India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News December 2, 2024
புயல் பாதிப்புக்கு ₹ 2000 கோடி: மோடிக்கு CM கடிதம்
ஃபெஞ்சல் புயல் பாதிப்பு தொடர்பாக பிரதமர் மோடிக்கு ஸ்டாலின் கடிதம் எழுதியுள்ளார். அதில், தமிழகத்தின் 14 மாவட்டங்களை இதுவரை இல்லாத வகையில் ஃபெஞ்சல் புயல் சூறையாடியுள்ளது. புயலால் ஒன்றரை கோடி மக்கள் பாதிக்கப்பட்டுள்ளனர். 2.11 லட்சம் ஹெக்டேர் விளைநிலங்கள் வெள்ளத்தில் மூழ்கியுள்ளன. எனவே, சேதத்தின் வீரியத்தை கருதி, ₹ 2000 கோடியை உடனடியாக மத்திய அரசு விடுவிக்க வேண்டும் என முதல்வர் வலியுறுத்தியுள்ளார்.
News December 2, 2024
வரலாற்றின் மகத்தான பவுலர் பும்ரா: டிராவிஸ் ஹெட்
வரலாற்றின் மகத்தான பவுலர்களில் ஒருவராக பும்ரா இருப்பார் என டிராவிஸ் ஹெட் தெரிவித்துள்ளார். மற்ற பவுலர்களை காட்டிலும் தனித்துவமாக இருப்பதாகவும், அவரை எதிர்கொள்வதற்கு ஒவ்வொரு பேட்ஸ்மேனும் புதிய வழியை கண்டறிய வேண்டியுள்ளதாகவும் அவர் குறிப்பிட்டுள்ளார். பும்ரா பந்து வீச்சை எதிர்கொண்டு விளையாடினேன் என ஓய்வுக்கு பிறகு, பேரக்குழந்தைகளிடம் கூறுவேன் எனவும் அவர் நெகிழ்ச்சியுடன் தெரிவித்துள்ளார்.
News December 2, 2024
EB கட்டணம்.. தமிழக அரசு GOOD NEWS
ஃபெஞ்சல் புயல், வெள்ளத்தால் பாதிக்கப்பட்ட 10 மாவட்டங்களில், EB கட்டணம் செலுத்த TN அரசு கால அவகாசம் அளித்துள்ளது. கடலூர், கள்ளக்குறிச்சி, தருமபுரி, விழுப்புரம், கிருஷ்ணகிரி, தி.மலை மற்றும் சென்னை, காஞ்சி, திருவள்ளூர், செங்கல்பட்டு மாவட்ட மக்கள், மின் கட்டணத்தை அபராதத் தொகை இல்லாமல் டிச.10ஆம் தேதிவரை செலுத்தலாம் என அறிவித்துள்ளது. மழையால் பாதிக்கப்பட்ட மக்களுக்கு இது மகிழ்ச்சியாக அமைந்துள்ளது.
News December 2, 2024
‘சார்’ படத்தின் ஓ.டி.டி ரிலீஸ் தேதி அறிவிப்பு
விமல் நடித்துள்ள ‘சார்’ படத்தின் ஓ.டி.டி ரிலீஸ் தேதி அறிவிக்கப்பட்டுள்ளது. போஸ் வெங்கட் இயக்கத்தில் கடந்த அக்டோபர் மாதம் வெளியான இந்தப்படம் ரசிகர்களிடம் நல்ல வரவேற்பை பெற்றது. கல்வியின் முக்கியத்துவத்தையும், கல்வி அனைவருக்கும் சமமான ஒன்று என்றும் ஆழமாக இப்படம் கூறியிருந்தது. அரசியல் தலைவர்கள், திரை பிரபலங்களிடம் வரவேற்பை பெற்ற இந்த படம் வரும் 6ஆம் தேதி அமேசான் பிரைம் ஓ.டி.டி தளத்தில் வெளியாகிறது.
News December 2, 2024
FACT CHECK: இன்று ‘லக்கி பாஸ்கர்’ பார்த்தாரா உதயநிதி?
ஃபெஞ்சல் புயல் காரணமாக விழுப்புரம், கடலூர், திருவண்ணாமலை உள்ளிட்ட மாவட்டங்கள் வெள்ளத்தில் தத்தளிக்கின்றன. இந்த சூழலில், ‘லக்கி பாஸ்கர்’ படத்தை பார்த்ததாகவும், படம் அருமையாக இருப்பதாகவும் உதயநிதி பாராட்டியுள்ளதாக ஒரு பிரபல தொலைக்காட்சியின் கார்டு பரவியது. இது கடும் விமர்சனத்தை ஏற்படுத்தியது. இந்நிலையில், இதுபற்றி நடத்தப்பட்ட ஆய்வில், அது போலியான விளம்பர கார்டு என்பது உறுதி செய்யப்பட்டது.
