India's largestHyperlocal short
news App
Get daily news updates that are tailored for you based on your preferred language & location.
download Way2News app now
news
News December 6, 2024
பெண்களின் படிப்புக்கு தடை; ரஷீத்கான் கண்டனம்
ஆப்கனில் பெண்கள் மருத்துவம் உள்ளிட்ட படிப்புகளை படிப்பதற்கும் தலிபான் அரசு தடை விதித்துள்ளதற்கு அந்நாட்டு கிரிக்கெட் வீரர் ரஷீத்கான் கண்டனம் தெரிவித்துள்ளார். இது குறித்து அவர் தனது X பதிவில், “கல்வி தொடர்பான இஸ்லாமிய போதனைகள் பெண்கள் அறிவைப் பெறுவதையே வலியுறுத்துகிறது. பெண்களுக்கான கல்வி & மருத்துவ நிறுவனங்கள் மூடப்பட்ட ஆழ்ந்த வருத்தமும், மிகுந்த ஏமாற்றமும் அளிக்கிறது” எனக் கூறியுள்ளார்.
News December 6, 2024
பொடுகு பிரச்னைக்கு தீர்வளிக்கும் பூண்டு பேக்
ஆரோக்கியமான கூந்தலுக்கு அச்சுறுத்தலாக இருக்கும் பொடுகு பிரச்னைக்கு பூண்டு ஹேர்பேக் தீர்வளிக்கும் என சருமநல மருத்துவர்கள் பரிந்துரைக்கின்றனர். 5 பூண்டு பற்கள், 2 டீஸ்பூன் தேன் இரண்டையும் எடுத்து, பேஸ்ட் போல அரைக்கவும். அதை தலையில் தேய்த்து 20 நிமிடம் ஊறவைத்து, பிறகு தலையை, வெந்நீரில் அலச வேண்டும். அதன் காரத்தன்மை, தலையில் உள்ள பூஞ்சை போன்ற தலைமுடிக்குத் தீங்கிழைக்கும் நுண்ணியிரிகளை அழித்துவிடும்.
News December 6, 2024
‘புஷ்பா 2: தி ரூல்’ என் மனதை தொட்டுவிட்டது: அட்லீ
சுகுமார் இயக்கத்தில் அல்லு அர்ஜுன் நடிப்பில் வெளியான ‘புஷ்பா 2: தி ரூல்’ படத்தை இயக்குநர் அட்லீ மனந்திறந்து பாராட்டியுள்ளார். இது குறித்து அவர் தனது X பக்கத்தில், “புஷ்பா 2: தி ரூல் படம் உண்மையிலே என் மனதை தொட்டுவிட்டது. அல்லு அர்ஜூன் சார், உங்களுடைய நடிப்பு சூப்பராக உள்ளது. மற்றொரு பிளாக்பஸ்டருக்காக வாழ்த்துக்கள் சார். என்னவொரு கடினமான உழைப்பு, மிகவும் பிடித்திருந்தது” எனக் குறிப்பிட்டுள்ளார்.
News December 6, 2024
இந்தியாவில் ₹6,000 கோடி முதலீடு செய்யும் OnePlus!
சீனாவைத் தலைமையிடமாகக் கொண்டு செயல்படும் OnePlus நிறுவனம் இந்தியாவில் ₹6,000 கோடி முதலீடு செய்யவுள்ளதாக அறிவித்துள்ளது. ‘புராஜெக்ட் ஸ்ட்ரெயிட்லைட்’ என்ற பெயரில் இந்த முதலீட்டை மேற்கொள்ளவுள்ளது. அடுத்த 3 ஆண்டுகளில் இந்திய ஸ்மார்ட் ஃபோன் சந்தையில் தங்கள் பொருள்களின் உறுதித்தன்மை, வணிகத்தை வலுவாக்குவது, வாடிக்கையாளர் சேவையை மேம்படுத்தும் நோக்கில் அந்நிறுவனம் இந்த முடிவை எடுத்துள்ளது.
News December 6, 2024
சாதிவாரி கணக்கெடுப்பை ஆயுதமாக்க வேண்டாம்!
சாதிவாரி கணக்கெடுப்பை ஆயுதமாக்க வேண்டாம் என மகாராஷ்டிர முதல்வர் தேவேந்திர ஃபட்னவீஸ் கூறியுள்ளார். மும்பையில் பேசிய அவர், “சாதிவாரி கணக்கெடுப்புக்கு பாஜகவினர் எதிரானவர்கள் அல்ல. முதல்முறை சாதிவாரி கணக்கெடுப்பு நடத்தப்பட்டது பீஹாரில்தான்; அதுவும் பாஜக ஆதரவுடன் நடந்தது. மகாராஷ்டிரத்தில் இதை அரசியலாக்கினால் சமூகத்தில் பெரிய சிதைவுக்கு வழிவகுக்கும்” எனக் குறிப்பிட்டார்.
