India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News December 2, 2024
வாக்காளர் எண்ணிக்கை: EC-க்கு SC சரமாரி கேள்வி
வாக்குச்சாவடிகளில் வாக்காளர் எண்ணிக்கை அதிகரிப்பதை எதிர்த்து தொடுக்கப்பட்ட வழக்கில் EC-க்கு உச்சநீதிமன்றம் சரமாரி கேள்வியெழுப்பி உள்ளது. வாக்குச்சாவடியில் வாக்காளர் எண்ணிக்கையை 1,200இல் இருந்து 1,500ஆக அதிகரிக்க EC முடிவு செய்துள்ளது. இதை எதிர்த்து தொடரப்பட்ட பொதுநல மனுவை விசாரித்த SC, அதற்கான காரணம் குறித்து 3 வாரத்திற்குள் பிரமாணப் பத்திரம் தாக்கல் செய்ய உத்தரவிட்டு, விசாரணையை ஒத்திவைத்தது.
News December 2, 2024
டிசம்பரிலும் அதி கனமழைக்கு வாய்ப்பு: IMD எச்சரிக்கை
ஃபெஞ்சல் புயல் காரணமாக நவம்பர் மாதத்தில் தமிழகத்தின் பல பகுதிகளில் கனமழை முதல் அதிகனமழை வரை கொட்டித் தீர்த்தது. இதனால் இயல்பு வாழ்க்கை முடங்கிய நிலையில், இந்திய வானிலை மையம் புதிய எச்சரிக்கை ஒன்றை விடுத்துள்ளது. அதில், தமிழகம், கேரளா உள்ளிட்ட தென் மாநிலங்களில் இந்த மாதத்திலும் அதி கனமழைக்கான வாய்ப்பு இருப்பதாக கூறியுள்ளது. அதாவது, 31% அதிக மழை பெய்யலாம் என கணித்துள்ளது.
News December 2, 2024
ரூ.84.73 = 1 டாலர்.. ரூபாய் மதிப்பு வரலாறு காணாத சரிவு
அமெரிக்க டாலருக்கு நிகரான இந்திய ரூபாயின் மதிப்பு இன்று காலை ரூ.84.60ஆக இருந்தது. பின்னர் மாலையில் ரூ.84.73ஆக நிறைவடைந்தது. அதாவது டாலருக்கு நிகரான மதிப்பு 13 காசுகள் சரிந்தது. இதேபோல் கடந்த வெள்ளியன்றும் 13 காசுகள் குறைந்தது. இதனால் முன்னெப்போதும் இல்லாத அளவுக்கு ரூபாய் மதிப்பு ரூ.84.73ஆக சரிந்துள்ளது. பிரிக்ஸ் நாடுகளுக்கு டிரம்பின் எச்சரிக்கை உள்ளிட்டவையே இதற்கு காரணமாக கூறப்படுகிறது.
News December 2, 2024
தீவிரவாத கருத்து: 10,500 சமூகவலைதள முகவரி முடக்கம்
10,500 சமூகவலைதள பக்க முகவரிகளை (URL) மத்திய அரசு முடக்கியுள்ளது. காலிஸ்தான் பிரிவினை குறித்து 3 ஆண்டுகளாக தகவல் பரப்பியதற்காக, தகவல் தொழில்நுட்ப சட்டம் 69ஏ பிரிவின் கீழ் இந்த நடவடிக்கையை அரசு தடை செய்துள்ளது. காலிஸ்தான் குறித்த தகவல்களை பரப்பி வந்த ஏராளமான செயலிகளையும் அரசு முடக்கியுள்ளது. பாப்புலர் ப்ரண்ட் ஆப் இந்தியா அமைப்பு குறித்த தகவல்களை பரப்பிய 2,100 முகவரிகளையும் முடக்கியுள்ளது.
News December 2, 2024
BREAKING : முதல் மாவட்டமாக விடுமுறை அறிவிப்பு
கனமழை எதிரொலியாக, முதல் மாவட்டமாக கடலூருக்கு நாளை விடுமுறை அளிக்கப்பட்டுள்ளது. தொடர் மழையால் பல்வேறு கிராமங்கள் வெள்ளத்தில் தத்தளிக்கும் நிலையில், மாணவர்களின் பாதுகாப்பு கருதி பள்ளி, கல்லூரிகளுக்கு விடுமுறை அளிக்கப்பட்டுள்ளது. மேலும், கனமழை எச்சரிக்கை விடுக்கப்பட்டுள்ள மற்ற மாவட்டங்களுக்கு அடுத்தடுத்து விடுமுறை அறிவிப்பு வெளியாகும் என எதிர்பார்க்கப்படுகிறது.
