India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News November 7, 2024
தோல்வியை மனமார ஏற்கிறேன்: கமலா ஹாரிஸ்
அமெரிக்க அதிபர் தேர்தல் தோல்வியை மனமார ஏற்கிறேன் என டிரம்பை எதிர்த்து போட்டியிட்ட ஜனநாயகக் கட்சி வேட்பாளர் கமலா ஹாரிஸ் தெரிவித்துள்ளார். டொனால்டு டிரம்பை தொலைபேசி மூலம் தொடர்புகொண்டு வாழ்த்து தெரிவித்த அவர், அமெரிக்க மக்கள் அனைவரின் நலனுக்காக பாரபட்சமின்றி செயல்பட வேண்டும் எனவும் அமைதியான முறையில் அதிகாரப் பகிர்வை மேற்கொள்ள வேண்டும் என்றும் கேட்டுக்கொண்டார்.
News November 7, 2024
“சிங்கம்” ஹீரோயினுக்கு இன்று பர்த் டே
மாதவனின் “ரெண்டு” படம் மூலம் தமிழ் திரையுலகில் அறிமுகமானவர் அனுஷ்கா. அருந்ததி, சிங்கம், லிங்கா, வேட்டைக்காரன், என்னை அறிந்தால், இரண்டாம் உலகம், தெய்வ திருமகள் உள்ளிட்ட வெற்றி படங்களில் நடித்தார். குறிப்பாக, பாகுபலி, பாகுபலி 2 படங்களில் அனுஷ்கா வெளிப்படுத்திய நடிப்பு, அவரின் புகழை உச்சத்துக்கு கொண்டு சென்றது. இன்று அவருக்கு பிறந்தநாள் ஆகும். அவருக்கு உங்கள் வாழ்த்துகளை கீழே பதிவிடுங்கள்.
News November 7, 2024
இதை செய்யாதீர்கள்.. ஆதார் பயனாளர்களுக்கு எச்சரிக்கை
ஆதார் மூலம் மோசடி நடைபெறுவதை தடுக்க UIDAI பல்வேறு எச்சரிக்கையை விடுத்துள்ளது. அதன்படி, ஆதார் கடிதம், ஆதார் பிவிசி அட்டை ஆகியவற்றை போதிய கவனமில்லாமல் தவற விடக்கூடாது. முகநூல், எக்ஸ் உள்ளிட்ட சமூகவலைதளங்களில் ஆதார் விவரங்களை பகிரக் கூடாது. ஆதார் ஓடிபியை யாரிடமும் பகிரக் கூடாது. ஆதார் M-Pin கோடை யாரிடமும் அளிக்கக் கூடாதென்று கேட்டுக் கொண்டுள்ளது. இந்தத் தகவலை மற்றவர்களுக்கும் பகிருங்க.
News November 7, 2024
முற்போக்கு முகம் கமல்ஹாசன்: உதயநிதி
மநீம தலைவர் கமலுக்கு Deputy CM உதயநிதி பிறந்தநாள் வாழ்த்து தெரிவித்துள்ளார். இது குறித்து தனது X பக்கத்தில் பதிவிட்டுள்ள அவர், “கலைஞரால் கலைஞானி என போற்றப்பட்ட திரையுலகின் பேராளுமை. திமுகவுடன் கரம் கோத்து ஓரணியாய் மக்களுக்கான அரசியலை முன்னெடுக்கும் முற்போக்கு முகம். மதவாத, பிளவுவாத அரசியலை சரியான தளத்தில் நின்று எதிர்த்து வரும் கமல் சாரின் பணிகள் மென்மேலும் சிறக்கட்டும்” எனக் குறிப்பிட்டுள்ளார்.
News November 7, 2024
சைனஸை விரட்டி அடிக்கும் கருஞ்சீரகம் தேநீர்
மழை & பனிக்காலத்தில் காய்ச்சல், இருமல், மூக்கடைப்பு, சைனஸ், தலைவலி, மூச்சிரைப்பு, உடல்சோர்வு போன்ற பிரச்னைகளால் பாதிக்கப்படுவோர் கருஞ்சீரகம் டீயைப் பருகலாம் என சித்த மருத்துவர்கள் பரிந்துரைக்கின்றனர். கருஞ்சீரகம், சுக்கு, திப்பிலி, மிளகு, கிராம்பு, ஏலக்காய் சேர்த்து நீரில் கொதிக்க வைத்து வடிகட்டி, தேன் சேர்த்தால் மணமிக்க சுவையான கருஞ்சீரகம் தேநீர் ரெடி. இந்த டீயை எப்போது வேண்டுமானாலும் பருகலாம்.
