டனர். மேலும், 7 ஆல்ரவுண்டர்களும் தக்கவைக்கப்பட்டனர். ஆனால், பேட்ஸ்மென்கள் தான் அதிக தொகைக்கு வாங்கப்பட்டுள்ளனர். இதுபற்றி உங்கள் கருத்தை கமெண்ட் செய்யுங்க.
News November 1, 2024
ரஷ்யாவில் வ.கொரிய வீரர்கள்; காண்டான அமெரிக்கா!
ரஷ்யாவில் வடகொரியாவை சேர்ந்த ராணுவ வீரர்கள் பயிற்சியில் ஈடுபட்டுள்ளனர். இவர்களை தனக்காக உக்ரைனில் போரிட ரஷ்யா ஈடுபடுத்தலாம் என ஐநாவில் உக்ரைன் அச்சம் தெரிவித்தது. இதற்கு ஆதரவாக அமெரிக்காவும், வடகொரிய வீரர்கள் உடனே திரும்பப் பெறப்படவில்லை எனில், பிணங்களாக திரும்புவர் என எச்சரித்தது. இதற்கு ரஷ்யா, நீங்கள் உக்ரைனுக்கு பல நாட்டு ராணுவத்தை அனுப்பலாம், நாங்கள் செய்யக்கூடாதா எனக் கேள்வி எழுப்பியது.
News November 1, 2024
Recipe: காஜூ கத்லி செய்யலாம் வாங்க!
முந்திரி பருப்பை 6 மணிநேரம் நீரில் ஊறவைத்து, நைஸாக அரைத்துக் கொள்ளவும். வாணலியில் நெய்விட்டு, முந்திரி மாவை கொட்டி நன்கு கிளறிக்கொண்டே இருக்கவும் (நிறம் மாறக்கூடாது). பின் அதனுடன் குங்குமப்பூ, ஏலக்காய் பொடி, சர்க்கரை பாகு சேர்க்கவும். சப்பாத்தி மாவு பதத்திற்கு இந்த கலவை வந்ததும், அடுப்பில் இருந்து இறக்கிவிடவும். ஆறியவுடன் டைமண்ட் வடிவில் அதை துண்டுகளாக வெட்டினால் சுவையான காஜூ கத்லி ரெடி.
News November 1, 2024
ஆன்லைனில் வாங்குவதில் இப்படி ஒரு மோசடியா? உஷார்!
ஃபிளிப்கார்ட்டில் ஒரே பொருளுக்கு இரண்டு விலைகளா? ஆம், கேஷவ் என்பவர் மொகோபரா சூட்கேஸ் ஒன்றை வாங்க Android, Apple (iOS) என இரு போன்களில் Search செய்துள்ளார். அப்போது அதன் விலை Android-ல் ₹4,119 என்றும், Apple-ல் ₹4,799 எனவும் காட்டியுள்ளது. இது ஏன் என்று அவர் கேட்க, பல காரணிகள் அடிப்படையில் விற்பனையாளர் இப்படி விலையை நிர்ணயிப்பதாக ஃபிளிப்கார்ட் விளக்கம் அளித்துள்ளது. நீங்க எதில் ஆர்டர் பண்றீங்க?
News November 1, 2024
நவ.6ல் அதிமுக மா.செ கூட்டம்
சென்னை ராயப்பேட்டை அதிமுக தலைமை அலுவலகத்தில் நவ. 6ல் மாவட்ட செயலாளர்கள் கூட்டம் நடைபெற உள்ளது. EPS தலைமையில் நடக்கும் இக்கூட்டத்தில் அனைத்து மாவட்ட செயலாளர்களும், பிற மாநிலங்களைச் சேர்ந்த மாநிலச் செயலாளர்களும் தவறாமல் கலந்துகொள்ளுமாறு அக்கட்சித் தலைமை அறிவுறுத்தியுள்ளது. இதில், 2026 சட்டமன்ற தேர்தலுக்கு மேற்கொள்ளப்பட வேண்டிய பணிகள் குறித்து ஆலோசிக்கப்பட உள்ளதாகக் கூறப்படுகிறது.
News November 1, 2024
APPLY NOW: வங்கியில் 592 பணியிடங்கள்!
Bank of Barodaஇல் காலியாக உள்ள 592 பணியிடங்களை நிரப்புவதற்கான அறிவிப்பு வெளியாகியுள்ளது. Specialist Officer பணிகளில் சேர விரும்புவோர் விண்ணப்பிக்கலாம். கல்வி தகுதி: Any Degree, B.E, B.Tech, MBA, CA, Post Graduate. வயது வரம்பு: 22-50. சம்பளம்: ₹40,000. தேர்வு முறை: நேர்காணல் & சான்றிதழ் சரிபார்ப்பு. விண்ணப்பிக்க கடைசி தேதி: நவ.19. கூடுதல் விவரங்களுக்கு <
Featured News
Sorry, no posts matched your criteria.