News December 2, 2024
அமைதிப்படையை அனுப்புங்க.. PMக்கு மம்தா கோரிக்கை
வங்கதேசத்திற்கு UN அமைதிப்படையை அனுப்ப, PM மோடி நடவடிக்கை எடுக்க வேண்டும் என மம்தா பானர்ஜி வலியுறுத்தியுள்ளார். வங்கதேசத்தில் இந்து கோயில்கள் சூறையாடப்பட்ட சம்பவம் மற்றும் மத துறவிகள் 2 பேர் கைது செய்யப்பட்டுள்ள சம்பவத்தை சுட்டிக்காட்டி மேற்குவங்க சட்டமன்றத்தில் பேசிய அவர், இந்த விஷயத்தில் மத்திய அரசு என்ன நிலைப்பாட்டை எடுத்தாலும், அதனை ஆதரிக்க தயாராக உள்ளதாகவும் தெரிவித்தார்.
News December 2, 2024
லக்னோ புதிய கேப்டன் யார்? சஞ்சீவ் கோயங்கா பதில்
லக்னோ அணியின் புதிய கேப்டன் யார் என்பதை சில நாள்களில் அறிவிப்போம் என அந்த அணியின் உரிமையாளர் சஞ்சீவ் கோயங்கா தெரிவித்துள்ளார். தங்கள் அணியில் ரிஷப், பூரன், மார்க்ராம், மிட்செல் மார்ஷ் ஆகிய நான்கு பேருமே கேப்டன் பொறுப்புக்கு தகுதியானவர்கள் என்று குறிப்பிட்ட அவர், அறிவு, சிந்தனை, முடிவெடுத்தல் திறமை ஆகியவற்றின் அடிப்படையில் புதிய கேப்டன் தேர்வு செய்யப்படுவார் என்றார்.
News December 2, 2024
அடுத்த 2 மணி நேரத்திற்கு மழை
தி.மலையில் மூன்றாவது முறையாக நிலச்சரிவு ஏற்பட்டுள்ள நிலையில், தற்போது கனமழை வெளுத்து வாங்கி வருகிறது. இதனால், நிலச்சரிவில் சிக்கியவர்களை மீட்கும் பணியில் தொய்வு ஏற்பட்டுள்ளது. இதனிடையே கடலூர், பெரம்பலூர், அரியலூர், சிவகங்கை, நாமக்கல், கரூர், சென்னை, செங்கல்பட்டு, காஞ்சிபுரம், திருவள்ளூர், ராணிப்பேட்டை உள்ளிட்ட 19 மாவட்டங்களில் இரவு 7 மணி வரை மழைக்கு வாய்ப்புள்ளதாக IMD கணித்துள்ளது.
News December 2, 2024
திமுக MPக்களை பேச அனுமதிக்கவில்லை: ஸ்டாலின்
மழை பாதிப்பு குறித்து நாடாளுமன்றத்தில் திமுக எம்பிக்கள் பேச அனுமதிக்கப்படவில்லை என்று ஸ்டாலின் குற்றஞ்சாட்டியுள்ளார். விழுப்புரத்தில் பேட்டியளித்த அவர், மழை பாதிப்பு குறித்து கணக்கெடுப்பு நடத்தி மத்திய அரசுக்கு அனுப்புவது தமிழக அரசின் கடமை என்று தெரிவித்தார். அதை ஏற்று, நிதி ஒதுக்கீடு செய்வது மத்திய அரசின் கடமை என்றும், ஆனால் அதை மத்திய அரசு செய்ய மறுக்கிறது எனவும் அவர் சாடினார்.
News December 2, 2024
எந்திரன் வசூல் சாதனையை முறியடிக்குமா மகாராஜா?
விஜய் சேதுபதி நடிப்பில் வெளியான ‘மகாராஜா’ திரைப்படம், இந்தியா மட்டுமின்றி சீனாவிலும் வசூலை குவித்து வருகிறது. குறிப்பாக, முதல் நாளில் ₹10 கோடி வரை வசூலித்த இந்த படம், தற்போது வரை ₹26 கோடிக்கும் அதிகமாக வசூலித்துள்ளதாக தெரிகிறது. ரஜினி நடித்த எந்திரன் 2.0 படம் சீனாவில் ₹33 கோடி வசூலித்திருந்த நிலையில், அந்த வசூல் சாதனையை மகாராஜா முறியடிக்கும் என எதிர்பார்க்கப்படுகிறது.
Featured News
Sorry, no posts matched your criteria.