News November 7, 2024
தமிழகத்தில் விரைவில் உள்ளாட்சி தேர்தல்?
27 மாவட்டங்களின் உள்ளாட்சி அமைப்புகளின் பதவிக்காலம் அடுத்த மாதம் நிறைவுபெறுகிறது. இதனால், தமிழக சட்டப்பேரவைத் தேர்தலுக்கு முன்பாகவே உள்ளாட்சி தேர்தல் நடத்தப்படுமா? என்ற எதிர்பார்ப்பு எழுந்துள்ளது. நகர்ப்புற உள்ளாட்சி அமைப்புகளுக்கான பதவிக் காலம் முடிந்ததும் தேர்தல் நடத்த வேண்டும், எக்காரணம் கொண்டும் உள்ளாட்சித் தேர்தலை தள்ளிப்போடக்கூடாது என திருமாவளவன் உள்ளிட்ட தலைவர்கள் குரல் எழுப்பியுள்ளனர்.
News November 7, 2024
‘தக் லைஃப்’ புதிய போஸ்டருடன் கமலுக்கு வாழ்த்து
நடிகர் கமல்ஹாசனின் பிறந்தநாளை முன்னிட்டு ராஜ்கமல் நிறுவனம் ‘தக் லைஃப்’ படத்தின் புதிய போஸ்டரை வெளியிட்டு கமலுக்கு வாழ்த்து தெரிவித்துள்ளது. எங்களின் அச்சமற்ற தலைவர் சினிமா மீதான ஈடு இணையற்ற புத்திசாலித்தனத்தாலும், தொலைநோக்குப் பார்வையாலும் எப்போதும் முன்னணியில் இருப்பவர் எனக் குறிப்பிட்டுள்ளது. மணிரத்னம் இயக்கத்தில் கமல் நடித்துவரும் ‘தக் லைஃப்’ படத்தின் டீசர் இன்று காலை 11 மணிக்கு வெளியாகிறது.
News November 7, 2024
மோடிக்கு கார்கே சவால்
பெங்களூரு வந்து தன்னுடன் விவாதம் நடத்தத் தயாரா என்று PM மோடிக்கு காங்கிரஸ் தலைவர் மல்லிகார்ஜூன கார்கே சவால் விடுத்துள்ளார். மும்பையில் நடைபெற்ற பொதுக் கூட்டத்தில் பேசிய அவர், கடந்த 11 ஆண்டுகளில் அளித்த வாக்குறுதிகளில் எத்தனை வாக்குறுதிகளை மோடி நிறைவேற்றியுள்ளார். எத்தனை வாக்குறுதிகளை ஐக்கிய முற்போக்குக் கூட்டணி அரசு நிறைவேற்றியுள்ளது
என விவாதிப்பாரா என்று கேள்வியெழுப்பினார்.
News November 7, 2024
தண்டவாளத்தில் கல்: சென்னை அருகே ரயில் கவிழ்ப்பு முயற்சி?
சென்னை அருகே தண்டவாளத்தில் கிடந்த கல்லால், மீண்டும் ரயிலை கவிழ்க்க சதி நடந்ததா என போலீசார் விசாரித்து வருகின்றனர். திருவள்ளூர் அருகே அண்மையில் ரயில் தடம்புரண்ட விபத்தில் சதி இருக்கலாம் என்ற கோணத்தில் விசாரணை நடக்கிறது. இந்நிலையில் நேற்று முன்தினம் இரவு அம்பத்தூர் அருகே தண்டவாளத்தில் கல் கிடந்ததை மங்களூர் விரைவு ரயில் ஓட்டுநர் பார்த்து தகவல் அளித்தார். அதன்பேரில் விசாரணை நடக்கிறது.
News November 7, 2024
மீனாட்சியின் லேட்டஸ்ட் போட்டோஷூட்
விஜய் ஆண்டனியின் ‘கொலை’ படத்தின் மூலம் தமிழ் சினிமாவில் மீனாட்சி சௌத்ரி அறிமுகமானார். இதையடுத்து ‘தி கோட்’ படத்தில் விஜய்க்கு ஜோடியாக நடிக்கும் வாய்ப்பை பெற்றார். தற்போது வெற்றிகரமாக ஓடிக்கொண்டிருக்கும் ‘லக்கி பாஸ்கர்’ படத்தில் துல்கர் சல்மானுக்கு ஜோடியாக நடித்துள்ளார். இன்ஸ்டாவில் படு ஆக்டிவ்வாக இருக்கும் மீனாட்சி, தற்போது பகிர்ந்துள்ள போட்டோக்கள் லைக்ஸ்களை குவித்து வருகின்றன.
Featured News
Sorry, no posts matched your criteria.