India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News April 18, 2025
₹10.75 கோடிக்கு வாங்கியும் உட்கார வைக்கப்பட்ட நட்டி!
SRH-ன் முக்கிய பவுலராக இருந்த நடராஜனை, DC பயன்படுத்தாமல் வைத்திருப்பதாக குற்றச்சாட்டு எழுந்துள்ளது. ஏலத்தில் ₹10.75 கோடிக்கு வாங்கியும், நடப்பு சீசனில் இன்னும் ஒரு போட்டியில் கூட விளையாட அவருக்கு வாய்ப்பு அளிக்கப்படவில்லை. காயத்தில் இருந்து மீண்டு ஃபிட்டாக இருக்கும் போதிலும், Playing 11-ல் சேர்க்காதது ஏன் என கேள்வி எழுந்துள்ளது. கடந்த சீசனில் அவர் 19 விக்கெட்களை கைப்பற்றியது குறிப்பிடத்தக்கது.
News April 18, 2025
பல பெண்களுடன் மஸ்க் ரகசிய டீலிங்?
ஏற்கனவே 14 குழந்தைகளுக்கு தந்தையான எலான் மஸ்க், பல பெண்களை X மூலம் தொடர்பு கொண்டு ரகசியமாக குழந்தைகளை பெற முயற்சிப்பதாக Wall Street Journal ரிப்போர்ட் வெளியிட்டுள்ளது. வாடகைத் தாய் முறையில் குழந்தை பெற, பல பெண்களுடன் ரகசிய ஒப்பந்தம் மேற்கொண்டுள்ளதாகவும், உலகளவில் குழந்தை பிறப்பு விகிதம் குறைந்துள்ளதால் அவர் இப்படி செய்வதாகவும் அதில் கூறப்பட்டுள்ளது. ஆனால், இதை வதந்தி என மஸ்க் மறுத்துள்ளார்.
News April 18, 2025
பள்ளிகளில் பொங்கல்-சாம்பார்: அமைச்சர் கீதா ஜீவன்
பள்ளிகளில் தற்போது மாநில அரசால் காலை உணவுத் திட்டம் செயல்படுத்தப்படுகிறது. இந்தத் திட்டம் குறித்து சட்டப்பேரவையில் பேசிய அமைச்சர் கீதா ஜீவன், காலை உணவு திட்டம் செயல்படுத்தப்பட்ட பிறகு, மாணவர்களின் வருகை அதிகரித்திருப்பதாகக் கூறினார். தற்போது காலை உணவுத் திட்டத்தில் அரிசி உப்புமா வழங்கப்படுவதாகவும், அதற்குப் பதில் இனி பொங்கல்-சாம்பார் வழங்கப்பட இருப்பதாகவும் அவர் தெரிவித்தார்.
News April 18, 2025
MI அபார வெற்றி
SRH-க்கு எதிரான ஆட்டத்தில் MI அபார வெற்றி பெற்றது. முதலில் பேட்டிங் செய்த SRH 162 ரன்கள் எடுத்தது. இந்த இலக்கை நோக்கி களமிறங்கிய MI அதிரடியாக விளையாடியது. இதனால், அந்த அணி 18.1 ஓவரில் 6 விக்கெட் இழப்பிற்கு 166 ரன்கள் எடுத்து வெற்றி பெற்றது. அந்த அணியில் ரோகித் முதல் ஹர்திக் பாண்டியா வரை அனைவரும் சிறப்பாக விளையாடினர்.
News April 18, 2025
ராசி பலன்கள் (18.04.2025)
➤மேஷம் – தாமதம் ➤ரிஷபம் – வெற்றி ➤மிதுனம் – உயர்வு ➤கடகம் – முயற்சி ➤சிம்மம் – பெருமை ➤கன்னி – பயம் ➤துலாம் – ஓய்வு ➤விருச்சிகம் – தனம் ➤தனுசு – உதவி ➤மகரம் – பாசம் ➤கும்பம் – சிரமம் ➤மீனம் – சுகம்.
