India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News October 29, 2025
விசிகவுக்கு அதிக சீட் கொடுக்க திமுகவுக்கு பயம்: திருமா
வரும் சட்டமன்ற தேர்தலில் விசிக கேட்கும் சீட்களை திமுக வழங்குமா என திருமாவிடம் கேள்வி கேட்கப்பட்டது. அதற்கு பதிலளித்த அவர், விசிகவுக்கு அதிக சீட்களை கொடுத்தால், கூட்டணிக்குள் பிரச்னை வருமோ என திமுக, அதிமுக என இரண்டு கட்சிகளும் அச்சப்படுவதாக கூறியுள்ளார். ஆனால், இதற்காக விசிக அமைதியாக இருக்காது எனவும், தனக்கு நியாயமாக கிடைக்க வேண்டிய சீட்களை கேட்டுப்பெறும் எனவும் உறுதியாக கூறியுள்ளார்.
News October 29, 2025
Spam Call-களுக்கு செக் வைக்க TRAI முடிவு
Spam Call-களை கட்டுப்படுத்த TRAI முக்கிய முடிவை எடுத்துள்ளது. இனி உங்களுக்கு போன் செய்பவர்களின் உண்மையான பெயர்கள், மொபைல் டிஸ்பிளேயில் தெரியவரும். இதற்கான முன்மொழிவிற்கு TRAI ஒப்புதல் அளித்துள்ளது. ஒருவர் சிம் கார்டு வாங்கும் போது கொடுத்த ஆவணங்களில் இருந்து இந்த ‘Calling Name Presentation’ செயல்படுத்தப்பட உள்ளது. இது நடைமுறைக்கு வரும் பட்சத்தில், Truecaller போன்ற 3-ம் நிலை செயலிகள் தேவைப்படாது.
News October 29, 2025
ரஷ்மிகாவுக்கு இருக்கும் உச்சபட்ச ஆசை இதுதான்
மற்ற துறைகளை போல சினிமாவிலும் 8 மணி நேரம் மட்டுமே வேலை பார்க்க வேண்டும் என ஆசைப்படுவதாக ரஷ்மிகா தெரிவித்துள்ளார். சினிமாவில் உள்ள அனைவருக்கும் குடும்பமும் தனிப்பட்ட வாழ்க்கையும் இருக்கிறது என கூறிய அவர், குடும்பத்துடன் நேரத்தை செலவிட விரும்புவதாக கூறியுள்ளார். மேலும், அதிகமாக வேலை செய்து ஆரோக்கியத்தை கவனிக்காமல் விட்டு விட்டேனே என பிற்காலத்தில் கவலைப்பட விரும்பவில்லை எனவும் பேசியுள்ளார்.
News October 29, 2025
மழை வெளுக்கப் போகுது.. 14 மாவட்டங்களில் உஷார்!
தமிழகத்தின் சில மாவட்டங்களில் பரவலாக மழை பெய்து வருகிறது. இந்நிலையில், இன்றிரவு 10 மணி வரை கோவை, புதுக்கோட்டை, தஞ்சாவூர், குமரி, தென்காசி, தேனி, நெல்லை, செங்கல்பட்டு, சென்னை, காஞ்சிபுரம், சிவகங்கை, திருவள்ளூர், திருவாரூர், திருச்சி ஆகிய மாவட்டங்களின் ஒரு சில இடங்களில் மழை பெய்யக்கூடும் என IMD கணித்துள்ளது. அதனால், இரவில் வீட்டை விட்டு வெளியே செல்வதை தவிருங்கள் நண்பர்களே!
News October 29, 2025
வியக்க வைக்கும் உண்மைகள்
விண்வெளி என்பது நம்மால் முழுமையாகப் புரிந்து கொள்ள முடியாத பல்வேறு அதிசயங்கள் நிறைந்தவை. கோடிக் கணக்கான நட்சத்திரங்களுடன் மின்னும் விண்வெளி தொடர்பாக பல வியக்கும் உண்மைகள் உள்ளன. அவை என்னென்ன என்று மேலே, போட்டோக்களாக கொடுத்திருக்கிறோம். அவற்றை ஒவ்வொன்றாக ஸ்வைப் செய்து பாருங்க. இதில், உங்களை வியக்க வைத்த உண்மை எது? கமெண்ட்ல சொல்லுங்க.