News December 2, 2024
ஜெட் வேகத்தில் உயரும் காய்கறிகள் விலை!
கனமழை, வரத்துக் குறைவு மற்றும் ஐயப்ப பக்தர்களின் விரத காலம் காரணமாக தமிழகம் முழுவதும் காய்கறிகள் விலை அதிரடியாக உயர்ந்துள்ளது. சென்னை கோயம்பேடு சந்தையில் காய்கறி விலை நிலவரம் (கிலோவில்): பெரிய வெங்காயம் – ₹ 90, பீன்ஸ் – ₹ 110, கத்தரிக்காய் – ₹ 100, முருங்கைக்காய் – ₹ 160, கேரட் – ₹ 100, பச்சை மிளகாய் – ₹ 75, தக்காளி – ₹ 70, பூண்டு – ₹ 450, உருளைக் கிழங்கு – ₹ 80-க்கு விற்பனையாகி வருகிறது.
News December 2, 2024
பாத்ரூமை கிளீன் பண்ணுங்க.. PJ முன்னாள் CMக்கு தண்டனை
பஞ்சாப் முன்னாள் CM சுக்பீர் பாதலுக்கு பாத்ரூமை சுத்தம் செய்யும் தண்டனையை சீக்கிய மத உயரிய அமைப்பு விதித்துள்ளது. 2015இல் அகாலிதள ஆட்சிக்காலத்தில் சீக்கிய புனித புத்தகம் அவமதிக்கப்பட்ட வழக்கை அகால் தத் விசாரித்தது. அப்போது பாதல் மன்னிப்பு கேட்டதையடுத்து அவர், முன்னாள் அமைச்சரவை சகாக்களை நாளை மதியம் 12- 1 மணிவரை சுத்தம் செய்ய உத்தரவிட்டது. பிரகாஷ் சிங் பாதலுக்கான உயரிய பட்டத்தையும் பறித்தது.
News December 2, 2024
சென்னைக்கு செல்ல ஒரே ரூட்டு இதுதான்!
ஃபெங்கல் புயல் காரணமாக வட மாவட்டங்கள் வெள்ளத்தில் தத்தளித்து வருகின்றன. சென்னை – திருச்சி ஜிஎஸ்டி நெடுஞ்சாலையில் வெள்ளம் கரைபுரண்டு ஓடுகிறது. இதனால் சில சாலைகள் துண்டிக்கப்பட்டுள்ளதால் தென் மாவட்டங்களில் இருந்து சென்னைக்கு வர முடியாமல் மக்கள் தவித்து வருகின்றனர். அவர்கள் திருவண்ணாமலை வழியாக திண்டிவனம் புறவழிச்சாலையில் சென்று தேசிய நெடுஞ்சாலையை வந்தடையலாம்.
News December 2, 2024
அதிகார போதையில் ஸ்டாலின்: எகிறி அடித்த இபிஎஸ்
இபிஎஸ் குற்றச்சாட்டுகளை தான் மதிப்பதில்லை என முதல்வர் ஸ்டாலின் கூறியிருந்தார். இதற்கு பதிலடி தந்துள்ள இபிஎஸ், முதல்வர் ஸ்டாலின் அதிகார போதையில் பேசுவதாகவும், ஆட்சி அதிகாரம் அவரது கண்ணை மறைப்பதாகவும் குற்றஞ்சாட்டினார். மேலும், நாட்டு மக்களை பற்றி முதல்வருக்கு கவலையில்லை என சாடிய அவர், வீட்டு மக்களுக்கு என்ன பதவி கொடுக்கலாம் என்பதுதான் அவரது கவலை என்றார்.
News December 2, 2024
21 மாவட்டங்களில் மழை
தமிழ்நாட்டில் 21 மாவட்டங்களில் இரவு 10 மணி வரை மழை பெய்யக்கூடும் என வானிலை மையம் தெரிவித்துள்ளது. கடலூர், விழுப்புரம், கள்ளக்குறிச்சி, அரியலூர், பெரம்பலூர், கரூர், சேலம், நாமக்கல், திருச்சி, காஞ்சி, தி.மலை, திருவள்ளூர், ராணிப்பேட்டை, வேலூர், திண்டுக்கல், மதுரை, புதுக்கோட்டை, சிவகங்கை, நீலகிரி, கோவை, ஈரோடு ஆகிய மாவட்டங்களில் மழை பெய்ய வாய்ப்புள்ளது. எனவே, மக்கள் எச்சரிக்கையாக இருக்கவும்.
Featured News
Sorry, no posts matched your criteria.