News April 18, 2025
எம்புரான் OTT ரிலீஸ் அறிவிப்பு
மோகன்லால் நடித்த ‘L2: எம்புரான்’ திரைப்படம் வரும் 24ஆம் தேதி ஜியோ ஹாட்ஸ்டாரில் வெளியாகும் என அறிவிக்கப்பட்டுள்ளது. குஜராத் கலவரம், அன்றைய இந்துத்துவ பஜ்ரங் தள் அமைப்பின் குஜராத் தலைவரான பாபு பஜ்ரங்கை வில்லனாக சித்தரித்தது என பல சர்ச்சைகள் எழுந்ததால், இப்படத்தின் 17 சர்ச்சைக்குரிய காட்சிகளை நீக்கப்பட்டது. சர்ச்சைகளுக்கு மத்தியிலும் இப்படம் ₹250 கோடியை வசூல் செய்தது.
News April 18, 2025
வக்ஃப் வழக்கு.. திமுகவிற்கு கிடைத்த வெற்றி: ஸ்டாலின்
திமுக தொடர்ந்த வழக்கில், வக்ஃப் சொத்துக்களை மாற்ற இடைக்கால தடை விதித்த SC-க்கு CM ஸ்டாலின் நன்றி தெரிவித்துள்ளார். இஸ்லாமிய சமூகத்தை குறிவைத்து மத்திய அரசு இச்சட்டத்தை இயற்றியதாகவும், பிற்போக்குத்தனமான விதிகளை நீதித்துறை மறுஆய்வு செய்ததில் மகிழ்ச்சி எனவும் அவர் கூறியுள்ளார். மேலும், சிறுபான்மை சகோதரர்களின் உரிமையை பாதுகாக்க எந்த வாய்ப்பையும் நழுவ விடமாட்டோம் எனவும் தெரிவித்துள்ளார்.
News April 18, 2025
ஈ சாலா கப் RCB-க்குத்தான்: வில்லியம்சன்
இந்த சீசனில் RCB தான் கப் ஜெயிக்கும் என நியூசி.-யின் ஸ்டார் வீரர் வில்லியம்சன் கணித்துள்ளார். இந்த சீசனில் விராட் கோலி மிகச்சிறப்பாக செயல்பட்டு வருவதாகவும், இந்த முறை கோப்பையை வெல்ல அவர் கடுமையாக முயற்சித்து வருவதாகவும் வில்லியம்சன் கூறியுள்ளார். மேலும், இந்த ஆண்டு அவர்களின் கனவு நிறைவேறும் எனவும் தெரிவித்துள்ளார். நீங்கள் என்ன நினைக்கிறீங்க, கமெண்ட் பண்ணுங்க.
News April 18, 2025
₹50 கோடிக்கு நாய்.. வாயை வச்சு சும்மா இல்லாம..!
பெங்களூருவைச் சேர்ந்த சதீஷ் என்ற நபர் ₹50 கோடிக்கு நாய் வாங்கியதாக சோஷியல் மீடியாவில் பதிவிட அது ED ரெய்டு வரைக்கும் சென்றுள்ளது. ‘கடாபோம்ப் ஒகாமி’ எனும் நாய் + ஓநாய் சேர்ந்த கலப்பின நாயை வாங்கியதாக அவர் குறிப்பிட்டார். இதையடுத்து அவரது வீட்டிற்கு ரெய்டுக்குச் சென்ற ED அதிகாரிகள் சதீஷ் சொன்னது பொய் எனவும், பக்கத்து வீட்டுக்காரரின் நாயை அவர் போட்டோ எடுத்து பதிவிட்டதாகவும் தெரிவித்துள்ளனர்.
News April 17, 2025
பொங்கல் இலவச வேட்டி, சேலை.. ரூ.75 கோடி ஒதுக்கீடு
2026-ம் ஆண்டு பொங்கலுக்கு மக்களுக்கு அரசு இலவசமாக வேட்டி-சேலை வழங்கவுள்ளது. இதற்காக முன்கூட்டியே 1.46 கோடி சேலைகளும், 1.44 கோடி வேட்டிகளும் உற்பத்தி செய்ய தமிழக அரசு நிர்வாக ரீதியிலான ஆணையை பிறப்பித்துள்ளது. மேலும், இலவச வேட்டி-சேலைக்காக அரசு முதல்கட்டமாக ரூ.75 கோடி ஒதுக்கீடு செய்துள்ளது. இதையடுத்து, வரும் ஜூன் மாத தொடக்கத்தில் தயாரிப்பு தொடங்கும் என எதிர்பார்க்கப்படுகிறது.
Featured News
Sorry, no posts matched your criteria.