News December 6, 2024
டிசம்பர் 6 வரலாற்றில் இன்று!
➤1768 – பிரிட்டானிக்கா கலைக்களஞ்சியம் வெளியானது. ➤1892 – விடுதலைப் போராளி ருக்மிணி லட்சுமிபதி பிறந்த நாள். ➤1916 – முதலாம் உலகப் போர்: மைய சக்தி நாடுகள் புக்கரெஸ்ட் நகரைக் கைப்பற்றின. ➤1956 – பாபா சாகேப் அம்பேத்கர் மறைந்த நாள். ➤1971 – இந்தியா – பாகிஸ்தான் இடையில் போர் வெடித்தது. ➤1992 – அயோத்தி கலவரத்தில் 1,500 பேர் உயிரிழந்தனர். ➤2006 – செவ்வாய்க் கோளில் நீர் திரவம் இருப்பதை நாசா உறுதி செய்தது.
News December 6, 2024
நக்சலைட்டுகள் ஒழிப்பு பற்றி அமித்ஷா ஆலோசனை
நக்சலைட்டுகளின் ஆதிக்கம் நிறைந்த சத்தீஷ்காரில் மத்திய உள்துறை அமைச்சர் அமித்ஷா 3 நாட்களுக்கு சுற்றுப்பயணம் மேற்கொள்ள உள்ளார். ராய்ப்பூரில் நக்சல் ஒழிப்பு & உயர்மட்ட பாதுகாப்பு மறு ஆய்வு கூட்டம் தலைமையேற்று நடத்தவுள்ளார். பின் ஜக்தல்பூருக்கு பயணம் மேற்கொள்ளும் அவர், சரணடைந்த மாவோயிஸ்டுகள், பாதுகாப்பு படையினர், குடியிருப்புவாசிகளை சந்தித்து உரையாடி, அவர்களுடன் உணவருந்த உள்ளார்.
News December 6, 2024
PSK எண்ணிக்கையை 600ஆக உயர்த்த திட்டம்!
தபால் நிலையங்கள் மூலம் செயல்படும் பாஸ்போர்ட் சேவா கேந்திரங்களின் (PSK) எண்ணிக்கையை அடுத்த 5 ஆண்டுகளில், 600ஆக உயர்த்த மத்திய அரசு திட்டமிட்டுள்ளது. 2017இல் இருந்து 442 அஞ்சலகங்கள் பாஸ்போர்ட் சேவையை வழங்குகின்றன. அதை தொடர்ந்து மேற்கொள்ள வெளியுறவு அமைச்சகம் & தபால் துறை இடையேயான புரிந்துணர்வு ஒப்பந்தம் புதுப்பிக்கப்பட்டது. நாடு தழுவிய அளவில் 1.52 கோடி மக்கள் பயன் அடைந்துள்ளனர்.
News December 6, 2024
ரஜினியின் பிறந்த நாளில் ‘தளபதி’ ரீ-ரிலீஸ்
நடிகர் ரஜினிகாந்தின் பிறந்த நாளை முன்னிட்டு டிச. 12ஆம் தேதி ‘தளபதி’ படம் தியேட்டர்களில் ரீ-ரிலீஸ் செய்யப்படவுள்ளது. மணிரத்னம் இயக்கத்தில், இளையராஜா இசையில் வெளியான இப்படம் இன்றளவும் ‘க்ளாசிக்’ என்று கொண்டாடப்படுகிறது. இப்படம் வெளியாகி 33 ஆண்டுகளை நிறைவு செய்துள்ளது. இதில் இடம்பெற்ற ‘ராக்கம்மா’ பாடல், BBC நடத்திய வாக்கெடுப்பின் படி உலகின் சிறந்த 4வது பாடலாக தேர்ந்தெடுக்கப்பட்டது குறிப்பிடத்தக்கது.
News December 6, 2024
தினம் ஒரு திருக்குறள்
▶குறள் பால்: அறத்துப்பால். ▶குறள் இயல்: இல்லறவியல். ▶அதிகாரம்: நடுவு நிலைமை. ▶குறள் எண்: 120 ▶குறள்: வாணிகம் செய்வார்க்கு வாணிகம் பேணிப் பிறவும் தமபோல் செயின். ▶பொருள்: பிறர் பொருளாக இருப்பினும் அதனைத் தன் பொருளைப் போலவே கருதி நேர்மையுடன் வியாபாரம் செய்தலே வணிக நெறி எனப் போற்றப்படும். அப்படி வாணிகம் செய்வதே வியாபாரிகளுக்கு அழகாகும்.
Featured News
Sorry, no posts matched your criteria.