India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News November 5, 2024
தனித்துப் போட்டி: 21 வேட்பாளர்கள் அறிவிப்பு
ஜார்க்கண்ட் சட்டப்பேரவை தேர்தலில் ஜேஎம்எம்-காங்கிரஸ் கூட்டணியில் தொகுதி ஒதுக்கப்படாததால் 21 இடங்களில் சமாஜ்வாதி கட்சி வேட்பாளர்களை அறிவித்துள்ளது. தங்களுக்கு சில தொகுதிகளை ஒதுக்க ஹேமந்த் சோரனிடம் அகிலேஷ் யாதவ் வலியுறுத்தியதாக செய்திகள் வெளியான நிலையில், தற்போது அக்கட்சி வேட்பாளர்களை அறிவித்துள்ளது. 81 தொகுதிகளை கொண்ட அம்மாநிலத்தில் வருகிற 13 மற்றும் 20இல் 2 கட்டங்களாக வாக்குப்பதிவு நடக்கிறது.
News November 5, 2024
ரிட் மனு என்றால் என்ன?
ஒருவர் நீதிமன்றத்திடமிருந்து எழுத்து பூர்வமாக உத்தரவுப் பெறுவதையே ரிட்டன் ஆர்டர் என்கிறோம். இதன் சுருக்கமே ‘ரிட்’ (WRIT PETITIONS) என்றழைக்கப்படுகிறது. இந்திய அரசியலமைப்பு சாசனம் ஷரத்து 226இன்படி உயர் நீதிமன்றத்திலும், 32இன்படி உச்ச நீதிமன்றத்திலும் ரிட் மனு தாக்கல் செய்து நிவாரணம் பெறலாம். ரிட் மனுக்களை Habeas corpus, Prohibition, Mandamus, Certiorari, Quo-Warranto என 5 வகையாகப் பிரிக்கலாம்.
News November 5, 2024
கலப்புத் திருமணம் செய்வோருக்கு வேலை தாங்க
கலப்புத் திருமணம் செய்துகொண்டோருக்கு வேலை வாய்ப்பில் முன்னுரிமை தர வேண்டும் என முதல்வரிடம் VCK MP ரவிக்குமார் வலியுறுத்தியுள்ளார். 2006 – 2011 திமுக ஆட்சிக் காலத்தில் கலப்புத் திருமணம் செய்துகொண்டோர் 287 பேர் பணி நியமனம் பெற்றுள்ளனர். ஆனால், அதன்பின் யாரும் பணி நியமனம் செய்யப்படவில்லை என தெரியவந்துள்ளது. எனவே, இத்திட்டத்தை உடனே செயல்படுத்த வேண்டும் என அவர் கோரிக்கை விடுத்துள்ளார்.
News November 5, 2024
பாடாய் படுத்தும் நெஞ்சு சளி.. இதை குடிங்க போதும்
பாத்திரத்தில் ஒரு டம்ளர் தண்ணீரை ஊற்றி, அதில் 2 வெற்றிலையை காம்பு நீக்கி பிய்த்து போடுங்கள். பின்னர் 3 கற்பூரவல்லி இலை, சிறிது இஞ்சியை நசுக்கி போடுங்கள். பிறகு, 15 துளசி இலைகளையும், தலா ஒரு ஸ்பூன் மிளகு, சீரகம், அரை ஸ்பூன் மஞ்சளையும் போட்டு கொதிக்க வையுங்கள். அரை டம்ளராக வற்றிய பின், அந்த கசாயத்தை எடுத்து வடிகட்டி குடித்தால், எப்பேர்பட்ட நெஞ்சு சளியும் கரைந்து விடும்.
News November 5, 2024
ராயல் என்ஃபீல்டின் புதிய எலெக்ட்ரிக் பைக்
பைக் பிரியர்களிடையே பிரபலமான ‘ராயல் என்ஃபீல்ட்’ தனது முதலாவது எலெக்ட்ரிக் பைக்கின் புகைப்படத்தை வெளியிட்டுள்ளது. ராயல் என்ஃபீல்டு Flying Flea C6 என்ற பெயரில் வெளியிடப்பட்டுள்ள இந்த பைக் 2026 ஆம் ஆண்டு விற்பனைக்கு வரவுள்ளது. பைக்கின் எஞ்சின் இருக்கும் இடத்தில் பேட்டரி வைக்கப்பட்டிருக்கும். இந்த பைக்கில் மணிக்கு 100km வேகத்தில் பயணிக்க முடியும். பைக் எப்படி உள்ளது என கமெண்ட் பண்ணுங்க.
