India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 17, 2025
மரணத்திலும் பிரியா தம்பதி.. கணவனின் விபரீத முடிவு
டெல்லியில் புற்றுநோயால் பாதிக்கப்பட்ட ரியல் எஸ்டேட் டீலர் ஒருவர் தன் மனைவியை சுட்டுக் கொன்றுவிட்டு தானும் தற்கொலை செய்து கொண்டார். புற்றுநோயை குணப்படுத்த பணத்தை வீணடிக்க விரும்பவில்லை என கடிதத்தில் எழுதி வைத்துள்ளார். இறுதிவரை உன்னோடு இருப்பேன் என மனைவிக்கு அளித்த வாக்குறுதியை காப்பாற்ற அவரை கொன்றுவிட்டதாகவும் கூறியுள்ளார். பெற்றோரை இழந்து மகன்கள் கண்ணீருடன் தவிக்கின்றனர்.
News April 17, 2025
சாப்பிட்டதும் தூங்க செல்கிறீர்களா? இதை கவனிங்க
சாப்பிட்டதும் பலரும் தூங்கி விடுகிறார்கள். இது நமது ஹார்மோனல் சமநிலையை பாதிக்கும். உணவு ஜீரணத்தை தாமதமடைய செய்யும். மேலும் நெஞ்செரிச்சல், செரிமான பிரச்னையை உண்டாக்கும். உடல் எடை அதிகரிப்பு, பருமன் பிரச்னையை ஏற்படுத்தும். ஆதலால் சாப்பிட்ட பிறகு குறைந்தது 15 நிமிடங்களாவது நடக்க வேண்டுமென உடல்நல நிபுணர்கள் பரிந்துரைக்கின்றனர். இந்தத் தகவலை மற்றவர்களுக்கும் பகிருங்கள்.
News April 17, 2025
2 நாள்கள் இடி, மின்னலுடன் மழைக்கு வாய்ப்பு
தமிழகத்தில் இன்றும், நாளையும் ஓரிரு இடங்களில் இடி, மின்னலுடன் மழைக்கு வாய்ப்பிருப்பதாக IMD தெரிவித்துள்ளது. இன்று இடி, மின்னல் மற்றும் பலத்த காற்றுடன் கூடிய (மணிக்கு 30 முதல் 40 கிலோ மீட்டர் வேகத்தில்) மிதமான மழை பெய்யக்கூடும் எனக் கூறியுள்ளது. நாளை தமிழகத்தில் ஓரிரு இடங்களிலும், புதுச்சேரி, காரைக்காலிலும், இடி, மின்னலுடன் மிதமான மழை பெய்யக்கூடும் எனவும் IMD தெரிவித்துள்ளது.
News April 17, 2025
சிவராஜ்குமார் பெண்ணாக பிறந்திருந்தால்?
சிறுவயதில் கமல்ஹாசனை கட்டிப்பிடித்துவிட்டு 3 நாள்கள் குளிக்காமல் இருந்ததாக நடிகர் சிவராஜ்குமார் தெரிவித்துள்ளார். கமலின் ஆரா மற்றும் ஸ்மெல் தன் மீது இருக்க வேண்டும் என நினைத்து அப்படி செய்ததாகவும், அந்த அளவிற்கு அவருடைய ரசிகன் எனவும் அவர் கூறியுள்ளார். மேலும், ஒருவேளை தான் பெண்ணாக பிறந்திருந்தால் அவரைத் தான் நிச்சயமாக திருமணம் செய்திருப்பேன் எனவும் தெரிவித்துள்ளார்.
News April 17, 2025
‘புலே’ படத்தை எதிர்ப்பவர்களை கடுமையாக சாடிய அனுராக்
‘புலே’ பட ரிலீஸை எதிர்க்கும் பிராமண சங்கங்களை அனுராக் காஷ்யப் கடுமையாக சாடியுள்ளார். இந்த நாட்டில் சாதி இல்லையென்றால், ஜோதிராவ் புலே, சாவித்ரிபாய் புலே போன்றோர் ஏன் போராட போகிறார்கள் எனவும், பிராமணர்கள் உண்மையிலேயே வெட்கப்படுகிறார்களா என்றும் அவர் கேள்வி எழுப்பியுள்ளார். மேலும், சென்சார் போர்டுக்கு அனுப்பப்பட்ட படம் குறித்து சாதி சங்கத்திற்கு எப்படி தெரியவந்தது எனவும் வினவியுள்ளார்.