News October 29, 2025
வாரிசுகளுக்காக அதிகாரத்தை கைப்பற்ற முயற்சி: அமித்ஷா
மிதிலை நகரில் விரைவில் சீதா தேவிக்கு கோயில் கட்டப்படும் என அமித்ஷா தெரிவித்துள்ளார். பிஹாரில் பிரசாரத்தில் ஈடுபட்ட அவர், லாலு பிரசாத் தனது மகனை பிஹார் CM ஆக்கவும், சோனியா காந்தி தனது மகனை PM ஆக்கவும் முயற்சிக்கின்றனர்; ஆனால் அந்த பதவிகள் காலியாக இல்லை என்றும் கூறியுள்ளார். மேலும், பாஜக ஆட்சியில் நடந்த J&K சட்டப்பிரிவு 370 நீக்கம், ராமர் கோயில், ஆபரேஷன் சிந்தூர் பற்றியும் குறிப்பிட்டார்.
News October 29, 2025
பிரபல நடிகர் மரணம்.. மனைவி உருக்கம்
2021-ம் ஆண்டு இதே நாளில் கன்னட திரையுலகமே சோகத்தில் உறைந்தது. கன்னட சூப்பர் ஸ்டாராக இருந்த புனித் ராஜ்குமாரின் இழப்பே அதற்கு காரணம். 46 வயதிலேயே அவரது உயிரை மாரடைப்பு பறித்தது பெரும் சோகம். சோஷியல் மீடியாவில் திரைபிரபலங்களும், ரசிகர்களும் புனித்தின் நினைவலைகளை இன்று பகிர்ந்து வருகின்றனர். அவரது மனைவி அஷ்வனியும், ‘அப்புவை 4-வது ஆண்டாக அன்புடன் நினைவுகூர்கிறேன்’ என உருக்கமாக பதிவிட்டுள்ளார்.
News October 29, 2025
UNESCO பட்டியலில் 7 இந்திய தளங்கள்
UNESCO-வின் தற்காலிக பட்டியலில், இந்தியாவில் இருந்து 7 புதிய தளங்கள் சேர்க்கப்பட்டுள்ளன. இதன்மூலம், தற்காலிக பட்டியலில் இந்தியாவில் இருந்து மொத்தம் 69 தளங்கள் பரிசீலனையில் உள்ளன. இந்த 7 தளங்கள், அடுத்த 5-10 ஆண்டுகளில், உலக பாரம்பரிய தளமாக அறிவிக்கப்படலாம். அவை எந்தெந்த தளங்கள் என்று, மேலே போட்டோக்களாக கொடுத்திருக்கிறோம். அவற்றை ஒவ்வொன்றாக ஸ்வைப் செய்து பாருங்க. இதில், உங்களுக்கு பிடித்தது எது?
News October 29, 2025
தடுப்பூசி போடுவதால் ஆட்டிசம் ஏற்படுமா?
குழந்தைகளுக்கு போடும் தடுப்பூசிகள் ஆட்டிச பாதிப்பை ஏற்படுத்துவதாக X-ல் ஒரு ஆய்வறிக்கை வெளியானது. அதை சுட்டிக்காட்டி, இந்திய பெற்றோர்கள் உஷாராக இருக்க வேண்டும் என ஸ்ரீதர் வேம்பு பதிவிட்டிருந்தார். அதில் கமெண்ட் செய்த டாக்டர் சிரியாக், இதுபோன்ற பூமர் அங்கிள் சொல்வதை பெற்றோர்கள் கேட்க வேண்டாம், அந்த ஆய்வறிக்கை தடுப்பூசிக்கு எதிரானவர்களால் பணம் கொடுத்து பரப்பபடுவது என்றும் விமர்சித்துள்ளார்.
News October 29, 2025
IPL-க்கு மட்டும் முக்கியத்துவம் தரப்படுகிறதா?
உள்ளூர் போட்டிகளில் சிறப்பான ஆட்டத்தை வெளிப்படுத்தியும், சர்ஃபராஸ்கான் இந்திய அணியில் தேர்வு செய்யப்படவில்லை என சசிதரூர் சாடியுள்ளார். ரஞ்சி டிராபியில் ரஹானே, பிரித்வி ஷா, கருண் நாயர் சிறப்பான ஆட்டத்தை வெளிப்படுத்தி வருவதாகவும் அவர் பாராட்டியுள்ளார். மேலும், IPL மட்டுமல்லாமல், அனைத்து உள்ளூர் போட்டிகளையும் மதிப்பீடு செய்து வீரர்கள் தேர்வு செய்யப்பட வேண்டும் என்றும் வலியுறுத்தியுள்ளார்.
Featured News
Sorry, no posts matched your criteria.