News November 5, 2024
ஆங்கிலம் அறிவோம்: Staring Vs Leering
Staring என்பதற்கும், Leering என்பதற்கும் உள்ள வேறுபாடு என்ன? அடிப்படையில் இந்த இருசொற்களும் உற்றுப் பார்ப்பது என்ற ஒற்றை செயலையே குறிக்கின்றன. ஆனால், எந்த நோக்கத்தில், எப்படி பார்க்கிறோம் என்பதில் இரண்டும் வேறுபடுகிறது. Staring என்பது நாகரிகமான முறையில் பார்ப்பதை குறிக்கும். Leering என்றால் அநாகரிகமான முறையில் வெறித்துப் பார்த்தலை குறிக்கும். இப்போது சொல்லுங்கள் நீங்கள் எப்படி பார்க்கிறீர்கள்?
News November 5, 2024
நடிகை கஸ்தூரி மீது பாய்ந்தது வழக்கு
தெலுங்கர்கள் அந்தப்புரத்து சேவகர்கள் என்ற நடிகை கஸ்தூரியின் சர்ச்சைப் பேச்சு தமிழ்நாடு முழுவதும் பெரும் அதிர்வலையை ஏற்படுத்தியுள்ளது. இந்நிலையில், அகில இந்திய தெலுங்கு சம்மேளனம் அளித்த புகார் அடிப்படையில், அவர் மீது கலவரத்தை தூண்டும் நோக்கில் பேசுவது உள்ளிட்ட 4 பிரிவுகளின் கீழ் எழும்பூர் போலீசார் வழக்குப்பதிவு செய்துள்ளனர். இதனால், கஸ்தூரி விரைவில் கைது செய்யப்படலாம் என கூறப்படுகிறது.
News November 5, 2024
கஸ்தூரி பேச்சு ஆதிக்க உணர்வின் வெளிப்பாடு: திமுக
நடிகை கஸ்தூரியின் பேச்சு ஆரிய ஆதிக்க உணர்வின் வெளிப்பாடே என ஆ.ராசா சாடியுள்ளார். பிராமணர் சமூகம் உயர்வானது என நிலைநிறுத்த, ஒடுக்கப்பட்ட சமூகத்தினரைக் ‘குற்றப்பரம்பரை’ என அவர் வர்ணம் அடித்துள்ளதாகவும் குறை கூறியுள்ளார். பிற சமூகத்தை விமர்சிக்கும் அதிகாரத்தை கஸ்தூரிக்கு யார் வழங்கியது என்றும் கேள்வி எழுப்பியுள்ளார். சாதி தொடர்பான கஸ்தூரியின் பேச்சுக்கு தலைவர்கள் கண்டனம் தெரிவித்து வருகிறார்கள்.
News November 5, 2024
பூக்களின் விலை உயர்வு
ஆண்டிப்பட்டி மலர் சந்தையில் ஒரு கிலோ மல்லிகைப்பூ ₹700க்கு விற்ற நிலையில் தற்போது ₹1000 ஆக விலை உயர்ந்துள்ளது. அதேபோல், முல்லைப்பூ, பிச்சிப்பூ கிலோ ₹500க்கு மேல் ஏலம் போனதால் வியாபாரிகள் மகிழ்ச்சி அடைந்துள்ளனர். தொடர் மழையால் வரத்து குறைந்ததன் காரணமாக, திண்டுக்கல், மதுரை உள்ளிட்ட மலர் சந்தைகளிலும் பூக்கள் விலை உயர்ந்துள்ளது.
News November 5, 2024
DMK-CONG கூட்டணி உடையாது: செல்வப்பெருந்தகை
திமுக-காங்கிரஸ் கூட்டணியை உடைக்க விரும்புவோரின் எண்ணம் ஈடேறாது என தமிழக காங்கிரஸ் தலைவர் செல்வப்பெருந்தகை கூறியுள்ளார். கூட்டணியை உடைத்து அரசியல் ஆதாயம் அடையலாம் என சிலர் நினைப்பதாகவும், அவர்களின் அரசியல் கணக்கு ஒருபோதும் வெற்றிபெறாது எனவும் அவர் குறிப்பிட்டுள்ளார். தங்கள் கூட்டணியை வலிமைப்படுத்துவதை விட்டுவிட்டு, சிலர் பிற கூட்டணியை பலவீனப்படுத்த முயல்வதாகவும் குற்றஞ்சாட்டியுள்ளார்.
Featured News
Sorry, no posts matched your criteria.