News April 17, 2025
பிரபல பெண் எழுத்தாளர் காலமானார்
ஜார்கண்ட் மாநிலத்தைச் சேர்ந்த பிரபல பெண் எழுத்தாளரும், பழங்குடியின ஆர்வலருமான ரோஸ் கெர்கட்டா காலமானார். கொரோனா காலகட்டத்தில் தொற்றால் பாதிக்கப்பட்டார். இதையடுத்து படுத்த படுக்கையாக இருந்தார். மேலும் அவர் பல்வேறு உடல்நல பாதிப்புகளால் அவதிப்பட்டு வந்தார். இந்நிலையில் அவர் இன்று உயிரிழந்தார். அவருக்கு ஒரு மகனும், மகளும் உள்ளனர். இதுகுறித்து கேள்விப்பட்டு பலரும் இரங்கல் தெரிவித்து வருகின்றனர்.
News April 17, 2025
நிர்வாகிகளுக்கு அதிமுக போட்ட கடிவாளம்
ஊடகங்களுக்கு பேட்டி கொடுப்பதில் நிர்வாகிகளுக்கு அதிமுக கடிவாளம் போட்டுள்ளது. கழகத்தின் முக்கிய முடிவுகள், நிலைப்பாடுகள் குறித்தான தகவல்களை, கட்சியின் தலைமை உரிய நேரத்தில் அவ்வப்போது தெரிவிக்கும் என அறிக்கையில் கூறப்பட்டுள்ளது. ஆகவே கழகத்தின் நிலைப்பாடுகள் மற்றும் செயல்பாடுகள் குறித்த எவ்வித கருத்துகளையும் அனுமதியின்றி ஊடகங்களுக்கு பேட்டி கொடுக்க வேண்டாம் என அறிவுறுத்தப்பட்டுள்ளது.
News April 17, 2025
BREAKING: மும்பை இந்தியன்ஸ் அணிக்கு 163 ரன்கள் இலக்கு
மும்பை இந்தியன்ஸ் அணிக்கு சன் ரைசர்ஸ் ஹைதராபாத் அணி 163 ரன்களை வெற்றி இலக்காக நிர்ணயித்துள்ளது. டாஸ் வென்ற மும்பை இந்தியன்ஸ் அணி பந்துவீச்சை தேர்வு செய்தது. இதையடுத்து, சன்ரைசர்ஸ் ஹைதராபாத் அணி முதலில் பேட் செய்தது. 20 ஓவர்களில் 5 விக்கெட் இழப்புக்கு 162 ரன்களை குவித்தது. அதிகபட்சமாக அபிசேக் சர்மா 40 ரன்கள், கிளாசன் 37 ரன்கள், டிராவிஸ் ஹெட் 28 ரன்களை விளாசினர்.
News April 17, 2025
PM இன்டர்ன்ஷிப் திட்டம்: இன்னும் 5 நாள்கள் அவகாசம்
PM இன்டர்ன்ஷிப் திட்டத்திற்கு விண்ணப்பிக்க இன்னும் 5 நாள்கள் மத்திய அரசு அவகாசம் அளித்துள்ளது. PM இன்டர்ன்ஷிப் திட்டத்தின்கீழ் தனியார் நிறுவனங்களுடன் இணைந்து படித்த இளைஞர்களைத் தேர்வு செய்து மாதம் ரூ.5,000, ஒருமுறை ரூ.6,000 மத்திய அரசு அளிக்கிறது. இந்தத் திட்டத்தில் சேருவதற்கான கால அவகாசம் கடந்த 15-ம் தேதியுடன் முடிவடைய இருந்தது. எனினும், அந்த அவகாசத்தை 22ம் தேதி வரை அரசு நீடித்துள்ளது.
News April 17, 2025
2026 தேர்தல்: திமுக கூட்டணி VS அதிமுக கூட்டணி (2/2)
2006 தேர்தலில் 96 தொகுதிகளில் வென்ற திமுக, கூட்டணிக் கட்சியையே நம்பியிருந்தது. 2021 தேர்தலிலும் சிம்பிள் மெஜாரிட்டியிலேயே வென்றது. தோற்கையில் (2001, 2011) திமுக படுதோல்வியை சந்தித்துள்ளது. தனிப்பட்ட வாக்கு விகிதத்தை கணக்கிட்டாலும் திமுகவை விட அதிமுக பலமாக உள்ளது. 2021 தேர்தலில் இழந்த ஆட்சியை மீண்டும் பிடிக்க அதிமுக களத்தில் குதித்துள்ளது. பதிலுக்கு திமுக என்ன செய்கிறது எனப் பார்க்கலாம்.
Featured News
Sorry, no posts matched your criteria.